المرتبات ومربوط الدرجات الجديدة 7 /2011

http://dostor.org/sites/default/file...nimage/1_7.jpg

تسلم ايدك يا استاذ محمد

منور يا باشا

مربوط ع الدرجة السابعة

و الناس درجااااااااااااات

و مرشح اخد التامنة

غير العلاوت

معرفش لا كده ولا كده م الباب للباب

ههههههههههههههههههه

بارك الله فيك أستاذنا صاحب الخلق الطيب الأستاذ محمد غمرى

معلش ممكن حد يفهمنى شويه
هو الاساسى اللى موجود ده الجديد يعنى
يعنى المفروض ان لسه تعيين جديد على الدرجه الثالثه
يعنى الاساسى بتاعى هيكون بداية مربوط الثالثه 229
وعليه هيكون اجمالى الاجر بدايته 562
طيب ازاى الدخل مش هيقل عن 700
وانا كده ممكن يكون 562
ممكن اللى فاهم الجدول يفهمنى بعد اذنكم

غريب أوى الجدول ده
صراحه حاولت أفهمه معرفتش
هو مصدره إيه بالظبط ؟؟؟
ده غير ان نهاية اساسى الدرجه الاقل
مش هى بداية الدرجه الاعلى
بمعنى ان اساسى الثالثه مثلا من 229 إلى 551
برغم ان الثانيه من 307 إلى 656
طيب ازاى
معنى كده
ان هيبقى فى ناس فى الثالثه ووصلت 307
وناس فى الثانيه من 307

ده غير اجمالى الاجر
يعنى هنلاقى ناس بتاخد 745 فى الثالثه
وناس تاخد 745 فى الثانيه
طيب ازاااااااااى
وبالقياس بقى على باقى الدرجات
صراحه مش فاهمه حاجه

احنا بعد الثورة يا استاذة حبيبة
يعني اننا نفهم حاجة زي دي ... ده شئ ممكن يعرضنا للمسائلة القانونية
هههههههههههههههههه

و الله بحاول افهمه انا كمان مش مستوعب

و بعدين ما هيا دي مرتباتنا دلوقتي
ايه اللي اتغير ؟

السبعومية اللي بيقولوا عليهم
علي ما بتوصلنا بيكون جالها جفاف يا عيني بعد الاستقطاعات
الوزير يقول رقم
و هوا ده فعلا اللي بيبقا في كشوف المرتبات
لكن هوا بيقول الاجمالي كله
قبل اي نوع خصومات و استقطاعات
و يحلف
و صادق و هوا بيحلف
لكن اللي بيوصلنا حاجة تانية

تفتكري حال التعليم ممكن يتقدم ؟؟؟؟؟؟
ماتشغليش بالك

كم بمصرنا من ألغاز

المعلمون تريد ان تفهم الموضوع
يعنى إيـــه مرتبى الشهر القادم وبس ؟
لاتقولى مربوط ولاسايب
حــــــد عنده حســـاب المرتب كما يفعله المسئول فى المدرسه من ملأ جميع الخانات الى الصافى ؟
هو ده اللى عايزينه

اقتباس:

---

المشاركة الأصلية كتبت بواسطة شريف

السبعومية اللي بيقولوا عليهم
علي ما بتوصلنا بيكون جالها جفاف يا عيني بعد الاستقطاعات
الوزير يقول رقم
و هوا ده فعلا اللي بيبقا في كشوف المرتبات
لكن هوا بيقول الاجمالي كله
قبل اي نوع خصومات و استقطاعات
و يحلف
و صادق و هوا بيحلف
لكن اللي بيوصلنا حاجة تانية

---

احتمال تكون دى الاجابه فعلا
بس الدرجات غريبه جداا
ومصدر الجدول إيه ؟؟؟
الحكايه بس انى لما حاجه مش بفهمها
بتفضل شاغله بالى لحد ما افهم
متشكره جداااا مستر شريف
لمحاولتك مساعدتى
جزاكم الله كل خير

جزاك الله خيرا ولكن وثق المعلومة "قال أولم تؤمن قال بلى ولكن ليطمئن قلبي" صدق الله العظيم

اقتباس:

---

المشاركة الأصلية كتبت بواسطة شريف

تسلم ايدك يا استاذ محمد

منور يا باشا

مربوط ع الدرجة السابعة

و الناس درجااااااااااااات

و مرشح اخد التامنة

غير العلاوت

معرفش لا كده ولا كده م الباب للباب

ههههههههههههههههههه

---

ههههههههههههههههههههههههههههههه
هههههههههههههههههههههههههههههههه
هوه الكلام التام ياشريف باشا

المرتبات في مصر شيء غريب جداً مربوط وسايب وحاجات غريبة يعني الاجمالي يخليك تفرح وتروح للصافي يجيلك الضغط انا واحد درجة أولي علاوتي السنوية 5 جنيهات خصم الدمغة العادية 6.5 كل شهريعني العلاوة بتنخصم +1.5 شيء بيضحك نيجي للكادر و50% و25% الزيادة بتحسب علي الاساسي القديم يعني مهما كانت الزيادة يطلع لك بقدرة قادر ضريبة الكسب مشروع أو غير مشروع المهم ضريبة وخلاص تحسبها الزاي شيء محير أنا الاساسي بتاعي 567.51عليه ضريبة كسب عمل 987في السنة بخلاف اعمال الامتحانات كذلك بتخضع لضريبة كسب العمل يعني بتوصل الضريبة في السنة حوالي 1100جنيه وبتحسب تصاعديا
تروح بعد كدة حصم 10% الاجر المتغير الي كل سنة بيتغير من 6000 ل7500ل 9000ل9900ل آخر حاجة 10800 في السنة

كشف مصدر مسئول بوزارة المالية ان زيادة الحد الأدني للأجور إلي 700 جنيه من أول يوليو القادم ملزم للحكومة وليس للقطاع الخاص حيث لن يتضمن مشروع قانون الموازنة الجديدة للدولة الجديد مشروع قانون يلزم القطاع الخاص بتلك الزيادة.
من جهة أخري كشف المصدر أن الزيادة الجديدة خاصة بزيادة الحافز للموظفين ولا تفرض زيادة في المرتب الأساسي الحالي ولا هيكل الأجور الحالي حيث يهدف المشروع المعد من الوزارة بالارتفاع بالحد الأدني للأجور إلي 700 جنيه شاملة الحوافز والبدلات الحالية حيث أكدت الدراسات ان الوصول بالأجر الأدني إلي 700 جنيه سيترتب عليه زيادة الحافز لنحو مليون و800 ألف موظف بالحكومة من بين 6 ملايين موظف بحد أقصي 278 جنيهاً يستفيد منه الموظفون من الدرجات السادسة حتي الثالثة حيث تزيد أجورهم الاجمالية الحالية بمقدار الفرق بين إجمالي الأجر الذي يتقاضونه في شهر يونية والحد الأدني للأجور المقرر بـ 700 جنيه في شهر يوليو .2011




جريدة المساء 20 /6 /2011م

أكد د. سمير رضوان وزير المالية أنه في اطار الاجراءات التي ستبدأ الوزارة تطبيقها مع موازنة العام الجديد 2011/2012 لتخفيض دعم الطاقة ومنها تحرير أسعار بيع البوتاجاز لغير المساكن سيتم بيع البوتاجاز للمصانع والمحلات التجارية والمنشآت السياحية بالتكلفة الفعلية اي بسعر الأنبوبة 52 جنيها.
قال الوزير انه يجري حاليا تعديل القانون الحالي للضريبة علي العقارات المبنية حيث من المنتظر تعديل اسمه الي ضريبة العوايد علي العقارات المبنية كما سيتم تعديل مواد القانون ذات الصلة بالضريبة علي المساكن بما يتفق مع مقترحات المجتمع المدني مؤكدا انه لن يتم تطبيق القانون الجديد الا بعد أن يجد قبولا من المجتمع وفي هذا الاطار مشيرا إلي أنه لحين الانتهاء من تلك التعديلات ستسري ضريبة العوايد الخاصة بالقانون السابق العقارات غير السكنية ممثلة في المصانع والفنادق والمحلات التجارية والوحدات الادارية.
علي الجانب الآخر اكد الوزير انه في اطار الاصلاح الذي سيتم علي الاجور والذي تبدأ مرحلته الاولي في الموازنة الجديدة والممثلة في رفع الحد الادني للاجور الي 700 جنيه فإن الزيادة في المرتب للوصول الي الحد الادني للأجور ستتضمن زيادة حافز الاثابة من 75% حاليا الي 200% وفي ضوء هذا سترتفع جميع المرتبات من كافة الدرجات برفع حافز الاثابة الي 200% وعليه سيرتفع متوسط الاجر الشامل الذي يحصل عليه العاملون بالدرجة السادسة من 422 جنيها الي 700 جنيه والدرجة الخامسة من 430 جنيهاً الي 700 جنيه والدرجة الرابعة من 445 جنيهاً الي 700 جنيه والدرجة الثالثة من 520 جنيهاً الي 708 جنيهات والثانية من 686 جنيهاً الي 941 جنيهاً والاولي من 874 جنيهاً الي 1102 جنيه والمدير العام من 1099 الي1472 مؤكدا ان برنامج الاصلاح للاجور يستمر لمدة خمس سنوات ويهدف الارتفاع بالحد الادني بعد 5 سنوات الي 1200 جنيه.


جريدة المساء 24/6 /2011م

اولا تسلم يا استاذ محمد على مجهودك وبعدين
انا من اللى اترقوا الدرجه الاولى لكن وقفت
على حظى ههههههههههههه
طيب بذمتك ذنبى ايه انا بقى ؟؟؟؟؟؟؟؟؟؟؟؟؟؟؟؟

اعمل ايه
وحقيقى ايه السمك واللبن والتمر هندى دهوت ويعنى مافيش سيرة عن الكادر هايبقى على الاساسى القديم ولا الجديد
طيب ماهم كده معملوشى حاجه كله زى ماهو؟؟؟؟؟؟؟؟؟
على العموم ربنا يصلح الحال ويعدلها امين
شكرا لحضرتك مر ه اخرى:patch_pleur1:

انا اتثبت بتاريخ 14/2/2011 من معلم مساعد الى معلم وشغال من 14/6/2008 هل تحسب الفترة السابقة ع الدرجة انا دلوقتى باخد 381 ج طيب فى شهر 7 هاخد كام ( محافظة سوهاج) ولم ناخذ بدل نقدى او كادر ورحلة ثانية وما زلنا نقبض فى كشف المتعاقدين ارجو الرد من اساتذتى الكرام وشكرا