تأكيد من أكاديمية دمياط

السلام عليكم ورحمة الله

طبعا موضوع التثبيت ده هو الشغل الشاغل لكل المتعاقدين والنهارده (30/6/2010) اتصلت بالاكاديمية المهنية بدمياط وسألتهم عن ايه مصير المتعاقدين المستوفين للشروط (اجتياز اختبار الصلاحية + معاه ICDL ) قاللى هاتتعينو ان شاء الله . فقولتيلو طب احنا اساسا جددولنا سنة تحت نفس المسمى ونفس العقد القديم يبقى كان ايه لازمتو الامتحان ؟ قاللى حاليا بتتم اجراءات التعيين وهى بتاخد وقت شوية وماافيش مشاكل من تجديد العقد لأن ده طبيعى بمعنى موش معناه اننا لازم نخلص مدة العقد بالعكس التعيين بيتم اثناء مدة العقد .

ودة رقم أكاديمية دمياط للى يحب يتأكد او يستفسر عن أى حاجه 0572403787

وبالتوفيق ان شاء الله وربنا يوفق الجميع

ايوة كدا هى دى الاخبار اللى تطمن وتفرح بدل الاخبار الوحشه جزاك الله كل خير ربنا يطمنكم اكتر وتتثبتوا ان شاء الله وعقبالنا يااااااااارب شكرااااا على الاخبار الحلوة دى

شكرا ليك على الخبر الجميل واللى ريحنا جميعا

بس الكلام ده مش معناه ان التثبيت الشهر ده:bosyht9::bosyht9:

شكرا على الخبر الجميل ده

يا جماعة مش مهم التثبيت الشهر ده المهم انه فيه تثيبت وخلاص

الشهر ده ولا إللي بعده مش هتفرق المهم نتثبت

شكرا أستاذ أحمد على الخبر الجميل

ان شاء اللة خير بس قولوا يارب

السلام عليكم ورحمه الله وبركات
لعله خير باذن الله
مشكور مستر أحمد علي الخبر

السلام عليكم:انا معلمة مساعد حاسب الى من دمياط كنت اول امبارح يوم الاتنين كنت فى اكاديمية دمياط وسالتهم امتة هندخل الكادر قالوا لسة ما فيش تعليمات بخصوص اللى ما دخلوش ولا حتى اللى دخلوا لسة ما يعرفوش هيعملوا اية بس سبحان مغير الاحوال من حال الى حال

ولكن لما رحت ادارة دمياط قالوا ان اكاديمية القاهرة ( المركز الرئيسى ) طالب كشف باسماء المتعاقدين اللى لسة مش داخلوا الكادر ولما سالتهم هنا فى الاكاديمية قالوا لسة ماجاش تعليمات الله اعلم بالصح فين بس المهم نتفائل

خلاص مش هنسلم مش هنخاف
وقفتنا أمام وزارة التربية
الأحد
8 / 8 / 2010
الساعة 12 ظهراً
ده لو عاوزين تكونوا بنى أدمين

لا يوجد تثبيت بل هو عقد لمدة 5 سنوات و تدخل امتحان تانى ولو سقط تطلع برة اكرر لا يوجد تثبيت لا يوجد تثبيت ولازم يبقالنا وقفة بقا مش كدة احنا بنطالب باقل حق لينا وهو التثبيت و الأستقرار وطالبنا كالاـى
1- الغاء الأكاديمية المهنية المعليمة بسبب تضارب القرارات التى تصدرها و أهمها طلب 4 موديلات ثم كلها ثم الشهادة الأصلية
و هى تعتبر أهدار للمال العام لأنها لم تؤدى دورها الحقيقى و الغاء فكرة الأمتحانات الكادر و الأقتصار على التدريب فقط
2- التثبيت فوراً دون شروط
3- تعويض المعلمين المساعدين عن اهدار كرامتهم طوال 5 سنوات فى طلبات ما كان يجب أن تطلب قبل تحقيق الأستقرار لهم

كلنا مع الوقفة يوم 8/8 إنشاء الله

إن شاء الله خيـر