يوم الاجازه اخر دلع الرجاله يمتنعون او يدفعوا تمن الحاجات لستاتهم واخواتهم

يوم الاجازه الله حاجه حلوه اوى امبارح بقى قلت ايه اروح للدكتور بتاع الصيدليه حبيبى وصديقى هو والاسره ومراته والاولاد ما علينا رحتله قلتله الا تقليش با دكتور قالى خير قلتله عايزه حنه مش مضروبه حاجه اكسرا يعنى
قالى لمين بصيت يمينى وشمالى وقلتله ليه انا طبعا مش معقول بنت جميله وحلوه واموره زى مش تستعمل حنه لقيت الرجل رجع بخياله سنين ايام ابتدائى وابنه المسكين مموتاه من الضرب ما علينا قلتله ها يا دكتور فى عند حضرتك حنه قالى بلنسبه للنوع الورق اللى انتى بتطلبيه ده من الحسين لانه ما يقدرش يخالف ضميره معايا بلذات المهم رحت رايحه للعطار قلتله هات حنه وهات كركم ودم غزال وزيت زعتر ولو انك بتبيعه مش بيعجبنى وميه ورد وادينى دوم مطحون بقى العطار بيبصلى مصطفى بقله ايه فى ايه قال لا ابدا قلتله وسنامكى
وبابونج وكركديه من كل حاجه بجوز جنيهات ما عدا الزيت ب 4 ما علينا
وبعدين بقى قت على بتاع الشنط رجل اردنى عنده وؤشه وبيعمل الموديلات الجديده بجد روعه وذوقه جميل قلتله نقيلى حاجه على ذوقك نقالى شنطه عجبتنى
اوى اوى اوى وبصلى وقالى انا ما رضتش اديكى حاجه بناتى انا مديكى حاجه تليق مع حضرتك للسيدات رحت رميهاله جتك النيله فى ملافظك انا لسه صغننه زى القمر يا ولاد ما علينا قلتله لا ادينى اللى عليها هانا مونتانا بقى يبصلى قلتله ايه نقى انت طاب قالى اقترح عليكى دى اخت اللى اخدتها الدكتوره مرفت اتحيرت يا ولاد قلتله جيب اى حاجه يا عم عطا بس خد بالك انا اصفر من مرفت ب 10 ايام بحالهم فرق السن كبير اوى لازم ياخد باله وادانى الشنطه الاولنيه وقالى دى بناتى شويه بس عليك حتليق بينى وبين نفسى قلت يا حلولى اهى ده الكلام دى الناس اللى بتفهم وتقدر قلتله بقى والصنادل بقى الجديده قالى الكل بيجيب الاجلاديتور قلتله مش ده الفلم قالى لا ده موديل زى بتاع الاغريق كده بس بسوسته وشيك قلتله وماله رميت العطارهاللى فى شنطه على جنب وجبت لونين من الصندل الفوشيا والفضى
وقلت شكلهم عجبنى مع انى بموت فى البينك لكن مش لقيت ودورت على كوتشى فى محلات الكوتشيهات كله ابض فى روز مش ينفعنى الابيض انا بمشى اشاكل دبان وشى حيتمرمط بقول للبنت عايزاه فى اسود وهى عايزه تيبع جابتلى واحد يحلف انه مش بينزل منه اسود مسكت اعصابى وقلت معلهش اضحى واجيب من مول وامرى لله وبعيد عنكم وانا ماشيه لقيت محل ايشاربات وشربات حريمى دخلت لان الشربات عندى اشتكت بقى وجبت شويه شرباتالوانات حلوه لبنى واسود وبينك وابيض وايشاربين بينك وسيمون بعدين بقى رحت للبقال ثوانى احسن اكون نسيت حاجه رن الكلام امانه وبعدين اه رحت للبقال جبت عسل ابيض مع العلم عندنا فى الكليه العسل ممتاز وارخص ومش مفشوش بس مش حضرب مشوار من اخر الدنيا لشبرا
خصوصا ان طفله بريئه زى خطر اوى انها تنزل الشارع لوحدها ربنا يحمينى المهم رحت البيت ماما بتقولى اخوكى فين قلتلها تحت ما انسيت اقولكم مش معقول حمشى لوحدى اخاف والمغرب ادن اخدت اخويا معايا يشيل بلمره يالا وشربته كوبايه عصير بحالها وخدت فلوسه اكمل على تمن الحاجات بس عادى عادى رحت مصليه العشا ودخلت المطبخ احضر الحنه عشان النهارده بكل حلاوتى وجمالى اعملها شويه زبادى وعشر معالق حنه هما 6 بس عشان شعرى قصير المهم وجبت موزه مهروسه على الحنه ودى عشان بتفرد الشعر وشويه دم غزال معلقه ومعلقه كركم وشويه بن بيدوا لون حلو اوى بنى على محمر لون مايل للنبيذى واربع معالق خل وعيشى بيها ساعتين بتدى لون تحفه بجد والشعر بيلمع وناعم اوى صحيح مجهده شويه فى عمايلها لكن ممتازه فى النتيجه وانا اهه حطاها وبكتب الموضوع وحشيلها على الظهر وحطى بقى رجلى فى مسه سخنه وملح وشامبو عشان ادعكهم بلحجر والقصافه عشان الحوافر اقصد الضوافر والمقوى الشفاف اوى لان انا جبت صندل مش مغقول حلبس الصندل وامشى ضوافرى شكلها مدهول وحاجه تزعل يعنى ماما قامت من شويه الست طالعه من عيا شافت شكلى بلماسك بتاع وشى والبونيه يتاع الشعر ورجليه اللى حطى تحت الكمبيوتر طبق وحطاها فيها صرخت قلتلها انا بنتك دى اعدادت مهمه مش تخافى وطبعا مبخره اوضتى مش معقول الرقه والطعامه والحلاوه دى كلها فيها ومش تتحسد يالا انا مقصره فى حق نفسى وبضحى اهه ومش عملت الا ماسك عسل وزبادى على وشى يالا ما لازم الواحد بكون معتدل فى الاجازه كله كوم بقى والبت اختى قامت واتصلت بلكواقيره وحتديها 200 جنيه ليه عشان تعملها ضوافرها وشعرها وماسك بقولها يا امى اعملى زى وجيبى حاجتك فى البيت الكوافيره للقص بتاع الشعر الحاجات اللى منقدرش عليها وصبغات الشعر دى اذى للجسم كله قالتلى خليكى فى الزراعه والاعشاب قلتلها وماله ومن الشنطه اللى جبتها من عم عطا طلعت كشف شلته فيها كان مجموع كل الحاجات 250 جنيه
وكمان جبت زيت عطرى عيار الف جينيفر اللى بموت فيه اختى بتحبه اوى قالتلى الله جبتى ده كله منين قلتلها ابدا وفرت وجبت حاجات بسهوله هنا افضل واحسن وصحيه اكتر وبجد هى عارفه انى صح لكن كسلنا فى كتير من الاحيان اننا نجيب المتاح فى البيت ونروح للمتخصص فى كل كبيره وصغيره بيكلفنا كتير اوى ممكن الاجازه تبقى اخر دلع واول كل شهر يقدملنا حاجه جديده للدولاب تبعنا ولبشرتنا ولشعرنا وتغيير برده وفى حدود المتاح لكن لازم نخطط صح ليوم واحد نعمل فيه تجديد لحياتنا يوم واحد فى الشهر مش لازم يومين او تلاته نغير فيها الطله تبعنا ويومنا يكون يوم لينا وبس
مع تحياتى واسفه للرغى الكتير بس اختصرت على اد ما قدرت

فعلا يوم الاجازه لازم نستغله فى حاجه صح
مش نلزق فى الكمبيوتر و التليفزيون و خلاص
و حلوه قوى فتره التجديد و التغيير الشهريه دى
مشكوره عليها
و بعد كده ارغى زى ما انت عاوزه براحتك خالص
بجد الموضوع بقراه و مستمتعه جدا بيه
فى انتظار مواضيع لذيذه منك ان شاء الله

بصراحه ياهيباء
مش قادره أبطل ضحك
مجرد تسجيل مرور
لسه حكمل الموضوع للآخر
ميرسى على موضوعك
اللى خلانى أضحك بجد
ماتحرمينا من يومياتك

هههه ههههههههه والله انتى عسل موضوع تحفه وسرد رائع اتصلت بيكى عشان اطمن عليكى مش رديتى

انا بقى عايزة اعرف حاجه هو كل ده انتى عملتيه فى يوم واحد بس.انا لو مكانك عايزة يومين تلاته للكلام ده كله وبعدين انا عاوزة اشوف الصغننه اللى زى القمر اللى انتى قاعده تحكيلنا عليها من الصبح مليش دعوة بأى طريقه

رحت رميهاله جتك النيله فى ملافظك انا لسه صغننه زى القمر يا ولاد
هههههههههههههههههه
والله انتى زى العسل ياهيباء
ولكى طريقة تجنن فى سرد موضوعاتك

طبعا انا حكلم استاذه نعمه حالاوطبعا انا حرد يا جماعه على كل اللى نورونى فى الموضوع وفرحت ان كل البنات ردوا وعجبتهم الفكره ولاحظت ايضا ان ما فيش ولا رجل دخل وده حازز فيه اوى ما حدش فيهم بيحب يدفع فلوس اه فين الرجاله بتوع زمان ده كانت تيته بتقول ولا بلاش عشان ما حدش يقول انى بشوه سمعه الرجاله دلوقتى لكن الحق يتقال انا اخويا محمود لما مش لقيت فلوس معايا بصتله وهو شايل وقلتله ممكن طلب قالى لا قلتله هات اللى معاك عافر فى الاول ولما اقنعته انى حديهمله رضى واكيد حيضيفهم على اللى اخدته زمان الرجل يا بنات كان يتكسف يخلى البنت تدفع فلوس ينجرح البعيد فى كرامته مسكته يالا ما علينا وفى تفاصيل ما قلتهاش طبعا لان انوثتى الطاغيه
اللى معروفه بيها دفعت بعض البياعين يروحوا المساجد او يكتبوا مغلق للصلاه خافوا اجى جنبهم وده ليه لان الفصال بتاعى حقانى ومنصف لكن فى النهايه الذواق والحلاوه والزينه دى كلها لمين ما عشان ابقى اموره والناس تشاور وتقول الاموره اهه اهه

اقتباس:

---

المشاركة الأصلية كتبت بواسطة سمسمه غانم

فعلا يوم الاجازه لازم نستغله فى حاجه صح
مش نلزق فى الكمبيوتر و التليفزيون و خلاص
و حلوه قوى فتره التجديد و التغيير الشهريه دى
مشكوره عليها
و بعد كده ارغى زى ما انت عاوزه براحتك خالص
بجد الموضوع بقراه و مستمتعه جدا بيه
فى انتظار مواضيع لذيذه منك ان شاء الله

---

منوره الدنيا استاذه سمسه وبجد كلنا بتجيلنا فتره ملل من كل شىء يعنى مثلا يوم التغيير ممكن بنغير الاستايل ككل بتاع اسلوب اللبس يعنى طريقه لف الحجاب لون الشعر لو فى البيت او حتى نغير ترتيب الدولاب او نروفه
كده اى حاجه وخلاص ترضينا المهم الملل يبعد وبطريقه مفيده والباب بتاع اوضتنا يبقى مقفول لو بنعمل ماسك عشان ما حدش يصوت دى مهمه برده

اقتباس:

---

المشاركة الأصلية كتبت بواسطة حبيبه المصريه

بصراحه ياهيباء
مش قادره أبطل ضحك
مجرد تسجيل مرور
لسه حكمل الموضوع للآخر
ميرسى على موضوعك
اللى خلانى أضحك بجد
ماتحرمينا من يومياتك

---

تسلمى استاذه حبيبه وبجد ده كله حصل وفى اكتر من كده مواقف لان الرجل مش مصرى اردنى جابلى كرسى ومصمم ادوق الكنافه اللى الهانم زوجته بارعه فيها وهى على طريقتهم وقلتله انا با عم عطات نصحانه اخويا قالى انا مش نصحان يعنى مش تخنان اكل انا قلتله محمود مش وقته ما جبناش حاجه حرام عليك واخويا كان حيقع من كتر ما لففته لكن بطيبتى حسيت بيه وجبتله كوببببببببببببببببايه عصير وفى الاخر يقولوا انى مفتريه يعنى صراحه بجد انا بقالى اكتر اهه من شهر ماما كانت تعبانه وكنت هاديه ومش بعمل حاجه فقت الحمد لله يعنى الشرا ده عايز دماغ ومش عايز زن ويالا نروح كانك جره عيل حاجه تعل لكن عايز حد يبقى ماشى ساكت يحترم اللحظه المقدسه للشرا لان الشرا زى الطبخ اى دوشه ووجع قلب وتعكير مزاج ممكن نجيب حاجات وحشه بس مين يفهم ومين يقدر

اقتباس:

---

المشاركة الأصلية كتبت بواسطة نعمه محمود

هههه ههههههههه والله انتى عسل موضوع تحفه وسرد رائع اتصلت بيكى عشان اطمن عليكى مش رديتى

---

ربنا يخليكى استاذه نعمه وحضرتك عارفه موضوع الشرا معايا بيبقى يومى يوم وما حبتش افوته بقى كده لا انا بفضل اقلب واختار ومش بفوت اليوم ولا اخليه يمر بشارك كل اصحابى معايا واحب اعرف ارائهم لان البنات حاليا فى مصر الذوق العام ارتفع جدا وبقت ارائهم لا يستهان بها

اقتباس:

---

المشاركة الأصلية كتبت بواسطة فتوكه مشاكسه

انا بقى عايزة اعرف حاجه هو كل ده انتى عملتيه فى يوم واحد بس.انا لو مكانك عايزة يومين تلاته للكلام ده كله وبعدين انا عاوزة اشوف الصغننه اللى زى القمر اللى انتى قاعده تحكيلنا عليها من الصبح مليش دعوة بأى طريقه

---

بجد بجد انا كمان ما جبتش لا بلوزه ولا جيب ولا حته دريل انا قصرت فى حق نفسى جبت شنظه وصندلين وشويه عطاره وشربات وايشاربين كلام بسيط
فين زمان يا فتوكه يا اختى ايام ما كنت فى نزوله واحده اجيب حاجات سيزون كامل شوفو بقى النيه ادينى برد اهه اخويا جبلى ايس كريم حالا اهه شوفوا عشان انا رحيمه جوايا شفقه كنت غليه امبارح وشربته عصير اما بلنسبه للرقه
والبراءه اللى بتتكلم انا يعنى فواضح والكل عارف انى الامتداد الطبيعى لملكه جمال بركه السبع حطه صورتى مع اعتذارى لصوره الوطواط صديقى اللى بعتبره تميمه الحظ بتاعتى

اقتباس:

---

المشاركة الأصلية كتبت بواسطة صفيه سعداوى

رحت رميهاله جتك النيله فى ملافظك انا لسه صغننه زى القمر يا ولاد
هههههههههههههههههه
والله انتى زى العسل ياهيباء
ولكى طريقة تجنن فى سرد موضوعاتك

---

والله بجد بيقولى الشنطه دى حريمى لسن حضرتك طاب انا لولا كسوفى من اخويا كنت عيط انا طفله بريئه شهاده الميلاده بتقول انى مواليد 77/7/7
لكن الرقه والحلاوه دى 15 سنه بس هوعايز نظاره المهم ان مرور حضرتك دايما بيسعدنى وكل اخواتى هنا بجد معايا فى كل المواقف ربنا ما يحرمنى منهم :17:

هههههههههههههههههه بجد يا هيباء زى العسل
انا بسجل اعجابى بنشاطك وفكرك
واكيد هيكونلى رد يليق بالموضوع وصاحبته

اقتباس:

---

المشاركة الأصلية كتبت بواسطة دعاء شديد

هههههههههههههههههه بجد يا هيباء زى العسل
انا بسجل اعجابى بنشاطك وفكرك
واكيد هيكونلى رد يليق بالموضوع وصاحبته

---

طبعا انا مبسوطه جدا بمرور حضرتك وبمرور اخواتى هنا فى الموضوع والموشوضوع عادى اوى وبيحصلنا كلنا ولو اى بنت ركزت فى تفاصيل يومها وهى بتشترى حيكون الموقف اكتر من كده بكتير لكن انا حكيت اليوم من وجهة نظرى وبحياديه كامله ومش شكرت فى نفسى كتير بلعكس هى الناس اللى مش بتقدر الامامبر اللى زى وحطنى فى البلاك ليست بحكم معرفتهم ليه ولاسلوب الشرا بتاعى الرقيق مع العلم انى لو رحت مول بيتنصب عليه ويجيب الحاجه باضعاف السعر ومن ساعه ما رحت فى مغامره العبايه وانا بطلت انى اشترى من مكان لمجرد الاسم لكن الذوق وشياكه وملائمه الشىء هى المقباس الوحيد للشرا واسعدنى جدا مرور حضرتك

ههههههههههههه ايه الكلام ده بس يا بنتى والله انتى دمك زى العسل

اقتباس:

---

المشاركة الأصلية كتبت بواسطة فتوكه مشاكسه

ههههههههههههه ايه الكلام ده بس يا بنتى والله انتى دمك زى العسل

---

الله يكرمك يا رب وفعلا كل اللى بقوله هنا كانى بحكى لاخواتى او زميلاتى فى الشغل يعنى ليه زميله ما كنتش تعرف اسم دليله اتصلت بيه من شويه بتقولى انتى اللى كاتبه الموضوع ده قلتلها اه انا قالتلى اه ما حدش يعمل كده غيرك مانا مجربه الشرا معاكى مع العلم انى معملتش فيها حاجه ابدا وربنا يخليكى يا فتوكه انا بتكلم بلغعه كلنا انا وانتى والكل بيتكلمها مع بعض عادى يعنى لانى بجد هنا بين اخواتى واصحابى

واللهى فى حاجات حلوه اوى يا بنوتات نفسى اشتريها على يوم الاتنين كده عشان انا مش اشتريت الا عبايه من قريب وعلى فكره نصيحه لما تنزلى تشترى من حته زى العتبه او من حتت بتتطلب فصال والنبى بلاش تلبسى حاجه شيك اوى انزلى بلبس اللى بتجيبى بيه الخضار او عبايه عشان البياعين بيغلوا وبلاش الدهب المرصوص البعده عينهم تفلق الحجر نصين انا قلت بقى نصايح دهبيه اهه