طياراتكم مش كفاية
و المدافع مش كفاية
و القنابل و الحصار والحرايق و الدمار
و الدموع فى عيون صغار
و الجناين تبقى نار
مش كفاية
ومش حكاية

لو عايزينى مرة اخضع
غيرونى
شوف لو ده ينفع

بدلونى
واما ما تلاقوليش طريقة
واجهوا لو مرة الحقيقة
و اقروا من قرآنى آية
تفهموا أصل الحكاية

إنى بضحك ع القنابل
موتة جاية و قلبى قابل
تعرفوا ان القنابل و المدافع و الشظايا
و السلاح اللى معاكوا و مش معايا
مش كفاية

موتونى ألف مرة و مش كفايه
غصب عنكوا بلادى حرة و للنهاية
كلمة بكتبها بدمايا
للى يستشهد ورايا
ان تمن الجنة ديا لو حياتك
مش كفاية