انا جاية انتخب الناس اللي هيمنعوا المايوة !

[جهاد 2000]

امرأة تتعدي 80 عاماً : انا جاية انتخب الناس اللي هيمنعوا المايوة !

*Date: 2011-12-15 **

ذكرت قناة الحكمة على لسان أحد المندوبات باللجان أن سيدة عجوز تتعدى من العمر 80 سنة دخلت اللجنة تسأل القاضي عن مرشح تقوم بترشيحه فقال لها لا يصح أن أعطي لكِ اسم من تنتخبيه ولكن الاختيار لكِ , فقالت له المرأة المسنة " انا يا ابني جاية انتخب اللي هيمنعوا المايوة " .. !

[Mr. Ali]

كلام جميل وغاية يتمناها الغالبية
ولكن
مين اللي هيمنعوا المايوه ؟
الاخوان ولا السلفيين ؟!
ولماذا تحولت الانتخابات السياسية إلي انتخابات دينية بحتة ؟!!
أنا ضد فصل الدين عن كافة أوجه الحياة , ولكني ضد اقحام الدين في كل شيء حتي يبدو الأمر وكأننا ننتخب مشايخ في الأزهر أو أئمة في المساجد !
كان نفسي الناس تركز علي كافة نواحي الحياة في مصر ومناقشة كل مرشح أو قائمة في هذه النواحي وليس قلب العملية الانتخابية كلها إلي ما هو مصير السياحة , النقاب , الفن , المايوه , .... وغيرها من الأمور التي تم طرحها في كل وسائل الاعلام , وكأن هذه الأشياء هي سبب تأخر مصر وتخلفها أو تقدمها وازدهارها ؟!!
حتي الأن السياحة بنفس قوانينها ولوائحها , النقاب حتي وقت قريب جداً كان أمراً مستنكراً من النظام السابق , الفن مازال حدث ولا حرج ! , المايوه مازال كما هو , وكافة الأمور الفرعية مازالت كما هي .
فهل أدت هذه الأمور لتقدم مصر ولرفاهية الشعب المصري ؟!!
وهل لو منعت التيارات الاسلامية هذه الأمور , هل سيؤدي ذلك إلي تقدم مصر ؟!
لا تخلطوا بين الأمور ولا تقدموا الأمور الأقل أهمية في الوقت الحالي علي الأمور الملحة .
مصر تحتاج إلي رجال سياسة يخشون المولي عز وجل ويعملون علي تطبق الشريعة الاسلامية تدريجياً , ولا تحتاج إلي رجال دين ليتولوا أمور السياسة .
شكراً علي هذا الموضوع .

[جمال سراج]

اسمحلى أقول الموضوع اسمه مستفز وبروباجندى
حتى لو هننتخبهم وأكيد هننتخبهم بس
زى ما بيقول مستر على المفروض مندورش على المظهر قبل الجوهر
كمان المايوه هيتمنع لوحده لما سلوك الناس كلها تتغير
والناس سلوكها تتغير لما توفر لها امن وامان وعمل شريف واقتصاد بلد حلو وتعليم زى الناس واعلام محترم وغيره من المقومات
اللى بيسرق عشان ياكل مش زى اللى بيسرق عشان ياخد حق مش ليه
عشان الحدود تتنفذ لازم يكون الشهود عدول
العملية مش سبهلله وسايبة
المهم ياريت نختار مواضيع حلوة و لما نرد على موضوع منجبش فيديو ونحطه ونسيب الموضوع دون تعليق او حتى ننقل رد حد تانى
والا انا شايف انه بلاش منه أفضل
لان الناس هنا واعية ومثقفة ومش محتاجة تمويهات
متزعلش منى
شكرا لك بأى حال
تحياتى

[جمال سراج]

انا هشيل الموضوع بعد اذن الناس من هنا
استاذن صاحبه
ميزعلش هنقله الاخبار باعتباره خبر

[حبيبه المصريه]

كان نفسي الناس تركز علي كافة نواحي الحياة في مصر ومناقشة كل مرشح أو قائمة في هذه النواحي وليس قلب العملية الانتخابية كلها إلي ما هو مصير السياحة , النقاب , الفن , المايوه , .... وغيرها من الأمور التي تم طرحها في كل وسائل الاعلام , وكأن هذه الأشياء هي سبب تأخر مصر وتخلفها أو تقدمها وازدهارها ؟!!


وأنا كمان مؤيده لحضرتك فى فكرك ده
بس طبيعى حضرتك أنه لما يكون أحزاب ومرشحين أصحاب مرجعيه إسلاميه معروف منهجهم إن الناس التى تخشى منهجهم تحصر فكرها على منهج الشخص الدينى
لا فكره الحزبى وطرحه لبرنامجه
لكن ما نريد قوله أن يوضح الاسلاميين لعامة الشعب
فكر حزبهم وبرامجهم وأيضا تقديم صوره صحيحه معتدله
عن المنهج الاسلامى السمح بدل من الخوف الفظيع
من أصحاب التوجهات الاسلاميه الناتج عن عوامل كثيره منها سلوكيات بعضهم و التشويه الفكرى الموجه على تلك التيارات الناتج عن اعلامنا الفاسد وتصريحات البعض الغير مسئوله والغير مراعاه لمفردات العصر






مصر تحتاج إلي رجال سياسة يخشون المولي عز وجل ويعملون علي تطبق الشريعة الاسلامية تدريجياً , ولا تحتاج إلي رجال دين ليتولوا أمور السياسة .
شكراً علي هذا الموضوع .

بالفعل مصر تحتاج رجال سياسه يخشون المولى
ويعملون على تطبيق الشريعه تدريجيا

لكن لا مانع من وجود رجال لهم توجه دينى
لكن يحملون مع توجههم الدينى
فكر سياسى موزون وعقلانى يجعلنا لا نقصيهم عن المشاركه السياسيه ولنا فى رسول الله القدوه الحسنه من علم البشريه كلها وكان أمى لا يقرأ ولا يكتب أرسله الله برسالته
لكافة البشر ورغم الدعوه الدينيه التى كانت على عاتقه
لكنه رجل سياسى من الدرجه الاولى
استطاع ادارة الجزيره العربيه بأكملها
بسماحة الاسلام ووسطيته
لسنا بحاجه لشهادة الغرب له
لكن يكفينى شرفا كتاب العظماء مائه أعظمهم محمد
لمايكل هارت حيث جاء النبى محمد الشخصيه رقم 1
من حيث عظمته وتفرده بالنجاح الدينى والدنيوى والسياسى

خالص الشكر لحضرتك ولرأيك الطيب

[جهاد 2000]

وأنا كمان مؤيده لحضرتك فى فكرك ده
بس طبيعى حضرتك أنه لما يكون أحزاب ومرشحين أصحاب مرجعيه إسلاميه معروف منهجهم إن الناس التى تخشى منهجهم تحصر فكرها على منهج الشخص الدينى
لا فكره الحزبى وطرحه لبرنامجه
لكن ما نريد قوله أن يوضح الاسلاميين لعامة الشعب
فكر حزبهم وبرامجهم وأيضا تقديم صوره صحيحه معتدله
عن المنهج الاسلامى السمح بدل من الخوف الفظيع
من أصحاب التوجهات الاسلاميه الناتج عن عوامل كثيره منها سلوكيات بعضهم و التشويه الفكرى الموجه على تلك التيارات الناتج عن اعلامنا الفاسد وتصريحات البعض الغير مسئوله والغير مراعاه لمفردات العصر





بالفعل مصر تحتاج رجال سياسه يخشون المولى
ويعملون على تطبيق الشريعه تدريجيا

لكن لا مانع من وجود رجال لهم توجه دينى
لكن يحملون مع توجههم الدينى
فكر سياسى موزون وعقلانى يجعلنا لا نقصيهم عن المشاركه السياسيه ولنا فى رسول الله القدوه الحسنه من علم البشريه كلها وكان أمى لا يقرأ ولا يكتب أرسله الله برسالته
لكافة البشر ورغم الدعوه الدينيه التى كانت على عاتقه
لكنه رجل سياسى من الدرجه الاولى
استطاع ادارة الجزيره العربيه بأكملها
بسماحة الاسلام ووسطيته
لسنا بحاجه لشهادة الغرب له
لكن يكفينى شرفا كتاب العظماء مائه أعظمهم محمد
لمايكل هارت حيث جاء النبى محمد الشخصيه رقم 1
من حيث عظمته وتفرده بالنجاح الدينى والدنيوى والسياسى

خالص الشكر لحضرتك ولرأيك الطيب


سلمت يداك يا حبيبة وسدد رب الكون خطاك .

[جهاد 2000]

اسمحلى أقول الموضوع اسمه مستفز وبروباجندى
حتى لو هننتخبهم وأكيد هننتخبهم بس
زى ما بيقول مستر على المفروض مندورش على المظهر قبل الجوهر
كمان المايوه هيتمنع لوحده لما سلوك الناس كلها تتغير
والناس سلوكها تتغير لما توفر لها امن وامان وعمل شريف واقتصاد بلد حلو وتعليم زى الناس واعلام محترم وغيره من المقومات
اللى بيسرق عشان ياكل مش زى اللى بيسرق عشان ياخد حق مش ليه
عشان الحدود تتنفذ لازم يكون الشهود عدول
العملية مش سبهلله وسايبة

المهم ياريت نختار مواضيع حلوة و لما نرد على موضوع منجبش فيديو ونحطه ونسيب الموضوع دون تعليق او حتى ننقل رد حد تانى
والا انا شايف انه بلاش منه أفضل
لان الناس هنا واعية ومثقفة ومش محتاجة تمويهات
متزعلش منى
شكرا لك بأى حال
تحياتى


سبحان الله ولا حول ولا قوة إلا بالله العلى العظيم*

*موضوع وكتبتة وكان هدفى *هو مناقشتة*

ولا أعرف ماذا تقصد من التمويه والناس واعيه ومثقفة ؟

أما بالنسبة لمشاركتى فى موضوع حضرتك بوضع فيديو فهذا لأنى ليس

لد ى وقت للمشاركة فى الحوار بالإضافة

**لأنى بشارك فى أكثر من قسم وبضع فيه موضوعات وإن كان هذا

*بيزعل حضرتك فأعد حضرتك بعدم مشاركتى *فى أى موضوع خاص

*بحضرتك عملاً بقول حضرتك إنه بلاش منه أفضل .

وإن كانت موضوعاتى ليست حلوة فهذه وجهة نظر حضرتك*

وواجب على إحترام الرأى الأخر وتقبلة .

*وأرجو عدم سوء الظن بالناس وإفتراض حسن النية .

*

[جمال سراج]

حضرتك دا مش موضوع أصلا
دا خبر
المفروض يكون فى مكانه
ويا حبذا لو علقت عليه كمان
هو حضرتك مستنينا نعلق عليه دون تعليق منك
طب ليه!!!!!!!!!!!!!!
اقصد بالناس هنا واعية ومثقفة إنه لو واحد اتزرع جمبهم وقالهم انتخبوا الاخوان أو اللى بيسموا نفسهم سلفيين مثلا والناس مش مقتنعة مش هيحصل
أما بالنسبة لعدم وجود وقت عند حضرتك فكما تعلم خير الأعمال أدومها وإن قل
مش حكاية ندخل أقسام كتير بالمنتدى دون اعطاء موضوع اشتركنا فيه حقه من الفهم الجيد والرد المناسب

فخلينا نكتب موضوعات فيه فكر او حتى يكون فيها مجال ثرى لاقتباس أفكار الآخرين تعليقا على هذه الموضوعات
دا رأيى مش أكتر
أهلا بيك وبالجميع
فكلنا يثرى ثقافة الآخر بالحوار والنقاش ونقل الخبرات
دمت بكل خير
احترامى