احذر الخطر بأيدينا لا بيد غيرنا
وقفة مع خطر كبييير
نساعد غيرنا فى الخراب والتدمير بدون ما نشعر
نسيء الى أشياء عديدة بدون ما ناخد بالنا ولا ا نعرف عنها شئ
منها وده اللى حاصل .
هناك كثير من الناس بيعيبوا فى الأزهر فى المشاركات على المنتديات وفى المحادثات المناقشات العادية بين الناس .وده خط كبير
أنا معاكم إن الأزهر فيه عيوب كتير بس والله إحنا فى أيدينا إننا نصلحها يعنى هتقولوا ازااى؟ ببساطة إن الجيل بتاعنا لازم يخرج منه المعلم الناجح العادل لازم يخرج منه أطباء ومهندسين وصيادلة ناجحين .
إحنا كل شوية بنتكلم عن عيوب الأزهر وخلاص
طب بص وشوف انت عملت إيه للأزهر وابدأ بنفسك وبالناس اللى حواليك حاول انك تكون مثال للازهر الناجح وقدوة للناس فى جميع تصرفاتك . إيه رأيكم لونبدأ مع بعض حملة ونسميها حملة صحوةالأزهر بأننا نكلم الناس عن مزايا الأزهر _و العيوب و إن شاء الله نصلحها سوا_ ونبدأ نعتز بالأزهر .وعلى فكرة مش هنقدر نغير فكرة الناس عن الأزهر لو كانت وحشة غير لو إحنا غيرنا فكرتنا عن الأزهر .وعن تجربة شخصية انا اتعاملت مع ناس كتير كانت فكرتها عن الأزهر مش كويسه خالص _وده كان بسبب بعض الناس اللى بتوصلهم افكار عنه خطا وغلط غير صحيحه ... ومنها اللى واخدين الازهر شعار لهم فى بعض آراءهم وأهوائهم وغيرهم كتير
ولكنى اتعاملت معاهم كأننى ممثل للأزهر
وشوفت ايه الفكر الخطا اللى وصلهم عنه وحاولت أصححه عندهم .و أثبت لهم أن الأزهر مش زى ما هم فاكرين ووصوله لهم وبجد اقتنعوا إن الأزهر فيه الحلو والوحش زى أى حاجة فيها الحلو والوحش.
ايه رأيكوا اننا نبدأ حملتنا حتى من مواضيعنا فى المنتدى ونشجع بعض وكل واحد يبدأ بنفسه لأن الأزهر إيه غير أنا وأنت وهو وهى كلنا أفراد متكاملين. ويا ريت لا نكون يد عون لتدمير الأزهر لأننا كده هنكون بنفذ جزء كبير من مخطط تدمير الأزهر فاحذروا .ويللا بينا مع بعض إيد واحدة فى صحوةالأزهر...............(اسف على الإطالة ومعذرة على طريقة الكتابة إنها بالعامية بس حبيت ان كلامى يوصل لكم) وجزاكم الله خيرا