امتحانات السودان 2014 واجابتها النموذجية --- تابع اخبار التعليم في الفيس بوك

آخـــر الـــمـــشـــاركــــات

صفحة 1 من 3 123 الأخيرةالأخيرة
النتائج 1 إلى 20 من 49

الموضوع: ضيفة متميزة ومشاغبة على شيزلونج الاعتراف

  1. #1
    ادارة الموقع الصورة الرمزية نعمه محمود
    تاريخ التسجيل
    Mar 2009
    الدولة
    في بيتنا
    العمر
    46
    المشاركات
    6,041
    شكراً و أعجبني للمشاركة
    معدل تقييم المستوى
    10

    افتراضي ضيفة متميزة ومشاغبة على شيزلونج الاعتراف

    كرسى الاعتراف من ريش نعام ليليق بصاحبة المقام
    ضيفتنا النهاردة مش ضيفة عادية .ضيفة متميزة لاقصى درجة
    دكتورة دعاء شديد المشاغبة في الحق فَراشة المنتدى التي تنتقل بين زهوره لتثري موضوعاته بردودها القيّمة ولتضيف رونقاًخاصاً....
    هاهي ضيفتنا مستعدة لاستقبال أسئلتكم التي نتمنى أن تكون بعيدة عن حياتها الشخصية ,, ولضيفتنا الحرية في الإجابة ,,
    أنسحب الآن لأترك المجال لكم ولضيفتنا العزيزة ,, وستكون عودتي قريبة وفي جعبتي بعض الأسئلة ,,

    التعديل الأخير تم بواسطة نعمه محمود ; 27-09-2009 الساعة 06:54 PM

  2. #2
    عضو مؤثر
    تاريخ التسجيل
    Mar 2009
    الدولة
    القاهرة والمنصورة
    العمر
    50
    المشاركات
    2,527
    شكراً و أعجبني للمشاركة
    معدل تقييم المستوى
    3077

    افتراضي

    يا اهلا يا اهلا يا اهلا

    نورتى المكان

    يا دعاء

    اولا البيانات الشخصية

    ثانيا سؤالين على الماشى


    س : كل واحد فينا يادعاء عنده طموحات انتي ايه طموحاتك علي المستوي الشخصي و العائلي و

    الدراسي و المهني ؟

    س : امتي قلتي لاء بصوت عالي و ازاي بتتعاملي مع القيود الي بتفرضها عليكي الحياه ؟


  3. #3
    ادارة الموقع الصورة الرمزية دعاء شديد
    تاريخ التسجيل
    Mar 2009
    الدولة
    القاهرة
    المشاركات
    5,940
    شكراً و أعجبني للمشاركة
    معدل تقييم المستوى
    10

    افتراضي

    اقتباس المشاركة الأصلية كتبت بواسطة نعمه محمود مشاهدة المشاركة
    كرسى الاعتراف من ريش نعام ليليق بصاحبة المقام
    ضيفتنا النهاردة مش ضيفة عادية .ضيفة متميزة لاقصى درجة
    دكتورة دعاء شديد المشاغبة في الحق فَراشة المنتدى التي تنتقل بين زهوره لتثري موضوعاته بردودها القيّمة ولتضيف رونقاًخاصاً....
    هاهي ضيفتنا مستعدة لاستقبال أسئلتكم التي نتمنى أن تكون بعيدة عن حياتها الشخصية ,, ولضيفتنا الحرية في الإجابة ,,
    أنسحب الآن لأترك المجال لكم ولضيفتنا العزيزة ,, وستكون عودتي قريبة وفي جعبتي بعض الأسئلة ,,


    :friendsxs3:
    كده يا نعمه اسيبك شويه
    اجى الاقيكى مجهزالى شيزلونج الاعتراف
    ماشى ماشى ماشى
    بس
    الكلام ده كبير وكتير عليا جدا
    لكن

    يا خوفى من جعبتك وما بها !!!!!!!!!!!!!
    فى انتظارك على اول الشارع

  4. #4
    ادارة الموقع الصورة الرمزية دعاء شديد
    تاريخ التسجيل
    Mar 2009
    الدولة
    القاهرة
    المشاركات
    5,940
    شكراً و أعجبني للمشاركة
    معدل تقييم المستوى
    10

    افتراضي

    اقتباس المشاركة الأصلية كتبت بواسطة dream مشاهدة المشاركة
    يا اهلا يا اهلا يا اهلا



    نورتى المكان

    يا دعاء
    المكان نور فعلا بوجودك

    اولا البيانات الشخصية
    انسانه عاشقه للحياه
    لانه حياتها قصيرة

    ثانيا سؤالين على الماشى
    اه يا خوفى


    س : كل واحد فينا يادعاء عنده طموحات انتي ايه طموحاتك علي المستوي
    الشخصي
    ان اظل نفسى

    العائلي
    ابطل عفرته لانى معفرته البيت كله والله

    الدراسي
    اكمل فى الخط الذى اخترته لنفسى منذ ان قررت
    استكمال دراستى

    المهني
    1- ان يعرف الاستاذ الجامعى حجمه الحقيقى
    بين الناس وامام الله
    2- أن يدرك الاستاذ الجامعى انه مدرس لكن بلا قيود
    3- الا يتقلد الاستاذ الجامعى اى منصب ادارى
    4- ان يأتى يوم اتصفح رساله جامعيه او بحث علمى
    به الكثير والكثير من المعلومات واقل القليل من الكلمات

    س : امتي قلتي لاء بصوت عالي
    قلت لأ وبأعلى صوت "لاختبارات الكادر"

    ازاي بتتعاملي مع القيود الي بتفرضها عليكي الحياه ؟
    لا قيود الا ما فرضه الله علي
    اما القيود المجتمعيه
    فمدامت لا أغضب الله افعل ما يريحنى وما اقوى على تحمل مسئوليته
    لاننى الوحيده التى اعيش حياتى وسوف اسأل عنها
    لن اعيش حياة الاخرين ... ولن يعيش احد حياتى
    يشاركنى الناس فرحتى ... لكن انا من اصنعها بحياتى
    يشاركنى الناس همومى ... لكن لن يمحوها من حياتى
    لذلك
    انا وحياتى والله
    دول السؤالين الي على الماشى
    اومال لما اطلبلط عصير وتعدى وترتاحى هتسألينى فى ايه !!!!!

    بس بجد اسئله فى الجون
    نورتينى
    التعديل الأخير تم بواسطة دعاء شديد ; 27-09-2009 الساعة 09:00 PM

  5. #5
    مدير الغرفة الصوتية
    مشرف عام الوسائل والانشطة المدرسية للمعلم
    مشرف اداري الاقسام غير التعليمية
    الصورة الرمزية امل لاشين
    تاريخ التسجيل
    Mar 2009
    الدولة
    الشرقيه
    المشاركات
    1,926
    شكراً و أعجبني للمشاركة
    معدل تقييم المستوى
    2491

    افتراضي


    لالالا ......مش ممكن دعاء علي كرسي الاعتراف...
    وكمان من ريش نعام ...يا نعمه بدانا الدلع بقي :friendsxs3:
    مش بحسد لالالالا عيب ....بقر بس
    ياهلا بيكي....يادودو
    اكيد طبعا مرتاحه صح ولا ايه؟؟؟
    هنا مفيش اي اعتراض ...اجابات وبس !!!!
    نبداء بقي شويه اسئله من هنا وهناك ....!!!

    1- عاوزة اعرف في كلام بسيط منك ...مين دعاء شديد ؟؟

    2- ليه دايما بتقولي الحياه قصيره ...وايه السبب في كده ؟؟؟

    3- ايه اللي بتحبيه في الحياه ؟؟؟ وايه اللي بتكرهيه؟؟؟؟

    4- ايه الحلم اللي اتمنتيه واتحقق ؟؟؟ والحلم اللي بتسعي لتحقيقه ؟؟

    5- ياتري حصل وظلمتي حد ؟؟ولو حصل تحبي تقوليله ايه ؟؟؟

    6امتي قلتي انك اتظلمتي ؟؟؟ وايه كان تصرفك ؟؟؟؟

    7ماذا تقولي في هذه الكلمات

    الحياه

    البحر

    الامل

    الصدق

    الكذب

    الصداقه

    الخيانه

    الغدر

    الخيال

    الطرقعه

    بس بقي كفايه كده دلوقتي ..
    مش عاوزة اطول عليكي ..واشوفك تاني ياجميل ..:friendsxs3:

  6. #6
    ادارة الموقع الصورة الرمزية دعاء شديد
    تاريخ التسجيل
    Mar 2009
    الدولة
    القاهرة
    المشاركات
    5,940
    شكراً و أعجبني للمشاركة
    معدل تقييم المستوى
    10

    افتراضي

    اقتباس المشاركة الأصلية كتبت بواسطة امل لاشين مشاهدة المشاركة
    لالالا ......مش ممكن دعاء علي كرسي الاعتراف...
    وكمان من ريش نعام ...يا نعمه بدانا الدلع بقي :friendsxs3:
    مش بحسد لالالالا عيب ....بقر بس
    ياهلا بيكي....يادودو
    اكيد طبعا مرتاحه صح ولا ايه؟؟؟
    هنا مفيش اي اعتراض ...اجابات وبس !!!!
    نبداء بقي شويه اسئله من هنا وهناك ....!!!

    اهلا اهلا ... ماشى


    1- عاوزة اعرف في كلام بسيط منك ...مين دعاء شديد ؟؟
    واحده دائما وابدا تبحث هى والتعب عن بعضهما


    2- ليه دايما بتقولي الحياه قصيره ...وايه السبب في كده ؟؟؟
    احساس قوى جدا جوايا من زمان وبقى له مؤشرات بتقويه


    3- ايه اللي بتحبيه في الحياه ؟؟؟ وايه اللي بتكرهيه؟؟؟؟
    الحياة نفسها
    انها قصيرة


    4- ايه الحلم اللي اتمنتيه واتحقق ؟؟؟ والحلم اللي بتسعي لتحقيقه ؟؟
    1- انى اكون مدرسه بالجامعه لانى اكره قيود التربيه والتعليم
    2- نفس الحلم الي مش قادرة اسعى لتحقيقه


    5- ياتري حصل وظلمتي حد ؟؟ولو حصل تحبي تقوليله ايه ؟؟؟
    اه طبعا
    والله مكنت اقصد


    6امتي قلتي انك اتظلمتي ؟؟؟ وايه كان تصرفك ؟؟؟؟
    كتيييييييييييييير يا امل
    بستقتل لحد ميترد ظلمى ... وبيترد بفضل الله


    7ماذا تقولي في هذه الكلمات

    الحياه = اسكندرية

    البحر = خوف

    الامل = بهارات الحياه

    الصدق = سلوك طبيعى لكن احيانا بيكون مُهلك

    الكذب = اضطرار والي يقول انه مبيكدبش يبقى كداب

    الصداقه = الحضن الدافى الي مهما اتشديت بعيد عنه ... برجعله

    الخيانه = احساس صعب سواء خنتى او اتخنتى ... لكنه درجات

    الغدر = لحظة تفقدين فيها الوعى وانت بكامل وعيك

    الخيال = مصباح علاء الدين الي بيساعدنا على التعايش مع الواقع وتحمله

    الطرقعه = احساس لا يخضع لاى حسابات والا فقد معناه

    بس بقي كفايه كده دلوقتي ..

    مش عاوزة اطول عليكي ..واشوفك تاني ياجميل ..:friendsxs3:
    حرام عليكى كل ده

    بس نورتينى بجد
    وفى انتظارك
    التعديل الأخير تم بواسطة دعاء شديد ; 28-09-2009 الساعة 07:12 PM

  7. #7
    ادارة الموقع الصورة الرمزية مسيو وليد عسكر
    تاريخ التسجيل
    Mar 2009
    الدولة
    المنصوره/توريل
    المشاركات
    3,625
    شكراً و أعجبني للمشاركة
    معدل تقييم المستوى
    10

    افتراضي

    با اهلا وسهلا يا دعاء منورة كرسي الاعتراف
    واسمحي لي ببعض الاسئلة الخاصة بالمنتدي علي الماشي ولي عودة اخري ان شاء الله
    ايه افضل موضوع قراتيه في المنتدي
    وما اسوأ موضوع
    ومن هو العضو الذي تحبي ان تقرائي موضوعاته
    ومن هي صديقنك المقربة في المنتدي
    ومن هو عدوك الدود في واو الجماعة
    ومن هم حلفاء الشر في المننتدي
    ومن اهم اصحاب الياقات البيضاء؟
    وما هي اكلتك المفضلة؟
    وماهو اسو؟ موقف قابلك

  8. #8
    ادارة الموقع الصورة الرمزية دعاء شديد
    تاريخ التسجيل
    Mar 2009
    الدولة
    القاهرة
    المشاركات
    5,940
    شكراً و أعجبني للمشاركة
    معدل تقييم المستوى
    10

    افتراضي

    اقتباس المشاركة الأصلية كتبت بواسطة وليد عسكر مشاهدة المشاركة
    اهلا وسهلا يا دعاء منورة كرسي الاعتراف
    المكان نوربيك يا وليد

    واسمحي لي ببعض الاسئلة الخاصة بالمنتدي علي الماشي ولي عودة اخري ان شاء الله
    وماله اسمحلك ولا عيب ولا حرام

    ايه افضل موضوع قراتيه في المنتدي
    زمــــــان كان عيب .. دلوقتي بقى عادي
    لمحمد السادات
    وما اسوأ موضوع
    كل موضوع منقول ... وصاحبه او صاحبته مبيقولش
    وللاسف بيبان من الفرق فى صياغه الموضوعات ... وبين اسلوب الردود
    ومن هو العضو الذي تحبي ان تقرائي موضوعاته
    اعترض على السؤال

    ومن هي صديقنك المقربة في المنتدي
    امولا

    ومن هو عدوك اللدود في واو الجماعة

    الحمدلله ليس لى اعداء
    لا فى واو الجماعه
    ولا فى جماعه الواو

    ومن هم حلفاء الشر في المننتدي
    هههههههههههههههه
    والله يا وليد يا اخويا
    كل واحد فيهم يدخل يكتب اسمه بنفسه وانا هبدأ
    دعاء -

    ومن اهم اصحاب الياقات البيضاء؟
    كل من يصمم على قول كلمه الحق ... حتى لو اتشتم

    وما هي اكلتك المفضلة؟
    الشاى ابو لبن+البسكويت

    وماهو اسوء موقف قابلك؟
    حينما وجدت نفسى بين اختيارين ... احلاهما مر



    وليد بجد اسئلتك صعبه جدا
    وبعترف ان فيها اسئله انا جاوبتها بدبلوماسيه
    لان الناس بتغضب من الحق
    :bosyht9:
    لما نشوف باقى اسئلتك

  9. #9
    ادارة الموقع الصورة الرمزية مسيو وليد عسكر
    تاريخ التسجيل
    Mar 2009
    الدولة
    المنصوره/توريل
    المشاركات
    3,625
    شكراً و أعجبني للمشاركة
    معدل تقييم المستوى
    10

    افتراضي

    اقتباس المشاركة الأصلية كتبت بواسطة دعاء شديد مشاهدة المشاركة

    وما هي اكلتك المفضلة؟
    الشاى ابو لبن+البسكويت

    اهو بعد الشاي ابو لبن دي هبطل ادخل كرسي الاعتراف ده من اساسه

  10. #10
    ادارة الموقع الصورة الرمزية دعاء شديد
    تاريخ التسجيل
    Mar 2009
    الدولة
    القاهرة
    المشاركات
    5,940
    شكراً و أعجبني للمشاركة
    معدل تقييم المستوى
    10

    افتراضي

    اقتباس المشاركة الأصلية كتبت بواسطة وليد عسكر مشاهدة المشاركة
    اهو بعد الشاي ابو لبن دي هبطل ادخل كرسي الاعتراف ده من اساسه
    ليه كده
    وبعدين
    مش فاهمة وجهة نظر سيادتك
    ايه وجه الاعتراض !!!!!

  11. #11
    عضو ذهبي الصورة الرمزية Blanche Neige
    تاريخ التسجيل
    Apr 2009
    الدولة
    المنصوره
    المشاركات
    1,851
    شكراً و أعجبني للمشاركة
    معدل تقييم المستوى
    2398

    افتراضي


    اهلا وسهلا بيكى يادعاء
    منوره كرسى الاعتراف زى العاده
    وزى ما دايما بتنورى اى مكان تتواجدى فيه

    معليش بقى انا مضطره اتقل عليكى واسألك كام سؤال كده عالماشى
    ودا من حبى ليكى وتقديرى واحترامى ليكى

    1- هل فى وقت من الاوقات ندمتى على قرار اخدته فى حياتك؟
    2- انتى من طباعك التردد ولا قراراتك بتكون حاسمه ؟
    3- موقف محرج اتحطيتى فيه ؟
    4- واتصرفتى فيه ازاى ؟
    5- امته بتحسى انك مخنوقه وعاوزه تبكى لكن مش قادره ؟
    6- وامته تنزل دموعك ؟
    7- اسعد أوقات حياتك كانت امته ؟
    8- هواياتك ايه ؟ وعندك وقت تمارسى الهوايات دى ولا ايه ؟
    9- مين هو الشخص اللى ممكن تأتمنيه على اسرارك ؟
    10- أغرب حاجه عملتيها فى حياتك ؟

    اتمنى مااكونش طولت عليكى ... اتمنالك التوفيق فى كل شئ

  12. #12
    عضو قدوة الصورة الرمزية كريم ماضي
    تاريخ التسجيل
    Mar 2009
    الدولة
    عايش في دنيا الاحزان
    العمر
    33
    المشاركات
    4,597
    شكراً و أعجبني للمشاركة
    معدل تقييم المستوى
    5147

    افتراضي

    السلام عليكم ورحمة الله وبركاته

    اهلا بحضرتك في كرسي الاعتراف

    مدير
    الراديو التعليمي

    هو فين الراديو ؟
    يعني مش بنسمع عن برامج ولاحاجه ؟
    طيب انا دخلت دلوقتي علي الرادو ماسمعتش حاجه خالص ايه السبب؟

    حاجه بسيطه كده يادكتور ياريت بس اسئلتي تكون خفيفه ومش رخمه
    وان شاء الله الاسئله كتير لي عوده
    سلام عليكم


  13. #13
    ادارة الموقع الصورة الرمزية دعاء شديد
    تاريخ التسجيل
    Mar 2009
    الدولة
    القاهرة
    المشاركات
    5,940
    شكراً و أعجبني للمشاركة
    معدل تقييم المستوى
    10

    افتراضي

    اقتباس المشاركة الأصلية كتبت بواسطة blanche neige مشاهدة المشاركة
    اهلا وسهلا بيكى يادعاء
    منوره كرسى الاعتراف زى العاده
    وزى ما دايما بتنورى اى مكان تتواجدى فيه

    ميرسى على مجاملتك الرقيقه

    معليش بقى انا مضطره اتقل عليكى واسألك كام سؤال كده عالماشى
    ودا من حبى ليكى وتقديرى واحترامى ليكى

    ولا يهمك

    1- هل فى وقت من الاوقات ندمتى على قرار اخدته فى حياتك؟
    مش ندم على قرار ... انما ندم على
    انى اتعلمت احلم
    انى اتعلمت افكر
    انى اتعلمت الحياه
    انى اتعلمت اصلا

    2- انتى من طباعك التردد ولا قراراتك بتكون حاسمه ؟
    هضحكك
    قرارتى المصيريه حاسمه
    انما قرار شراء اى حاجة ... مترددة

    3- موقف محرج اتحطيتى فيه ؟
    مرة واحده "زمايل المصلحة" اتصلت بيا عايزة تقابلنى لانها كانت عامله موقف سخيف
    رديت على التيفون وقلتلها سورى مش هقدر لانى تعبانه ونايمه
    ههههههههههههههههههههه
    المهم عدت على صديقه ليا تانيه فى شغلها مفاجأة بعد نص ساعه علشان تصحح الموقف
    لاقتنى عندها فى الشغل

    4- واتصرفتى فيه ازاى ؟
    طبعا احرجت جدا
    بس مضيعتش الفرصه وحطيت حد لعلاقتها بيا

    5- امته بتحسى انك مخنوقه وعاوزه تبكى لكن مش قادره ؟
    لما بابا او ماما بكونوا تعبانين

    6- وامته تنزل دموعك ؟
    لما بكون لوحدى
    او مع حد بكون معاه دعاء ... ودول ثلاثه اشخاص فى حياتى فقط

    7- اسعد أوقات حياتك كانت امته ؟
    21/5/2009
    ولا اعتقد انى هحتفل بعيد ميلاد ليا تانى

    8- هواياتك ايه ؟ وعندك وقت تمارسى الهوايات دى ولا ايه ؟
    المذاكرة والسفر والرحلات
    المذاكرة طبعا ليها معظم الوقت عن حب مش اجبار
    انما السفر والرحلات حسب الظروف

    9- مين هو الشخص اللى ممكن تأتمنيه على اسرارك ؟
    نفس التلاته الي ممكن ابكى ادامهم

    10- أغرب حاجه عملتيها فى حياتك ؟
    شوفى هو احساس قوى جدا فى اللحظة الي بجاوب فيها على سؤالك
    انى فاقده الرغبه فى الحياه تماما
    مش نتيجة موقف ضايقنى ولا مشكله لالالالالا
    انما لانى وصلت انى حققت كل حاجة حلمت بيها
    رغم انها متحققتش كامله ... وده لاننا بشر
    اوعلشان كده مش هقدر اكملها ولا احلم غيرها
    ولا معنى للحياة دون احلام

    اتمنى مااكونش طولت عليكى ... اتمنالك التوفيق فى كل شئ

    ولا يهمك
    لك ما شئت من الاسئله
    تورتينى يا جميله
    التعديل الأخير تم بواسطة دعاء شديد ; 01-10-2009 الساعة 12:53 PM

  14. #14
    ادارة الموقع الصورة الرمزية دعاء شديد
    تاريخ التسجيل
    Mar 2009
    الدولة
    القاهرة
    المشاركات
    5,940
    شكراً و أعجبني للمشاركة
    معدل تقييم المستوى
    10

    افتراضي

    اقتباس المشاركة الأصلية كتبت بواسطة كريم ماضي مشاهدة المشاركة
    السلام عليكم ورحمة الله وبركاته
    اهلا بحضرتك في كرسي الاعتراف

    اهلا بيك يا كريم

    مدير
    الراديو التعليمي

    هو فين الراديو ؟
    وانت داخل المنتدى على ايدك اليمين

    يعني مش بنسمع عن برامج ولاحاجه ؟
    مش عارفه يا كريم انا حاسه انى فى قسم الدعم الفنى
    مش على كرسى الاعتراف
    لكن البرامج تم الاعداد لها بشكل جيد ... افكار متنوعه
    لكن فى ظروف كده ان شاء الله تتظبط

    طيب انا دخلت دلوقتي علي الرادو ماسمعتش حاجه خالص ايه السبب؟
    الراديو اشتغل مرة بشكل تجريبى واكنت اغانى اطفال
    وسبب انك مسمعتش حاجة ... لانه اصلا مفيش حاجة


    حاجه بسيطه كده يادكتور ياريت بس اسئلتي تكون خفيفه ومش رخمه
    وان شاء الله الاسئله كتير لي عوده
    سلام عليكم
    وعليكم السلام


    :bosyht9:
    ماشى يا كريم
    التعديل الأخير تم بواسطة دعاء شديد ; 01-10-2009 الساعة 12:57 PM

  15. #15
    مراقب عام المنتدى
    عضو مجلس الإدارة
    الصورة الرمزية mr.osama
    تاريخ التسجيل
    Mar 2009
    الدولة
    الزقازيق
    العمر
    55
    المشاركات
    6,666
    شكراً و أعجبني للمشاركة
    معدل تقييم المستوى
    7217

    افتراضي

    يا اهلا د/ دعاء

    منورة كعادتك دائماً

    لاحظت في ردودك ما يلي: ( كلامي كله هيكون باللون الأحمر)

    حبك للحياة وحزنك الشديد أنها قصيرة ..
    انسانه عاشقه للحياه
    لانه حياتها قصيرة

    احساس قوى جدا جوايا من زمان وبقى له مؤشرات بتقويه
    الحياة نفسها
    انها قصيرة
    لكن ياترى لأنك لم تحققي كل أحلامك أم لأنك مش عارف أوضح لكن في سر غير مفهوم خاصة في ردك على احتفالك بعيد ميلادك الماضي


    21/5/2009
    ولا اعتقد انى هحتفل بعيد ميلاد ليا تانى


    هو احساس قوى جدا فى اللحظة اللي بجاوب فيها على سؤالك
    انى فاقده الرغبه فى الحياه تماما
    مش نتيجة موقف ضايقنى ولا مشكله لالالالالا
    انما لانى وصلت انى حققت كل حاجة حلمت بيها
    رغم انها متحققتش كامله ... وده لاننا بشر
    اوعلشان كده مش هقدر اكملها ولا احلم غيرها
    ولا معنى للحياة دون احلام
    ياريت توضحي أكثر .. ليه التشاؤم ده؟

    لن اعيش حياة الاخرين ... ولن يعيش احد حياتى
    يشاركنى الناس فرحتى ... لكن انا من اصنعها بحياتى
    يشاركنى الناس همومى ... لكن لن يمحوها من حياتى
    أيه الكلام الكبير ده .. هل تفتقدي الحياة مع .......... من؟


    واحده دائما وابدا تبحث هى والتعب عن بعضهما
    طيب ليه أنتي غاويه تعب أم حظك سيء؟


    الحلم اللي بتسعي لتحقيقه ؟؟
    2- نفس الحلم الي مش قادرة اسعى لتحقيقه

    يا ترى أيه هو؟

    امتي قلتي انك اتظلمتي ؟؟؟ وايه كان تصرفك ؟؟؟؟
    كتيييييييييييييير
    بستقتل لحد ميترد ظلمى ... وبيترد بفضل الله

    واضح أنك مريتي بظروف صعبة كثيرة .. ولكن ما هو أصعب موقف وأكثر ظلم تعرضتي له؟ ومن مين؟


    الحياه = اسكندرية
    ياه كل هذا الحب .. طيب ليه مش بتعيشي هناك .. هل فكرت في الأقامة هناك ؟ وما السر وراء هذا الحب؟

    ماهو اسوء موقف قابلك؟
    حينما وجدت نفسى بين اختيارين ... احلاهما مر
    ما هما هذان الاختياران؟

    1- هل فى وقت من الاوقات ندمتى على قرار اخدته فى حياتك؟
    مش ندم على قرار ... انما ندم على
    انى اتعلمت احلم
    انى اتعلمت افكر
    انى اتعلمت الحياه
    انى اتعلمت اصلا
    كلام خطير يوضح مدى يأسك .. ولكن ليه .. ويا ترى في قرار ندمتي عليه؟

    وامته تنزل دموعك ؟
    لما بكون لوحدى
    او مع حد بكون معاه دعاء ... ودول ثلاثه اشخاص فى حياتى فقط
    - مين هو الشخص اللى ممكن تأتمنيه على اسرارك ؟
    نفس التلاته الي ممكن ابكى ادامهم
    أ/ نعمة - أ/ أمل - د/ ولاء .. صح ولا مين؟
    "ادخلوا مصر إن شاء الله آمنين" صدق الله العظيم

  16. #16
    عضو ممتاز
    تاريخ التسجيل
    Mar 2009
    الدولة
    Cairo
    المشاركات
    7,033
    شكراً و أعجبني للمشاركة
    معدل تقييم المستوى
    7664

    افتراضي

    دعاء .... يا أهلا و سهلا
    جيتي برجلك
    حسرة عليها يا حسرة عليها
    خدي عندك يا ستي استفتاح بس
    ـــــــــــــــــــــــــــــــــ

    امتا تصحي من النوم تقولي
    مش داخلة المنتدي ده تاني ؟

    مسجلة في منتديات تانية؟

    لو مسجلة في منتدي تاني معين ... ليه سجلتي و المنتدي ده فيه ايه زيادة
    عن بوابة التعليم ؟

    انفلونزا الخنازير... بيهمك التفكير فيها و الخوف منها
    و قلقانة من اللي ممكن يحصل و لا كله محصل بعضه؟

    ايه اكتر حاجة تخافي تفقديها في حياتك ؟

    ما هو مقياس جمال الرجل من وجهة نظرك؟

    لو افترضنا انك بتبحثي عن عروسة لأخيكي ... ايه المواصفات اللي هتبحثي
    عنها أول حاجة ؟؟؟

    ايه رايك في فكر الشباب في الوقت الحالي؟ هل يصلحوا يكونوا رجالة بمعني الكلمة
    و ازواج يعتمد عليهم؟

    بما اني ناوي اسأل اسئلة رخمة و مش هخليكي تتهني علي الموضوع
    و يخلص علي خير
    فهسأل أسئلة غير عادية
    أول سؤال منهم
    ـــــــــــــــــ
    طبعا اكيد اتقدملك حد و رفضتيه
    ممكن تحكي بالتفصيل ايه اسباب رفضك؟

    و ايه اللي بتبحثي عنه في الرجل ليصبح زوج مثالي؟

    ايه سر حبك للمذاكرة ؟

    ايه سر كثرة تغييرك للتوقيع؟

    حطيتي مرة صورة لبوجي و طمطم كصورة رمزية !
    هل الطفولة بما تحتويه.... شئ اثر فيكي كتير؟ هل تتمني ان تعودي طفلة؟

    لو تحبي ترجعي طفلة دلوقتي حالا
    ايه أول شئ في حياتك او قرار او مسار معين تحبي تغيريه تماما
    و ايه الشئ اللي ما عملتهوش في طفولتك تتمني ترجعي طفلة و تعمليه؟

    لي عودة ايتها الساحرة الشريرة
    هوا انا هسكت

  17. #17
    عضو قدير الصورة الرمزية ميس صافيا
    تاريخ التسجيل
    Jun 2009
    الدولة
    cairo :ma3adi
    المشاركات
    1,861
    شكراً و أعجبني للمشاركة
    معدل تقييم المستوى
    2436

    افتراضي

    اهلا يا دود
    الكرسى منور
    طبعا لى عوده بس بعد ما تجاوبى ع الاسئله اللى فاتت

  18. #18
    مراقب عام المنتدى
    عضو مجلس الإدارة
    الصورة الرمزية mr.osama
    تاريخ التسجيل
    Mar 2009
    الدولة
    الزقازيق
    العمر
    55
    المشاركات
    6,666
    شكراً و أعجبني للمشاركة
    معدل تقييم المستوى
    7217

    افتراضي

    اما بخصوص احساسى بقصر حياتى
    ده فعلا احساس مجرد من اى تشاؤم وغير متعلق باى شيء فى الدنيا ... بجد مش عارفه سبب وجود الاحساس لكن عارفه ايه بياكده

    والله ما فى اى تشاؤم
    وارجو انى اكون وضحت النقطة دى

    وضحتي ورجعت تاني تثيري الجدل ايه اللي انتي عارفاه وبيأكد أحساسك بقصر حياتك لا قدر الله .. أن شاء الله تعيشي وتفرحي بأحفادك كمان ..

    كل الكلام ده ومفيش تشاؤم .. واضح أنك مفتقده للسعادة .. والحل هو ......

    ثم ما هذا التناقض في الصورة الرمزية وصورة التوقيع الحاليين؟
    التعديل الأخير تم بواسطة mr.osama ; 29-09-2009 الساعة 10:26 PM
    "ادخلوا مصر إن شاء الله آمنين" صدق الله العظيم

  19. #19
    مراقب عام المنتدى
    عضو مجلس الإدارة
    الصورة الرمزية mr.osama
    تاريخ التسجيل
    Mar 2009
    الدولة
    الزقازيق
    العمر
    55
    المشاركات
    6,666
    شكراً و أعجبني للمشاركة
    معدل تقييم المستوى
    7217

    افتراضي

    اقتباس المشاركة الأصلية كتبت بواسطة دعاء شديد مشاهدة المشاركة
    ههههههههههههههههه
    مستر اسامه ... انا حاسه انى فى بؤرة الاعتراف

    مش شيزلونج ... نعمه ضحكت عليا
    ههههههههههههه
    هي المشكلة مش في الكرسي .. وإذا كان على الكرسي مش تزعلي اختاري اللي يعجبك .. وبرضه هتفضلي في البؤرة .... ههههههههه











    "ادخلوا مصر إن شاء الله آمنين" صدق الله العظيم

  20. #20
    عضو فضي الصورة الرمزية wala
    تاريخ التسجيل
    Jun 2009
    الدولة
    الهرم
    المشاركات
    287
    شكراً و أعجبني للمشاركة
    معدل تقييم المستوى
    829

    افتراضي

    اهلا بيكى يا دودو على كرسى الاعتراف

    كرسى الاعتراف نور بوجوك عليه




    طبعا انتى تتميز ىبشخصيه قويه وصريحه وواضحه وديه احلى حاجه فيكى

    لان عمليه الوضوح والصراحه اصبحت نادره بين البشر اليومين دول

    وعشان كده عايزه اسئلك :-

    أمتى ممكن تفقدى وضوحك وصراحتك مع اقرب الناس ليكى ؟

    انتى صبوره ولا لآ ؟ وصبرك امتى بينفذ ؟ هل صبرتى قبل كده على حاجه او على حد ؟

    ايه اكتر حاجه ممكن تخليكى تفقدى اعصابك وتتصرفى تصرف ممكن تندمى عليه ؟

    واخيرا :-

    ايه السؤال اللى كنتى متوقعه ان حد يسألهولك ومتسألش لسه ؟

    مين اللى كنتى متوقعه انه هيسالك ومسالكيش لسه؟

    كفايه كده يا دودو

    لو جى فى دماغى اسئله تانيه هسألها فورا

    باى باى



صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ميثاق رائع لبوابة تعليم متميزة تضم معلم ناجح
    بواسطة سامية امام في المنتدى المعلم الناجح
    مشاركات: 7
    آخر مشاركة: 20-10-2011, 09:24 PM
  2. ميثاق رائع لبوابة تعليم متميزة تضم معلم مساعد ناجح
    بواسطة سامية امام في المنتدى كادر المعلم المساعد (المعلمين بالتعاقد حاليا)
    مشاركات: 3
    آخر مشاركة: 22-03-2010, 10:12 PM
  3. وسع وسع لموتوسيكل الاعتراف
    بواسطة دعاء شديد في المنتدى كرسي الاعتراف
    مشاركات: 29
    آخر مشاركة: 10-01-2010, 09:46 PM
  4. يارب اكون ضيفة خفيفة عليكم جميعا
    بواسطة أم ذياد في المنتدى عضو جديد
    مشاركات: 18
    آخر مشاركة: 15-11-2009, 11:19 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
RSS RSS 2.0 XML MAP HTML