وهزمتنى امرأة..!!
حاجة تفقع المرارة ..
كنت أقف على محطة المترو أنتظر كغيرى من الناس وصول البيه المترو..
ولفت انتباهى فتاتان تتحدثان من خلفى بصوت يشبه الهمس إلا أنى أسمعه لقربهما الشديد منى.. ولإصرار إحداهما على توجيه فمها نحو أذنى..http://www.haridy.com/ib/images/smilies/2.gif
ليس لتهمس إلىّ بشئ.. ولكن لتقذف من فمها الغادر هذا قذائف من قشر اللب الذى قزقزته وهى مستمتعة متحمسة بالحوار..
الأولى: والله منا عارفة الرجالة دول عايزين ايه مننا..http://www.haridy.com/ib/images/smilies/crazy.gif
الثانية: يا حبيبتى دى كائنات مفترية عايزة تستعبدنا..
الأولى: وقال إيه.. إتفوووووو( هذه قذيفة قشر لب) بيقولوا انهم اقوى مننا عشان كده يبقوا هما قوامين علينا..
الثانية: باستنكار عجيب.. قواميـــــــــــــــــن!! .. داحنا قدّهم وقدود يا حبيبتى..
الأولى: منا عارفة.. دنا كل يوم بصبّح حمدى بشبشبين وامسّيه بعصايتين.. http://www.haridy.com/ib/images/smilies/chair.gif
فهمت أن حمدى هذا هو الرجل المسكين الذى يظنه الناس زوجها..ولكنه فى الحقيقة أسير سجين عندها
الثانية: يا ختى انتى ادرى .. أنا لسة متجوزتش .. بس انا متأكدة إنى قد عشر رجالة..:
الأولى: خللى بالك يا بت .. لازم لمّا تتجوزى تثبتيله إنك أفوى منه..
الثانية إزاى يعنى.. انتى عندك طريقة؟:
الأولى: عيـــــــــــــــــــب.. دنا دبحتله القطة ليلة الدخلة..:
التانية: قطة ايه يا اختى متقولى على طول من غير امثلة..
الأولى: أول ما اتقفل علينا الباب كان فاكرنى من اللى بيتكسفوا يا ختى..
بس انا ايه فاجئته.. قلتله كده بدلع الأول..يا حمدى.. يا ميدو يا حبيبى..
وهو الاهبل فاكرنى بتدلّع عليه..http://www.haridy.com/ib/images/smilies/image5.gif
قلتله نفسى تلاعبنى رست يا حياتى..http://www.haridy.com/ib/images/smilies/donatello.gif
التانية: ورضى يلاعبك ؟!!:
الأولى: كان فاكرنى مش قده .. بس على مين!! ..غلبته وحياتك ..ومن يومها وهو اخر احترام معايا
التانية: والله وانا حاسة انى برضه عندى القدرة انى اعمل كده.. فتحتى نفسى للجواز يا شيخة..
الأولى: يابت ما تستعجليش هتشوفى كتير من ده لما تتجوزى.. هما الرجالة كده منظر وبس..
المهم دلوقتى خللينا فى اللى احنا فيه..
التانية:والاجتماع عن ايه النهارده فى الجمعية؟
الأولى: عن المساواة المطلقة فى جميع الحقوق بين الراجل والست..
التانية: يادى وجع القلب .. آدى اللى جايلنا من ورا الرجالة .. تعب وبس يا ختى..
وأخيرا جــــــــــــاء المتروhttp://www.haridy.com/ib/images/smilies/notworthy.gif
جاء ليرحمنى من اللب وقشر السودانى.. وحتى تنتهى قصة أم زيد الهلالية هذه http://www.haridy.com/ib/images/smilies/knight.gif
كنت أتحسّر على هذا المسكين الذى انخدع واتضح انه متزوج من الشحات مبروك..
وفى نفس الوقت .. عرفت ما يدور فى أذهان النساء هذه الأيام .. وأيضا.. راجعت نفسى فى موضوع الارتباط ببنت الحلال.. وقلت اصبر قليلا حتى لا أشرب مثل هذا المقلب الساخن..
المهم كنت حريصا بالطبع على أن أرى وجهَى هاتين البطلتين اللتين أكلتا رأسى بحديهما الشيق الممتع ..
وجلسنا فى المترو والحمد لله وصلت بيت أقاربى الذين كنت قد نزلت عليهم أثناء تواجدى فى القاهرة..
وفى اليوم التالى..
ركبت المترو ووجدت فيه مكانا والحمد لله..
وبعد محطتين.. وقد ازدحم المترو بالركاب. وكدت أختنق من روائح الأفروزو ( على رأى آيات الجارحى )
فإذا بامرأة وفتاة تشقان الزحام متوجهتان إلىّ لكى تتسمرا أمامى أنا بالذات..
وسمعت الصوت..
هذا الصوت ليس غريبا..http://www.haridy.com/ib/images/smilies/2.gif
بل ونبرته تذكرنى بلسعة فى اذنى من جراء الإلقاء بصندوق قمامة ملئ بقشر اللب فيها..
كانت تبتسم لى قائلة..
لو سمحت يا أستاذ ممكن أقعد مكان حضرتك..
إنها هى.. أم زيد الهلالية زوجة حمدى المسكين.. زعيمة تنظيم المساواة الجائرة..
بصراحة لم أتمالك نفسى .. فرحت صارخا فى وجهها..http://www.haridy.com/ib/images/smilies/ranting.gif
يا سلام.. تقعدى مطرحى .. ونسيتى المساواة يا ولية يا مفترية !! http://www.haridy.com/ib/images/smilies/chair.gif
كنت أصيح فيها كالمجنون..وأصرح باسم حمدى والرست والشبشب.. http://www.haridy.com/ib/images/smilies/crying.gif
كانت تنظر إلى ببرود عجيب وكأنها متأكدة من أنها ستحصل على المقعد ..B)
فقالت لى برقة عجيبة .. جعلتنى أشك فى انها هى نفس المرأة.. انا بستأذن حضرتك . عيب قوى انك تكسف واحدة ست مش قادرة تقف..
لكن لا .. على جثتى..
مش هتقعدى على الكرسى واللى عايزة تعمليه اعمليه..http://www.haridy.com/ib/images/smilies/ranting.gif
كنت اعانى من صراع فى أعماقى.. فأنا كرجل صعيدى وأزهرى لا استطيع رؤية امرأة واقفة وانا جالس.. لكن هذه بالذات ...
لا..
أفقت من صراعى الداخلى لأجد كل من حولى من الركاب ينظرون إلىّ باشمئزاز.. ونطق أحدهم من منخاره قائلا.
ايه قلة الذوق دى .. متقعّد الست يا بارد..http://www.haridy.com/ib/images/smilies/cowboy.gif
جعلتنى الكلمة أغلى وأفور من الغيظ..
أنا بارد يا نطع.. ما قمتش انت ليه لما انت محروق قوى كده..
رد علىّ بجملة واحدة كانت أبرد ممن نطقها .. لو طلبت منى انا كنت قمت.. بس هى طلبت منك انت..
فقلت وانا اتمادى فى إصرارى مش ممكن ..http://www.haridy.com/ib/images/smilies/ranting.gif اللى مش عاجبه بقعّدها مطرحه..
وساعتها ( لاأراكم الله شيئا كهذا) وجدت العربة كلها تضيق من حولى والناس يمسكون بى من كل مكان .. والحناجر تلتهب بالسباب .. والأيدى ليس لها شغل إلا مصافحة وجهى وانحاء أخرى متفرقة من جسدى..
ورأيت ابتسامة صفراء على وجهها وهى....
وهى جاسة على مقعدى..
وصرخت بكل ما املك من قوة.. الله يخرب بيت المســــــــاوااااااااااااااااااه..
حسبى الله ونعم الوكيل..
لا اعلم بصراحة كيف استطاعت هذه المرأة الظالمة ان تغير من مبادئها وتلعب على وتر الرجولة عند الرجال ..
تبا لهذه المساواة..http://www.haridy.com/ib/images/smilies/ranting.gif
مما قرات واعجبني
وهزمتنى امرأة..!!
عرض للطباعة
-
25-04-2009, 08:15 PMzizo2_2وهزمتنى امرأة..!!
-
25-04-2009, 08:32 PMMohammeD el_SadaTهههههههههههههههههههههههههههه
بجد أنا فى هستريا ضحك ومش عارف بضحك على الموضوع ولا بضحك على نفسى
بس اللى متأكد منه إن اللى يعيش ياما يشوف
الدنيا بقى حالها مقلوب
" هم يبكى وهم يضحك "
-
25-04-2009, 09:42 PMعز وحيد
يا باش مهندس انت نسيت
إن كيدهن عظيم
فعلا والله يا باش مهندس فيه انواع من الجنس الاخر
سبحان الله تتعامل على انها رجالة فى اوقات واوقات تانية تلاقيها قمة فى الضعف والانوثة
ربنا يستر علينا -
25-04-2009, 09:46 PMzizo2_2اقتباس:
المشاركة الأصلية كتبت بواسطة mohammed el_sadat
هو فعلا موضوع لذيذ يا محمد
شكرا لمرورك -
25-04-2009, 09:48 PMشمس بياض
ماجاله ردى شويه كده علشان اقرا الموضوع بتمعن
-
25-04-2009, 10:15 PMطارق ممدوح ذكي محمدانا ماليش دعوه بالموضوعات دي يا عم
:13:
تبنا الى الله خلاص
-
25-04-2009, 10:18 PMكتيبه التحدي
متهيالي ده كان فيلم لعفاق فهمي وحسين شعيب ؟؟
-
25-04-2009, 10:25 PMنداء الجنة
السلام عليكم ورحمة الله وبركاته
طبعا الموضوع على سبيل الطرفه
ولكن بالفعل انا لا أؤيد تطبيق المساواة بالشكل
المتعارف عليه فى المجتمع الان
فالله عز وجل جعل القوامة للرجل لحكمه
ومن غير المنطقى القول بان الرجل مثل المرأه فى كل شىء
الشرع جعل نصيب الذكر مثل حظ الانثيين
على اعتبار ان الرجل هو عائل الاسرة ويقع عليه العبء الرئيسى فى تحمل نفقات المعيشه
ايضا
على سبيل المثال هناك مهن لا يليق بالمراه
العمل بها وليست كفء لها مثل القضاء فالمرأه بطبيعة تكوينها العاطفه تغلب العقل
بخلاف الرجل
ومهن اخرى بها من المشقه التى لا تتحملها المرأه
اعلم ان البعض قد يتعجب من كلامى هذا
ولكن بالفعل تلك وجهه نظرى
ومقتنعة بها تماما
جزاك الله خيرا استاذ عبد العظيم
فى أمان الله
-
25-04-2009, 11:03 PMنعمه محمود
هههههههههههههههههههههههه
الستات دى كائنات بشعه
فعلا عاوز تكره كل الستات اللي في الدنيا شوف سلوكياتهم في الزحام وبالذات في المترو في عربية السيئات
شكرا يا باشمهندس على الموضوع -
25-04-2009, 11:29 PMBlanche Neigeعلى فكره ... اى راجل تعمل معاه
ست تصرف زى ده ... اكيد بيرجع
لضف شخصيته ... وبعدين دى مسأله
حلها بسيط جداااااااااا وفى غاية البساطه
اما تتطلب اى ست انها تلعب معاك ريست
ياسيدى ابقى ارفض وكفى المؤمين شر القتال
( ربنا أمر بالستر )
موضوع بجد لذيذ جدااااا باحييك على اختياره -
26-04-2009, 12:17 AMامة الرحمن
هههههههههههههههههه
لا براحه علينا شويه مش كلنا كده والله
صوابع الايد مش زي بعضها
شكرا لحضرتك فمما قرات واعجبك اعجبنا -
26-04-2009, 03:55 PMzizo2_2اقتباس:
المشاركة الأصلية كتبت بواسطة عز وحيد
شكرا لمرورك يا عز
مرورك اسعدني -
26-04-2009, 03:57 PMzizo2_2مستنينك يا استاذتنا الفاضلةاقتباس:
المشاركة الأصلية كتبت بواسطة شمس بياض
-
26-04-2009, 03:58 PMzizo2_2اقتباس:
المشاركة الأصلية كتبت بواسطة طارق ممدوح ذكي محمد
معاك حق استاذنا
من خاف سلم -
26-04-2009, 03:59 PMzizo2_2اقتباس:
المشاركة الأصلية كتبت بواسطة كتيبه التحدي
ممكن برده
ابقى احكيلنا الفيلم ده علشان مشفناهوش -
26-04-2009, 04:03 PMzizo2_2طبعا يا ميس كلامك مضبوط مائة بالمائةاقتباس:
المشاركة الأصلية كتبت بواسطة نداء الجنة
والموضوع ده كله على سبيل المرح -
26-04-2009, 04:05 PMzizo2_2اقتباس:
المشاركة الأصلية كتبت بواسطة نعمه محمود
شكرا لمرورك
مين قال الستات دي بشعة .........؟
مش انا
وشهد شاهد من اهلها
انا مليش دعوة انا مقلتش حاجة
انتي اللي قلتي يا استاذة
أشكرك لمرورك -
26-04-2009, 04:07 PMzizo2_2اقتباس:
المشاركة الأصلية كتبت بواسطة blanche neige
هههههههههههههههه
شكرا لمرورك
حل كويس جدا برده -
26-04-2009, 04:09 PMzizo2_2اقتباس:
المشاركة الأصلية كتبت بواسطة طمعانه في رضاك يارحمن
طبعا اكيد مش الكل كدة
زي ما قلت قبل كدة ده على سبيل المرح -
26-04-2009, 04:10 PMس ا يوسف
اه لو يبقي فيه مساوة في البلد دي
وبساو الرجل بالمرأة
كانت مكانة الرجل ارتفعت للسماء
شكرا للموضوع