إلحقونيييييييييييييييييييييييييييييييييييييييييييي ييييييييييييييييييييييييييييييييييي

السلام عليكم ورحمة الله وبركاته الأول كده .... قبل ما اشكي همي ..

يا عالم ...... يا مدرسي اللغة العربية ....... يا مجامع اللغة العربية .....

انتوا فين ؟؟ سايبني كده ........

أنا متبهدل ........ والدنيا ضايعه معايا خالص ........

منهج العربي كبيييييييييير والامتحان قرب قرب اوي عامل زي القطر اللي كل شويه أسمع صوته من بعيد عمال يقرب ... وانا متقيد مش قادر أتحرك ...... خايف ليفرمني ..

أعمل ايه دلوقتي

حد يرد عليااااااااااااااا

كل ما أنوي وأسمي باسم الله واذاكر نصوص ...... وأقول يا واد هتخلص النصوص انت يعني بتتكلم في كام .... دول نصين تلاته وكله في التمام ..... ألاقيهم عششششششششششر نصوص واشي نثر على شعر على مدارس ....

وبعدين اتلفت كده الاقي القراءة موضوعات وكلمات وأفكار وحاجات مش فاهمها خالص ايه اليوجينيا والا اسلوب وأسلوب دا كمان ومحمد افندي روح شايل بطيخه .. انا مالي بمحمد افندي وبالبطيخه وبشرابه المخروم ....... ما ترحمونا بقا يا بتوع المناهج ..

ابص الناحية التانيه ألاقي الأدب ....... مدارس شعرية ملوخيه تقليه ... اشي رومانسي على كلاسيكي على مهجر على واقعية على طعمية ... ولسه فيه مقال اللي طويل واللي قصير اللي تخين واللي رفيع ... ورواية وقصه قصيرة وقصه طويله وقصه وسط ... ومسرحيات وبتنجان مخلل ..

اه ولسه طبعا الأيام اللي مش عايزه تخلص ...... الأيام اللي ربنا أعلم بيها ...... قصة الأيام بتاعة اللي الله يسامحه دا ... اللي تقريبا مش عارف منها غير اسم صاحبها بالعافية ...... اكتر من كده مش فاهم فيها حاجه خالص .... كله داخل في كله ولما تشوفه قوله ... بس انا عارف معلومة كمان بالمناسبة علشان ماحدش يقول عليا أني طالب أي كلام يعني .. انا عارف ومتأكد أن طه حسين كان أعمى ... اييييييييوه ........ اومال مش عيب .. احنا برضه بنذاكر ..

طيب والبلاغة يا جدعان ... الأبيات معظمها عايز ترجمة .. والا اقولكم أنا كده كده هسيب سؤال البلاغة ... وسؤال الأدب كمان... يعني جت على القراءة والقصة ... والنصوص هخبط فيها وأنا وظروفي والتعبير أدينا بنألف وربنا يستر والنحو بسيبه كله .. وعلى ايه دا كله .. انا مش رايح امتحان العربي اساسا ...

والا كله كوم .......... والنحو بقا كوم تاني .......... كل ما اقول للمدرس ايه المعلومة دي ....... يقولي يا ابني دي معلومة نحوية من تانيه ابتدائي ........ ودي معلومة نحوية من اولى اعدادي ....... ودي معلومة نحوية من ثانيه ثانوية........ يا استاذ أنا فاكر اسم حضرتك بالعافية تقولي معلومة من تانيه ابتدائي ..
أنا عايز الخلاصة في النحو .........

عايز أعرف أرااااااااااجع ازاي ........ كل ما أمسك حاجه في العربي الاقي غيرها طالعلي من تحت المكتب ... هخلص العربي امتى
هراجعه امتىىىىىىىىىىىىى .. والعيال اصحابي اللي بيذاكروا زي الموس دول ........ بيذاكروا ازاااااااااااااااااي ..


عايز مدرس يشوفلي حل ....... لحسن أنا .. أنا ...
أنا خلاص هعيط :28:





لحظة .......


أنا عارف انكم نسيتم أن ( محمد وسية ) اللي كتب الكلام اللي فات ...
كل الكلام اللي فات دا على ألسنة طلاب كتير من الصف الثالث الثانوي


ولكن ..

اطمئنوا ................. وتابعوا معنا .....

بإذن الله الفترة القادمة سنخصص معظم أوقاتنا لكم ...

وما أجمل وما أيسر من مراجعة اللغة العربية ..

وسنخصص وقتا في الغرفة الصوتية وسنتفق على هذا الوقت جميعا ليناسبنا كلنا

والآن

كل من سيشارك في المراجعات للصف الثالث الثانوي يدخل ويسجل اسمه ويكتب المشكلة التي تصادفه في أي فرع من أفرع اللغة الجميلة ...

وهناك وعد من الإدارة ... بأننا سنقيم مسابقات بين الطلاب والطالبات وستكون الجوائز رائعة ومشرفة بإذن الله ..

هيا على بركة الله فلنبدأ .

ما هذا الجمال يا حاج محمد؟؟؟؟ لكأني بك عدت طالبا وسجلت ما يجول بخاطرهم هذه الأيام
:18: :18: :18: :18:

ياااااه يا استاذ محمد
مفيش مدرس حاسس بالطلبة زى حضرتك كده

والله يامستر طول عمرك برنس وبتحب تساعد الطالب غير معظم المدرسين المشين بمبدا

عدية وخش فى البعدية

ربنا يجزيك كل خير

علي العمل الطيب ده

ربنا يكرمك ويباركلك

أنا بينى وبينك يا أستاذ محمد عمال أقرأ وأقول إيه الإحباط ده
إيه ده هو بيطفش العيال ولا إيه
الأستاذ محمد ماله ياجدعان

لكن كويس إنه طلع كلام الناس اللى عندك

بس بينى وبينك أنا كنت متوقع الموضوع منك بشكل تانى كنت متوقع حل وطريقه سهله للتحصيل

عمتاً موضوع لذيذ وربنا يوفقك

طيب انا عندى حل معقول لحضرتك ياأستاذ محمد
يعنى اى طالب يلاقى صعوبه فى مذاكرة مادة اللغه العربيه
يسيبها فورا ويذاكر على طول مادة اللغه الفرنسيه
اهيه برضه حاجه كده سهله وبسيطه وتفتح النفس
عشان يقدر يكمل مذاكرة باقى المواد
ماهو بينى وبينك مادة اللغه العربيه تقيله ومعقده
اذا بقى حاول يذاكرها وبرضه مافيش اى نتيجه
فعلا يتوكل على الله ويمتنع عن دخول امتحانها احسن وافضل.
بجد موضوع رائع ... تقبل تحياتى .

رَجَعْتُ لنفْسِي فاتَّهمتُ حَصاتِي وناديْتُ قَوْمِي فاحْتَسَبْتُ حياتِي
رَمَوني بعُقمٍ في الشَّبابِ وليتَني عَقِمتُ فلم أجزَعْ لقَولِ عِداتي
وَلَدتُ ولمَّا لم أجِدْ لعرائسي رِجالاً وأَكفاءً وَأَدْتُ بناتِي
وسِعتُ كِتابَ اللهِ لَفظاً وغاية ً وما ضِقْتُ عن آيٍ به وعِظاتِ
فكيف أضِيقُ اليومَ عن وَصفِ آلة ٍ وتَنْسِيقِ أسماءٍ لمُخْترَعاتِ
أنا البحر في أحشائه الدر كامن فهل ساءلوا الغواص عن صدفاتي
فيا وَيحَكُم أبلى وتَبلى مَحاسِني ومنْكمْ وإنْ عَزَّ الدّواءُ أساتِي
فلا تَكِلُوني للزّمانِ فإنّني أخافُ عليكم أن تَحينَ وَفاتي
أرى لرِجالِ الغَربِ عِزّاً ومَنعَة ً وكم عَزَّ أقوامٌ بعِزِّ لُغاتِ
أتَوْا أهلَهُم بالمُعجِزاتِ تَفَنُّناً فيا ليتَكُمْ تأتونَ بالكلِمَاتِ
أيُطرِبُكُم من جانِبِ الغَربِ ناعِبٌ يُنادي بِوَأدي في رَبيعِ حَياتي
ولو تَزْجُرونَ الطَّيرَ يوماً عَلِمتُمُ بما تحتَه مِنْ عَثْرَة ٍ وشَتاتِ
سقَى اللهُ في بَطْنِ الجزِيرة ِ أَعْظُماً يَعِزُّ عليها أن تلينَ قَناتِي
حَفِظْنَ وِدادِي في البِلى وحَفِظْتُه لهُنّ بقلبٍ دائمِ الحَسَراتِ
وفاخَرْتُ أَهلَ الغَرْبِ والشرقُ مُطْرِقٌ حَياءً بتلكَ الأَعْظُمِ النَّخِراتِ
أرى كلَّ يومٍ بالجَرائِدِ مَزْلَقاً مِنَ القبرِ يدنينِي بغيرِ أناة ِ
وأسمَعُ للكُتّابِ في مِصرَ ضَجّة ً فأعلَمُ أنّ الصَّائحِين نُعاتي
أَيهجُرنِي قومِي-عفا الله عنهمُ إلى لغة ٍ لمْ تتّصلِ برواة ِ
سَرَتْ لُوثَة ُ الافْرَنجِ فيها كمَا سَرَى لُعابُ الأفاعي في مَسيلِ فُراتِ
فجاءَتْ كثَوْبٍ ضَمَّ سبعين رُقْعة ً مشكَّلة َ الأَلوانِ مُختلفاتِ
إلى مَعشَرِ الكُتّابِ والجَمعُ حافِلٌ بَسَطْتُ رجائِي بَعدَ بَسْطِ شَكاتِي
فإمّا حَياة ٌ تبعثُ المَيْتَ في البِلى وتُنبِتُ في تلك الرُّمُوسِ رُفاتي
وإمّا مَماتٌ لا قيامَة َ بَعدَهُ مماتٌ لَعَمْرِي لمْ يُقَسْ بمماتِ

حافظ ابراهيم

طبعاً النص يصور حال الغة العربية في يومنا هذا
وبمنهج قائم على التعقيد والتعجيز وتكريه الطالب في اللغة العربية
وبأساتذة غير قادرين على زرع اللغة في الطالب
آن الآوان ان نحتسب حياة لغتنا العربية
بحياتي لم أضجر من دراسة اللغة العربية

لكني الآن أفعل

بورك فيك يا أستاذ محمد
شكراً على الموضوع

ستظل اللغة العربية من أصعب المواد الدراسية بالنسبة لأولادنا
إذا ما ظلوا يتعاملون معها على أنها مادة دراسية فقط وعبء
ثقيل يحاولون التخلص منه باجتياز الإمتحان واهمالها بعد ذلك

ولكن يجب عليهم تذوقها والاحساس بحلاوتها وجمال تراكيبها
اللغوية ولن يتحقق ذلك إلا بتطويعها فى مواقف حياتية حقيقية
وهنا يأتى دور المدرس خاصة فى المرحلة الإبتدائية حيث سيقع
عليه العبء الأكبر فى البداية لأنه الأساس الذى سيُبنى عليه بعد
ذلك.
عموما فإن مشكلة صعوبة اللغة العربية ستظل قائمة لأنه لم يعد
يوجد القارىء الجيد الذى يتخذ من القراءة هواية مفضلة له

ؤفثفث54355

اقتباس:

---

المشاركة الأصلية كتبت بواسطة وليد سيد معوض

ما هذا الجمال يا حاج محمد؟؟؟؟ لكأني بك عدت طالبا وسجلت ما يجول بخاطرهم هذه الأيام
:18: :18: :18: :18:

---

تشرفنا بك أخي وليد

(((((( اوعى تكون ابن سيد معوض ؟؟ )))))))))

اقتباس:

---

المشاركة الأصلية كتبت بواسطة مونينا

ياااااه يا استاذ محمد
مفيش مدرس حاسس بالطلبة زى حضرتك كده

---

فيه كتير حاسين بالطلاب يا مونينا

لكن ممكن يكونوا مش فاضيين عندهم دروس .

اقتباس:

---

المشاركة الأصلية كتبت بواسطة اسلام غانم

والله يامستر طول عمرك برنس وبتحب تساعد الطالب غير معظم المدرسين المشين بمبدا

عدية وخش فى البعدية

---

شكرا يا برنس

وجميل المبدأ دا يا إسلام
عديه وخش في اللي بعديه ......... ضحكتني والله ههههههههههههه .

اقتباس:

---

المشاركة الأصلية كتبت بواسطة طمعانه في رضاك يارحمن

ربنا يجزيك كل خير

علي العمل الطيب ده

ربنا يكرمك ويباركلك

---

بارك الله فيك يا ابنتي الغالية
وزادك طمعا في رضا الله

شكرا جزيلا علي لفتتك الطيبة وجزاك الله كل خير ونتمني ان حضرتك تاكد علي فصول الجزء الثالث من القصة اصل مواضبعها كلها تقريبا متشابهة

شكراً لك يا استاذ محمد
جزاك الله كل خير
والله اللغه العربيه معقده جداً
وانا مش عارفه اخلص النصوص ولا الادب
اما من ناحيه قصه الايام فهى مش مفهومه
من الاساس
ممكن تقولى اعمل ايه عشان اخلص اللغه العربيه
واراجعها قبل الامتحان
تقبل تحياتى

اقتباس:

---

المشاركة الأصلية كتبت بواسطة احمدعبده

شكرا جزيلا علي لفتتك الطيبة وجزاك الله كل خير ونتمني ان حضرتك تاكد علي فصول الجزء الثالث من القصة اصل مواضبعها كلها تقريبا متشابهة

---

إن شاء الله يا أحمد
تابع حصص الغرف الصوتية اليومية

[quote=سندريلا العراق;19986]

رَجَعْتُ لنفْسِي فاتَّهمتُ حَصاتِي وناديْتُ قَوْمِي فاحْتَسَبْتُ حياتِي

رَمَوني بعُقمٍ في الشَّبابِ وليتَني عَقِمتُ فلم أجزَعْ لقَولِ عِداتي
وَلَدتُ ولمَّا لم أجِدْ لعرائسي رِجالاً وأَكفاءً وَأَدْتُ بناتِي
وسِعتُ كِتابَ اللهِ لَفظاً وغاية ً وما ضِقْتُ عن آيٍ به وعِظاتِ
فكيف أضِيقُ اليومَ عن وَصفِ آلة ٍ وتَنْسِيقِ أسماءٍ لمُخْترَعاتِ
أنا البحر في أحشائه الدر كامن فهل ساءلوا الغواص عن صدفاتي
فيا وَيحَكُم أبلى وتَبلى مَحاسِني ومنْكمْ وإنْ عَزَّ الدّواءُ أساتِي
فلا تَكِلُوني للزّمانِ فإنّني أخافُ عليكم أن تَحينَ وَفاتي
أرى لرِجالِ الغَربِ عِزّاً ومَنعَة ً وكم عَزَّ أقوامٌ بعِزِّ لُغاتِ
أتَوْا أهلَهُم بالمُعجِزاتِ تَفَنُّناً فيا ليتَكُمْ تأتونَ بالكلِمَاتِ
أيُطرِبُكُم من جانِبِ الغَربِ ناعِبٌ يُنادي بِوَأدي في رَبيعِ حَياتي
ولو تَزْجُرونَ الطَّيرَ يوماً عَلِمتُمُ بما تحتَه مِنْ عَثْرَة ٍ وشَتاتِ
سقَى اللهُ في بَطْنِ الجزِيرة ِ أَعْظُماً يَعِزُّ عليها أن تلينَ قَناتِي
حَفِظْنَ وِدادِي في البِلى وحَفِظْتُه لهُنّ بقلبٍ دائمِ الحَسَراتِ
وفاخَرْتُ أَهلَ الغَرْبِ والشرقُ مُطْرِقٌ حَياءً بتلكَ الأَعْظُمِ النَّخِراتِ
أرى كلَّ يومٍ بالجَرائِدِ مَزْلَقاً مِنَ القبرِ يدنينِي بغيرِ أناة ِ
وأسمَعُ للكُتّابِ في مِصرَ ضَجّة ً فأعلَمُ أنّ الصَّائحِين نُعاتي
أَيهجُرنِي قومِي-عفا الله عنهمُ إلى لغة ٍ لمْ تتّصلِ برواة ِ
سَرَتْ لُوثَة ُ الافْرَنجِ فيها كمَا سَرَى لُعابُ الأفاعي في مَسيلِ فُراتِ
فجاءَتْ كثَوْبٍ ضَمَّ سبعين رُقْعة ً مشكَّلة َ الأَلوانِ مُختلفاتِ
إلى مَعشَرِ الكُتّابِ والجَمعُ حافِلٌ بَسَطْتُ رجائِي بَعدَ بَسْطِ شَكاتِي
فإمّا حَياة ٌ تبعثُ المَيْتَ في البِلى وتُنبِتُ في تلك الرُّمُوسِ رُفاتي
وإمّا مَماتٌ لا قيامَة َ بَعدَهُ مماتٌ لَعَمْرِي لمْ يُقَسْ بمماتِ

حافظ ابراهيم

طبعاً النص يصور حال الغة العربية في يومنا هذا
وبمنهج قائم على التعقيد والتعجيز وتكريه الطالب في اللغة العربية
وبأساتذة غير قادرين على زرع اللغة في الطالب
آن الآوان ان نحتسب حياة لغتنا العربية
بحياتي لم أضجر من دراسة اللغة العربية

لكني الآن أفعل

بورك فيك يا أستاذ محمد
شكراً على الموضوع