مانيش عايزة خلاص حاجة
ولا انا محتاجة حاجةولو عايزة صحيح حاجة
مخليتوليش ولا حاجة
عموماً بصوا فيه حاجة
هقولها بس محتاجة
لعقول تفهم
ولو حاجة
مهيش مفهومة او حاجة
نفسرها بكام حاجة
نوضحها بكام حاجة
وأهى حاجة مع حاجة
هتظهر وتبان لنا حاجة
وانا ما بخفش من حاجة
مانيش مسنودة ولا حاجة
لكن ما بخفش من حاجة
لكن فرضاً لو هقول حاجة
هيحصل إيه ؟؟؟ ولا حاجة
هيعملوا إية ؟؟ ولا حاجة
و بعد الشر بعد الشر
لو واحد من القاعدين
من السامعين من الضالين
فِهِم حاجة هَيعملوا إيه ؟؟؟؟
اكيد برضُه ولا حاجة
فنتوكل على الستار لوجه الله نقول حاجة
فيه ناس بتعيش علشان حاجة
وناس بتموت علشان حاجة
وناس بتموت على الحاجة
وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة
وناس تكبر تكون حاجة
و ناس تصغر علشان حاجة
وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة
كلامى يا خلق فيه حاجة؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجة
ما انا ما أقدرش أقول حاجة
صحيح نفسى أقول حاجة وميت حاجة
لكن مش قادرة اقول حاجة
لأنى لو هقول حاجة
هييجى ناس بتوع حاجة
وياخدونى ورا الحاجة
وهو لو سمع حاجة
هيعملوهالى ميت حاجة
عموما بصو لو واحد من القاعدين
عاوزنى أبلغه بحاجة
يقول مايخفش من حاجة
نعم فيه إيه؟
لالالالالأ مافيش سرقه
ولا تهليب ولا تهريب ولا حاجة
وبتقول إيه
مصمصوا إيه؟ وخصخصوا إيه؟
ده كله كلام مفيش حاجه
قضية إيه؟
ياشيخ روح خلاص مافيش حاجه
حرامى إيه ؟ ولَكّح إيه؟وهرب إيه؟
شــفـافـيـه ومافيش حاجة
وبتقول إيه؟لالالآلأ عـــيب
لافيه تدليسو ولاترقيص
ولا تدبيس ولا حاجه
سمع مع هووووس
انا حاسة انه فيه حاجة
دقيقة سكات لَتبقى حداد
انا حاسه انه فيه حاجة
زمنكوا ياخلق فيه حاجة
ولازموا كام وميت حاجة
ده لو يعنى إذا كان فيه حاجة
انا عن نفسى مش حاسة ولا بحاجة
ولا متضايقة ولا حاجة
سعادتك برضه مش زيـى مافيش حاجة ؟
أهـه بيقول مافيش حاجة
جنابك برضه مش زَيـىِ وعلشان زيي مافيش حاجة
أهـه بيضحك بيقول مافيش حاجة
ما أنا قولتلكو من الأول مافيش حاجة
عليا النعمه يا اخوانا مافيه حاجة
ورحمة ابويا ويا أبوك على إللّى جابوك ما فيه حاجه
وعهد الله . وعهد الله. وعهد الله
ما خللولنا ولا حاجه
بقلك ايه خلاص خلص و فركش
يلا يا اخونا مفيش حاجه
هههههههههههههههههههه
والضحكة دى اكبر دليلى على
انى ما فيش حاجة
مانيش عايزة خلاص حاجة ولا انا محتاجة حاجة
عرض للطباعة
-
02-04-2010, 02:35 PMMadame/Basmalhمانيش عايزة خلاص حاجة ولا انا محتاجة حاجة
-
02-04-2010, 02:44 PMنعمه محمود
هو في حاجة؟؟؟؟؟؟؟؟؟؟؟؟؟؟؟
-
02-04-2010, 02:45 PMدينا احمد
اولا حلوة اوى الحاجة دى وثانيا النهاردة اول جمعة فى ابريل يعنى يوم اليتيم يعنى ساعد اليتيم فى اى مكان باللى تقدر عليه قال رسول الله صلى الله عليه وسلم (انا وكافل اليتيم كهاتين فى الجنة واشار باصبعيه السبابة والوسطى) صدق رسول الله صلى الله عليه وسلم
-
02-04-2010, 02:49 PMMadame/Basmalhاقتباس:
المشاركة الأصلية كتبت بواسطة نعمه محمود
كفاية انى انتى تكونى اجمل حاجه ي:6::6:ا نعمة -
02-04-2010, 02:50 PMميس صافيا
دا انتى قلتى كل حاجه
موضوع جميل طبعا
وما فيهوش اى حاجه
قصدى انه فيه كل حاجه -
02-04-2010, 03:01 PMنعمه محموداقتباس:
المشاركة الأصلية كتبت بواسطة madame/basmalh
دايما تأسرينى بذوقك يا قمر -
02-04-2010, 03:01 PMMadame/Basmalhاقتباس:
المشاركة الأصلية كتبت بواسطة دينا احمد
مرسيى يا دينا على مشاركتك واحنا كنا عاملين حاجة لليتيم المبارح والنهارده والصور موجوده يا ريت تشوفيها وتشوف
اد ايه كانت الفرحة والسعادة على وجه اليتيم
http://sphotos.ak.fbcdn.net/hphotos-..._8251914_n.jpg
http://sphotos.ak.fbcdn.net/hphotos-..._8165715_n.jpg
http://sphotos.ak.fbcdn.net/hphotos-..._6440200_n.jpg -
02-04-2010, 03:04 PMMadame/Basmalhاقتباس:
المشاركة الأصلية كتبت بواسطة ميس صافيا
يا نهار ابيض بجد النهارده عيد مس صافيا بتشارك فى موضوع ليه والله بجد ليه شرف الف شكر
ومرسيى جدا لحضرتك:17::17::17: -
02-04-2010, 09:38 PMياسر الدقاقكلام جميل جداً وذا مغزي كبير
يحتوي علي كل حاجه وفي معناه مفيش حاجه
شكراً مدام بسملة علي نقلك لأبيات شعر رائعة
من أجمل ما نظمت الشاعرة الكبيرة إيمان بكري
شكراً لكي وجزيت خيراً
-
02-04-2010, 09:50 PMsodfasalah
شكرا علي الزجل اللطيف هذا الذي فيه كل حاجة
-
02-04-2010, 10:00 PMahmed fouad
لا لأ مفيش حاجة كنت حاسس ان فى حاجة
طلع خلاص مفيش حاجة
لا فى تعيين ولا تثبيت ولا حاجة
هو احنا نقدر نقول حاجة -
02-04-2010, 10:41 PMامل لاشينهو فعلا مفيش حاجه ....
لان مفيش اي حاجه لانسان لا يوجد لديه حاجه ..
والدنيا ولا حاجه ولا بتعطي من يريد حاجه ..
ههههههههه...ولا في اي حاجه تستاهل..
-
17-04-2010, 01:51 AMMadame/Basmalhاقتباس:
المشاركة الأصلية كتبت بواسطة امل لاشين
نورتى يا احلى امل فى المنتدى هو فعلا ما فيش اى حاجه:38::38::38:
-
17-04-2010, 09:16 AMوسام غانممين اللى قال ان فى حاجه
ده فى حاجات مش حاجه
حضرتك اتكلمتى عن كل حاجه
و مسبتيش و لا حاجه
يارب ييجى اليوم اللى الناس
مش هتكون فيها محتاجه
و كده مش هيبقى فى و لا حاجه
و هيبقى كده كل حاجه
تــــــــــمــــــــــام
:27::27::27:
جزاكى الله كل الخير
-
17-04-2010, 10:48 PMMadame/Basmalhاقتباس:
المشاركة الأصلية كتبت بواسطة سمسمه غانم
-
17-04-2010, 11:53 PMزهره المدائنانا مش عايزة حاجه من اللي مقدرش أي حاجه
بس هقوله حاجه انت اللي خسرت كل حاجه
بس هدي كل حاجة للي يقدر اهم وأغلي حاجه
وهقوله يا بختك اخدت كل حاجه
بس ياريت تصون الحاجه
اللي استحاله تتقدر باي حاجه
ليكي انت بقي اسمي حاجه
كلامك قال كل حاجه
بالرغم انه مخبي كل حاجه
تسلمي وتسلم كلماتك -
18-04-2010, 01:27 AMهمس الحنينبهمسه منك فهمنا كل حاجه
وعرفنا بقدر الدنيا مبتديش حد حاجه
لكن جمال كلماتك
بيعوض كل حاجه -
23-04-2010, 10:53 PMMadame/Basmalhاقتباس:
المشاركة الأصلية كتبت بواسطة زهره المدائن
-
28-04-2010, 12:24 AMmr.osamaهو في حاجة ..
طبعاً ولا حاجة
أحب أقول حاجة
شكراً مدام/ بسمله
لنقلك لذلك الزجل
للشاعرة/ إيمان بكري
وعلى فكرة كنت سمعتها أكثر من مرة
على شاشات التليفزيون
ولها العديد من القصائد والزجل الجميل
http://www.youtube.com/watch?v=NlwlM...layer_embedded -
29-04-2010, 11:18 PMMadame/Basmalhاقتباس:
المشاركة الأصلية كتبت بواسطة همس الحنين