لما الميزان يختل..........

بسم الله الرحمن الرحيم
لما الميزان يختل..........
يوم أمس الخميس دعاني أحد الأصدقاء لحضور عقد قران أبنه الأكبر
رحبت بالفكرة وفي الميعاد المحدد في أحدى مدن الزقازيق
وجدت سرادق كبير ملئ بالأنوار وال كهارب والفرقة الموسيقية تعزف
وقائد الفرقة يحيي المعازيم.
قدمت التهاني لصديقي وتوجهت إلي منصة العرسان وباركت للعريس والعروس
واتخذت مكانا بين المعازيم.
بصراحة أحسست بالغربة وأنا أدقق بما يحدث حولي والذي سأحاول نقله إليكم
بما أن والد العروس رجل يشتغل بالأعمال الحرة فكان وسط المعازيم معَلمين
كبار يجلسون على منضدة مليئة بزجاجات البيرة وهؤلاء يدخنون البانجو
وهناك تتطاير أدخنة زرقاء والجو أمتلئ وكأن الشبورة نزلت وغطت سماء
السرادق. وعلى المرسح يعتصر قلبك وأنت تنظر إلى رجال وشباب
يتمايلون ويتراقصون. من خلال هذه المشاهد بدأ عقلي يحادثني
هل بعدنا عن الله إلى هذا الحد وهل عقد القران يواجه بكل هذه المعصية
وهل فكر كل هؤلاء أن صلاة الجمعة على بعد عدة ساعات.
وهل كل هذه المصاريف التي تكبدها والد العروس من أكل وشرب ومزاج وغناء
قد صرفت في طريق مرضاة الله
أسئلة كثيرة جعلتني أنصرف في هدوء قبل أن ينكشف أمري
وسؤالي لكم هل توافقون على مراسم الزواج هذه الأيام وبهذه الطريقة؟
وما هي الطريقة المثلي لكي نتزوج ونرضي الله؟
وهل توافق على زواج أبنائك بدون هذا الصخب المبالغ فيه؟
في انتظار آرائكم.
تحياتي.

موضوع مهم جدا

رأيى المتواضع
ان الراجل اللى يعمل فرحه بالطريقة دى غبي من تلات وجوه
1- انه بيطلب رضا ربنا بالزواج و فى نفس الوقت و ياللتناقض بيبارزه بالمعاصى
و من الغباء انه يبدأ حياته الزوجية كده و بالشكل ده
2-المصاريف الباهظة اللى مالهاش لازمة اللى ممكن يستفيدوا منها بعمل حاجة تانية مفيدة
3-انه هيندم اشد الندم طبعا بعد الجواز اصلا ... ماهو ما يعرفش اللي هيحصله ... فرحان علي ايه جاتو خيبة :)

المشكلة يا باشمهندس
و بكل صراحة
ان الحشيش و الرقاصات و قلة الادب بقا طابع اساسي في كل الافراح اللي من النوعية دي
عشان طبعا يلم النقطة
تقاليد راسخة مين يقدر يغيرها ؟
و بقت موضة شنيعة و فخر و تفاخر و واجب لازم يتعمل مع المعازيم
لما توصل لمرحلة ان اللي بيعمل كده بيعتبره واجب لازم يتعمل مع الناس
يبقا قول علي الناس دي يا رحمن يا رحيم

خلاص هتعمل معاهم ايه دول ؟
كل اللي اقدر اعمله اني ماقبلش الدعوة دي و اتجنب اني اقعد في مكان زي ده
و ابقي اجامل بعدين باي طريقة

مع انهم ما يستاهلوش

خلاص يا باشمهندس
للاسف
الله و رسوله و الحلال و الحرام
بقا اخر حاجة الناس تفكر فيها دلوقتي
الغالبية العظمي بقت تعبد شهواتها من دون الله الا من رحم الله

منتظرين منك موضوع ع الاقل في العام كل يوم يا باشمهندس

بقا ادمان عندي
زي الحشيش و البانجو بالظبط ههههههههههههههههه

يا باشمهندس الناس دي بيئة مختلفة وللأسف منتشرة في العديد من الاحياء الشعبية وما عندهمش مباديء ولكن عندهم فلوس مش عارفين يعملوا بها أيه .. بيصرفوها على المحرمات وما يضر صحتهم أما من أجل الفشخرة أو متعة زائلة .. والله أعلم
وربنا يهدي ..
وهذا كله لغياب الوعي الديني والجهل ..
يارب نسألك الهدايه لكل عاصي ..

منتظرين منك موضوع ع الاقل في العام كل يوم يا باشمهندس

بقا ادمان عندي
زي الحشيش و البانجو بالظبط ههههههههههههههههه

أ/ شريف
أه لو كنت معايا كانت دماغك أتظبطط من الريحه بس
تخيل أن والد العروس يشرف بنفسه على توزيع البيره والبانجو كي يتأكد أن الكل وصله حقه
وسألت والد العريس لماذا فعل والد العروس كل هذه التكاليف
قال هو عايز يفرح ببنته!!!!

اقتباس:

---

المشاركة الأصلية كتبت بواسطة mr.osama

يا باشمهندس الناس دي بيئة مختلفة وللأسف منتشرة في العديد من الاحياء الشعبية وما عندهمش مباديء ولكن عندهم فلوس مش عارفين يعملوا بها أيه .. بيصرفوها على المحرمات وما يضر صحتهم أما من أجل الفشخرة أو متعة زائلة .. والله أعلم
وربنا يهدي ..
وهذا كله لغياب الوعي الديني والجهل ..
يارب نسألك الهدايه لكل عاصي ..

---

لو على الفلوس بالهبل
النقطه كانت بالخمسين والأكل كان بالكوم
ربنا يهدى الناس كلها
لو كان فى عقل كان العريس أولى بيها على الأقل كان أكمل متطلبات شقته.

بصراحة انا اول ماشوفت الموضوع دة اتبسطت وزعلت:

اتبسطت لانى رايت مشاركات من ناس ربنا وحدة يعلم انا بحب مشاركتهم ازاى

اولا صاحب الموضوع المهندس/هشام وان كنت افضل لقب عبقرى المنتدى
وكتاباته الممتازة.
ثانيا الاستاذ/شريف والعود الاحمد وكان واحشنى خالص وعايز اسئلة يعنى اية عضو جديداللى جنب صورتك.
ثالثا الرجل المحترم جدا الاستاذ/اسامة الذى لم يحالفنى الحظ فى معرفتة عن قرب
ولكنة رجل تنظر الى صورتة فكانك تعرفة منذ زمن.

اما سبب حزنى فهو على ما وصل الية حال الشعب المصرى
والانحطاط المعنوى اتدرى ياسيدى انى لم ارضى ان اعمل حنة لاختى كى لا ارتكب
جناية فى مثل هذا اليوم والشى الذى يغظك اكثر هو حال الشباب والحشيش والبانجو وعدم التفكير فى اي شى
اسلم حل هو ما قام بة صديق لى بتوفير مصاريف الفرح و عمل عمرة هو وزوجتةوربنا يباركلهم وللحديث بقية

اقتباس:

---

المشاركة الأصلية كتبت بواسطة Mr:M.Kamal

ثانيا الاستاذ/شريف والعود الاحمد وكان واحشنى خالص وعايز اسئلة يعنى اية عضو جديداللى جنب صورتك.

---

ربنا يفرح قلبك دايما يا مستر
ماتشوفش وحش ابدا
تسلم

العضوية دي جديدة ليا
مش العضوية القديمة
و بالتالي لازم يتكتب تحتها عضو جديد
احساس جميل
انك تبقي جديد .. ههههههههههه

جرب كده
جرب تجدد كل حاجة في حياتك
و تحس احاسيس مختلفة
الواحد بقاله فترة نائب ادارة
و لقب و لون و حركات
طب و علي ايه وجع الدماغ ؟
اجمل شعور انك تقلع ملط
لا اسف
ماتفهمنيش غلط
مش تقلع هدوم

لا لا

اقصد
تقلع لقب ...تقلع منظرة ... تقلع مسئولية مش قدها ...

تقلع قيود .... تقلع و تقلع و تقلع ... لحد ما تاخد برد ..ههههههههههههههه

تقلع قيود .... تقلع و تقلع و تقلع ... لحد ما تاخد برد ..ههههههههههههههه
SIZE="6"]اهو كدة الكلام اللى يجيب برد الحق اشرب واحد فلوميكس قصدى كوفى ميكس
علشان افوق واعرف ارد على الكلام اللى وحشنى[/SIZE]

اسلم حل هو ما قام بة صديق لى بتوفير مصاريف الفرح و عمل عمرة هو وزوجتةوربنا يباركلهم وللحديث بقية

الله الله هو ده الحل البديل الصح
ربنا يبارك لصديقك ويرزقه الزريه الصالحه
آمين يا رب العالمين

أجمل حاجة عملها فعلا
انسان بيعرف يفكر

السلام عليكم ورحمة الله وبركاته

استغرب وبشدة من المغالاه فى الافراح فى كل مكان(كل واحد وزوقه وثقافته) والتفنن فى تحليل المحرمات لانه يوم فى العمر وكبر دماغك ومتعقدهاش والدين يسر ياعم الحج

ولكن كيف نشتكى من تكاليف الحياه ونأتى بكل هذه التكاليف للاحتفال بالزفاف


افضل حاجه كل واحد يبدأ بنفسه حتى لو يقدر على اعلى تكاليف



كل واحد يعمل فرح بشكل جديد مختلف بشرط عدم الاسراف(الكلام دا للعازب وليس للمتزوج)

للأسف اختلت بعض الموازين وأصبحت تكال بعض الأمور بموازين مزيفة بعيدة عن الحق

وأصبحت المجاهرة بالمعصية فى مواضع كثيرة

وللأسف عظائم الأمور تبدأ بصغار الشرر فاعتقدوا أن ضرورة الاعلان والاشهار للاقتران تبيح المحظورات التى بدأت أولا باباحة الغناء والرقص ثم وصل الحال إلى شرب الخمر

وكأن الجاهلية بعثت من جديد وأصبح هناك جهل دينى وأخلاقى رغم هذه المكانة من العلم والتقدم

وللأسف أصبح كثير من الشبان والشابات يتمسكون بهذه المظاهر والمبالغة حتى وان اعترض الأهل

وهذا لا يمنع أن هناك أفراح محترمة جدا وهادئة وهناك أفراح دينية شرعية ولكنها قليلة

والفرحة ليست فى المظهر والشكل من رقص وغناء وشرب ولكن فى الجوهر فى الرضا النفسى وراحة البال والتوفيق من الله سبحانه وتعالى

أصلح الله حال شبابنا وعمر القلوب بفرحته ورضاه
وجزاك خيرا أ / هشام

اقتباس:

---

المشاركة الأصلية كتبت بواسطة نهاد فؤاد

السلام عليكم ورحمة الله وبركاته

استغرب وبشدة من المغالاه فى الافراح فى كل مكان(كل واحد وزوقه وثقافته) والتفنن فى تحليل المحرمات لانه يوم فى العمر وكبر دماغك ومتعقدهاش والدين يسر ياعم الحج

ولكن كيف نشتكى من تكاليف الحياه ونأتى بكل هذه التكاليف للاحتفال بالزفاف


افضل حاجه كل واحد يبدأ بنفسه حتى لو يقدر على اعلى تكاليف



كل واحد يعمل فرح بشكل جديد مختلف بشرط عدم الاسراف(الكلام دا للعازب وليس للمتزوج)

---

أ/ نهاد
الناس دى التكاليف ليست مشكله عندهم
أهم حاجه أن الناس تبيت تحلم بهذا اليوم وتتكلم عن المعلم فلان عمل ليله
من الف ليله وليله نعرات كاذبه وفرصه المعلم يعرف أصدقائه انه راجل من العيار الثقيل
وكلامى هذا موجه للعازب والمتزوج مش يمكن المتزوج يفكرفى فعل هذه الجريمه مرة أخرى!!

اقتباس:

---

المشاركة الأصلية كتبت بواسطة عزة المصرى78

للأسف اختلت بعض الموازين وأصبحت تكال بعض الأمور بموازين مزيفة بعيدة عن الحق

وأصبحت المجاهرة بالمعصية فى مواضع كثيرة

وللأسف عظائم الأمور تبدأ بصغار الشرر فاعتقدوا أن ضرورة الاعلان والاشهار للاقتران تبيح المحظورات التى بدأت أولا باباحة الغناء والرقص ثم وصل الحال إلى شرب الخمر

وكأن الجاهلية بعثت من جديد وأصبح هناك جهل دينى وأخلاقى رغم هذه المكانة من العلم والتقدم

وللأسف أصبح كثير من الشبان والشابات يتمسكون بهذه المظاهر والمبالغة حتى وان اعترض الأهل

وهذا لا يمنع أن هناك أفراح محترمة جدا وهادئة وهناك أفراح دينية شرعية ولكنها قليلة

والفرحة ليست فى المظهر والشكل من رقص وغناء وشرب ولكن فى الجوهر فى الرضا النفسى وراحة البال والتوفيق من الله سبحانه وتعالى

أصلح الله حال شبابنا وعمر القلوب بفرحته ورضاه
وجزاك خيرا أ / هشام

---

وجزاكى بمثله أ/ عزه
سعدت برأيك العقلانى الهادئ
داعيا الله أن يهدى الشباب لما فى مرضاته وحب رسوله الكريم
تحياتى