المعلمون المساعدون يهددون بالاعتصام فى المنيا

المعلمون المساعدون يهددون بالاعتصام فى المنيا

الإثنين، 14 يونيو 2010 - 12:36
http://www.youm7.com/images/NewsPics...2009423461.jpg محافظ المنيا الدكتور أحمد ضياء الدين
المنيا - حسن عبد الغفار
http://www.youm7.com/images/graphics/lg-addthis-en.gif http://www.youm7.com/images/graphics/igoogle.gif
أثار قرار محافظ المنيا الدكتور أحمد ضياء الدين بمنع المدرسين المساعدين من التوقيع فى دفاتر الحضور والانصراف ابتداء من يوم السبت القادم إذا لم يقم كل مدرس بمحو أمية 10 أشخاص، بحالة استياء وغضب لدى أكثر من 200 مدرس مساعد.

أكد أحمد أبو الليل وطارق إسماعيل أنهم يعملون بالعقد المميز منذ 5 سنوات وفى مناطق نائية وخلال هذه السنوات قمنا بمحو أمية 10 أشخاص إلا أننا فوجئنا بقرار من المحافظ يلزم بتعليم 10 آخرين هذا العام لا يزيد عمرهم عم 35 عاما.

وأضاف إيهاب ملاك ودعاء صلاح وهبة احمد أن المحافظ أكد أنه من لا يقوم بتنفيذ القرار فسوف يمنع من التوقيع فى دفاتر الحضور والانصراف بداية من يوم السبت المقبل مشيرين أنهم فشلوا فى لقاء المحافظ لحل مشكلتهم، موضحين أن عددا كبيرا منهم تقدم للامتحان إلا أنهم لم يقبلوا إلا أوراق طالب واحد فقط بحجة السن.

وهدد المعلمون بالاعتصام فى ظل ظروفهم المادية والاقتصادية التى تجعلهم فى حاجة إلى الاستقرار وهو ما يريد المحافظ أن يسلبه منهم، كما تقدم المعلمون بتظلمات عديدة إلا أنها دون جدوى.

http://www.youm7.com/News.asp?NewsID=240562&SecID=97

والله المفروض كلنا نعتصم كل محافظ او مسئول عايز يشهر نفسه يطلع على ظهرنا لما خلاص ظهرنا انكسر ارحمونا واتقوا الله فينا سلبتونا حتى حق الراحه والاستقرار حسبى الله ونعم الوكيل

ارحمو ا من فى الارض يرحمكم من فى السماء خلاص طفح الكيل

دول رجاله بمعني الكلمة

لا حول و لا قوه الا بالله العلى العظيم
كل قوى فى اللى اقوى منه
ربنا يسترها و يقدم اللى فيه الخير

علشان يتشكر مع الوزارة يقفل بيوت الشرفاء اللي ليهم الفضل في هذا البلد على كل الناس من الغفير الي الوزير اكيد طمعان في تجديد تاني او ناوي علي ان يكون وزير على حساب الشرفاء
حسبنا الله ونعم الوكيل

ربنا يسترها معاهم
وإن شاء الله ربنا ييسر الأمور

انا مش فاهمة ليه المدرس المساعد يقوم بمحو الاميه ويتعاقد مع جهتين في نفس الوقت وياريت ا فعلا في محو الامية المسالة كلها غش في غش ومش عارفة المسئوليين مصريين يضحكوا علي نفسهم ما يحدث داخل لجان امتحان محو الامية يثير العجب
اولا غش جماعي بكل المقاييس
ثانيا يتم استبدال الاميين بناس حاصليين علي دبلومات
ثالثا المصحح يقوم بالكتابة للاميين ويعطي الدرجة كاملة طبعا بدافع الوسطة والمحسوبية
وطعا الهدف في النهاية هو حصول المسئوليين علي بعض المال والتظاهر بالتخلص من الامية
كله غش في غش
ولا في امي واحد عايز يتعلم*

ايه ده احنا بقينا ملطشه والله

كل الى اقدر اقولة والله وعملوها الرجالة

والله اللى بيحصل ده اسمه " قلة أدب " أشمعنا أحنا يعنى ليه مفيش حد بيقول الكلام ده للاساسيين
ليه مش بيكلموا غير مع المتعاقدين ده اسمه استهتار بينا وعدم تقدير للمسئولية ولعب بمقدرات الشباب ومصائرهم لو سكتوا على القرار ده اوعدكم تكونوا ملطشة لكل من هب ودب لازم نكون ايد واحدة أمام كل مسئول معندوش مسئولية ايأً كان محافظ وزير أى حد غير فاهم أو واعى كفاية قرف بقا
:39::39::39::39::39::39:

حسبى الله ونعم الوكيل
المدرس ده فى الابتدائى مثلا مش بيمحو امية الاطفال اللى ريحنله مايعرفوش حاجة وبيعلمهم القراءة والكتابة
يعنى كل مدرس بيمحو امية التلاميذ فى مادته عربى وانجليزى ورياضة وحتى الحاسب الالى دى كله مش محو امية
ثم الناس اللى شغاله فى الهيئة العامة لتعليم الكبارشغلتها ايه
احنا هنشرح ونعلم ونمتحن ونضع درجات وتقويم شامل وملف انجاز وجودة وكمان محو امية

مش قولتلكم
بس يارب يعملو حاجة
احنا قدمنا فعلا على محو الامية بس يارب يكون ده له اخر

ياجماعة الاعتصام مش لازم يكون فى المنيا فقط .... لازم يكون فى كل المحافظات لأننا لازم نكون يد واحدة ومنخافش لاننا عددنا كبير و بنطالب بحقنا اللى سلبوه مننا لازم يكون لنا وقفة لاننا بقينا كبش الفدا فى كل شىء احنا عملنا كل اللى طلبوه مننا لكن ايه اللى هما نفذوه ولاحاجة طبعا لان هما مش فى نيتهم تنفيذ اى شىء علشان كده لازم نقف يد واحدة لان الله لا يرضى بالظلم ولايرضى عن السلبية والسكوت عن الحق واحنا للاسف سلبيين ايه يعنى اللى هيحصل لو تجمعنا و طلبنا حقنا
" قل لن يصيبنا الا ما كتب الله لنا "
" و اعلم ان الامة لو اجتمعت على أن يضروك بشىء لن يضروك الا بشىء قد كتبه الله عليك "
لازم تعرفوا ان احنا لو فضلنا بالسلبية دى طلب محو الامية مش هيكون آخر الطلبات

المعلمون المساعدون المتعاقدون فى جمهورية مصر العربية و عددهم يصل إلى مائة ألف معلم. قرروا تنظيم وقفة إحتجاجية لمطالبة الحكومة المصرية بتثبيتهم و تحسين دخولهم المتدنية.
و ذلك أمام وزارة التربية و التعليم ظهر يوم الأحد 25 / 7 / 2010
http://www.facebook.com/group.php?gid=133325813357265 في البلد كلها مش المنيا بس

والله العظيم حرام هو احنا بقينا ملطشة الحكومة

كلنا مع الوقفة الأحتجاجية أحنا عطينا فرصة مرة و اثنين و ثلاثة لكن خلاص تعبنا ومش هنسكت بعد الأن ومطالبنا مشروعة
1- الغاء الأكاديمية المهنية للتعليم وهذا لتضارب القررارات فيها و تعتبر اهدار للمال العام
2- التثبيت الفورى دون شروط وليس عقد 5 سنوات ونكون مثل الأساسين حتى يتحقق الأستقرار لنا
3- التعويض المادى و الأدبى نظراً للأثار النفسية و الأجتماعية التى أصابتنا خلال تلك الفترة العصيبة

يا ريت الكل يشارك على صفحة الفيس بوك
http://www.facebook.com/group.php?gi...3357265&v=wall

ويدعو اصدقاؤه للمشاركة
لتنظيم الجهود
في سبيل نيل حقوقنا المسلوبة

انا من هذه المحافظة .......... و علمت لحد الان حوالي 50 او اكتر بس البيه المحافظ عايز اكتر