الطريق للتثبيت في اغسطس

انا يا اخواني اللي فهمتة من خلال ما قرأتة في المنتديات والاخبار ان المعلم المتعاقد بداية طريقة الي التعين ان يكون معلم مساعد وذلك من بداية توقيعة علي عقد معلم مساعد او العقد المميز واي سنوات مضت قبل ذلك ليس لها اي علاقة بتعيينة وهذا العقد مدتة سنتين قابلة للتجديد عام اخر فقط خلال هذا العقد لازم يحصل علي شهادة الصلاحية ودي هتكون باختبار واللي ينجح في الاختبار ياخذ شهادة الصلاحية وهذا الاختبار احتمال كبير يكون في شهر اغسطس القادم ان صدق ما صرح به وزير التعليم
اي ان شهر اغسطس القادم سوف يشهد اختبار الاكاديمية للراسبين من المثبتين والعائدين من الخارج والمدارس الخاصة ثم اختبارات شهادة الصلاحيه للمعلم المساعد وبشهادة الصلاحية والتأهيل التربوي لغير التربويين وتقارير الصلاحية من المدرسة يتم تعيينة في وظيفة معلم من قبل المحافظ المختص وهذا ما نصت علية المادة 73 التي تقول


ويعين بقرار من المحافظ المختص في وظيفة معلم من أمضى سنة على الأقل في وظيفة معلم مساعد وحصل خلالها على الشهادة المشار إليها وثبتت صلاحيته للعمل وفقاً للمعايير التي تحددها اللائحة التنفيذية .انتها

ولا يحق لة دخول اختبار الكادر اللي بعد ان يتم عامين من تاريخ عملة كمعلم مساعد ودا تعليمات الاكاديمية التعليمية

واللي عنة اي معلومة يكتب لنا ولكم جزيل الشكر

طب اختبار الصلاحيه ده امتى ونسال عنو فين

والله انا ما انا عارف ايه اخرتها مع الناس دول بس نقول ايه الحمد للكتير اوي
والله المستعان

كدا احنا وزين وسطه للمحافظ

هناسمعت ان امتحان الكادر هيكون في شهر11

سوال لو سمحتم يعنى احنا ان شاء الله هنثبت وبعدين نبقى نمتحن الكادر ولا العكس

الناس أللى مضو معلم مساعد من شهر 3 /2008 بدأو فعلاً يجهزوا أوراق طلباهم منهم الأدار ة لكن أللى مضو من شهر 10/2008 لسة لم يأتى لهم حاجة و على فكرة لو الحكاية فى يد المحافظ تبقى بالوسطة

اقتباس:

---

المشاركة الأصلية كتبت بواسطة جونا محمد

الناس أللى مضو معلم مساعد من شهر 3 /2008 بدأو فعلاً يجهزوا أوراق طلباهم منهم الأدار ة لكن أللى مضو من شهر 10/2008 لسة لم يأتى لهم حاجة و على فكرة لو الحكاية فى يد المحافظ تبقى بالوسطة

---

عندنا فى الاسماعيلية اول دفعة اللى انا منهم مضينا فى نص شهر 8 بس مضينا بتاريخ 1/7/2008 والدفعة التانية لسه ما مضوش اصلا بس اللى عرفته انهم هايمضوا بتاريخ 1/4/2009

العملية فى البتنجان

معتقدش ان فى وسطه فى الموضوع ده لانى اللى هايجتاز الاختبار هايتثبت اما المحافظ مجرد شكل روتينى للتصديق على التعيين ك بروتوكول يعنى او روتين لاعتماد التعيين