الرجالة دى مش لابسة بنطلوناتها ليه يا وديع !

http://3.bp.blogspot.com/-MSB0ZcyLCu...s1600/guys.png

لما تعمل فيها (( دكر )) ... خليك (( دكر )) للآخر .. عشان شكلك هيبقا وحش أوى و انت لابس جيبة من غير بنطلون ... برغم اعلانك سابقاً إنك (( دكر )) .
قبضتوا ايه يا رجالة ؟؟ الصفقة كان نوعها ايه و مع مين ؟؟ اتنازلتوا عن ايه و ايه و ايه ؟؟؟ هيا دى صورة جيش مصر بعد الثورة ؟؟؟ يتنفخ أوى و بعدين ينزل على مافيش ؟؟ أظهرت قضية التمويل الاجنبى كل واحد على حقيقته ... لا تقل لى أنها سياسة و مصلحة مصر العليا و أنها و أنها ... و الاستقرار و التهور وحش ... و حكمة طنطاوى السياسية و الرجل الذى كان حريصا على مصر أن تخوض حربا باردة أو ساخنة ... خلاص بقا يا ريس ... البُقين دول بقوا حمضانين زى ما بيقولوا ... تعيش مذلول و لا تموت بكرامة ؟؟؟ طبعا فى عدد لا يستهان به من الشعب المصرى هيرد يقول : لأ ... أعيش مذلول ... طيب يا فرحة أمك بيك ...
المشهد ده فكرنى أوى بمسرحية مدرسة المشاغبين .. لما المُدرسة سألت بهجت الأباصيرى عن المنطق ... و معرفش يرد و هددته و هزأته ... و مرسى بيقولها ... سيبى الجدع يا شيخة ... و بهجت الاباصيرى قالها ... شوفى : انا بلعب بلياردو و مايهمنيش حاجة ... ووجه كلامه لمرسى الزناتى قاله : ايه يا سيدى ... اومال الزناتى و فتوة و عاملى انت المخ و انا العضلات ... عضلات ايه يا عم الحاج ... بس فالحلى متصورلى فى بيتكم ماسك عصاية غلية و فيها كوزين أسمنت و ضلوعه باينة فى قلب البتاع ... و لابسلى مايوه بفتة ... فى حد يلبس مايوه بفته فى الدنيا ؟؟؟ و مرسى يقوله : مش طالع الاول انا ع الساحات الشعبية ؟

بين غمضة عين و انتباهاتها كل أمريكى راح بلده و هوا حاطط رجل على رجل ... هيا عين حمرا واحدة ... كلمة واحدة اتقالت للمجلس العسكرى ... قاله: الأمريكان يرجعوا امريكا النهاردة ... قاله : حاضر يا معلمى ... أمرك نافذ ... أأمر يا قمر أمرك يمشى ... على نن عيونى و على رمشى .. هوا لو الجيوش طبيعتها التسليم و الاستسلام و الانقياد و سماع الكلام كده ... يبقا لزمتها ايه ؟؟؟ الموقف مقلوب تماما ... المفروض ما يشتغلوش سياسة ... اشتغلوها ... المفروض يدافعوا بقوة عن البلد و تأمينها و أمنها القومى و كرامتها و حط تحت كرامتها دى ألف خط .... لأ ... اللى بيحصل العكس ... جابوا كرامتها الأرض ... مجلس عسكرى ايه ده ؟؟؟ ايه لازمة كلمة عسكرى ... يا سيدى ما بنقولش تهور ... عايزين بس مجرد حفظ ماء الوجه ... داحنا شكلنا بقا زبالة أوى ... طب بلاش المجلس العسكرى ... ايه حكاية القضاء ؟؟؟؟ القضاء النزيه !! ده دى المصيبة و الطامة الكبرى !! داحنا فى انتظار النطق بالحكم فى أخطر قضايا التاريخ المصرى ... مبارك و عصابته ... نثق ازاى في القضاء؟ داحنا نتوقع بقا صدور حكم بالبراءة بقلب بارد ! ... ما الذى دُبِّر بليل ؟؟؟ مهما كانت الصفقة ايه اهميتها لمصر فى مقابل ان راسنا بقت فى الارض و ايه الفرق بين طنطاوي و مبارك ...خدتوا ايه يا رجالة ؟؟؟ شوية أسلحة ؟؟؟ حسابات فى البنوك ؟؟؟ خروج آمن ؟؟؟ معونة ؟؟؟ ايه كان المقابل بالظبط ؟؟؟ بعتوا ايه يا مصريين عشان الفلوس ؟؟؟ ده حتى شرف العسكرى زى عود الكبريت ... قالعين بنطلوناتهم ليه دول يا ودييييييييييع ؟؟؟ فضحونا .. يارب احمى مصر و احفظها من كل معدومى المبادئ و الرجولة . يارب ولى من يصلح ... ولى الرجال علينا ... الرجاااااااااااااااااااااال ..

شريف
احترم رأيك جدا واقدره ... لكن

لي رأى بسيط اوى
الي على الشط عوااااااااااااام
دايما لما المشكله ميبقاش قرارها بايدينا
يبقى القرار من اسهل ما يكون

تخيلت وانا بقرا موضوعك
مجلس عسكرى كل قرارته تجد من يشير انها خطا
جهاز شرطه مطلوب تطهيره
قضاء يقال انه مش نزيه
مجلس شعب يرفض الكثيرون اعماله
((( ده بخصوص الجهات )))

اما بخصوص الناقدين انفسهم
فالحمد لله وبقدرة قادر الكل بقى
سياسى قدير
اقتصاديون من الدرجة الاولى
مصلحون مع مرتبه الشرف

ولما تدقق فى الصورة
مش هتلاقى كتير من الناس عامله الي عليها

للاسف
ربنا جعل كل واحد فينا يملك قدرات غير الاخر
ويجيد عمل غير الاخر
ليتكامل المجتمع

فرض عين وفرض كفايه

يوم متتحول اى بلد
لان كل شعبها بيعرف كل حاجه

تأكد ان الشعب ده ولا يعرف اى حاجه

على فكره فى الموضوع ده تحديدا

انا لا مع ولا ضد

لكن حدود معرفتى تخلينى محكمش
-
تقبل مرورى
والاختلاف فى الرأى بينا عادى جدا :)

[QUOTE=دعاء شديد;720923]

شريف
احترم رأيك جدا واقدره ... لكن

لي رأى بسيط اوى
الي على الشط عوااااااااااااام
دايما لما المشكله ميبقاش قرارها بايدينا
يبقى القرار من اسهل ما يكون

تخيلت وانا بقرا موضوعك
مجلس عسكرى كل قرارته تجد من يشير انها خطا
جهاز شرطه مطلوب تطهيره
قضاء يقال انه مش نزيه
مجلس شعب يرفض الكثيرون اعماله
((( ده بخصوص الجهات )))

اما بخصوص الناقدين انفسهم
فالحمد لله وبقدرة قادر الكل بقى
سياسى قدير
اقتصاديون من الدرجة الاولى
مصلحون مع مرتبه الشرف

ولما تدقق فى الصورة
مش هتلاقى كتير من الناس عامله الي عليها

للاسف
ربنا جعل كل واحد فينا يملك قدرات غير الاخر
ويجيد عمل غير الاخر
ليتكامل المجتمع

فرض عين وفرض كفايه

يوم متتحول اى بلد
لان كل شعبها بيعرف كل حاجه

تأكد ان الشعب ده ولا يعرف اى حاجه

على فكره فى الموضوع ده تحديدا

انا لا مع ولا ضد

لكن حدود معرفتى تخلينى محكمش
-
تقبل مرورى
والاختلاف فى الرأى بينا عادى جدا :)

[/QUOTEl
اتفق مع رأيك تماما
ومكنتش هقول كلام اجمل من ده
شكرا شريف على الموضوع

تعلم أنني أتفق معك تماماً في كل ما ذكرته بموضوعك .
وإن كان المجلس العسكري قد نجح في خداع بعض فئات الشعب المصري , فلن يستطيع أن يخدعهم طول الوقت !
وكما قال المولي عز وجل في كتابه الكريم ( ويمكرون ويمكر الله , والله خير الماكرين ) صدق الله العظيم .
وإن شاء الله تعالي سيأتي يوم علي شعب مصر يتأكد فيه كل ذي عقل صحيح بأن إدارة المجلس العسكري لمصر لم تختلف عن إدارة مبارك , بل كانت امتداداً له .
نجانا الله من حكم العسكر وولي علينا شخص مدني يراعي الله فينا .
أنار الله لك بصيرتك وأراك الوقائع والحقائق دون تزييف .

مشكور علي هذا الموضوع الرائع .
تقبل مروري .

بلغني أيها الشعب التعيس .. ذو البلد اللي من غير رئيس ..

أنه في أحد الأيام الانتقالية .. ووسط أجواء الاعتزاز بالشرعية ..

أن حاكم أحد البلاد (نقحت) عليه الوطنية .. وقرر مداهمة جمعيات المجتمعات المدنية ..
...
و تمرد على التمويل الأجنبي .. فرد الشعب قائلا : والنبي ؟!! ..

وأمر الحكم بأنه لا معونات بعد اليوم وها أنا قد صرّحت .. ولا لأموال الغرب ماعدا اللي بناخده من تحت لتحت ..

فأقتحموا المنظمات والجمعيات .. و(نفضّوا) المكاتب من مافيها من أموال وأوراق و(سيدهات) ..

ووقف الحاكم يتبارى بتحديه لدولة الدولارات ..

ونادى منادي في الإذاعة .. قبضنا على ممولين من الخارج يا جماعة ..

وخرج الحاكم في فشخرة .. سننظف البلاد من التمويل ومش عايز (نقورة)..

ولن نركع لأي قوى خارجية .. وسنحاكم المُتهمين محاكمة حقيقية ..

وبعدها بأسبوع .. أنتشر الخبر في كل الربوع ..

المتهمين كانوا من الفضاء الخارجي وكنا ظالمنهم .. وكوكبهم قلق عليهم وبعت ياخدهم ..

وأوعوا تفتكروا أننا سلمناهم لبلدهم .. أو أنها بعتت طيارة خاصة وسفّرتهم
..

فسأله أحد الأشخاص : وبالنسبة لعدم الركوع اللي سمعناه كل ساعة ؟..

رد الحاكم : أنا قلت كده لأني بصلي وأنا قاعد .. حكم السن يا جماعة

شكرا ليكم يا جماعة تسلم ايديكم
شكرا دعاء و نعمة و مستر علي
انا عارف اني دخلت عش الدبابير هههههههههه
و ان كلامي مش كتير هياخدو ه بصدر رحب
بس يلا ... العمر واحد و الرب واحد
كلمة حق كانت محشورة فى بقى

اقتباس:

---

المشاركة الأصلية كتبت بواسطة شريف

انا عارف اني دخلت عش الدبابير هههههههههه
و ان كلامي مش كتير هياخدو ه بصدر رحب
بس يلا ... العمر واحد و الرب واحد
كلمة حق كانت محشورة فى بقى

---

لا والله ههههههههههههههه

تحت مظلة شعار الحريه

ليه يبقى كلامك بس هو الي كلمه حق ؟؟؟؟
وليه يبقى كلامى غلط؟؟؟؟

وليه يبقى كلامك غلط وكلامى حق ؟؟؟؟

دى مجرد اراء

لان لا حد فينا جوز خالته فى المجلس العسكرى
ولا ابن خالة طنط جارتنا قاضى
هههههههههههههههههههههههه
ولا حد من اصحابنا متهم فى القضيه وخرج حكالنا عن الصفقه

يعنى
كلها اجتهادات
لا دبابير ولا نحل ولا غيره

ولا ايه يا كابتن :15:

أنا بقى مش قادره اشوف الموضوع ده
ومقولش كل اللى جوايا
مسكت نفسى انى معملش موضوع بالمضمون ده
بس ما دام اتعمل يبقى هقول كل اللى جوايا

للآسف مفيش اى تغيير عن عصر مبارك
وللآسف كل يوم بيزيد سخطى على المجلس العسكرى
ونفسى يسلم بقى لرئيس منتخب يتقى الله فينا
كفايه بقى مصر ضاعت كل حاجه فيها حتى كرامتها
بس حتى الخطوه دى والله مش ضمناها فى وجودهم
القضاء وهما اللى بيتحكموا فيه فين النزاهه بقى
يا خوفى من رئيس ترضى عنه امريكا يعلنوا انه نجح
ولا عزاء للمصريين اللى انتخبوا
وهى دى النتيجه ومفيش طعن

يا خوفى من الدستور اللى هيتعمل
وهما واضعين ايديهم عليه قبل ما يتكتب

كل ما نقول هانت ينزلوا علينا بكارثه
مش عارفه هيوصلونا لايه
المره الجايه الشعب هينفجر بجد
هو مستحمل عشان تتسلم لرئيس منتخب انتخابات نزيهه
وقضاء بعيد عن اى توجيهات او ضغوط
بس مش باين
مفيش قوانين عليهم ولا عندهم
هما بيكسروا كل القوانين
والقوانين بس على الغلبان اللى ملهوش ضهر

اتقتل ولاد مصر على الحدود بفعل الصهاينه
ومفيش اى رد لدمائهم
مجزرة بورسعيد ولجنة تقصى حقائق من مجلس الشعب
ومفيش حد اتحاسب ودمهم رخيص

يعلنوا عن القبض على جاسوس اسرائيلى
يحمل جنسيه امريكيه ويتسلم معزز مكرم لبلده

واخيرااااااااااااااا وليس بآخر
المشوااااااااااااار لسه
المنظمات الامريكيه ومسكنا امريكان
وخرايط تقسيم مصر وشو اعلامى مبهر
حسسونا ان خلاص فاقوا
وحسوا ان مصر ليها كرامه وهنحاسب المتورطين
و رئيس وزراء يقول ويعلن مش هنركع لاى حد
ورفعونا للسما وبعدين ..........

لما مش قد امريكا من الاساس
بتعملوا الشو ده ليه
ما تخليه فى سركم احسن
الا ان كان الغرض امر آخر

وبعدين القضاه يتنحوا بعد ممارسه ضغوط عليهم
ولحظات ويترفع قرار المنع من السفر
وتيجى طياره تاخدهم معززين مكرمين لامريكا
واحنا سورى يعنى ناخد القفى المتين
طيب كان لزمتها ايه الشو الاعلامى
ومسكنا ولقينا وعملنا وسوينا
وهنعمل وهنعاقب والقضاء ياخد مجراه
والقضاء المصرى نزيه محدش قال غير كده
بس الضغوط دى ليه
لما مش قد الخطوه دى من الاساس
ما دام القفى من نصيبنا
طيب كنا خدناه بينا وبين نفسنا
لازم تفضحونا ادام العالم
وترفعوا معنوياتنا وتحسسونا اننا خلاص لينا كرامه
والعصر البائد انتهى
وبعدين تبيعوها كده بالشكل المخزى ده


ويا ترى القضاء على الغلبان بس
طيب مش طلعتوا الامريكان
افرجوا بالمره عن المصريين
يعنى هى جت عليهم هيتحاسبوا لوحدهم
ما دام مفيش عدل فى الحكم

حساهم بالظبط
بيتصرفوا زى ماهما عاوزين
انتخبتوا الاخوان والسلفيين
اوكى انتخبوهم براحتكم
احنا محدش هيحكم علينا ولا هيحاسبنا
ولجنة تقصى الحقائق بتاعة مجزرة بورسعيد
هنخليها حبر على ورق
كلام بس مفيش تنفيذ مننا

ولجنة الصحه وانقلوا مبارك
والمستشفى مجهزه قولوا براحتكم
برضه هنخليه قاعد لحد يونيه وهنعمل اللى عاوزينه

والحلقه الاخيره براءه الكل من دم الشباب
ومن كل اللى عملوه بمصر كل السنين اللى فاتت
واحنا اللى مفروض نتحبس
تمثيليه سخيفه لك الله يا مصر

اللهم اكتب لنا الخير حيث كان ورضنا به
وكما كانت عنايتك معنا من البدايه
احفظ اللهم مصر من كل العابثين
لتصل سفينتها بسلام لما قدرته عليها وكتبته لها

شكرااااااااااا لموضوع حضرتك
اللى خلانى اخرج عن صمتى

( وجهة نظر شخصيه لا نفرضها على احد
كما لا نحجر على وجهات الآخرين الشخصيه
هى قناعه شخصيه وصلت اليها
ولا اريد التحاور فيها او مناقشتها
مع اى قلم معارض
)

اقتباس:

---

المشاركة الأصلية كتبت بواسطة حبيبه المصريه

حساهم بالظبط
بيتصرفوا زى ماهما عاوزين
انتخبتوا الاخوان والسلفيين
اوكى انتخبوهم براحتكم
احنا محدش هيحكم علينا ولا هيحاسبنا
ولجنة تقصى الحقائق بتاعة مجزرة بورسعيد
هنخليها حبر على ورق
كلام بس مفيش تنفيذ مننا

---

صح الصح
دى النتيجه المؤكده الي انا وصلتلها
ان الاخوان والسلفين الي الواحد اختارهم
طلعوا اضعف من انهم يحموا حقوق الشعب
او يتحدثوا باسمه
اصل مفيهاش راي وسط
يا هم ضعاف ... يا عاملين صفقه

اقتباس:

---

( وجهة نظر شخصيه لا نفرضها على احد
كما لا نحجر على وجهات الآخرين الشخصيه
هى قناعه شخصيه وصلت اليها
ولا اريد التحاور فيها او مناقشتها
مع اى قلم معارض
)

---

هههههههههههههههههه
معلش اصلى مش بسمع الكلام
ولما احب اقول رايى
بقوله طوالى

اقتباس:

---

المشاركة الأصلية كتبت بواسطة دعاء شديد

صح الصح
دى النتيجه المؤكده الي انا وصلتلها
ان الاخوان والسلفين الي الواحد اختارهم
طلعوا اضعف من انهم يحموا حقوق الشعب
او يتحدثوا باسمه
اصل مفيهاش راي وسط
يا هم ضعاف ... يا عاملين صفقه

---

شوفى رؤيتى ان المجلس العسكرى
عاوزنا نسخط عليهم بنفسنا من تلقاء نفسنا
يعنى كلامهم لا يتعدى اى تنفيذ على ارض الواقع
بمعنى خليهم يتكلموا براحتهم واحنا محدش هيحاسبنا
ولا يضعنا تحت طائلة الحساب
وبالتالى الشعب ينقلب عليهم
يقول انتخبناهم عملولنا ايه ولا حاجه
يبقى خلصوا من تأييد الشعب لاى مرشح اسلامى
ويبقى الشعب يجرب التوافقى بقى

ويوصلوا للنتيجه اللى عاوزينها بس برغبة الشعب
بعد ما يحطولهم اللى اختاروهم فى اختبار مصيرى
دى نقطه

بس قناعتى ان فيه شىء اكبر فى الموضوع ده
منتظرين بقى من اللى تحت الاختبار
ينجحوا بقى فى الاختبار المصيرى ده
والا يبقى تحقق المراد الله المستعان

اقتباس:

---

المشاركة الأصلية كتبت بواسطة دعاء شديد

هههههههههههههههههه
معلش اصلى مش بسمع الكلام
ولما احب اقول رايى
بقوله طوالى

---

موتينى من الضحك
رغم ان الموضوع ده جابلى الضغط بدرى
ومعنديش استعداد افقد عقلى
لو اتناقشت فيما توصلت له من قناعه شخصيه
مش ناويه اغيرها
الا ان تغيرت معطيات العصر
توجب التخلى عن تلك الرؤيه الشخصيه
بس يكفينى تعليقك انتى وبس
نورتى يا جميله

اقتباس:

---

المشاركة الأصلية كتبت بواسطة دعاء شديد

لان لا حد فينا جوز خالته فى المجلس العسكرى
ولا ابن خالة طنط جارتنا قاضى

---

لأ مافيش طبعا
بس اي عيل صغير ... مش محتاج يكون له قرايب عشان يفهم اللى حصل
واضحة اوي يعني
الأثر يدل على المسير ... ولا ايه يا دؤدؤة ؟؟؟

اقتباس:

---

المشاركة الأصلية كتبت بواسطة حبيبه المصريه

شكرااااااااااا لموضوع حضرتك
اللى خلانى اخرج عن صمتى

( وجهة نظر شخصيه لا نفرضها على احد
كما لا نحجر على وجهات الآخرين الشخصيه
هى قناعه شخصيه وصلت اليها
ولا اريد التحاور فيها او مناقشتها
مع اى قلم معارض
)

---

انتى مش محتاجة تقولى أبدا الجملة اللى بين القوسين دي
و لا محتاجة تبررى رأيك
انتى مقتنعة برأيك و انا مقتنع برأيي و غيرنا مقتنع برأيه مع كامل الاحترام للجميع
مقتنعة بحاجة قوليها بدون أدنى تردد
شكرا ا/ حبيبة