شرط مرور سنة على العقد

**ahmedshitos** · 07-09-2009, 06:04 PM

انا روحت فرع الكاديمية فى طنطا علشان اقدم الاوراق بس للاسف فية شرط مكنش منطبق عليا وهو انى لسة مكملتش سنة متعاقد يعنى شرط ان يكون مر سنة على تاريخ العقد
بالنسبة لتقرير الموجة والمدير عبارة عن حوالى سبع ورقات بيكتب فيهم مرضى او يحتاج الى تحسن يعنى مش ورقتين بس
يعنى اللى لسة مكملش سنة فى العقد ميتعبش نفسه ويروح ياخد icdl على اقل من راحته

**safaa_ss** · 07-09-2009, 09:30 PM

هل أكيد شرط التقديم فى الأكاديمية مرور سنة على العقد أنا محتارة لأن بعض الزملاء بيقولوا إنهم قدموا أوراقهم رغم عدم مرور سنة على تعاقدهم أفيدونى

**رحمة حسن** · 08-09-2009, 10:05 PM

الشرط بيقول سنة ميلادية او سنة دراسية
انا مر عى عقدى سنة دراسية لكن المشكلة الاكبر طلعت فى صيغة العقد قالو لازم يكون فيه بند الاكاديمية وكل العقود بعد1/10/2008 مش فيها البند ده

**mohamedelkady** · 11-09-2009, 01:46 AM

المشاركة الأصلية كتبت بواسطة رحمة حسن

الشرط بيقول سنة ميلادية او سنة دراسية
انا مر عى عقدى سنة دراسية لكن المشكلة الاكبر طلعت فى صيغة العقد قالو لازم يكون فيه بند الاكاديمية وكل العقود بعد1/10/2008 مش فيها البند ده

أنا عقدى وعقد جميع زملائى بتاريخ 1/11 / 2008 موجود به بند الأكاديمية ( البند السادس )

**رحمة حسن** · 11-09-2009, 02:29 PM

المشاركة الأصلية كتبت بواسطة mohamedelkady

أنا عقدى وعقد جميع زملائى بتاريخ 1/11 / 2008 موجود به بند الأكاديمية ( البند السادس )

فعلا بس العقد اللى فى محافظتى كان خالى من بند الاكاديمية بس الحمد لله بلغنا وكيل الوزارة وهو قام بالازم خلانا مضينا عقد جديد من كام يوم فيه بند الاكاديمية

**علاء محمدالمهدى حامد** · 08-09-2009, 11:30 PM

العقد لازم يمر عليه على الاقل عام كامل من تاريخ ابرام العقد او يزيد اما دون ذلك فلا تنطبق عليه الشروط وتقرير المدير فى اخلاقيات المهنة والتعامل مع الزملاء وسلوكه داخل المدرسة ودى ورقة واحده وايضا تقرير الموجه للمعلم فى ادارة
الفصل واستراتجيات التخطيط للدرس كتقرير فنى للمعلم وهى ايضا ورقة واحده اما بند الاكاديمية موجود وهى حصول المعلم على شهادة الصلاحية لمزاولة المهنة التعليمية والخاصة باجتياز امتحان الاكاديمية

**مدرسة علوم** · 09-09-2009, 01:17 AM

السلام عليكم

على فكرة يا جماعة كل العقود قبل 1/10/2008 اعتبرت لاغية وده كلام مدير عام التربية و التعليم عندنا
و فيه شىء غريب جدا حصل مع مدرس انجليزى متعاقد انه متعاقد من 4 او 5 سنين تقريبا و خل امتحان الكادر اغسطس 2008 برقم سرى و كود و رقم جلوس و نجح كمان هو و زملاء ليه

لكن الامتحان اتلغى و لا اكنه نجح و بيعمل الورق معانا

و اللى انا عرفته ان زملاءنا اللى كانو بالعقد قبل التاريخ السابق ماكنوش فى النقابة
و القانون بيقول دلوقتى ان اللى مش فى النقابة و لا اكنه كان موجود فى الوزارة قبل كده؟؟؟؟؟؟؟؟ و ده اللى انا عرفته

**mohamedelkady** · 09-09-2009, 03:06 PM

أنا عقدى بتاريخ 1/11/2008 وقدمت عادى جدا فى فرع الكاديمية بطنطا
تقريباً كل العقود إلى فى 2008 ممكن تقدم والله اعلم

**مدرسة علوم** · 14-09-2009, 05:45 PM

المشاركة الأصلية كتبت بواسطة mohamedelkady

أنا عقدى بتاريخ 1/11/2008 وقدمت عادى جدا فى فرع الكاديمية بطنطا
تقريباً كل العقود إلى فى 2008 ممكن تقدم والله اعلم

السلام عليكم

الف مبروك على الورق و ربنا يوفقك ان شاء الله

بس كنت عاوزة اسال

تاريخ استلامك للعمل فى2008 و لا 2009 ؟؟؟؟؟؟؟؟؟؟؟

**sally2009** · 09-09-2009, 04:04 PM

السلام عليكم.....
أنا عقدى بتاريخ 1/11/2008 ....واتصلت بالأكاديميه من أسبوعين مكنوش موافقين على تقديمنا واشترطو سنه كامله.....وبعد ما عرفت من الزملاء اللى فى تاريخ تعاقدى فى الفروع الاخرى انهم قدمو واتقبل ورقهم اتصلت بمدير الفرع ووافق على تقديمنا واحنا بنكمل باقى الاوراق.....وربنا يوفق الجميع.....

**ahmedshitos** · 09-09-2009, 09:10 PM

المشلكة بقى يا استاذة سها ان انا عقدى فى 1/4/2009 يعنى مش فى سنة 2008 بس احنا بنسمع كلام ان كله بيقدم دلوقت فهنسال تاعنى
وربنا يثبتنا دنيا واخرة

**مدرسة علوم** · 15-09-2009, 11:08 PM

المشاركة الأصلية كتبت بواسطة sally2009

السلام عليكم.....
أنا عقدى بتاريخ 1/11/2008 ....واتصلت بالأكاديميه من أسبوعين مكنوش موافقين على تقديمنا واشترطو سنه كامله.....وبعد ما عرفت من الزملاء اللى فى تاريخ تعاقدى فى الفروع الاخرى انهم قدمو واتقبل ورقهم اتصلت بمدير الفرع ووافق على تقديمنا واحنا بنكمل باقى الاوراق.....وربنا يوفق الجميع.....

ممكن اعرف ايه الفروع اللى قبلو الورق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟