السلام عليكم ورحمة الله وبركاته
هذا الموضوع خاص ومباشر لأخي ( الزائر )
((((( الحقيقة كل يوم ........ ألاقي عدد كبير من الزوار ، وكل ما أشوف العدد دا في جميع الأقسام ... والله بحزن أوي ..
أقولكم ليه ..
أولا : سيادتك يا زائرنا الكريم .... موجود معانا كل يوم وبتابع كل جديد في الموقع .. لكن ليه حاطط حاجز زجاجي بينا وبينك ؟؟
يا أخي ويا أختي نتمنى أن نتواصل معكم في الخير .
وبعدين انتوا خسرانين حاجه ... ما تسجلوا بأي اسم واتفضلوا ..
بجد هنسعد بيكم جدا
وإذا كنت يا سيدي زائر مش غريب علينا ... ومنعك أي ظروف انك تدخل باشتراكك الأول ..
يا سيدي اعمل اشتراك تاني وافتح صفحة جديدة واحنا بنمد ليك ايدنا اهوه
اهوه ... شايفها ...
يا عمي انت باصص فين ؟
ايدي اهي قدامك ..
نفتح صفحة جديدة مادام هدفنا الخير .
والاستاذ الزائر اللي اول مره يزورنا أو بيزورنا باستمرار ... ننتظر تسجيلك لتكون عضوا في أسرتنا الجميلة بوابة التعليم المصري ..
والا عاجبك كده تفضل واقف بره سور البوابة .........
انا بقولك اهوه ـــــــ اتفضضضضضضضضضضضضل
هتلاقي احسن ضيافه ... شاي وقهوة وفطار وغدا وعشا ...... على حسابك طبعا ...
لكن ممنوع السجاير ...
انتي جاي تخنقنا بقا والا ايه ؟
ـــــــــ
أخيرا وليس آخرا
نرحب بك زائر أو عضوا في أي وقت ..
وكان هدف موضوعي هذا أن أتواصل معك وأتشرف بمعرفتك وصداقتك
وأجمل ما في موقعنا أن أصبح لي الآن صديق في كل بلد مصري
وهذا أعظم فائدة أحمد الله عليها ..
بارك الله فيكم ورزقكم الخير أينما كنتم ..
وسجل دلوقتي لو سمحت ... لكن وانت داخل سيب بطاقتك أو رقمك القومي على البوابة للأمن ولو سمحت عدي من البوابة الالكترونية لتكون شايل ممنوعات أو حاجه وأخطر ممنوعات السجاير .
اتفضل في الرسبشن ، وخد نفسك ... وثواني يجيلك الحاجه الساقعه .
-
09-10-2009, 11:44 AMمحمد عبد العظيم وسيةإنت يا أستاذ ... إنت يا زائر ... أيوه حضرتك ما تبصش وراك .. إنت إنت ... اتفضل معايا
-
09-10-2009, 11:48 AMمسيو وليد عسكروالله يا محمد انت عسل
ياخي مش عارف اقولك ايه؟
بجد رجوعك للمنتدي بقوة اسعد كل المحبين لبوابة التعليم
انت فعلا ابو تريكة المنتدي ده لما بتغيب للاصابة سمعتنا بتضيع وبنخلي منتديات تعبانه تطمع فينا:)
اسعدك الله ورزقك الخير اينما كنت
وكل عام وانت بكل خير:18: -
09-10-2009, 11:53 AMمحمد عبد العظيم وسيةشكرا يا غالي يا صديقي العالي ..اقتباس:
المشاركة الأصلية كتبت بواسطة وليد عسكر
ايه الكلام الكبير عليا دا
وبعدين منتدى مين التعبان دا اللي يطمع فينا ..
فين البودي جاردس اللي واقفين على البوابة ؟؟
خصم 3 سنين ليهم .
وشكرا يا حبيب قلبي
على تشبيهي بأبي تريكه ... فكرتني بالأهلي حبيب قلبي بالعند في ................
في في في فريق
فريق ......
فريق الساحة الشعبية عندنا في الزقازيق
عشان ماحدش يزعل ، واخد بالك يا كريم أنت وعز . -
09-10-2009, 12:15 PMBlanche Neigeاقتباس:
المشاركة الأصلية كتبت بواسطة محمد عبد العظيم وسية
[/color]
ازاى بس يااستاذ محمد تنسى اهم حاجه
وهى الرحلات الجامده جدا .. جداااا ... جدااااااااا
للمنتدى انت مش عاوز الناس تسجل ولا ايه لا ماينفعش كده خالص
انا من كتر اللى باسمعه عن الرحلات اللى مالهاش حل
متشوقه جداااا انى مااطلعش اول رحله تيجى قريب معاكوا
لالالالا قصدى اطلع بلاش تفهمنى صح حضرتك
عموما موضوع حضرتك وكالعاده جميل جداا
ودعوه طيبه من عضر محترم محب
للمنتدى وحريص على زيادة
عدد اعضائه تحياتى لحضرتك -
09-10-2009, 12:18 PMشريفالمنتدي من غيرك
.............
ينقصه كتير اوي
القسم العام لعلط و زقطط بموضوعاتك
انا عارف
هتيجي الدراسة بتقلها
و الشغل و الدروس ما شاء الله
و تغيب عننا
انا واثق
بس ساعتها
هجيلك البيت
و معايا تلاتين ألف عضو
و علي رأسهم مديري المنتدي
و هنخبط بكل رخامة عليك الساعة تلاتة الفجر
و هنقومك من عز النوم
و هنشدك من ايدك
بملايتك
و نجيبك علي المنتدي
و ساعتها
مش هتقدر تفتح بقك مع تلاتين الف عضو -
09-10-2009, 12:23 PMمحمد عبد العظيم وسيةلا لا .......... رحلات ...اقتباس:
المشاركة الأصلية كتبت بواسطة blanche neige
احسن رحلات في الدنيا عندنا هنا في الموقع
إزاي بقا
وبعدين عايز اوضح نقطه يا استاذه أميره
الرحلات العادية الجميلة اللي ما بيحصلش فيها مشاكل
بتقى رحلات عادية وتقليدية ومملة
لكن الرحلة لما يبقى فيه مشاكل وناس تعطش وناس تتوه وناس تغرف في البحر
ياااااااه
شايفه الحيوية والإثارة والتشويق والأكشن
وعمرنا ما بننسى الرحلات اللي زي دا طبعا
اعملي حسابك .. انا حاجزلك الكرسي اللي جمب السواق في الرحلة القادمة إن شاء الله
عشان تلمي الأجره ــــــــ والأجر والثواب على الله -
09-10-2009, 12:23 PMمسيو وليد عسكراقتباس:
المشاركة الأصلية كتبت بواسطة شريف
ههههههههههه
والله عسل يا شريف
بملايته؟:7:
ياساتر عليك يا شيخ
هو الراجل عمل فيك ايه علشان تصحيه بفضيحة كده؟:)
محسسني انك من زوار الفجر وانه عمر الشريف في فيلم في بيتنا ((أيد)) اقصد ((رجل))man يعني:) -
09-10-2009, 12:25 PMمحمد عبد العظيم وسيةايه يا مستر شريف ؟؟؟؟اقتباس:
المشاركة الأصلية كتبت بواسطة شريف
انت محسسني انك من مباحث الآداب ...
وهنشدك من ايدك وميالتك ... واوعى حد يمد ايده ...
ايه يا عم ؟؟
هههههههههههههههههه
انا قصدي آداب علم نفس على فكرة .
ـــــــــــ
هو أنا أقدر أتأخر ..
هتلاقوني فتحت الباب على مصراعيه
وقولت بعلو صوتي :
بررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررره
يا أبنائي ويا أحفادي روحوا عند جدكم عشان جايلي ضيوفي أعزاء . -
09-10-2009, 12:28 PMمحمد عبد العظيم وسيةجدع يا ليدو .. انا قولت برضه انك مش هتعدي ( ملايتك دي ) كده .اقتباس:
المشاركة الأصلية كتبت بواسطة وليد عسكر
وبعدين احنا هنبقى في الشتا إن شاء الله
يعني قول بطانيتك .. قول لحافك .. قول سريرك كله ..
يعني جاي في الملايه وتتصدر ..
طيب ليك يوم جمعة يترد عليك فيه . -
09-10-2009, 06:05 PMامة الرحمنايوه كده
حضرتك رجعت ورجعت لينا مواضعيك الجميله
ياريت بجد الزائر يشوف موضوعك
وياريت الموضوع يتثبت
علشان اكبر عدد من الزوار يشوفه
ده حتي الموقع اليف خالص http://www.gam3tnascu.com/vb/images/...OOOO%20(3).gif
شكرا لحضرتك استاذ محمد
-
09-10-2009, 11:50 PMياسر الدقاقالله يكرمك يا أستاذ محمد وأضحك الله سنك (طبعاً عارفها )
والله وبكل صدق أنا بأفرح فرح شديد لما بشوف موضوع جديد
ويكون الكاتب محمد عبد العظيم وسيه وبيكون أول شيئ أقراه
وفعلاً أنا كنت يوم من الزوار
وعجبني موضوعات المنتدي فلم أفكر وسجلت فيه مباشرة
لأني وجدت موضوعات جميلة وهادفة وتدفعك دفع للمشاركه والرد
ومنهم موضوعات حضرتك
فجزاك الله خيراً -
13-10-2009, 08:45 PMميس سوزانربنا يقدرك على فعل الخير يا استاذى
موضوعك دمه خفيف اوى وربنا يجازيك خير
وهنيالك يا فاعل الخير والثواب وحسنة قليلة تمنع بلاوى كتيرة
ويابخت من وفق راسين فى الحلال
احم احم احم
ايه اللى انا بقوله ده
ما علينا
:18: -
13-10-2009, 10:04 PMمحمد عبد العظيم وسيةلا لا ..اقتباس:
المشاركة الأصلية كتبت بواسطة ميس سوزان
من فضل حضرتك ..
انضمي فورا لفريق نون النسوة المدمر
والذي يحمل على عاتقه مسئولية إيقاف فريق واو الجماعة عند حده ..
احم احم احم
ايه اللي انا بقوله دا .
أنا أصلا مع واو الجماعة ..
أتمنى ماحدش من فريق واو الجماعة يشوف الرد دا ..
والا هتبقى خيانة عظمى . -
16-10-2009, 12:15 AMعز وحيد
يا اهلا اهلا اهلا
شرفت البيت ونورت
نورت نورت يعنى
نعمل شاى بقى ولا نخليها عشاء
ولا اقولك احنا نمشى بقى عشان يادوب تلحق تروح
هههههههههههههههه
واحشنى كتير والله يا استاذ وسية
واحشنى واحشنى يعنى
ودايما موضوعاتك بترسم البسمة على وجوهنا كلنا
وبجد انت تريكة المنتدى
وغيابك عنا اكيد وضرورى لازم يأثر على الكل
وزمالك مين بقى واهلى مين
دول يومين مصر وبس انا عن نفسى مش بشجع دلوقتى الا مصر وبس