عزيزي ........ هيا تعلم معنا : كيف تعيش بوجهين

[محمد عبد العظيم وسية]

السلام عليكم ورحمة الله وبركاته ..

موضوع اننا عايشين بوشين للأسف بقا في دمنا كلنا إلا من رحم ربي

وتحورت كلمة ( النفاق )

وأصبحت ( مجاملة )

يا اخي جامله انت خسران حاجه .. كلمتين ... مسح جوخ .... ثبته .... مسمره .. وكأننا في ورشة نجارة ..

طيب وبعدين ..


لا لا .... لا يا أستاذ وسية ...

انا عمري ما عشت بوشين ... انا مبدأي واحد وصريح ولا أخشى في الحق لومة لائم ..

طيب ايه النتيجة يا سيدي ..

النيتجة اني اتحولت للتحقيق في الشغل ....... وكل يوم مشاكل واعذروني في اللفظ اللي جاي ((((((( خوازيق ))))))) من منافقي المدير والوزير والـــــــــ

المهم ..

طيب نعمل ايه ؟؟

منتظر رأيكم ........ وبعدين هقول رأيي ... وهقول أنا بعمل ايه في الحالات اللي زي دي ..

وهحكيلكم قصص عجيبة بمناسبة الوشين .

ودلوقتي ..

قولنا ايه الحل ؟؟؟

وقبل ما تحكي حكايتك مع الوشين ... ياريت تقسم معي هذا القسم :
أقسم بالله العظيم أن أحاول جاهدا أن أعيش بوجه واحد ولا أخشى في الحق لومة لائم .

وايه اخر قصصك مع الحياة ((((((((( بوشين )))))))))))))) بس قول الحقيقة ... من فضلك ...... تكلم يا ابن الشعب .

انت في قلبي .:6:

[امل لاشين]

مفيش حد مجبر انه يعيش بوشين ......واللي يعمل كده يكون منافق

بس للاسف بنقابل دايما ناس بتتكلم غير ماتفعل

برده بنشوف ناس بتتعامل معاك كويس علشان مصلحه معينه ولماتخلص المصلحه ولا كانهم

يعرفوك.....وبيكونوا معروفين اوي ..

وفي ناس برده بتاذي غيرها بدافع الغيره والمصالح الشخصيه......( ربنا ينجينا منهم )

انواع كتير يا استاذ محمد بنقابلهامن البشر ......لكن دايما موجود من يتعامل معنا بكل حب واخوه

في الله ومن غير اي مصالح ......وده اللي دايما مصبرنا ......

ميرسي جداااا علي الموضوع...

[شمس بياض]

اخى الفاضل

لا احد مجبر ان يعيش بوجهين الا المنافق

وهو متعب جدا يضر نفسه اولا لانه يحرق نفسه وذاته
الدنيا ابسط من ان تعيشها فى نفاق واصغر كذلك

الحمد لله معظم الصعايدة ما يعرفوش يعيشوا بوجهين

لكن ليس معنى ذلك ان نقول الحقيقه بغلظه

او بقله ذوق
بعنى ان الكلمة الطيبه صدقه فى وقتها ومكانهاوفى نفس الوقت بدون نفاق

شكرا لكم

[س ا يوسف]

النفاق باق شئ طبيعي
اللهم طهر قلوبنا من الرياء