مطلوب خبرتكم

السلام عليكم ورحمه الله وبركاته

انهيت الحمد لله درستى فى كليه التربيه قسم البيولوجى
"(احياء)
وفى انتظار النتيجه والشهاده باذن الله

عندى اكثر من استفسار اتوقع ان اجد لها اجابه عندكم

دلوقتى عشان اشتغل اعمل ايه يعنى المفروض اروح الف على المدارس اسالهم فى شغل ولا لا ولا ايه اللى مفروض يحصل عشان انا مش فاهم اى حاجه خالص
وسمعت من اشخاص كثيرين فى مجال التعليم انى لازم اروح اتقدم فى المدارس دلوقتى ومانتظرش الشهاده فهل ده ممكن ؟؟؟
طيب ولو روحت مدرسه خاصه اسال على الشغل افتح الموضوع ازاى وايه اللى المفروض اتكلم فيه يعنى اسال عن المرتب ولا واسال اذا كان هيزيد ولالا ؟؟؟؟وهل هيسالونى فى حاجه ولا ايه ؟؟؟

طيب لو عاوز اقدم عشان اشتغل فى الحكومه ايه اللى المفروض اعمله ؟؟

يا جماعه انا مش فاهم اى حاجه وبجد فى حاجه ماسه لمساعدتكم ياريت متبخلوش على والمفروض يكون فى موضوع اساسا بيشرح ده عشان الناس اللى لسه جديده ومعندهاش خبره تعرف هتعمل ايه فى مستقبلها ..ارجو الافاده

شكرا مقدما

مكان اقامتى هو الهرم -الجيزه

بص ياسيدى انا كنت زيك كده متلغبط السنه اللى فاتت بس الحمد لله دلوقتى انا شغال مدرس انجليزى وبكمل دراسات عليا .....
اهم حاجه تلحق وقتك وتنزل دلوقتى تعمل applications كتير ف كل المدارس الخاصه اللى قريبه منك المهم انك تطرق كل ابواب الرزق وهم مابيشترطوش ان اوراقك تكون كامله بس قلهم ان لسه النتيجه ماطلعطش وكده وان شاء الله ربنا يكرمك.....
بس اهم حاجه خليك واثق من نفسك فى اى مقابله ......
بخصوص المرتب والحاجات ده يستحسن انك ماتتكلمش فيها ولو لاقيتها فى اى application سيب الخانه فاضيه......
ارجو اكون جاوبت ولو بقدر قليل على اسئلتك ........

شكرا جزيلا أخى عبدالله حميدة
بارك الله فيك
وأضيف الثقة بالنفس وحب العمل لذاته هذا ما يوصلك لمرادك انشاء الله
اجتهد أخى الفاضل وأعلم إن الله لا يضيع أجر من أحسن عملا

شكرا لكم اخواتى على ردكم

طيب فى حاجه واحد كنت عاوز اعرفها هل هما هيسالوا فى حاجه يعنى ممكن يسألنى فى اى حاجه فى العلوم ولا ايه ؟؟ وكمان انا اروح المدرسه اقولهم ايه يعنى يعنى اروح اقلهم فى شغل ولا اقولهم عاوز اشتغل ولا ايه مش عارف ؟؟؟

اقتباس:

---

المشاركة الأصلية كتبت بواسطة tar_ek_06

شكرا لكم اخواتى على ردكم

طيب فى حاجه واحد كنت عاوز اعرفها هل هما هيسالوا فى حاجه يعنى ممكن يسألنى فى اى حاجه فى العلوم ولا ايه ؟؟ وكمان انا اروح المدرسه اقولهم ايه يعنى يعنى اروح اقلهم فى شغل ولا اقولهم عاوز اشتغل ولا ايه مش عارف ؟؟؟

---

ثق بنفسك وامكانياتك وكن مطلع على أحدث محتوى لمادتك بالأضافة للمعلومات العامة والقضايا المعاصرة
اسئل عن توجيه مادتك واذهب اليه فى الأدارة واسئله عن الأماكن الشاغرة والفت نظره لمواهبك وامكانياتك