كل واحد كان فى رحلة الاسكندرية يشارك

أرجو من جميع الأعضاء الذين شاركوا فى رحلة الأسكندرية يقول رأيه بمنتهى الأمانة والصدق فى كل حاجة اتعملت فى الرحلة عيوب ومميزات بس رجاء خاص ممنوع المجاملات وذلك من أول ما ركب الأتوبيس الطائش التائه لغاية أما نزل من الأتوبيس المش مكيف هواء دا مكيف حاجة تانية

رحلة جميله باللى كان فيها كيار وصغار اناث ورجال اما بالنشبة للاتوبيس كانت ذهابى وعودتى بوسليه اخرى بالنسية لى لم اواجه مشاكل الاتوبيس
اما عيوب الرحلة بالفعل كانت هى عدم الديمقراطية ََََََََََََََََََ....................محمطه الرمل ............خالد بن الوليد

اقتباس:

---

المشاركة الأصلية كتبت بواسطة باسم ابو المجد

رحلة جميله باللى كان فيها كيار وصغار اناث ورجال اما بالنشبة للاتوبيس كانت ذهابى وعودتى بوسليه اخرى بالنسية لى لم اواجه مشاكل الاتوبيس
اما عيوب الرحلة بالفعل كانت هى عدم الديمقراطية ََََََََََََََََََ....................محمطه الرمل ............خالد بن الوليد

---

يا ريت كنت معانا فى الاتوبيس ومتزعلش يامستر من موضوع محطة الرمل السواق افتكر خالد بن الوليد محطة الرمل

خلصت كل الكلام عن الرحلة في الموضوع الموجود بالرابط ده:

http://egyedu.com/vb/showthread.php?t=6119


وياريت تشارك فيه لأن فيه حروف ناقصة مطلوب اللي ركب من الفيوم والقاهرة يكملوها.

الرحلة جميلة فعلا والله وبالنسبة لمحطة الرمل وش خالد بن الوليد
السواق مظلوم يا استاذ محمد فى دى الراجل مكنش عنده مشكلة خالص مكان ما بنقله امشى بيمشى لانه مش عارف حاجة فى اليكس اصلا
لكن الرك على الدجروماتى الى اتشبس برأيه
وفى عيب تانى يسال فيه اخونا وسية : فين مقبرة كوم الشقافة الى قلت دى مفجأة للجميع ؟ سيبنه يكروتها ليه ؟

اقتباس:

---

المشاركة الأصلية كتبت بواسطة mr.osama

خلصت كل الكلام عن الرحلة في الموضوع الموجود بالرابط ده:

http://egyedu.com/vb/showthread.php?t=6119


وياريت تشارك فيه لأن فيه حروف ناقصة مطلوب اللي ركب من الفيوم والقاهرة يكملوها.

---

يا مستر اسامةبارك الله فيك انا كملت الباء وان شاء الله ان قدرت ممكن اكمل الواو
ومنتظرين من ابو ادم الالف والياء

بصراحة الرحلة كانت جميلة بس اللى عجبنى حاجتين الديموقراطية بتاعة الاستاذ اشرف والاستاذ وسية وكمان اللى حصل فوق كوبرى استانلى اما اكبر عيب فى الرحلة فان الاتوبيس بالسواق وانا مش عارف هو وصل اسكندرية ازاى اصلا ؟

صحيح يا جماعة فين كوم الشقافة الله ينور استاذة غادة

اقتباس:

---

المشاركة الأصلية كتبت بواسطة mr.osama

خلصت كل الكلام عن الرحلة في الموضوع الموجود بالرابط ده:

http://egyedu.com/vb/showthread.php?t=6119


وياريت تشارك فيه لأن فيه حروف ناقصة مطلوب اللي ركب من الفيوم والقاهرة يكملوها.

---

يا أستاذ أسامة أنا عايزك تقول وتتكلم عن عيوب ومميزات الرحلة بدون مجاملات مش توصف الرحلة

انتظروني قريبا جداااااا مع الاسكندرية من الألف إلى الياء

بالنسبة للمميزات:
1- الصحبة الحلوة .. والروح الطيبة الموجودة بين الجميع.
2- زيارة منزل الشهيدة مروة الشربيني.
3- المنافسات الجميلة داخل المنتزة.
والعيوب:
1- الاتوبيس والتكييف .. والسواق بالرغم من تعبه في المسافات المختلفة اللي كنا بنذهب لها .. ولكنه كان تائه ويكفي ما حصل في رحلة العودة.
2- عدم لعب مباريات كرة قدم بالرغم من استعدادي .. هو صحيح مش كنت هأبقى في الفورمة لقلة النوم .. لكن على الأقل الواحد جاب معاه الزي الرياضي والكوتشي .. يا خسارة شيلهم ذهاب وعودة.
3- عدم النزول للشاطيء .. الجو كان حر ويحتاج للمياه .. عموماً عوضها المنافسات القوية.

* فين الخمسة جنية الجايزة الخاصة بالفوز على فريق أ/ محمد وسية؟ ههههههههه

طبعا الرحلة ممتاذه جدا
واكتر حاجه اسعدتنى انى تشرفت بمعرفة

الاستاذ/ أشرف
الاستاذ-/ محمد عبد العظيم وسيه
الاستاذ/محمد بن عباس
الاستاذ/عادل
الاستاذ العظيم/احمد حمدي (النجم الساطع)
الاستاذ/ العمده
الاستاذ/ اسامه
ا/مؤمن الخشاب
وطبعا
الاستاذه-غاده
الاستاذه/رانيا
الاستاذه/امل بلدياتي انا والاستاذ هشام
وده شرف كبير ليا انى اتعرفت بأساتذه افاضل مثلكم
وطبعا كل الطلاب الى كانوا معانا
زى اكرامى
وفداء
طلاب زى العسل
وارجوا الى نسيت اسمه مش يزعل (العتب على الذاكره) هه هههه

اما بقى اكتر حاجه خلتنى اضحك
فا هيااااااااااااا
( السواق )
فى حجات كتير طبعا ضحكتنا تانية بسى السواق اكتر حاجه
استاذ وسية يسأله باقى قد اية على طنطا
يقوله : انا عارف انا ماشى ورا العربيات الى قدامى وخلاص تهدى اهدى وخلاص!!!
وشويه على نور العربيات الى قدامى!!
ونامولكوا شويه!!!!!!
وحجات كتيييييير كدا!#!
......................................
.
.
وكانت لفته كويسه ان احنا نواسى عائلة شهيدة الحجاب
د/مروه الشربينى
........................
.
..
.
انما بقى بجد الدجرامطيه اطبقت مظبوط
مظبوط مظبوط يعنى

ورحنا محطة الر
قصدى شارع خالد بن الوليد

بسى للاسف البطارية بتاعت الكامير كانت خلصت فا مش صورت فى شارع خالد بن الوليد حاجه

لاكن فى شوية صور هرفعها
بسى يارب ما فى حاجه تتمسح
(يااااااااااااارب)
يلا نبتدى الشغل
الاول ابتدى بالصوره دى عشان كل الى مش راح الرحلة يتفرس
http://lh4.ggpht.com/_-A_2XzQKvvc/Sl.../IMG_18391.jpg
الصوره دى مصورها والاتوبيس ماشى
http://lh6.ggpht.com/_-A_2XzQKvvc/Sl...AIo/s400/1.jpg
الاستاذ محمد بن عباس
شوفتوا شخصيه مرحة ازاى
http://lh5.ggpht.com/_-A_2XzQKvvc/Sl...64s/s512/2.jpg
طبعا مش فى ولا بنت وشها باين ولا حتى...
http://lh3.ggpht.com/_-A_2XzQKvvc/Sl...s512/56546.jpg
ا/ عادل - ا/ محمد -ا/ احمد/ احمد صيام/ م/ هشام
http://lh5.ggpht.com/_-A_2XzQKvvc/Sl...tw/s512/33.jpg
احمد صيام - وا/ احمد حمدى كان بيتفرج على الكرتون ه ههههه اصل وهوا بيبحث فى قناه جديده نزلت هه هههههه

مبروك على القناه
http://lh6.ggpht.com/_-A_2XzQKvvc/Sl...0/IMG_1855.jpg
ا/ عادل و/ ا/ محمد بن عباس

دول اللى كانو مستنيين فى بنها بسى ناقص احمد صيام عشان هوا اللى كان بيصور


على فكره انا لسه مش هنزل باقى الصور الا لما الاستاذ وسية ينزل الموضوع بتاعه
واتفرجوا بقى على الانفرادات

انتظروا المذيد

م/ احمد صيام

ياباشا بصراحه السواق ده مش كان لوه حل وكمان يا استاد محمد انا مش قولتلك تعمل موضوع خاص للسواق قدام الاستاد محمد وسيه فى الاتوبيس واحنا راجعين دى اكتر حاجه بصراحه موت عليها من الضحك
وكمان كان فى حاجه تنرفز الدنيا كلها نسيتها التكيف بدل ما بيطلع هوا كان بيطلع مياه زفت كان الصلاه على النبى انا واكرامى والاستاد هشام كنا متبهدلين منه يا جماعه هدا التكيف مش لوه حل بصراحه كان لازم تجربوه

أنا سايب الموضوع كاملاً لأستاذ محمد وسية وهو ما شاء الله باااااااااااااااااارع جداً علشان يتكلم عن السائق براحته

أهم الايجابيات بالنسبة لى :
* العزاء فى الشهيدة د/ مروة الشربينى رحمها الله رحمة واسعة
* رؤية زملاء وزميلات وأصدقاء يربطى بهم سابق المعرفة والعيش والملح
* رؤية اصدقاء جدد وزملاء كنت اتمنى انا اراهم وأعضاء وطلاب وطالبات
فى غاية الادب والأحترام .
* التعرف على المرافقين الافاضل وكنت حريص على معرفة اراء بعضهم
فى تجمع تعليمى وكان رأيهم ايجابى وسعداء بالرحلة .
* فاكهة الرحلة وقناديلها أحباب الله أطفالنا الحلويين ، ربنا يبارك فيهم .
* يوم ترفيهى لذيذ للجميع وكانت ساعات ترفيهيه محدودة بالنسبة لى
اسعدتنى كثيرا .
السلبيات الخاصة بى :
*ارتباطى فى اول اليوم بمواعيد والتزامات جعلتنى مقصرا فى حق المجموعة
المتواجدة بالرحلة ،تقصيرا فى واجب الضيافة وبامر الله ملحوقة مرة اخرى .
* كم كنت اتمنى مقابلة زملاء واصدقاء اعتزروا لظروف خاصة بهم او حضروا ورحلوا قبل انضمامى للرحلة .
واعتقد مجمل الرحلة ممتع والدليل كثافة الموضوعات والمشاركات
وروح الاعضاء الطيبة من خلال مشاركاتهم
وكل رحلة وانتم طيبين

هي بجد رحله جميله جدااااااا..لان بجد اتشرفت بمعرفه ناس محترمه وعلي خلق

من اساتذه وطلبه ......وكانت صحبتهم جميله....

وطبعا مفاجاه دعاء في الرحله كانت غير متوقعه بالنسبه ليه .......

وشكلها جت علشان تخمني في البلي...... ههههههه

واجمل الاوقات في المنتزه ...وزياره اعضاء الرحله لاهل مروة الشربيني

انا بجد مقدرتش اروح .....ووجود استاذ ممدوح معانا شرفنا طبعا

وطبعا كان ينقص الرحله وجود اخوه واخوات اعتذروا عن الرحله .....كان يسعدني

تواجدهم معانا ....

والعيوب.......

الاتوبيس كان تكيقه عالي جدااااااااااااا...........ههههههههه

السواق كان عارف كل الطرق الا انه يعرف ازاي يروح اسكندريه او يخرج منها

او يتحرك بداخلها ..............ههههههههه

القلعه كان الجو بجد مش حر خااااااااالص ...وعلشان كده القلعه كانت تجنن في وقت

الشمس ........هههههههه

وبالنسبه للرمل وخالد بن الوليد واستانلي بجد الوقت اللي قضناها في الاتوبيس

اكتر من وجودنا في هذه الاماكن .......وبصراحه كنت سبب من اسباب العطله بسبب

اشاره المرور ..................

وفي الاخر كنت في البيت بدري الساعه 7 صباحا تاني يوم ..............هههههههه



كفايه كده عيوب يا استاذ محمد لاني شكلي بوظت الرحله .....ههههههه

كان يوم جميل جدااااااا ومتعب اوي .....بس بجد

من الاوقات الجميله اللي قضيناها انا ومريم .......

كل الرحلات يوجد بها السلبيات والايجابيات
ولكن اجمل شئ هي صحبتكم الجميله
وقضاء يوم جميل معكم
وان شاءالله في الرحلات القادمه
سنتحاشي السلبيات
اكيد اكتسبنا خبره الرحلات
وسنعوضها في المره القادمه
نشكركم جميعا فردا فردا.

طبعا اكتر حاجة عجبتنى فى الرحلة مقابله الاساتذة الى بقالى شهور باسمعهم ومش عارف اشوفهم كذالك اصدقاء بلا زكر اسماء
كمان ا لاتوبيس والتكييف والسواق ربنا يخليه لمامته باين امه داعية علية



:39::39::39::39::39::39::39:

بسم الله الرحمن الرحيم

والصلاة والسلام على اشرف المرسلين

الصادق الأمين محمد بن عبد الله علية الصلاة والتسليم

اعتذر اولا عن ردى المتأخر بسبب انقطاع النت

احبتى

لقد كان يوما عظيما أهم ما فية لقياكم وزيارة منزل مروة الشربينى

واكيد انا مختلف عنكم

فأنا لم أسعد بالتنزة ولا اللعب ولا الجو ولا البحر ولا القلعة بمثل سعادتى الغامرة بالإلتقاء مع اناس احبهم

حتى من لا اعرفه منهم وجدتنى احبة

حتى استاذ سيف سالم الذى رد على موضوعاتى واختلفنا كثيرا لأنه يحب الرئيس

وجدتنى حينما رأيته إحتضنته بود وحب صادقين ويعلم الله

فلم أجد تفسيرا لتلك المودة والحب سوى قولة تعالى

لو انفقت ما فى الارض جميعا ما الفت بين قلوبهم ولكن الله الف بينهم

وثانيا انا لم اكن حزينا عند زيارة منزل مروة الشربينى بل بالعكس كنت ارقص فرحا

لأنى احسست بعزة الاسلام تتجسد فى الموقف ولأنها عند الله فى دار الحق ونحن فى الدنيا فى دار الباطل

أما بالنسبة لإنتقادكم السائق فأنا أعارضكم أيضا

صدقونى الرجل كان مطيعا وصبورا ولم يكن عصبيا ولا سيئا - وهذا بشهادة الاستاذ محمد اخو الاستاذة غادة حينما تناقشنا حول

السائق - اما كونة

قد تاه فى الاسكندرية فهذا شئ وارد والغريب اعمى ولو كان بصير فلا تحملوا الرجل ما لا يطيق

فعلا هو راجل صبور علينا بس من المفروض ان محدش يجى اسكندرية ويكون طال لاولا مرة
مش كده برده ولا اية !!!!!!!!!!!!!!!!!!!!!!!!!!!!!!!!!!!!
المهم على العموم شكرا لك يا مستر احمد على فكرة احنا من نفس المحافظة انت مش اخد بالك ولا اية