انا وانت ... وصفات البشر ... تخيل!!!!!!!!!!!!!

[دعاء شديد]

تخيل انك صاحب معرض لـــ
"الصفات البشرية"

وانت بتختار ديكور معرضك ... قررت
انك تضع كل صفة ونقيضها على رف واحد

وبعد افتتاح المعرض ... طبعا كان لازم تعين حراسة للمعرض
اصل دلوقتى "صفات البشر" بتتسرق
اه والله ... تقابل حد يعجبه صفه فيك
يقلدك علطول ... وكانها صفه اصيله فيه
لدرجة ان الناس بقت مسخ من بعضها
يلا هنقول ايه

المهم
كلمك حارس المعرض المجاور فى يوم ... وقالك
فى صوت داخل المعرض
ونزلت بسرعه ... وكانت المفاجأة

"الصفات البشرية" بتتكلم مع بعضها
بتنتقضنا ... مش عاجبها تصرفاتنا
ومعترضه على حاجات كتير

وطبعا انت فضلت تسمع
كل صفة ونقيضها بيقولوا ايه علينا

تخيل ممكن يكون الحوار ازاى؟؟؟؟

اختار اى صفة وعكسها ... وقولنا سمعتهم بيقولوا ايه علينا؟؟؟؟؟؟

طيب وانت شايف ايه ... الصفات على حق ... ولا احنا الي على حق؟؟؟

ملحوظة
المشاركه هنا مش مرة واحده
والمشاركة هنا ممكن تتكرر ... حسب وجهة نظر كل واحد

ها هتقولنا سمعت ايه!!!!!!!!!!!!!

[دعاء شديد]

انا عن نفسى سمعت حوار

بين "الملل ... و ... التغيير"

واستغربت جدا
الصفات دى شايفانا كده ليه
احنا فعلا كده؟

الملل : انا مظلوم وفى حالى
كل واحد يصمم يعمل كل يوم نفس الحاجات
ويقول الملل ده حاجة بشعة

التغيير: عندك حق ... تصور
يفهموا معنى التغيير غلط ... وكل شوية بحال
ويقولوا التغيير ده عدم استقرار

الملل : انا مش بعترض انى موجود فى حياتهم
بس هم السبب ... هم الي بيسيبونى
فبستقر وارتاح ... بس هم بيتعبوا
طيب وانا مالى!!!!!
بس تخيل هههههههههههههه
انا كمان بحس بالملل

التغيير: يا بختك انا بقى غيرك
كل يوم يودونى ويجيبونى ... ويعدوا يغيروا
لحد ما انا تعبت ... وهم كمان تعبوا
وعلى رايك تخيل ... انا تعبت من التغيير
هههههههههههههههه

واضح ان البشر وصفاتهم زى بعض
مش عارفين يرتاحوا

الملل : لأ متقولش كده ... اكيد فى حل
الدنيا زى مافيها ملل فيها تغيير
المهم الاعتدال

التغيير: انت تقصد ايه
وضح لو سمحت

الملل : اقولك يا ممل

يعنى لا التغيير يكون بسرعة ومستمر بدون داعى
ولا الملل يستمر ببطئ واستسلام

التغيير: عندك حق
العيب مش فينا احنا الصفات
العيب فى البشر التى لا تحسن استخدام بالصفات

:friendsxs3:
يااااااااااه الصفات شايفانا كده
بس فعلا انا اؤيدهم كل التأييد

[wala]

[i]
بمناسبة ان اليوم كلوا النهارده غريب
خلاص كملت يا دودو بموضوعك المطرق

بس مفيش مشكلة

احنا دلوقتى فى وضع لا نحسد عليه
او زى ما بيقولوا ازمة جامدة

لان كلنا اساسا جوانا الصفة ونقيضها
من غير معارض ولا اى حاجة

بس الفكرة كلها امتى بتطلع صفة معينة وامتى بيطلع نقيضها
حسب كل موقف الانسان بيتحط فيه وهيتصرف ازاى
حتى الصفات الجيدة والسيئة موجودة جو انا ( جو كل شخص )
وهو ده الصراع الازلى بين الخير والشر


بس انتى بتقولى فى صفات بتتسرق
مفيش صفات بتتسرق ولا حاجة زى ما قولتك كلينا جوانا كل الصفات
بس يمكن اللى بيحسسنا ان الصفات بتتسرق ان الاساليب بتتغير
بمعنى انك ممكن تكتسب طريقة مختلفة من خلال تعاملتك مع الناس
وتعملهم بالطريقة الجديدة ده
وفى نفس الوقت تكون الطريقة الجديدة ده
مش بتعتك انت اكتسابتها من حد وكده يعنى



بصى عشان مطولش عليكى
ادخل فى الموضوع

دلوقتى بقى
جاه ميعاد الاجابة على السؤال

احب قوى احط صفة السلبية والايجابية جنب بعض فى المعرض وعلى نفس الرف
وهقول بطريقتك كل حد فيهم بيقول ايه

السلبية :
الايجابية:

السلبية : يعنى عايزة ايه منى لازم ابقى مشاغبة عشان اعجب

الايجابية : التصرف الفعال فى اى موقف ورد الفعل ده لازم يكون موجود لكل فعل رد الفعل

السلبية : يا سلام عايزنى يبقى ليه رد فعل عشان اتازى عايزة تعمليلى مشاكل يا ايجابية

الايجابية : الفاعلية مشاكل ؛ اخذ الحقوق مشاكل ده حتى اخذ الحق حرفة

السلبية : بس انا مكسل النهارده ؛ خلينى يوم تانى اتفاعل

الايجابية : النشاط ثم النشاط ( لا تؤجل عمل اليوم الى الغد)

السلبية : بس انا خايف ابقى ايجابى الناس تزعل منى واخسر كتير

الايجابية : طب خليكى سلبىة؛ الناس كده مش هتزعل وهتكسبى ايه

[نعمه محمود]

موضوع هايل
بس اسمحى لى ارد بكرة لانى ميته من النعاس

[ميس صافيا]

اموت واعرف بتجيبى الافكار دى منين
فكره مطرقعه -على راى مستر شريف _
احييكى بجد عليها يا دكتور
بس تسجيل للمتابعه لحد ما اشوفلى صفتين مش عاجبهم البشر واشوفهم بيقولوا ايه علينا

[دعاء شديد]

المفاجأة بجد لما سمعت
الحب و الكراهية بيتكلموا

الحب تصورى انا الحب ومع ذلك
غيرونى وبعد مكنت اروع ما فى الوجود
للاسف بقت الناس بتخاف منى

الكراهية واتصور ليه مهو حالى من حالك
رغم ان الناس فاكرين انى صفة وحشة
انما الحق لأ هم الي خلونى صفة وحشة

الحب ازاى ... فهمينى دى؟

الكراهية افهمك
صحيح انا كراهية ... بس ممكن اكون
فى حاجات مفيده ... يعنى
كره الشر او كره الكدب ... من الاخر
كره اى شيء ضار

الحب اااااااااااااه فهمتك
طيب مهو حالى من حالك
انا الحب خلونى حب الشر وحب السلطه
يعنى بقينا زى بعض


الكراهية لا بس لسه فى ناس بتحب
وتعرف يعنى ايه حب

الحب وعلشان كده بياخدونى وسيلة يضحكوا
بيها على بعض ويتسلوا بيا وفى الاخر
مسمعش غير شتمتى ولعنتى
رغم ان هم الي استخدمونى غلط
دنا الحب

الكراهية ومين سمعك وبعد كده يدوروا عليا انا
ويبقى بعد الحب ... كره
وبرده يشتمونى ويلعنونى ويقولوا عليا وحش
مش انتوا السبب ... مش انتوا الي بتسعوا ورايا

الحب يعنى بدل ميستخدمونا احنا الاتنين
صح ... بيستخدمونا غلط ... والنتيجة
تشويه معانينا
"حبوا كل شيء حلو"

الكراهية "اكرهوا كل شيء وحش"

تصوروا يعنى حتى الكراهية ممكن تبقى "فى شيء كويس"
انما
احنا شوهنا حتى معنى الحب

:bosyht9:
يا ترى باقى الصفات هتقول ايه