عندما تأتي الشتاء

السلام عليكم

للشتاء فوائد كثيرة أشرف السيد راح يرويها

اولاً أن البنات مش بتلبس الباضي اللي كان بيخنق ولبسهم بقي محتشم يارب الشتاء تفضل على طول

وصية عمر الشتوية

كان عمر بن الخطاب رضي الله عنه إذا حضر الشتاء تعاهدهم وكتب لهم بالوصية: "إنّ الشتاء قد حضر، وهو عدو فتأهبوا له أهبته من الصوف والخفاف والجوارب، واتخذوا الصوف شعارًا (الملابس الداخلية) ودثارًا (الملابس الخارجية)، فإنّ البرد عدو سريع دخوله بعيد خروجه".

غنيمة العابدين وربيع المؤمنين

عن عمر رضي الله عنه قال: "الشتاء غنيمة العابدين". [رواه أبو نعيم بإسناد صحيح].

قال ابن رجب: "إنّما كان الشتاء ربيع المؤمن لأنّه يرتع في بساتين الطاعات ويسرح في ميادين العبادات وينزه قلبه في رياض الأعمال الميسرة فيه".

ومن كلام يحيى بن معاذ: "الليل طويل فلا تقصره بمنامك، والإسلام نقي فلا تدنسه بآثامك".

و عن ابن مسعود رضي الله عنه أنّه قال: "مرحبًا بالشتاء، تنزل فيه البركة ويطول فيه الليل للقيام ويقصر فيه النهار للصيام".

ومن درر كلام الحسن البصري قال: "نعم زمان المؤمن الشتاء ليله طويل يقومه، ونهاره قصير يصومه".

وعن عبيد بن عمير رحمه الله أنّه كان إذا جاء الشتاء قال: "يا أهل القرآن! طال ليلكم لقراءتكم فاقرؤوا، وقصر النهار لصيامكم فصوموا".

الغنيمة الباردة

قال رسول الله صلى الله عليه وسلم: «الصوم في الشتاء الغنيمة الباردة» [رواه أحمد وحسنه الألباني].

قال الخطابي: "الغنيمة الباردة أي السهلة ولأنّ حرارة العطش لا تنال الصائم فيه".

قال ابن رجب: "معنى أنّها غنيمة باردة أنّها حصلت بغير قتال ولا تعب ولا مشقة، فصاحبها يحوز هذه الغنيمة بغير كلفة".

فحري بك اقتناص هذه الغنيمة لاسيما في الأيام الفاضلة مثل الاثنين والخميس أو الأيام البيض ونحو ذلك.

انت الشتاء بالنسبة لك ايه وبتحب الشتاء ولا بتخاف منه

انا بعشق الشتاء

اجمل فصل في السنة ..

صحي وهادي ويسهل صيامه و قيامه

واحلى ما فيه بالنسبة لي

( الدش الساقع قبل الفجر )

وكمان الاكل فيه بيكون سهل الهضم ..

انت الشتاء بالنسبة لك ايه وبتحب الشتاء ولا بتخاف منه

انا بعشق الشتاء ؟؟؟؟؟؟؟؟؟؟
[IMG]http://ladyt.***********/t_2_winter_depression.jpg[/IMG]

أنا بعشق الصيف انطلاق وحرية وكمان اجازة لكن الشتاء برد ومطر وحبسة

http://www.amlalommah.net/up/images/...day-curric.jpg

موضوع جميل بارك الله فيك

الشتاء من احسن الفصول التى احبها

حيث تجد الهدوء والملابس المحتشمة

والشتاء ربيع المؤمن فصيام نهاره غير متعب

وهو فرصة لقيام الليل لأن ليل الشتاء طويل

وعلى فكرة أشرف غير لون الكتابة وحجم الخط

زمان كنت بحب الشتا ومطره وبرده لكن من بعد ما جبت عمر وحبيبة بقيت بكره الشتاء واخاف منه لانه ارتبط بنزلات البرد والمرض لذلك أخاف جدا من الشتاء أضف إلى ذلك انه فعلا حبسه وخنقة

اقتباس:

---

المشاركة الأصلية كتبت بواسطة أشرف السيد

السلام عليكم

انت الشتاء بالنسبة لك ايه وبتحب الشتاء ولا بتخاف منه

انا بعشق الشتاء

---

بصراحه احب الشتاء فقط عشان المطر لما بيكون خفيف ياااااااه الجو بيكون رومانسي علي الاخر والناس بتكون ماشيه بتجري وطبعا انا مابصدق وبفرح أوي في البنات اللي سايبه شعرها اكيد بيكرهوا نفسهم في الشتاء وخلي بالك ياابو ادم رغم الشتاء وانك مش بتشوف النصف كم والجيبه اللي فوق الركبه
لكن دول مش بيغلبوا اللبس بيكون محزق برده

موضوع جميل جزاك الله خيرا
وياراجل بلاش تحرمنا من مواضيعك الحلوه دي

انا بحب الشتاء جدا جدا
كفاية كدا انك تنزل الشارع و الدنيا بتشتى و تجرى زى العيال الصغيره
بجد بتبقى اسعد لحظات ممكن اعدى بيها
دا غير كدا بقى وانت متكلفت بالبطانية و مدفى كدا بجد متعه
و يسلام بقى الناس الكبيرة تولع البابور علشان تدفى من الشتى
كل دا بيخلينى فى قمة انتعاشى و قمة اثارتى

انا بعشق الشتا
وريحه المطر مع تراب الارض

بحس فى الشتا بالحنيه
رغم نزلات البرد والامراض اللى فيه

الشتا عندى احسن من الصيف

شكرا لكل التعليقات الرائعة والمفيدة

والنتيجة فوز الشتاء 6 الى 2 فقط للصيف

وانا كمان بحب الشتا اوى
اول ما الدنيا بتشتى انشالله تشتى طوب وعصافير
احب اقف تحت الشتا اوى
اوووووووووووى
زى الرسول عليه الصلاة والسلام
كانيحط ايده الشريفة تحت المطر
ويمسح بيها جسده

بس يا خسارة
الشتا قصير اوى للاسف
ورجعنالنفس النقطة تانى
مفيش سعادة فى الدنيا كاملة ابدا
السعادة الكاملة
فى
الجنة

ههههههههههه
موضوع جميل جدا
الشتااااااء طبعا وبكل تاكيد
انا احب ان الدنيا تشتى عليا والارض مش تتبل:10: ازاى محدش يسالنى
هههههههههههههه
بجد بحب الشتاء جداااااااااا:028ja7:
ويا سلاااااام بقا مع ريحة الشتاء فى اولة:32:
يعنى تكون الارض نشفة ومتربة وينزل الشتا عليها بقا
استمتع انا بقا من الريحة
شوفتو الى بيشم سحاب بتبقا دماغ كدة
ههههههههههههه
انا بشم ريحة مية الارض
الشتااااااااااااااااااااااء بكل المقفايس
عيبة الوحيد
المدرسة:31:

انا بموت فى الشتا والمشى تحت المطر

ويا سلام بقى وانت تحت اللحاف والدنيا سقعه

:20:

اقتباس:

---

المشاركة الأصلية كتبت بواسطة أشرف السيد

السلام عليكم

للشتاء فوائد كثيرة أشرف السيد راح يرويها

اولاً أن البنات مش بتلبس الباضي اللي كان بيخنق ولبسهم بقي محتشم يارب الشتاء تفضل على طول

انت الشتاء بالنسبة لك ايه وبتحب الشتاء ولا بتخاف منه

انا بعشق الشتاء

---

لازم اعلق بكلمتين بخصوص النقطة ديه
بص يا ابو ادم
لو عاوز تعرف اد ايه احنا اتحولنا وبقينا اجانب
انزل دبى
يا راجل ده بقى عادى جدا كل حاجة
وعلى فكرة بقى الباضى فى دبى شغال طول السنة
ربنا يهدى الناس اجمعين

يا عز

دبي بلد لها واقع معماري يجعلها خارج تغطية النطاق العربي

فنحن لا ننزعج من ابراجها ولكن ننزعج عندما تنسلخ من عروبتها

رائـــــــــــع... جمل مأثورة جميلة ...والله الشتا عجبنى

:27:اجمل فصل في السنة في مصر
انا شخصيا بحب الشتاء
واعتبره ربيع مصر

طبعا حضرتك خلصت الكلام الجميل عن الشتا وفوايده
أنا شخصيا بحب الفصل دا قوى
بالاضافة لكلامك الجميل هو فصل بتقل فيه الامراض لان الجراثيم بتتقتل طبعا باثتثناء نزلات البرد دى اللى يمكن تفاديها بشوية حذر وعدم تلبيخ فى اللبس
نزلات البرد عندنا فى الغالب بتيجى لان الجو عندنا والهوا غير نقى
اكيد اللى عاش بره فى اوربا مثلا يدرك ان الجو صحى جدا هناك برغم الثلوج والبرد الشديد ونادرا اما حد يجيله نزلة برد هناك
كما انك فى الشتا تقدر تتغلب عن البرد بانك تعمل اى حاجة
انما الحر دا هتعمل فيه ايه
فى البيت ممكن تتغلب علية بمكيف او مروحة مثلا انما فى الشارع وفى اماكن كتير مفيش حل غير الزهق والفرفرة!!!!!!!!!!!!!!!!!

عموما كل حاجة خلقها ربنا لها فايدة لو شتا على طول مش ينفع ونتجمد ولو صيف على طول نسيح
هههههههههههههههه
كمان فيه فاكهة وخضار فى الصيف وفيه فاكهة وخضار فى الشتا
او على الاقل المفروض يعنى
ولو ان اليومين دول من كتر الغش والكيماويات والعيا الواحد معدش عارف يفرق بين الخيار والبامية!!!!!!!!!!

شكرا على موضوعك الجميل

يعتبر الشتاء من أفضل فصول السنه
كما أنه فصلى المفضل
فيه يكون النشاط و العمل

انا مش بحب الشتا لا علشان برد ولا علشان حاجة

مش بحبه دا لان فى الشتاء عندنا كله فى البيت من الساعة 9 ومحدش

فى الشارع ولافى عيال بتلعب ولا حاجة

انا بحب الوقت دا لا شتا ولا صيف

ومش بحب الصيف علشان الحر بتاعه والزهق

لكن ان الناس عايشة والعيال بتلعب وانت تتفرج عليهم

شىء جميل

[size="5"] مع العلم ان خسارة مفيش عندنا مطر الا نادر مرة فى السنة ولا مفيش للكن لما بيبق مطر طبعا ببقا فوق السطوح[/size]