اخر اخبار تقديم الملفات لاكاديمية

**manoly_10** · 23-09-2009, 08:58 PM

http://academy.moe.gov.eg/

أخـــبــار معلمى التربيــة والتعليــم

خبر مهم للمعلمين المساعدين:
تقرر أن يكــون أخـر موعـد لاستــلام أوراق المعلميــن المساعدين الذين تنطبق عليهم الشروط لدخـول اختبار الترخيص لوظيفــة معلم هو يوم الاثنيــن الـمــوافق 5/10/ 2009م .
علماً بأن فروع الأكاديمية فى أنحاء الجمهورية مفتوحة يومياً من التاسعة صباحا إلى السادسة مساء من السبت حتى الخميس .

**جونا محمد** · 23-09-2009, 09:03 PM

جميل جداً مع أنى كنت عارفة إن الأكاديمية ما بتفتحش يوم السبت
يا ترى ده معناة إن الأمتحان قرب خلاص

**مدرسة علوم** · 23-09-2009, 11:23 PM

السلام عليكم

جزاك الله خيرا على المعلومات

و ربنا يبارك لك .. لكن ان شاء الله الميعاد اكيد يعنى مش قبل كده ؟؟؟؟؟؟؟؟

**كرومبو 2** · 24-09-2009, 12:15 AM

السلام عليكم ورحمة الله وبركاته

كل عام أنتم جميعا بخير

من فضلكم أرجو التوضيح نحن الآن في شهر سبتمبر (9) والخبر يقول أن آخر موعد للتقديم 10/5/2009 أي منذ أربعة أشهر أو يزيد

فمن الواضح أن الميعاد الأخير 5/10/2009 الخامس من شهر أكتوبر
أرجو من حضراتكم التأكد من الموعد الصحيح
كما أرجو منكم الدعاء لي ولجميع المتعاقدين بالتوفيق والسداد

**دعاي** · 24-09-2009, 12:30 AM

طب ازاي الكلام ده واحنا لما روحنا نسجل اسامينا قالولنا تعالو سلمو اوراقكم يوم 22 شهر11 منين قالولنا كده ومنين الامتحان شهر 10 واخر موعد للتقديم يوم 5 منه يعني بيزحلقونا والا ايه مع العلم ان عددنا كبير في مدرستنا وكلنا بقالنا اكتر من سنه يا ريت حد يفيدني ارجوكم

**كرومبو 2** · 24-09-2009, 12:44 AM

السلام عليكم ورحمة الله وبركاته
كل عام أنتم جميعا بخير
الأخت الفاضلة دعاء عند ذهابي لفرع الأكاديمية بدمياط الجديدة تم قبول الملف وتسليمي وصل الاستلام
أما ماتقولينه عن تسجيل اسمك فقط وارجاء تقديم الملف الى شهر نوفمبر القادم هذا غير معقول وذلك بدليل أن آخر موعد لتقديم الملفات الخامس من شهر أكتوبر القادم
وإن كان ماتقولينه صحيحا عليك سرعة تقديم الملف والحصول على إيصال الاستلام
وفقنا الله وإياك إلى مايحبه ويرضاه

**رحمة حسن** · 24-09-2009, 12:59 AM

اطمنى يا دعاى فى محافظتى نفس المشكلة واكبر منها كمان انى سلمت الملف وحددلى ميعاد لفحصه وجيت ادور عليه ملقتهوش والاستاذ المسؤل قالى تعالى فى اخر شهر 10 يكون الملف ظهر لانه ممكن يكون تايه بين الملفات ولو اخرميعاد 5/10 فعلا يبقى (كل شئ راح وانقضى)على راى عائشة الكيلانى
اعذرونى يا اخوانى دى نتيجة الصدمة اللى اتصدمتها النهاردةلما عرفت ان ملفى ضاع او تاه وكمان من غير ما خد وصل

**safaa_ss** · 25-09-2009, 11:43 PM

[color="darkred"]خبر مهم للمعلمين المساعدين:
وافق معالى الأستاذ الدكتور/ يسرى الجمل وزير التربية والتعليم ، ورئيس مجلس إدارة الأكاديمية المهنية للمعلمين على استمرار قبول طلبات ترخيص "المعلمين المساعدين" الذين تنطبق عليهم الشروط لدخول اختبار الترخيص لوظيفة معلم حتى يوم الخميس الموافق 8/10/2009م .
وتسهيلا على المعلمين المساعدين فقد تقرر جعل فترات العمل بفروع الأكاديمية فى أنحاء الجمهورية مفتوحة يومياً من التاسعة صباحا إلى السادسة مساء من السبت حتى الخميس، وذلك لاستيعاب كافة الأعداد المتقدمة وبما لا يؤثر على سير الدراسة .صرح بذلك ،،، أ.د/ محمود [/color]عابدين مدير الأكاديمية المهنية للمعلمين .

**safaa_ss** · 25-09-2009, 11:54 PM

يا جماعة أدخلوا على موقع الأكاديمية لأنها بتقول أن آخر ميعاد لتقديم الملفات هو8/10/2009 فما هى الحقيقة؟ أنا مشفهمة لمصلحة مين المتاهة دى أنا أصبحت متشائمة جدا