ايه اللي هيحصل لو مدخلتش اختبار 25 مارس

السلام عليكم ورحمة الله وبركاته
اخواني و اخواتي عندي سؤال مهم اوي
انا كنت اخدة اجازة لاداء العمرة وانا دلوقتي فيالسعودية و الظروف غير سامحة لي انى انزل اقدم ورقي دلوقتي ... وعلى ما الاقي حجز وانزل يكون ميعاد التقديم فات

ايه اللي هيحصل لو مدخلتش اختبار 25 مارس ؟؟؟

انا سالت ناس قالولي ان الاختبار ده مالوش علاقة بالتعيين ده لصرف الكادر

وانا غير متأكدة وعايزة افهم اعمل ايه ...
علما انى يهمني التعيين فقط وليس الكادر
سؤال اخر هل اذا تعينت بالفعل لازم انزل استلم العمل ولا ممكن يتأجل اسمع ان في غرامة لكن معرفش بالظبط

ياريت المعلمين اللى عندهم خبرة في المسائل دي يفيدوني...!!!

اللى عرفناه اليوم من مديرية التربية و التعليم بالسويس
ان الكادر تاجل بصورة مؤقتة لهذ العام
و لو فيه كادر يبقى مالوش اى علاقة بالتعيين بس اللى بينجح فيه هايترقى من معلم مساعد لمعلم
و الله اعلم

طيب كلامك متناقض ازاي ملوش علاقة بالتعيين
واللى هينجح فيه هيترقى من معلم مساعد لمعلم
عموما انا بدعى ليل نهار يلغوا الاختبار ده ويارب يتقبل دعائي
مشكووورة حبيبتي لردك

لو لاحظت انهم قالوا الامتحان استثنائى يعنى اللى حيقدم الأول لحد يوم 8/3 حيدخل امتحان يوم 25/3 واللى هيتأخر لحد يوم 20/3 حيدخل بتاريخ 19 / 7
والله اعلم

اقتباس:

---

المشاركة الأصلية كتبت بواسطة sondok2

طيب كلامك متناقض ازاي ملوش علاقة بالتعيين

واللى هينجح فيه هيترقى من معلم مساعد لمعلم
عموما انا بدعى ليل نهار يلغوا الاختبار ده ويارب يتقبل دعائي
مشكووورة حبيبتي لردك

---

يا استاذة التثبيت لمن امضوا ثلاث سنوات بدون شروط و منها شرط الاكاديمية
يعنى اللى عاوز يتعين من غير مايدخل الكادر هو حر و تثبيته هايكون على معلم مساعد و اللى عاوز يدخل هو برضه حر لانه لانه بعد ماينجح و هو متثبت هايترقى و يكون معلم يعنى الحمد لله مافيش تناقض
و الكلام ده انا نهيته بالله اعلم لاننا سمعناه من مسئول عسكرى فى المديرية ان الكادر تم تاجيله لمدة عام و ليس شرطا للتثبيت لكن فيه ناس عاوزة الكادر علشان تترقى من معلم مساعد مثيت لمعلم مثبت اى الامتحان و هو مثبت

لكن اللى الراجل قاله ربنا يكرمه انه تم الغاء الكادر مؤقتا لمدة عام و نحن فى انتظار نشر و توزيع النشرة على الادارات و المدارس

و الله الموفق

يعني إيه تم إلغاء الكادر لمدة عام؟؟؟
يعني إمتحان 25/3 إتأجل؟؟

اقتباس:

---

المشاركة الأصلية كتبت بواسطة الشوربجى112

لو لاحظت انهم قالوا الامتحان استثنائى يعنى اللى حيقدم الأول لحد يوم 8/3 حيدخل امتحان يوم 25/3 واللى هيتأخر لحد يوم 20/3 حيدخل بتاريخ 19 / 7
والله اعلم

---

الكلام اللى موجود على موقع الاكاديمية معناه
امتحان 8/3 للمعلمين المساعدين
أما امتحان 15 /7 للمعلميــــــــــــــــــــــــــــــــن
http://academy.moe.gov.eg/

انا في حيرة لكن مفيش في ايدي غير الانتظار
وربي يصلح احوالنا جميعا ياااااااارب

ده اللى انا سمعته من المسئول العسكرى اللى كان موجود "انه تم ايقاف الكادر مؤقتا لمدة عام و ان الكادرليس شرطا للتثبيت"
و لازم تاخدى فى اعتبارك ان ده الكلام اللى بلغته الاكاديمية للقائد العسكرى
و الافضل ان حضرتك تحاولى تتصلى باالكاديمية الرئيسة علشان تتاكدى من التفاصيل كلها

لكن بصراحة انا زى زيك لازم يكون فيه قرار او نشرة رسمية بالكلام ده
بس ان شاء الله خير

قل اللى اقدر اقولهولك دلوقتى عمرة مقبولة ان شاء الله وعقبالنا كلنا يااااااااااااااااااااااااااااارب

آمين ربنا يتقبل منا ومنكم صالح الأعمال
لكن انا مش ناوية انزل غير لما اشوف بعيني قرارة تعيني لاني تعبت وزهقت من كثرة القرارات و تضاربها

طيب ادعى لنا دعوة حلوة و انتى هناك ان ربنا يفرجها علينا ان شاء الله
و ترجعى لنا بالسلامة ان شاء الله

الأفضل والأحسن انك فعلا تتصلي بالأكاديمية

هما هيفيدوكي اكتر مننا

هما المسئولين ويقدروا يفهموكي بالضبط موقفك لو مدخلتيش الامتحان

وعمرة مقبولة ان شاء الله

ولا تنسينا من دعواتك

كلمتهم قالولى لا علاقة للاختبار بالتعيين انما الاختبار فقط لصرف 50 % زيادة على المرتب
وربي يجعل تعبكم وتعبنا كله بفايدة و ينصرنا ويثبت اقدامنا ويتقبل صالح أعمالنا