موسوعة (( غلس )) للأرقام القياسية

خطأ لغوى شائع عالميا فى كل انحاء العالم
قال يقولك ايه بقا يا سيدى (( موسوعة جينيس للارقام القياسية ))

غلط طبعا
عندنا في مصر اسمها موسوعة غلس للارقام القياسية

حيث استطاع مجموعة من المصريين
تحقيق الرقم القياسى في مجموعة أعمال قيمة
معجزة أصلا انها اتحققت

هحاول اقول معظمهم و يارب منساش حد

اول رقم حققه معانا النهاردة
المواطن المصرى الاصيل ... عمال شغال
حقق رقم قياسى في انه قدر يدفع

ايجار البيت و الخضار و الكهربا و الزبالة و الغاز و الميه
و الدروس الخصوصية و لبس العيد و ياميش رمضان و علاج العيال
و لبس المدارس ووصلة الدش و قسط المروحة و قسط التلاجة

كل ده من غير ما يسرق او يستلف او حتى يمد ايده يرتشي !!

تانى رقم معانا النهاردة حققه المواطن زين الحتة ابو خالو
من صعيد مصر

نجح زين الحتة فى الوصول لاسوان فى قطر الصعيد
من غير ما يتحرق او يعمل
حادثة مرتين متتاليتين !!

جدير بالذكر ... ان صاحب الرقم السابق
هو المواطن عويضة رمضان الدايخ
اللى نجح في انه يوصل اسوان مرة واحدة
و في محاولته التانية القطر اتقلب كالعادة و قابل رب كريم

تالت رقم كان من نصيب المواطن (( أدهم صبري ))
و ده مش ادهم صبري بتاع (( رجل المستحيل ))
عشان مخكوا ما يروحش لبعيد

لكنه فعلا حقق المستحيل
لانه قام فعلا بمعجزة
فهو مواطن كبير في السن جدا و ده قدر انه يكوّن نفسه عشان يتجوز
في فترة لم تتجاوز 30 سنة بس !!

شئ مدهش طبعا
و يبقا كده كسر الرقم القياسي السابق له اللي حققه المواطن
صابر ايوب من حوالي 200 سنة
و اللي قدر يكون نفسه في خلال خمسين سنة بس !

و مع فرحة ادهم صبري الشديدة بالرقم القياسي و بالانجاز
قرر ادهم انه يدخل المنافسة تاني
بانه خلال العشرين سنة الجاية يلاقي عروسة
و بالتأكيد لو حقق ده ... يبقا اسمه دخل التاريخ من اوسع ابوابه
و يبقا دخل موسوعة غلس مرتين

ياللا ربنا يجعله عامر

الفكرة مقتبسة

ميرسي يا مستر علي الموسوعة المصرية

البحته دي

اللي استحالة تلاقيها في أي مكان غير

هنا عندنا

بس ممكن بعد اذنك نضيف لاسمها

موسوعة " غلس وغلسة "

لان برده في هنا غلسات كتير

واحده غلسة اوي

نفسها تلافي ولادها كويسين وعايشين مرتاحين

مش يعانوا نفس معاناتها

بتشتغل بكل قوتها عشان تحقق ده

واللي اغلس منها واحده عايزة يكون لها

مستقبل

تخلص دراستها الجامعية وكمان تشتغل

في الجامعه زيها زي بنت الدكتور فلان

ومازلت الموسوعه في ازدياد مستمر


ربنا يجعله فعلا عامر

:27::27:

فعلا الموسوعة دى يا مستر شريف فريدة ورايجة يعنى تحطيم الأرقام فيها مش محتاج وقت خالص
عندنا جديد كل يوم
أظن أنه قريبا سيدخل المواطن المصرى الغلبان والأسطورة موسوعة ربما أنقح من دى حيث ربما يستطيع أو ربما لا يجد أمامه إلا الطوب ليأكله و هياكل هياكل بعدما تدنت مساحات الأرض المنزرعة بنسبة كبيرة لدرجة ان ربطة الخضرة بتاع المحشى وصلت 7 جنيه وحزمة الجرجير وصلت اكثر من جنيه .. اه وربنا كانت كدا فى العيد
ويجعله عامر

http://www.egyedu.com/vb/learn/misc/...t-top-left.gifاقتباسhttp://www.egyedu.com/vb/learn/misc/...-top-right.gifhttp://www.egyedu.com/vb/learn/misc/...ot-by-left.gif http://www.egyedu.com/vb/learn/misc/quotes/viw.gif المشاركة الأصلية كتبت بواسطة زهره المدائنhttp://www.egyedu.com/vb/learn/misc/...t-by-right.gifhttp://www.egyedu.com/vb/learn/misc/...p-right-10.gif

ميرسي يا مستر علي الموسوعة المصرية

البحته دي

اللي استحالة تلاقيها في أي مكان غير

هنا عندنا

بس ممكن بعد اذنك نضيف لاسمها

موسوعة " غلس وغلسة "

لان برده في هنا غلسات كتير

واحده غلسة اوي

نفسها تلافي ولادها كويسين وعايشين مرتاحين

مش يعانوا نفس معاناتها

بتشتغل بكل قوتها عشان تحقق ده

واللي اغلس منها واحده عايزة يكون لها

مستقبل

تخلص دراستها الجامعية وكمان تشتغل

في الجامعه زيها زي بنت الدكتور فلان

ومازلت الموسوعه في ازدياد مستمر

ربنا يجعله فعلا عامر

:27::27:

http://www.egyedu.com/vb/learn/misc/...t-bot-left.gifhttp://www.egyedu.com/vb/learn/misc/...-bot-right.gif

لا دي كده فعلا غلسة
ازاي تفكر في حاجة زي كده ؟
اتجننت في ودانها دي ؟

ههههههههه

http://www.egyedu.com/vb/learn/misc/...t-top-left.gifاقتباسhttp://www.egyedu.com/vb/learn/misc/...-top-right.gifhttp://www.egyedu.com/vb/learn/misc/...ot-by-left.gif http://www.egyedu.com/vb/learn/misc/quotes/viw.gif المشاركة الأصلية كتبت بواسطة جمال سراجhttp://www.egyedu.com/vb/learn/misc/...t-by-right.gifhttp://www.egyedu.com/vb/learn/misc/...p-right-10.gifفعلا الموسوعة دى يا مستر شريف فريدة ورايجة يعنى تحطيم الأرقام فيها مش محتاج وقت خالص
عندنا جديد كل يوم
أظن أنه قريبا سيدخل المواطن المصرى الغلبان والأسطورة موسوعة ربما أنقح من دى حيث ربما يستطيع أو ربما لا يجد أمامه إلا الطوب ليأكله و هياكل هياكل بعدما تدنت مساحات الأرض المنزرعة بنسبة كبيرة لدرجة ان ربطة الخضرة بتاع المحشى وصلت 7 جنيه وحزمة الجرجير وصلت اكثر من جنيه .. اه وربنا كانت كدا فى العيد
ويجعله عامر

http://www.egyedu.com/vb/learn/misc/...t-bot-left.gifhttp://www.egyedu.com/vb/learn/misc/...-bot-right.gif

امبارح روحت اشترى تلاتة كيلو طماطم
لاقيت الكيلو بستة جنيه !!

قلت اكمل علي كل كيلو اتنين جنيه كمان و اجيب موز احسن
ع الاقل اسمها فاكهة هههههههههه

و الله يا استاذ جمال حاجة بقت تجنن

هههههههههههههههههههههههه

خطأ لغوى شائع عالميا فى كل انحاء العالم
قال يقولك ايه بقا يا سيدى (( موسوعة جينيس للارقام القياسية ))


غلط طبعا
عندنا في مصر اسمها موسوعة غلس للارقام القياسية

تعرف يا استاذ شريف لو بحثنا فى موسوعة جنينيس دى
هنلاقى الشعب المصرى داخلها من زمان
تلاقىواحد داخل الموسوعة من أوسع أبوابها علشان ايه
علشان ايه ؟؟ بياكل مسامير ... سبحان الله
طيب ما الشعب المصرى بقى خلاص مش عارف يأكل العيش من غير مسامير
من كتر ما أتعود عليها

ولا واحد تانى تسلق جبال الالب
تعالى شوف يا أخى التسلق والمعافرة فى طوابير العيش دى لوحدها من اكبر الموسوعات

أما عن موسوعة غلس المصرية اللى تتضحك بجد
لما واحد مؤهل عالى بتقدير جيد جدااااا
من كترمحاولات البحث عن عمل ما باءت بالفشل
تخيل بيشتغل ايه ؟؟؟
عربجى على عربية كارووو
مش عارفة بقى يأخى الراجل يشتغل على الكاروو حبا فى الحمار
ولا حبا فى الشغلانة
شوفت غلاسة أكثر من كدة ؟؟؟

ربنا يكون في عون المواطن المصري ..

كفايه ياشريف اللي بيشوفه ..كمان هنحسده علي صبره

علي غلب الدنيا ....:)

بجد بيصبر كتيرررررر

[mark=#00ccff]

الاغلس بقى من النوع ده المواطنين
نوع يشلك "الأغلس"
ونوع اخر من المواطنين يحبطك ويجيبلك اكتئاب "الاكثر غلاسه"

يعنى تلاقى المواطن "الأغلس"
سعيد ابو ضحكه جنان ... بيضحك من غلبه
والساقيه الي داير فيها يدوبك علشان يعرف يعيش

اووووووووم ايه
يجى المواطن كئيب المحبطانى "الأكثر غلاسه" طبعا
ويقوله هو فى ايه يضحك
او مثلا هو انت ليك نفس تضحك
او تلاقى الحقد بينط من عنينه وهو بيقوله اصلك مش شايل هم حاجة
وكأنه هو الوحيد المطحون

تخيل احنا بنغلس على نفسنا
وموووش بنرحم بعض
بجد غلسين غلسين يعنى

شريف
احييك على الموسوعه دى
وتمنى تبقى متجدده
وكل منلاقى نموذج للغلاسه نضيفه

وبعدين احنا ميهمناش فكره مقتبسه ولا من بنات افكارك
انت ليك معالجه مميزه جدا جدا جدا
فى انتظار موضوعك القادم

[/mark]