أخيرا اللهم لك الحمد

أخيرا وبعد طول انتظار حصلنا على عقد جديد

شكرا للسيد رئيس الجمهورية اللى مكبر دماغة عن المعلمين المساعدين أو ربما يؤجلنا ككارت انتخابى بناء على توصية الحزن الوطنى

وشكرا لرئيس الوزراء اللى مش فاضى للطبقة الوسطى انما فاضى لطبقة رجال الاعمال

وشكرا لمعالى وزير التربية والتعليم اللى عودنا على الشدة والصرامة فى تنفيذ القوانين الا تنفيذ قانون الكادر 2007 الذى ينص على التعيين لمن أمضى سنة (كمعلم مساعد) وحصل على الترخيص (بالامتحان)

والظاهر ان سنتين مش كتير عندهم ومفيش مشكلة بسنة ثالثة

مش معنى كده ان مفيش تعيين انما جااااااااااااااااى بسرعة السلحفاة

وهذا طبيعى لأن من يعيش فى مصر يجب أن يوطن نفسه أنه فى بلد لا احترام فيها لادمية المواطن ولا احترام لسيادة القانون انما احترام لشريعة الغاب واحترام للكوسة والبتنجان

والى الله المشتكى و الله المستعان