مهارات بناء وتشكيل فرق العمل ..

الأخوة والأصدقاء .. أنقل لكم هنا جانباً مهماً من المعارف والمهارات التى يجب التدريب عليها جيداً عند بناء وتشكيل فرق العمل ..
والملف المرفق يضم مجموعة مهمة من هذه المهارات .
تقبلوا احترامى

مرة من ذات المرارير

أو المرارات

سألوني في الفريق عن معايير نجاح الفريق

ليه يا جماعة؟

قالوا آل ايه: كل واحد يضع تصوره لكي نبني فريقا ناجحا

يا حلاوة يا ولاد

ول يا ول

أعصري مخك يا لولو

ازاي ينجح فريق ...ازاي ينجح فريق...

آه

أولن لزمن يكون هنا وضح للهدف المشترك لدي جميع الأعضاء،،امال احنا فريق ليه مش علشان عندنا هدف مشترك عاوزين نحققه؟

طيب وثانين؟

آه لازم نكون متنوعين في الخبرات ، التنوع يصنع تكامل وتشارك ويخفض حدة الصراع، نتصارع ليه اذا كنت لا استطيع ان أصل لهدفنا دون مساعدتك، ولا انت،

ما هياش سباق عدو ...اللي يلحق الاول

ده تتابع انا بستلم الشارة منك واكمل وانت ترجع تاخدها وتكمل واللي ح يوصل ...كلنا، في وقت واحد،

حلو الكلام؟

كلام جميل،، وايه كمان؟
كمان؟؟؟...كمان؟؟؟؟
آه
متهيألي لزمن وضروري يتم تحديد المهام بوضوح لكل عضو مع مراعاة الموائمة بين العضو والمهمة،المهمة اللي علي قدي ح أحبها لأنها في حدود امكانيات ، الحاية مش تعجيز ولا اهدار للقدرات في تفاهات،
الوسطية = الفضيلة.
محدش عينه من مهمة زميله
ولا حد عاوز يرمي مهامه علي زميله
التوزيع عادل ، مسبب، ومبرر للجميع، ومبارك من الجميع
وده طبعا ينفد معانا علي شرط تاني لنجاح الفريق
وهو اتاحة الفرصة للجميع للمشاركة في اتخاذ القرار،بل في صنعه من أصله،
حتي يتحمل مسئولية تنفيذه، ويتحمس لها أيضا

هااا...حلو كده
جمييييل وايه كمان؟
أممممم
متهيألي علشان ينجح فريق لابد أن نحرص علي تداول المعلومات .. كل المعلومات
المعرفة متاحة للكل
لا سرية
لا استئثار
ما هو اصل المعرفة قوة، والقوة سلطة ، والسلطة نفوذ، والنفوذ تحكم، والتحكم ديكتاتورية ، والدكتاتوية يعني حاكم ومقهور، آمر ومنفذ، ملك وعبيد
الله الله احنا مش كنا فريق؟
كده برضه يا بدران
حتي انت يا بروتس
والاصل ايه؟
تعمد اخفاء المعلومة
اذن اخفاء المعلومات خيانة عظمي في العمل الفريقي:28:

حلوة لعبة الفلاح الفصيح دي
( شفتوا الفلم ده- بتاع أحمد مرعي؟ رائع ..الفلم والفكرة .. يا رب تكونوا عارفينه ح أفرح أوي)
المهم
يهيأ الي يا مولاي
أن من أسباب نجاح الفريق الرئيسة هو المصارحة عند حدوث المشكلات وعرضها بوضوح وشفافية- وأدب- ومناقشتها بموضوعية للوصول لحلول جماعية،ن
يا مولاي لقد اثبت العلم الحديث أن كتم البطحة بالبن بيسبب تلوث الجرح، والخربوشة الصغيرة في اليافوخ قد تتعمق حتي تصبح خراجا في المخ، يتطور الي ناصور يصاحبه أعراض هستيرية، شمشونية تهد المعبد علي المبطوح والباطحين وأبرياء كثر،
التطهير الفوري وان كان مؤلما،
الا انه يلتئم بسرعة وعلي نظافة،
ولا يكاد يترك الا ندبة صغيرة تضحكنا اذا ما تذكرناها بعد سنين!

هااااااااااااا
خلصت حضرتك؟
أممممممممم
والله يعني ... احنا ممكن نضيف خمس تاءات يتميز بها الفريق الناجح من وجهة نظري!!
تتتتفضلي وخلصينا
احم
متهيألي الفريق الناجح يتميز ب
تبادل الخبرات
تشجيع التميز( وليس التمييز)
تفويض السلطات
تدوير الادارة
والتواصل العميق الايجابي
أصل...
لا شكرا كده يا مدام.. هو حضرتك لسة ح تشرحي؟
طب ملحوظة بس
يا ست ورانا شغل تاني
الله يخليكوا
آخر حاجة والله
هااااااا
بس قصري
حاضر بصوا يا جماعة
الخلاصة الخلاصة
نجاح الفريق هو نجاح لكل عضو فيه، وفشله هو فشل لكل عضو فيه
لا والله؟ نورت المحكمة! شكرا يا هانم
العفو يا جماعة
وان شاء الله فريق ناجح وموفق باذن الله:6:

السنة اللي بعدها
وبعد اصابتي بالضغط
ونوبات الاكتئاب المزمن، المرفقة ببكاء هستيري،
ولان عندي بنت عاوزة أربيها
قدمت اعتذارا وانسحبت من الفريق

معلش الحمد لله

سؤال بس ع الماشي لمحترفي اللغة العربية
ليه فريق جاية من (ف ر ق )
مش ممكن نشوف اسم تاني من ( ج م ع ) يمكن يلمنا شوية؟

:17::friendsxs3::17:

الأستاذ الفاضل والأخ العزيز أ / محمد عبدالمنعم زهران

تحية طيبة لشخصكم الكريم

شكراً استاذنا الفاضل علي هذه المعلومات المهمة واستسمح سيادتكم أناغش طالبة العلم شوية وأترك الكلام بالفصحي وأتكلم مع طالبة العلم الأستاذة الفضلي أ / علا عبد الفتاح اللي دايماً عايشة في الواقع وفلسفتها اللذيذة في تفسير الأحداث وسوف أسميها بعد اليوم الكاتبة الساخرة لما لها من ثقافة ودراية بكل الأمور الحياتية والعلمية وأنتهز هذه الفرصة لأرحب بها في بوابة التعليم المصري

وتفضلوا بقبول فائق الإحترام

اقتباس:

---

المشاركة الأصلية كتبت بواسطة محمود عبدالمجيد مرزبان

الأستاذ الفاضل والأخ العزيز أ / محمد عبدالمنعم زهران

تحية طيبة لشخصكم الكريم

شكراً استاذنا الفاضل علي هذه المعلومات المهمة واستسمح سيادتكم أناغش طالبة العلم شوية وأترك الكلام بالفصحي وأتكلم مع طالبة العلم الأستاذة الفضلي أ / علا عبد الفتاح اللي دايماً عايشة في الواقع وفلسفتها اللذيذة في تفسير الأحداث وسوف أسميها بعد اليوم الكاتبة الساخرة لما لها من ثقافة ودراية بكل الأمور الحياتية والعلمية وأنتهز هذه الفرصة لأرحب بها في بوابة التعليم المصري

وتفضلوا بقبول فائق الإحترام

---

مروركم محمود يا أستاذي الجليل محمود
ويزيدني شرفا تعليقكم الجميل
تلميذتكم
طالبة العلم
علا

.. يعنى مفيش أحسن من كده ..
(دورة نظرية ) ملف مرفق ... نظرى
( ودورة محاكاة ) وسيناريو عملى مُحكم وواقعى ..
شاهدناه كما نشاهد تسجيلا حياً ..
أبدعته المبدعة على الدوام : علا عبد الفتاح
ماشاء الله على تدفق المعلومة وعمقها بحيث يسهل على صاحبتها إخراجها فى أى لغة أرادت ..
عامية كانت أو فصحى ..
ويذكرنى أسلوب علا دائما باسلوب ونهج " المعلم الفصيح " .
الذى يعرف ويعلم .. ويتألم لجهل الآخرين .. ولكنه لا يستطيع أن يصمت ..
فينخرط أحيانا فى معارك مثالية ضد قوى ظلامية . ولكنه يندهش ..
لأن ( الصح ) أصبح الناس يختلفون عليه ..
ولأن ( الخطأ) أصبح الناس عليه فى إجماع .
لذا تعاود الدهشة معلمتنا الفصيحة : لأن الناس يفضلون الإجماع على الخطأ ..
بدلا من الاختلاف الصحى على الصحيح ..
وفى النهاية لا بد من المقاومة ..

أستاذى وأخى : محمود مرزبان
على الرحب والسعة فى كل الأوقات
وأتفق معك أن أختنا علا أصبحت تتميز بالكتابة الساخرة
والتى تحمل من الألم أكثر من الابتسام
تقبل تقديرى واحترامى

موضوع متميز من شخصيات متميزة جداً جداً

بارك الله في طرحكم المميز

ببوابة التعليم المصرى

وجزاكم الله خيراً

مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

أساتذتي الأفاضل،وإخوتي في الله
جزاكم الله خيرا،
رزقنا الله واياكم العمل النافع الخالص المتقبل، الذي يربو خيرا لمصرنا الحبيبة
الحمد لله علي نعمة الأخوة في الله
لقاء في ما يحب الله، وفراق علي التواصي بالحق والصبر،

thankssssssssssssssssssssssssss

الأخت الكريمة : علا
تقبلى تقديرى وامتنانى ..
وفعلا الحمد لله على نعمة الأخوة فى الله
وبارك الله لك وأكرمك وأعزك ..
.......................


وشكرا للأستاذ صلاح سالم على مروره الكريم

مشكورين على هذا المجهود الرائع

مشكورين ونتمنى المزيد

اتمنى المشاركة

شكرا جزيلا لكل الأخوة الذين شرفونا .. والموضوع مفتوح للمشاركة والإضافة يا أخى الكريم أ. الزينى ..
ويشرفنا ويزيدنا فخرا مشاركاتكم ..
تقبل احترامى

شكرا لكم....كنت محتاجة لهذه المعلومات