أمى.....إنى أحبك
كل يوم وكل لحظة وكل سنه وانتى طيبة وسعيدة يا امى.لو تعرفي انا بحبك اد ايه.لو تعرفي انك الهوا اللى بتنفسه .فاكرة ياأمى لما انا كنت صغيرة أد ايه كنتى بتهتمى بيا
كنا ست اخوة واخوات وبتهتمى بكل واحد كانه الوحيد.كنتى بتسهرى معانا نذاكر وتستنينا لما نرجع من المدرسه أنا فاكرة إنك كنتى بتجهزى لكل واحد فينا الاكل اللي بيحبه عمرك ما قلتى تعبانه .لما كبرت شويه بقيتى صاحبتى اللي بحكي لها على كل اسرارى .كبرت اكتر وفضلتى أعز صديقه ليا.حتى لما بقي ليا بيت واولاد كنتى انتى بتحملى همى.
لما بابا توفى كنتى حضنى اللي لقيت فيه السكينه .كنتى البئر الذى استمد منه الصبر .لما حبيت اعمل ماجستير وقفتى جنبي في كل لحظة من اول الدبلومة ولغايه ما سجلت.لحد دلوقتى انتى حاملة همى وبتفكرى فى كل شيء يخصنى ويخص اولادى
ازاى اقدر اوفيكى حقك مش عارفه. ممكن اهديكى روحى بس مش كفايه
طيب تقبلى عمرى برضه مش كفايه
هل يكفيكى انى فداك يا أمى
كل ما اتمناه هو رضاك عنى يا أمى
 |
رد مع اقتباس
شكراً لهذا
أعجبني هذا
المشاركة الأصلية كتبت بواسطة نعمه محمود
المفضلات