قالت السفيرة مشيرة خطاب وزيرة الأسرة والسكان أنها كانت تتمنى أن تعمل " راقصة " بفرقة رضا للفنون الشعبية ... وقالت الوزيرة أنها تعشق هذا الفن وكانت أمنية حياتها أن تكون راقصة ..!!
تحدثت الوزيرة عن حياتها الاجتماعية في حوار شفاف وصريح جدا لبرنامج " المخرج " على قناة نايل لايف .. قالت الوزيرة بمنتهى العفوية :
أنا كنت باحلم ابقى "باليرينا" .. دي كانت اجمل حاجة باعملها من وانا عندي خمس سنين .. كنت باعمل باليه وكنت باروح مدرسة باليه وبعدين لما دخلت الجامعة وكان عندي 16 سنة بابا قال لي بطلي .. بلاش فساتين قصيرة على خشبة المسرح .. وكان أملي انضم لفرقة رضا لكن "بابا" رفض ...
وقالت أنني نفذت طلب والدي لأنه كان فيه تربية وقالت الوزيرة أنها شديدة الاعجاب بفرقة رضا وطالبت بالحفاظ عليها لأنها تراث وأشادت بالآداء العالي لفريدة فهمي في الرقص ...
ةتحدثت الوزيرة عن " الدلع " وقالت أنها كانت دلوعة وكانت اسرتها تعاونها على الدلع لكنها في النهاية كانت تحترم تربية والدها لها ووالدتها وتحدثت عن اختيارها زوجها وهو ابن عمها وقالت انها تقوم بدور الأم بالنسبة لأولادها ومبلغ سعادتها أنها أصبحت جدة وان دور الجدة هو اعظم ادوار حياتها ...
وتحدثت عن اعنزازها بنفسها وكرامتها وانها لاتقبل مطلقا المساس بشخصيتها المستقلة والمتفردة ...
الوزيرة مشيرة خطاب تولت منصب وزيرة الاسرة والسكان مؤخرا بعد فصلها عن وزارة الصحة كوزارة مستقلة .. وأثارت جدلا واسعا في الشارع المصري بتصديها لقضايا اجتماعية شائكة حيث اعلنت الحرب على زواج القاصرات وهي احدى الظواهر المنتشرة في مصر واحالت عدد من مأذوني القاصرات الى النيابة العامة ومعروفة بالحسم في القرارات ...
شاهد حوار الوزيرة كاملا بالضغط على الروابط التالية ....
الوزيرة مشيرة خطاب : أنا دلوعة اضغط هنا
مشيرة خطاب : انا ربة بيت شاطرة وتعبت مع اولادي اضغط هنا
الوزيرة مشيرة خطاب:كان نفسي اشتغل"رقاصة".فيديو
عرض للطباعة
-
30-11-2009, 05:33 PMكريم ماضيالوزيرة مشيرة خطاب:كان نفسي اشتغل"رقاصة".فيديو
-
30-11-2009, 05:41 PMالمجاهد فى سبيل الله
وايه المشكلة يا عم كريم
هى انسانه ولها امانى و احلام واهداف
مين فينا مكنش نفسه يبقى الرئيس مبارك
ولا مين فينا محلمش انه يبقى ظابط و الاخر طلع حرامى
عادى خالص هى اتمنت انها تطلع رقاصه فا ربنا كرمها و طلعت وزيرة هى مكنتش متخيله ان ربنا حيفرجها عليها كدا
عادى خالص -
30-11-2009, 05:56 PMكريم ماضي
هههههههههههههههههههههههههههههههههه
تحيا مصر -
30-11-2009, 06:00 PMكريم ماضييا احمد مفيش مشكله خالصاقتباس:
المشاركة الأصلية كتبت بواسطة المجاهد فى سبيل الله
دول أصلا سياستهم غلط وجايبين العار لمصر
ونعمل ايه بقي نستاهل اكتر من كده
كمان شويه وزير يطلع يقول كان نفسي اطلع (طبال)
بلا خيبه
مش عارف أقول ايه والله
حسبي الله ونعم الوكيل -
30-11-2009, 09:07 PMMOUMEN
طبعا في مشكلة
ده حتى الشاعر قال
إذا كان رب البيت بالدف ضارباً ... فشيمة أهل البيت الرقص
لما الوزيرة تطلع تقول كان نفسي اطلع رقاصة يبقى الشعب يعمل ايه يفتح بيوت د..... بلاش بقى
طيب واحدة طموحها تطلع رقاصة ازاي اصلا تقترب من المجال السياسي
في الاخر مش هقول زيك يا كريم تحيا مصر
لاانا هقول
تحيا الكووووووسة
اصل بقالي فترة ماكلتهالش انت عارف بقى الواحد في عيد وكله لحمة
مشكور على موضوعك يا كريم
وشكرا للوزيرة الفيبريشن -
30-11-2009, 09:23 PMشمس بياض
اللى يارب اشوفها بترقص فى الشوارع -يعنى هى مش بترقص دلوكيت ما هو الرقص انواع
فيه رقص الحيات والتعابين
زى ما لغت قرار الزواج بتاع القاصرات خلت الجواز العرفى انتشر والاهالى فى الريف بيتحايلوا على القانون ويجوزوا البنات ولما تبلغ السن يوثقوا الجواز المصيبه الاولاد اللى بتخرج للدنيا من هذا الزواج
وماله---------ولسه --ماقلوش ماما سوزى هى كمان بتعمل ايه؟؟؟؟؟؟؟؟؟
والله انت تغيظ ياكريم
حاجه ترفع الضغط -
30-11-2009, 10:17 PMمسيو وليد عسكر
رقاصة وبترقص
-
30-11-2009, 10:57 PMahmed fouad
طبعا حكومة فرقة رضا
فن وادب وسياسة -
30-11-2009, 11:19 PM7asnaa kareemمفيش حد من حقه يلوم حد على احلامه
كل واحد بيمر فى وقت من الاوقات بظروف بتخليه يتمنى حاجات كتيييييييير
رغم انها ما بتحصلش
انا كان نفسى ابقى ظابط شرطه
وفى وقت من الاوقات كان نفسى برده ابقى بالرينا
بس كل دا فى الهوا
كل دى احلام
ولولاها كان الانسان مااااااااااااااااااات منذ قديم الازل -
01-12-2009, 09:48 AMكريم ماضياقتباس:
المشاركة الأصلية كتبت بواسطة moumen
والله كلام جميل
ومشيره خطاب دي ربنا يكرمها أخر كرم ان شاء الله
واشوفها كده محصله الوزير بتاع القطار
بس كلام بيني وبينكم دي صاحبة ماما
ماما سوزان يعني محدش يفهمني غلط
يعني هتقعد وتتربع