امتحان الاكاديمية

**رحمة حسن** · 23-09-2009, 03:41 PM

يا جماعة فى الاكاديمية بيقولو لسه مفيش اخبار عن ميعاد الامتحان ولما قولتلهم ان الخبر فى الجرائد قالو لا ده كلام جرائد وقالو ان الملفات لازم تروح الوزارة واحنا لسه بنستلمهايبقى ازاى فيه امتحان فى شهر 10؟
والمشكلة مش فى الامتحان المشكلة ان الملفات لها دور علشان تتفحص والمواعيد دى لحد شهر 11 تقريبا
والجميل فى الموضوع انى روحت الاكاديمية ملقتش الملف بتاعى والسيد المسؤل قالى تعالى فى أخر شهر 10 يكون الملف ظهر (حسبى الله ونعم الوكيل)
يا ريت لو حد فى اى محافظة قالولو فى الاكاديمية ان الامتحان فى شهر 10 يبلغنا اثابكم الله

**sally2009** · 23-09-2009, 04:11 PM

السلام عليكم جميعااااااااااا....
عند تسليمى لملفى فى الأكاديميه المهنيه للمعلم سألتهم عن ميعاد الامتحان قالو لسه هنبقى نتصل بيكم .... وده كلام مش منطقى ... هم هيلفوا على بيوت الناس كلها تليفونات ولا ايه ....؟؟؟
شوفوا عدد المتقدمين ....!!! . وبعد كده سألت فى الاداره بتاعتى قالو ان أرقام الجلوس بتبقى فى قسم التطوير والاحصاء لانه هو المسئول .... والله أعلم ... ربنا يستر...

**ra23sh** · 23-09-2009, 04:35 PM

المشاركة الأصلية كتبت بواسطة رحمة حسن

يا جماعة فى الاكاديمية بيقولو لسه مفيش اخبار عن ميعاد الامتحان ولما قولتلهم ان الخبر فى الجرائد قالو لا ده كلام جرائد وقالو ان الملفات لازم تروح الوزارة واحنا لسه بنستلمهايبقى ازاى فيه امتحان فى شهر 10؟
والمشكلة مش فى الامتحان المشكلة ان الملفات لها دور علشان تتفحص والمواعيد دى لحد شهر 11 تقريبا
والجميل فى الموضوع انى روحت الاكاديمية ملقتش الملف بتاعى والسيد المسؤل قالى تعالى فى أخر شهر 10 يكون الملف ظهر (حسبى الله ونعم الوكيل)
يا ريت لو حد فى اى محافظة قالولو فى الاكاديمية ان الامتحان فى شهر 10 يبلغنا اثابكم الله

يا جماعة المفروض اننا عارفين ان تصريحات الوزير كلام جرايد ودي مش اول مرة.............. ومستحيل ان الامتحان بتاع الاكاديمية يكون في شهر 10 لان التقديم لسه شغال في الاكاديمية .......... بالاضافة الى فحص اوراق المتقدمين وتصنيفهم حسب تخصصاتهم ده غير انهم مشغولين دلوقت بموضوع انفلونزا الخنازير يعني احنا مش على بالهم خالص دلوقت لاننا ببساطة مواطنين من الدرجة ال10
يعني من الاخر محدش يصدق التصريحات بتاعة الوزير في الاعلام

**رحمة حسن** · 23-09-2009, 05:21 PM

**رحمة حسن** · 23-09-2009, 05:26 PM

شكرا سالى

**مدرسة علوم** · 23-09-2009, 07:22 PM

السلام عليكم

انا فيه واحدة زميلتى قالت لى ان امتحان الاكاديمية زى امتحان icdl يعنى بعد التقديم هايخدو باسبقية التقديم و ماافتكرش انهم هايتصلو بس بتهيالى انهم هايبعتو عن طريق المدارس

و ليه يا رحمة ما اخدتيش وصل لما سلمتي الملف ؟؟؟؟؟؟؟ انا اسمع انهم بيخدو وصل
بس يا بنتى لازم تدورى على ملفك حتى لو تعملى واحد جديد ده مولد و صاحبه غايب

**رحمة حسن** · 24-09-2009, 12:32 AM

المشاركة الأصلية كتبت بواسطة مدرسة علوم

السلام عليكم

انا فيه واحدة زميلتى قالت لى ان امتحان الاكاديمية زى امتحان icdl يعنى بعد التقديم هايخدو باسبقية التقديم و ماافتكرش انهم هايتصلو بس بتهيالى انهم هايبعتو عن طريق المدارس

و ليه يا رحمة ما اخدتيش وصل لما سلمتي الملف ؟؟؟؟؟؟؟ انا اسمع انهم بيخدو وصل
بس يا بنتى لازم تدورى على ملفك حتى لو تعملى واحد جديد ده مولد و صاحبه غايب

شكرا لمرورك مدرسة علوم بس عندنا بنسلم الملف وبعدين هم بيحددو ميعاد لمراجعته وبعد المراجعة بناخد الوصل وده لان العدد كبير وهم جايبين موظف واحد للمحافظة كلها يعنى 7 مراكز بحوالى 7 الاف معلم
بس فعلا لو ضاع هعمل غيره بإذن الله