اخبار سارة من الاكاديميه

انا النهارده كنت في الاكاديمه فرع القاهرة علشان كنت بسلم افادة بالسبع موديولات لانهم طلبوها ولما سلمت الموظف الافادة سألته عن اخر اخبار التثبيت فقال لي ان بعد انتهاء المرحله السادسه هنبدا تثبيت المعلمين المساعدين المستوفين الشروط وطبعا انتوا عارفين الشروط قلت له امتي التثبيت بالتحديد فرد عليا وقال بعد يوم 15 اغسطس يعني بعد انتهاء المرحله السادسه من مراحل استلام شهادات الرخصه الدوليه فسألته ليه التثبيت اتاخر لحد دلوقتي مع اننا سلمنا كل الاوراق المطلوبه قال لي ان المعلمين المستوفين للشروط نسبه قليله من المعلمين الناجحين وهو ده السبب في التاخير لحد دلوقتي وكمان قال لي ان الوزير هيتكلم عن موضوع التثبيت تاخاص بكم قريب وهيقول لكم اخبار حلوة في الايام القليله القادمه الكلاام ده انا سمعته النهارده في الاكاديميه قلت اعرفكم والعهده علي الراوي اللي هو الموظف اللي بيستلم الافادات في الاكاديميه

حاجة كده بالعقل الموظفين في الاكاديمية هايقولو كلام سار وحلو أوي
ووزير التربية والتعليم خايف يتكلم
ده شئ مش منطقي
دي ممكن تكون عبارة عن استنتاجات (احنا لانبني عليها حياتنا)
لو تلاحظ في البداية السنة كانو بيقولو في شهر سبعة علشان السنة المالية وبعد كده قالو اول اغسطس ودلوقتي بيقولو بعد نص اغسطس
وربنا يستر

جزاك الله خيراً على المجهود

جزاك الله خيرا بس المستوفيين للشروط مش نسبة قليلة زي ما الموظف قال وميقلوش عن 50000 علي ما اعتقد ان الكلام ده استنتاج من الموظف

إلى الاخوى الكرام انا قرأت الكلام دة من الوزير على موقع الاهرام المسائى

ربنا يسهل ويتم تثبيتكم علشان الوزير ينظر إلينا نحن المتعاقدين تعاقدال بعد 1/11/2008

ان شاء الله ربنا يوفقكم

انا اقصد ان النسبه اللي كانت مستوفيه الشروط في شهر 6 كانت قليله وحسب كلامه دلوقتي النسبه زادت ثم الكلام ده انا سمعته من الموظف اللي بيستلم الافادات في الاكاديميه واللي مش مصدق يروح يسأل في اكاديميه المعلم فرع القاهرة ثم هو قال ان الوزير هيعلن الاخبار دي قريب

الخير قريب إن شاء الله

انا من رايى بالمرة نستنى المرحلة السابعة
عجبى

استني انت المرحله السابعه براحتك

http://www4.0zz0.com/2010/08/09/19/399269335.jpg

يارب التثبيت

الاكاديميه دى عامله زى المخدر بالنسبه لنا بتوقف الالم شويه

يارب يكون كلامه صح....

بس هو كل مرة........ مرحله خامسه..مرحله سادسه....مرحله.....
لحد امتى......
بس انا مش اثق فى هؤلاء .......لانه لازم يريحوك..المهم .......كلام الوزير نفسه.....

وربنا يقدم اللى فيه الخير...

وصلى اللهم على سيدنا محمد رسول الله صلى الله عليه وسلم

خير اللهم اجعله خير

ربنا يجعله خير باذن الله
وشكرا جزيلا لحضرتك على نقل الخبر