ياريت بلاش كلام رنان وشعارات بدون تنفيذ

الكل دلوقتي بيتكلم عن ثورة الشباب او زي ما اطلقوا عليها ثورة الحرية

او ثورة 25 يناير

ثورة علي كل ظلم قهرتنا مرارته

لكن للاسف رغم الثورة لسه فيه ظلم
لازم من ثورة أشد
بس المرة دي مش علي نظام دوله

لكن ثورة علي قلة الضمير او انعدامه اساسا

يعني لما ضمير المعلم يكون في اجازة لازم من ثورة عليه

اصحي يا معلم ده انت من ورثه الانبياء

حامل اشرف واسمي الرسالات

ادامك حل من اتنين

اولا تكون قد المسئوليه وتصون الامانه

يا اما تسبها للي يقدر يصونها
أصحاب المحلات التجارية اللي بيغلوا السلع
وقال ايه مش موجودة فيها ازمة
والمخازن مليانة منها
لكن مفيش مشكلة لما اغلي شوية
ما هي كل حاجه غليت
جيت يعني علي البضاعه اللي عني
واصحاب أفران العيش اللي بيتحكموا في لقمة عيش الناس
اصحوا ناس كتير محتاجه رغيف العيش
حرام لما الراجل يقف ساعه او اتنين
ان مكنتش تلاته او ربما خمسه عشان يوصل لشباك الفرن
كل امله في جنيه او اتنين جنية عيش لاولاده
ولما يحقق حلمه ويوصل للشباك
معلش يا محترم فوت علينا بكرة العيش خلص
لو مش عاجبك عندك مكتب التموين

نيجي بقي للملايكة اللي بيعيشوا وسطنا علي الارض

فئه ملائكة الرحمة

اللي اصبحت فئة منهم من مصاصي الدماء

اسفه من التعبير بجد

لكن فين ضمير بعض الاطباء

الاطباء اللي بيغلوا الفيزيتا بمزاجهم

واللي مش عاجبه ادامة المستشفيات الحكومي

وما اداراك بالمستشفيات واللي بيحصل فيها

مثل بسيط جدا يا سادة

انا حسيت بتعب في اسناني النهاردة

قولت اروح لدكتور اشوف الموضوع ايه دي الاسنان غالية علينا

المهم روحت و سالت وعرفت سعر الكشف كام

قولت كويس بسيطة

دخلت للدكتور بجد زووووووووووووووق ومحترم جدا

قالي ايه ده الضرس بايظ لازم حشو

قولت اوك مفيش مشكلة شوف شغلك يا دكتور

بدا شغله بجد شغل مفيش بعد كده
زي ما بيقوله شغل علي مية بيضة
وكان في حوار بسيط مع الدكتور
طبعا كلكم عارفين الحوار كان عن ايه
عن اللي بيحصل في مصر دلوقتي
وبصراحه الدكتور قال كلام زي الفل
لازم من التغير لازم من الثورة علي الظلم
كفايه كده احنا اتخنقنا من الظلم والاستبداد
مش هطول عليكم اكتر من كده

وانا خارجه بسال الممرضه المطلوب كام

قالت لي حاجه بسيطة قولت خيرالحمد لله

تعرفوا عشان احشي ضرس ادفع كام ؟؟؟؟؟؟؟؟؟؟؟

ادفع "140 "
كنت عايزة ادخله تاني واساله
ده مش ظلم ومحتاج ثورة يا دكتور


طيب انا معايا الحمد لله
لكن الراجل الغلبان البسيط اللي عنده كوم عيال يعمل ايه


يخلع كل أ سنانه احسن له

ده فعلا الضرس طلع غااااااااااااااااااااالي اوي

ياريت بجد بعد كل اللي حصل نثور علي ظلمنا لبعض

لازم نحس ببعض اكتر من كده
ونستفيد من اخطاء غيرنا
وبلاش نقول شعارات وكلام رنان
وفي الاخر القلة البسيطة تنفذه

أختى الفاضله هذا النظام القائم حالياً وليس بجديد علينا ولكن بصراحه بدأ فى الإختفاء تدريجيا والناس إبتدت تشعر ببعضها البعض ويمكن ده التغيير السريع اللى حصل نتيجة ثورة 25 يناير وربنا يكملها بالستر والامان

براحه شويه يا زهره
انتي حشيتي ضرسك ايه
يوجد انواع كثيره للحشو ومتفاوته في الاسعار منها الغالي والمتوسط في السعر
والدكتور زباينه قليله هذه الايام واكيد عمل تمويت للعصب وحشو وهذا مكلف أسألى أهل الخبره
عموما الثوره محتاجنها في كل مكان في مصر وهذا سيستغرق وقت طويل.............
ألف سلامه عليكي وحافظي علي باقى أسنانك وحصوصا الضرس المحشو بلاتين.