فلسفة تثبيت الموضوعات ... هام جدا لكل رواد هذا القسم
بصوا بقا يا جماعة
دي رسالة بوجهها لكل عضو فاضل يزعل ان موضوع مثبت له يتلغي تثبيته
ركز معايا كده ثواني
عشان نفهم مع بعض
فلسفة تثبيت الموضوعات في أي منتدي
ما معني تثبيت موضوع ؟
الثبيت ليس له الا هدف واحد
و هو :
ابراز و تقديم المعلومات اللي في موضوع مهم معين علي طبق من فضة للاعضاء دون ان يتكلفوا عناء البحث
عنه ...و ليس الهدف من تثبيت موضوع مجاملة صاحبه او احتكار تثبيت الموضوعات علي فولان دون علان
و خد بال حضرتك من النقاط اللي جاية دي :
1- الجزء الخاص بالموضوعات المثبتة أعلي كل قسم ليس حكرا علي أحد
( يعني ما ينفعش موضوعات فولان تبقا هيا بس اللي مثبتة في القسم من دون باقي الاعضاء )
2- تثبيت الموضوعات دايما بيبقا حالة مؤقتة
بمعني : ان كل موضوع مثبت بيبقا له هدف معين و فترة محددة و لما بيأدي الغرض طبيعي يتلغي تثبيته
و مافيش موضوع هيتم تثبيته في أي منتدي
في الدنيا طول العمر !
3- بقاء الحال من المحال و دي سنة الله في الكون و احنا في المنتديات لن نخرج عن اطار السنة و الحكمة الالهية دي ... بمعني : انه من دواعي الملل و الرتابة ان العضو يدخل قسم من الاقسام يلاقي نفس الموضوعات المثبتة هيا هيا... ما بتتغيرش ابدا ... و ده مش هنسمح بيه هنا في المنتدي ابدا لاننا حريصين علي شكل المنتدي و انه يكون جذاب في عيون الاعضاء ... و التغيير المستمر هدف بنسعي اليه لمنع تسرب الملل الي نفوس الاعضاء
4- لما يتثبت موضوع لحضرتك ... لازم تعرف انه من الاهمية بمكان ...و ان جميع الاعضاء هيستفيدوا من وجوده مثبت ...و ان له قيمة كبيرة ... وان له علاقة وثيقة بتخصص القسم اللي محطوط فيه ... ...و مش اي موضوع يتم تثبيته ... و ليس الهدف التثبيت في حد ذاته
5- لما يتلغي تثبيت موضوع لحضرتك ... ده مش اهانة ليك ولا تقليل من قدرك ولا استئصاد من الادارة ليك لا سمح الله و لا حتي معناه ان موضوع حضرتك مش مهم ...لو كان مش مهم مكانش يتثبت ...
كل الحكاية ان التثبيت في المنتدي حق لكل عضو يعمل موضوع يستحق التثبيت
و ماينفعش يستأثر حد بالحق ده لوحده
موضوع ليك اتثبت فترة يبقا خير و بركة لكن في موضوعات اخري محتاجة تتثبت
فحب لاخيك ما تحب لنفسك
6- لمشرف القسم و ادارة المنتدي رؤية معينة تتوافق مع قوانين و اهداف المنتدي
فلازم حضرتك تثق في الرؤية دي و تثق في ادارة المنتدي انها عمرها ما هتعمل حاجة ضد مصالح المنتدي
فالمطلوب من حضرتك
تهدي اعصابك
و يبقا في حالة من الهدوء النفسي
و تبقا حضرتك مستوعب عملية تثبيت و الغاء تثبيت الموضوعات الالية
اللي مالهاش علاقة بعلاقات داخلية في المنتدي
و انما ليها علاقة باهمية الموضوع في الوقت الحالي و احتياج الاعضاء له
فلو اتلغي تثبيت موضوع لحضرتك
اوعا
اوعا تزعل
رد مع اقتباس
شكراً لهذا
أعجبني هذا
المفضلات