السلام عليكم ورحمة الله وبركاته
ازيكم يا احلى اعضاء يارب تكونوا بخير كلكم
النهارده موضوع مثير جدا جدا
لانه بيتعلق بالدولة لان الدولة بتتلخص من العنوان و رئيس الجمهورية القادم هو العنوان
يعنى من الاخر عايزين نعمل استطلاع صغير جدا على قدنا
و نقول عنوانه مين حيبقى رئيس مصر
بصراحة انا سمعت تعلقات جميلة اوى
لما نزلت اعمل تحقيق بين الشباب
سمعت بجد تعلقات جميلة اوى
و فى نفس الوقت لسه سامع دوقتى تعليق فى التلفزيون
لراجل عجوز فى العاشرة اليوم
قال مسك الحكم ساب الحكم هو محمد حسنى مبارك
وواحد كمان قال هو مبارك حنقوله ارجع حيرجع
دوقتى عايزين احنا نقول وجهت نظرنا بما اننا كلنا مصريين
ادرى بامور بلدنا
يلا نقول حترشح مين للرئاسة
اكتر المرشحين شعبية و اتقال اساميهم كتير هم
1- عمرو موسى
2- الدكتور محمد البردعى
3-احمد زويل
4-جمال مبارك
5 ودا من عندى انا هو عمر سليمان
ها دول المرشحين بقوة لمنصب رئيس الجمهورية
يا اما كمان اختيار احب اضيفه
ان محمد حسنى مبارك حيعدل القانون و يمدله فترة رائسية جديده لحد ما يلقى الله ان شاء الله وهو رئيس جمهورية
و كمان اقتراح انى انشئ اختيار كمان بيقول
وانا مالى يا عم مش بتكلم فى الكورة
يلا ورونا ترشحاتكم
ادخل ورينا حتختار مين للمنصب الخطير دا؟
عرض للطباعة
-
25-10-2009, 01:19 AMالمجاهد فى سبيل اللهادخل ورينا حتختار مين للمنصب الخطير دا؟
-
25-10-2009, 04:31 AMشريف
أتمني أن أجد يوما ما رئيس شاب مصري مسلم قوي يدرك جيدا أنه سيسئل عنا يوم القيامة أمام الله
يخشي الله و يتقه ... هذا كل ما أتمناه
و سأختار عمرو موسي لانه يعتبر أفضل الموجودين في الاختيارات اللي انت طرحتها يا احمد -
25-10-2009, 02:24 PM7asnaa kareemأنا أرجح الدكتور العلامه أحمد زويل والله هينقل مصر نقله حضاريه مهمه جدا خصوصا إنه هيستغل طاقات الشباب المدفونه ومصر هترجع لأيام زمااااااااااااااااااااااااان
-
25-10-2009, 02:32 PMس ا يوسف
ان شاء الله الريس بعيش 20 سنة كمان
-
25-10-2009, 02:33 PMصوت الامة
والله يا ابو حميد الحكاية معروفة
ومش مستهلة ترشيح ولا توقعات
ربنا يرحمنا برحمتة
وينتقم من الظالم هو المنتقم العادل
شكرا على الموضوع -
25-10-2009, 05:49 PMكريم ماضي
1- عمرو موسى
2- الدكتور محمد البردعى
3-احمد زويل
4-جمال مبارك
5 ودا من عندى انا هو عمر سليمان
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
هختار اللي يديني برنامج انتخابي معقول ويحل بيه المشكال
ومن ضمن برنامجه اداراج بند في الدستور يسمح بمحاكمة الرئيس او اي مرشح بمصر بعد انتهاء فترة رئاسته او عضويته للمجاس وماشبه ذلك في حالة عدم تطبيقه لبرنامجه الانتخابي
مش شايف حل غير كده لاننا شاطيرن اوي في الكلام
انما الفعل مفيش خالص
ربنا يسترها علينا وعلي البلد
شكرا ياحج علي الموضوع
-
25-10-2009, 06:22 PMدعاء شديداقتباس:
المشاركة الأصلية كتبت بواسطة كريم ماضي
اسمحلى يا كريم اعلق على الجمله دى
بعد إذنك
مش مهم البرنامج الانتخابى يكون ايه
المهم انه يتنفذ !!!!!!!!!!!
يعنى الاختيار يكون لصاحب البرنامج الانتخابى
الذى يتسم بالواقعية وقابل للتنفيذ
البرنامج الذى لا تشعر وانت تقرأه انك فى رحله من رحلات
اليس فى بلاد العجائب -
26-10-2009, 11:54 PMمستر أشرف فودهاقتباس:
المشاركة الأصلية كتبت بواسطة المجاهد فى سبيل الله
بالنسبه لى مش عارف مين فيهم الأصلح
و الله أعلم مين الحلو و مين الوحش
علشان كده هختار واحد أعرفه كويس
الفارس أشرف فوده
ههههههههههههههههههه
-
27-10-2009, 05:22 PMشريف:)اقتباس:
المشاركة الأصلية كتبت بواسطة مستر أشرف فوده
و انا أول واحد هيرشحك يا مستر أشرف
علي الاقل الشعب هيطلع الاول في اللغة الانجليزية علي الفصل كله :) -
27-10-2009, 09:59 PMمستر أشرف فودهاقتباس:
المشاركة الأصلية كتبت بواسطة شريف
الله يخليك يا شريف باشا
خلاص أنا عينتك وزير
ياله إختارلك وزاره و الا أتنين تمسكهم
كويس لقيت واحد يضرب معايا
لو حصل فى الأمور أمور
أو حد زعل من الكلام ده
-
30-10-2009, 04:13 AMعز وحيد
بصراحة
ولا واحد فيهم
ده رأيى
لانى بصراحة حاسس انهم هيبقوا امتداد
بخلاف طبعا السيد عمرو موسى
الى للأسف الجامعة اعربية على ما اعتقد لازم تكون اثرت عليه
بص يا احمد الى اتنازل مرة
سهل يتنازل الف