واحد اتنين الجيش العربي فين

شاعر اسمه محمد بهجت.. ظهر على الهواء في برنامج "العاشرة مساء" وألقى قصيدة من تأليفه تقول

واحد اتنين الجيش العربي فين
الجيش العربي في مصر
ساكن في مدينة نصر
بيصحى من النوم العصر
وبيفطر شاي و منين

واحد اتنين الجيش العربي فين
الجيش العربي في سوريا
حالق عالموضة كابوريا
وعلى طريقة فكتوريا
خلّى الترماي بدورين
واحد اتنين الجيش العربي فين
الجيش العربي الليبي
زيّ الفن التكعيبي
كله بتنجان يا حبيبي
الظاهر واخد عين
واحد اتنين الجيش العربي فين
الجيش العربي خليجي
ما فيه حيل لا يروح ولا ييجي
هذا صمت استراتيجي
اش فيك يا غراب البين

واحد اتنين الجيش العربي فين
الجيش العربي في تونس
اخضر مثل البقدونس
وعزيزة بتعشق يونس
يبقى الحروبات بعدين

واحد اتنين الجيش العربي فين
الجيش العربي سوداني
سامع رنّته بوداني
هو انا هاهجم فرداني
يالا ارجع يا ابو حسين
واحد اتنين الجيش العربي فين
الجيش العربي اتهان
يوم ما انضربوا الأفغان
وسكت في البوسنة زمان
واحد اتنين الجيش العربي فين

**********
واليك رابط القصيدة من برنامج العاشرة مساءا
http://www.youtube.com/watch?v=0aq4qaWv2Fw

اراء
انا من وجه نظري مش موجود من اساسه

الجيش العربى موجود فى كل مكان عاوزه توعيه عن الإسلام وقائد يكون تمام
وبإذن الله ما فيه قوى فى الكون راح تقف قصاده

الجيش العربى مترح متشاور
فى العالم العربى هتلاقيه
بجد موجود جوا كل واحدفينا
بس فين اللى يحركه

قصيده ممتازه من شاعر ممتاز
وجزاك الله خيرا علي الموضوع

ومكانه في واحة الادب والشعر