وسع وسع 000كرسي الاعتراف بيجهز للضيفة الثامنة الاستاذه راتيا

[مسيو وليد عسكر]

ضيفتنا اليوم اخت فاضلة يعرفها الجميع ويشهد لها الجميع بكل خير000
ولاول مرة 000كرسي الاعتراف هينحاز لحواء بعد احتكار ادم له في وجود ثمان ضيوف 00
ضيفتنا اليوم نداء الجنه 00
الاستاذه رانيا حسن
بنت بلدي المنصورة
والكل يجهز باسئلة صعبة00
وانا بقولكم عاوزها تتخنق مننا00
عرفينا بنفسك000
اية سر تسميتك بنداء الجنة ومن الذي اختار لك هذا الاسم ؟
ايه اكتر لحظة ممكن تبكي فيها ؟
من اكثر الاعضاء الذين تسعدي بوجودهم وردودهم في موضوعاتك ؟
احكي لنا تجربة اليمة مرت بك
ماهو اصعب قرار اخذتيه في حياتك
ولي عودة ان شاء الله معها في ثاني مداخلة

[دعاء شديد]

يااااااااااااه
اخيرا حواء على كرسى الاعتراف

اوعى تسيبى الكرسى
وعايزينك انتى الي تخنقى مش تتخنقى

عايزين اجابات فظيعة بشعة جدااااااا
وبعدين لازم تكونى مختلفة

وكل حد يسألك سؤال ... تسأليه انتى كمان سؤال
ويا ريت لو انتى الي تسألى مش تتسألى

واهه بالمره تدريب عملى على برنامج رمضان
كل سنه وانتى طيبة

وهجهزلك شوية اسئلة ... استعدى

[نداء الجنة]

ضيفتنا اليوم اخت فاضلة يعرفها الجميع ويشهد لها الجميع بكل خير000
ولاول مرة 000كرسي الاعتراف هينحاز لحواء بعد احتكار ادم له في وجود ثمان ضيوف 00
ضيفتنا اليوم نداء الجنه 00
الاستاذه رانيا حسن
بنت بلدي المنصورة
والكل يجهز باسئلة صعبة00
وانا بقولكم عاوزها تتخنق مننا00
السلام عليكم ورحمة الله وبركاته
جزاكم الله خيرا مسيو وليد على هذا الاطراء
وبالرغم من أنى فوجئت بالموضوع
بشكر حضرتك على هذا الكلام والذى يعطينى أكثر مما أستحق

عرفينا بنفسك000
رانيا ............. حسن ( نداء الجنة)
مدرس مواد فلسفية بمدرسة منشأه السلام الثانوية المشتركة
اية سر تسميتك بنداء الجنة ومن الذي اختار لك هذا الاسم ؟
هو مش سر ولكن أختار لى هذا الاسم شخص عزيز عليا
ايه اكتر لحظة ممكن تبكي فيها ؟
لو شفت طفل بيبكى وخاصة إذا كان مريض أو معاق
من اكثر الاعضاء الذين تسعدي بوجودهم وردودهم في موضوعاتك ؟
طبعا أى عضو بسعد بردوده وأحس بالثقه وقتها
ولكن اخص بالذكر
استاذ جمال الدين عوض - استاذ على الدين يحيى - استاذ محمد عباس - استاذ ممدوح الانصارى - مستر أسامة- مسيو وليد- زيزو - استاذة احلام - استاذ طارق - مستر محمد وسية - مستر شريف- استاذة شمس - استاذه نعمه - استاذه دعاء - استاذه افنان - استاذه امل - استاذه صفاء - برومثيوس - السادات
احكي لنا تجربة اليمة مرت بك
كان لى صديقه فى الكلية كنت اعتبرها اخت لى
كنا نتبادل الملخصات حدثت بينها مشكله مع زميله اخرى
وطلبت رايى عندما صارحتها برايى وأنها أخطأت فى حقها
قامت بنقل كلام خطأ على لسانى أنى اسىء لدكتورة كانت تدرس لنا فى الكليه
ولكن يشاء القدر ويظهر الحق وقامت الدكتورة وقتها فى جمع من الطلاب وصرحت ببرائتى وشكرتنى امام الجميع
فكان ذلك اقسى تجربة مررت بها
ماهو اصعب قرار اخذتيه في حياتك
دراستى فى كلية الدراسات الانسانية - فرع ميت غمر
لانها كانت حديثة وكنا أول دفعه نلتحق بها
كان ابى رافض دراستى بها ولكن مع الحاحى واقناعه
ولكن كنت قلقه جدا من هذا القرا وخاصه ان أبى حملنى مسئولية قرارى هذا
ولكن بفضل الله وفقت فى دراستى
ولي عودة ان شاء الله معها في ثاني مداخلة

إن شاء الله
أنا على استعداد ومعكم ان شاء الله

[نداء الجنة]

يااااااااااااه

اخيرا حواء على كرسى الاعتراف

اوعى تسيبى الكرسى
وعايزينك انتى الي تخنقى مش تتخنقى

عايزين اجابات فظيعة بشعة جدااااااا
وبعدين لازم تكونى مختلفة

وكل حد يسألك سؤال ... تسأليه انتى كمان سؤال
ويا ريت لو انتى الي تسألى مش تتسألى

واهه بالمره تدريب عملى على برنامج رمضان
كل سنه وانتى طيبة

وهجهزلك شوية اسئلة ... استعدى

ربنا يكرمك ويعزك
وانتى بالصحه والسلامة
انا اسال كل اللى يسالنى ... حاضر
ان شاء الله
فى انتظار اسئلتك اختى العزيزة
بس بالله عليك خليكى حنينة عليا
ورمضان كريم

[Mr Gomaa Ashour]

نورت كرسى الإعتراف يا أستاذة رانيا

لقد حضرت إجتماع 9يناير2009م
ما الذى استفديه فى هذا اليوم وماذا تتوقعى هل سيتحقق الحلم أم سيذهب فى طى النسيان
كفاية كده دلوقتى أنا شايف الكل مستعد
ربنا يكون فى عونك

[محمد بن عباس]

الاستاذة رانيا أنا شايف الكرسى منور جداً بحضرتك استعدِ للأتى
ما الشىء الذى تمنيتى حدوثه وبعد حدوثه ندمتى عليه
كيف ترى رانيا ..رانيا
ماذا ينقص منتدانا
شىء تحبيه وفى نفس الوقت لا تحبيه
متى تبكى الاستاذة رانيا
أسعد خبر فى حياتك ما هو
بما تنصح الاستاذة رانيا نداء الجنة
أمامك بعض الصفات نطلب من الاستاذة رانيا وضع العضو الذى تختاريه امام كل صفة
مميز...محبوب.....نشيط....لانسغنى عنه...صارم...جد...اجتماعى....نشعر بغيابه.....طموح.....خيالى....حقانى
بما تنصحى هؤلاء (الإجابة إجبارى)
اشرف السيد..مسيو وليد...شريف.....محمد وسية..عزوحيد...محمدعباس... استاذة نعمة ....دعاءشديد...امولا...دريم...
بكل صراحة كيف ترى استاذة رانيا قسم الاخبار
ماذا ينقص قسم الاخبار وما أهم عيوبه

[شريف]

نورتي كرسي الاعتراف اختي العزيزة
جاوبي بقا
ايه اكتر أكله بتحبيها ؟
ايه اكتر مشروب بتحبيه؟
معلش عشان انا جعان
ايه افضل أكلة بتعمليها كويس اوي و بتحبي تعمليها؟
مواصفات فارس الاحلام؟
مين اكتر عضو اتخنقتي منه و كنتي عايزة توقفيه؟ غيري يعني
((( رجاءا بدون ردود ديبلوماسية عشان محدش بيجاوب ع السؤال ده ابدا وانا اتعقدت )))
ايه الطقوس اللي بتعمليها في اول ايام عيد الاضحي المبارك ؟
((( ياريت الكلام يبقا بتركيز اكتر علي اللحمة و الفتة و الشوربة )))
اشرف السيد.....لو هوا عضو و انتي مديرة الموقع .... ايه المكان المناسب اللي تقترحيه له يكون فيه؟
كام ساعة بتقعدي علي النت تقريبا يوميا ؟
هل عطلك عن حاجة؟
قبل المنتديات ....هل كان في تعلق بالنت؟

[نداء الجنة]

نورت كرسى الإعتراف يا أستاذة رانيا


ربنا يعز حضرتك ويكرمك
لقد حضرت إجتماع 9يناير2009م
ما الذى استفديه فى هذا اليوم
أولا تم التعارف على الاخوات الفضليات ( أستاذه نعمه - استاذه دعاء - أستاذه غاده - أستاذه أمل )
ثانيا المحاورات والمناقشات التى تمت فى الاجتماع من تاملات لوضع المعلم فى مصر وكيف السبيل لرفع شأنه واعطاؤه كامل حقوقه والاهم من هذا وذاك شكل الاجتماع وفكرة الرابطة فى حد ذاتها
استماعى لكافه أراء الاخوة فى الاجتماع استفدت منه كثيرا وجعلنى أتطلع إلى رؤى مختلفة لوضع المعلم فى المستقبل
وماذا تتوقعى هل سيتحقق الحلم أم سيذهب فى طى النسيان
أتوقع أنه سيذهب فى طى النسيان وتوقعى هذا بنيته على اساس الواقع حيث لم أرى أىأجراء تم بخصوص الرابطة الى الان ....!!!
كفاية كده دلوقتى أنا شايف الكل مستعد

ربنا يكون فى عونك

ربنا يبارك فى حضرتك
معكم إن شاء الله

[نعمه محمود]

تسجيل متابعة
ولى عودة ان شاء الله

[ميس صافيا]

رانيا حبيبتى منوره والله
الحقيقه كانت مفاجئه اول ما دخلت ولقيتك قاعده ع الكرسى
فمن قلبى باقولك ربنا معاكى ويوفقك الاسبوع ده
انا هاسالك سؤال واحد دلوقتى وبعدين لى عوده
حلم حياتك ايه هو ؟اتحقق ولا لسه ؟ولو ما اتحققش فايه السبب؟
تمنياتى لكى بكل التوفيق
ورمضان كريم

[دعاء شديد]

ايه يا رانيا

مشوفتكيش سألتى حد من الي سألوكى

وبعدين كده مش هينفع

:bosyht9:
حواء ...... لازم تكون مختلفة

[نداء الجنة]

الاستاذة رانيا أنا شايف الكرسى منور جداً بحضرتك
الله يبارك فى حضرتك
منور بوجود حضرتك ايضا
استعدِ للأتى
ربنا ييسر
ما الشىء الذى تمنيتى حدوثه وبعد حدوثه ندمتى عليه
الذهاب الى رحلة الاسكندرية ههههههه
كيف ترى رانيا ..رانيا
متسرعه أحيانا ونتيجة لذلك
تسىء التصرف وحساسة بشكل زائد
ماذا ينقص منتدانا
حسن الظن بالغير
شىء تحبيه وفى نفس الوقت لا تحبيه
النت أحبه لأان من خلاله استفدت وتعلمت الكثير
لا احبه لأانه يسرق الوقت
وجميعنا بالطبع يشعربذلك
متى تبكى الاستاذة رانيا
عند رؤيتى لطفل يبكى خاصة لو كان مريض او معاق
ايضا بكاء اى شخص عزيز عليا
أسعد خبر فى حياتك ما هو
عند تعيين أختى معيد بكلية التربية - جامعه المنصورة
بما تنصح الاستاذة رانيا نداء الجنة
عدم التسرع فى الحكم - الهدوء وقت الأزمات
أمامك بعض الصفات نطلب من الاستاذة رانيا وضع العضو الذى تختاريه امام كل صفة
مميز... دريم أختى احلام
محبوب..... مسيو وليد
نشيط.... مستر شريف
لانسغنى عنه أستاذنا الفاضل
أستاذ جمال الدين عوض
...صارم... استاذ سيف سالم
جد... مستر أسامة
اجتماعى.... استاذى الفاضل
أستاذ محمد عباس
نشعر بغيابه كثيرون هنا
طموح..... أختى نعمه
خيالى....أختى دعاء
حقانى أستاذى الفاضل
أستاذ على الدين يحيى
بما تنصحى هؤلاء (الإجابة إجبارى)
حاضر يا فندم
اشرف السيد..
بمناسبه سفره لأداء العمرة
لا تشغل تفكيرك بأى شىء دنيوى سوى مناسك العمرة
مسيو وليد...
تفائل بالخير ... تجده إن شاء الله
شريف.....
اضحك عند استفزازك .. ولا تغضب
محمد وسية..
لكل مجتهد نصيب
عزوحيد...
لا تعطى فرصه لغضبك أن يجبرك على الخطأ وتضطر للإعتذار .....
محمدعباس...
أى رحله .... تروحها حضرتك اتاكد منها ...... قبل ما تعزم حد معامع حضرتك .......
استاذة نعمة ....
أعداء النجاح فى كل مكان
ولكن وسط هؤلاء أحبائك لا تحزنى أخيتى
دعاءشديد...
ذاكرى كويس ....
عاوزين نفرح بيك وبنجاحك

امولا...
خليك متفائل يا جميل
دريم...
انسى اللى فات حبيبتى ان شاء الله اللى جاى أحلى ....
بكل صراحة كيف ترى استاذة رانيا قسم الاخبار
ماذا ينقص قسم الاخبار وما أهم عيوبه

والله بكل صراحه قسم الأخبار أكثر قسم نشيط ومتميز بوجود حضرتك ومجهودك فوق العادى
والله استاذى عن جد لم اعد بحاجة إلى شراء الجرائد
لأن حضرتك تقوم بنقل كل الأخبار فى شتى المجالات
جزاك الله خيرا أستاذى الفاضل

سعدت بأسئله حضرتك جدا
وتشرفت بمرور حضرتك الكريم

[Blanche Neige]

اهلا وسهلا بيكى يارانيا
بجد الكرسى منور جدااااااا على غير العاده
انتى طبعا عارفه وجوت الستات فى اى مكان بيزيد حلاوة المكان طبعا
مافيش شك خصوصا اذا كانت الموجوده شخصيه لها من الاحترامن والوقار والطيبه
والشفافيه وكرم الاخلاق والذوق والرقه والقرب من الله ومحبة الاخرين الكثير
انا مش هاطول عليكى عشان عارفه انى فى موقف لاتحسدى عليه بالمره
لكن انا واثقه انمكى لها واكيد سوف تبلى بلاءاً حسناً ان شاء الله
اسئلتى ليكى اختى العزيزه :-
ما هى اهم صفه بتميز رانيا ؟
ما هو ابرز عيب فيكى ؟
ما هو اكثر شئ تحبيه ؟
وكذلك اكثر شئ تكرهيه ؟
اذا لم تكونى مدرسه فماذا كنتى تحبى ان تعملى ؟
احب عضوات المنتدى واقربهم الى قلبك ؟
اكثر الاعضاء الذين تبحثى عن موضوعاتهم دائما لتردى عليها ؟
امنيه تتمنيى انها تتحق هنا فالمنتدى ؟
انا باقول كفايه كده يارانيا وبجد معاكى ربنا وجيش ملائكه انا بجد هادعيلك
ربنا يوفقك ويقدرك على الرد على أسئلة الاعضاء .

[نداء الجنة]

تلبية لطلب أختى الدكتورة دعاء
هسال الاخوة الساده الافاضل اللى رديت على اسئلتهم
كل واحد سؤال
بالترتيب
- مسو وليد :
ايه الحلم اللى تتمنى تحققه ؟
- مستر جمعة عاشور :
مرتبك كام ؟
- أختى دعاء
مواصفات شريك حياتك
- استاذى محمد عباس
من من الاعضاء لم تراه وتتمنى رؤيته ؟

[محمد بن عباس]

تلبية لطلب أختى الدكتورة دعاء
هسال الاخوة الساده الافاضل اللى رديت على اسئلتهم
كل واحد سؤال
بالترتيب
- استاذى محمد عباس
من من الاعضاء لم تراه وتتمنى رؤيته ؟

أولاً نفسى أشوف دعاء على كرسى الإعتراف
وثانياً أتمنى رؤية الاستاذ الفاضل رضا غريب والاستاذ الفاضل على الدين يحيى

[دعاء شديد]

تلبية لطلب أختى الدكتورة دعاء

هسال الاخوة الساده الافاضل اللى رديت على اسئلتهم
كل واحد سؤال

خدى بالك انا لسه مسألتكيش
بس روحى رياضية ... وهجاوب


- أختى دعاء

مواصفات شريك حياتى

شوفى يا ستى
هى حاجة واحد بس
اول مشوفه ... اقول
هو ده
دون النظر لاى اعتبارات اخرررررررررررررررررررررررررى
انما لحد دلوقتى انا بقول

ايه ده

[نداء الجنة]

مواصفات شريك حياتى

شوفى يا ستى
هى حاجة واحد بس
اول مشوفه ... اقول
هو ده
دون النظر لاى اعتبارات اخرررررررررررررررررررررررررى
انما لحد دلوقتى انا بقول

ايه ده

عذرا كتبت اسمك سهوا
على اى حال اشكرك على ردك
وروحك الرياضية
وأتمنى انك تلاقى شريك حياتك ان شاء الله فى القريب العاجل

[نداء الجنة]

نورتي كرسي الاعتراف اختي العزيزة

والله اخى العزيز منور بوجودك واسئلتك

جاوبي بقا
حااضر
ايه اكتر أكله بتحبيها ؟
مكرونة بالبشامل
ايه اكتر مشروب بتحبيه؟
الموز باللبن
معلش عشان انا جعان
ولا يهمك
ايه افضل أكلة بتعمليها كويس اوي و بتحبي تعمليها؟
البامية - المكرونة بالبشامل
مواصفات فارس الاحلام؟
طبعا اهم شىء يتقى الله فى - حنون - حيى - اجتماعى
مين اكتر عضو اتخنقتي منه و كنتي عايزة توقفيه؟ غيري يعني
لا طبعا العفو
الحقيقه (( مستر أحمد حمدى )) والسبب معروف طبعا

((( رجاءا بدون ردود ديبلوماسية عشان محدش بيجاوب ع السؤال ده ابدا وانا اتعقدت )))
انا ردودى كلها صريحه
ايه الطقوس اللي بتعمليها في اول ايام عيد الاضحي المبارك ؟
حلوة طقوس دى ههههههه
بس ليه عيد الاضحى مش ينفع عيد الفطر
عامة فى عيد الاضحى بصحى واصلى واحضر الفطار لما بابا واخويا وامى يرجعوا من الصلاه بنفطر سوا واقاربنا بيحجوا يعيدوا علينا بعدها وفى وقت الغدا فى الغالب بعمل أرز معمر ولحمة وصينية بطاطس فى الفرن الفتة دى اوقات مش دايما
((( ياريت الكلام يبقا بتركيز اكتر علي اللحمة و الفتة و الشوربة )))
اشرف السيد.....لو هوا عضو و انتي مديرة الموقع .... ايه المكان المناسب اللي تقترحيه له يكون فيه؟
قسم الرحلات ههههههههه
لا طبعا
ممكن اعينه فى قسم الشكاوى والاقتراحات ههههههه
بس طبعا لو مش رد بسرعه على الاعضاء هوقفه فووراااااا
كام ساعة بتقعدي علي النت تقريبا يوميا ؟
هى ساعات غير متواصله بس لو هجمعها تقريبا من 3 - 4 ساعات
هل عطلك عن حاجة؟
يعنى اوقات طبعا ممكن يخلينى أأجل عمل شىء فى وقته
وأعمله فى وقت تانى بس طبعا الشىء ده تأجيله لا يمثل ضرر
زى مثلا تحضير الدروس لانى كدا كدا بحضرها

قبل المنتديات ....هل كان في تعلق بالنت؟

لا مكنتش متعلقه والسبب أن استخدامى للنت فى معظم الاوقات للمنتديات التعليمية

سعدت بأسئلتك يا مستر
اعزك الله واكرمك
فى أمان الله
سؤالى لك يا مستر
موقف مر بك واسأت التصرف ولم تنساه الى الان ؟؟؟

[شريف]

موقف مر بك واسأت التصرف ولم تنساه الى الان ؟؟؟

و الله يا ميس رانيا
اساءة التصرف ممكن تكون حصلت كتير شوية
و المواقف كتيرة
و السبب
اني مجنون
أقصد يعني عصبي بجنون
و لكني في نفس الوقت متسامح جدا
و بجنون ايضا
و اعتقد ان الذي يعبر سريعا عما بداخله
أفضل بكثير
من الخبيث الذي يكتم بداخله
ثم ينتقم
علي نار هادية
ربنا يكفينا شرهم
بس بحاول دلوقتي اسيطر علي العصبية دي

[MohammeD el_SadaT]

السلام عليكم ورحم الله وبركاته

ميس رنيا مرتاحه ؟ حاسه إنها بتعمل اللى عليها فى حق نفسها ؟ ولا مقصره ؟
لما حضرتك بتجى تنامى بيتقلب قدامك شريط اليوم ولا بتنامى على طول ؟
المنتدى مستحوذ على أد إيه من تفكير مس رنيا ؟
لسه عندك حماس بدايه نشأه المندى ؟ ولا قل ؟ ولو قل قل بنسب كام ؟
لو أعطوكى 10 أوسمه لـ10 أشخص فقط وطلبو منك تكرميهم وتبدى سبب التكريم هيكونو مين وإيه الأسباب ؟
أكيد فى فتره تواجدك فى النت قابلتى ناس وعرفتى ناس كتير ناس سقطت من نظرك وناس عليت فى نظرك وناس ظلمتيها وإكتشفتى ظلمك ليها بعد فوات الآوان وناس ظلمتك
ياريت تدينى موقف لكل حاله سقوط ؟إرتفاع؟ ظلم ؟مظلومه ؟
لو تم تعينك مديره مسؤله عن المنتدى بالكامل هتكون إيه خطتك للإصلاح ؟
مين الأعضاءاللى لما بيغيبو عن المنتدى بتحسى إن المنتدى ناقص حاجه ؟
مين العضو اللى رحل ورحيله فرق مع المنتدى ؟ ومن اللى حضر وحضوه فرق مع المنتدى ؟
مين من الأعضاء اللى كانو معانا فى الثانويه حاسه إنهم يستحق عناء دعوتهم لصفوفنا؟
حسه بالراحه فى بوابه التعليم المصرى أكتر ولا بوابه الثانويه العامه ؟
لو صحيتى فى يوم لقيتى المنتدى مغلق للأبد هيكون إيه رد فعلك ؟
إمته مس رنيا حست بالقهر ؟ وإمته حست بالضعف ؟

كفايه كده عشان يبقى ليا ش أسأل تانى
ههههههههههههههههه

تصدقى كنت هنسى أقول لحضرتك منوره الكرسى