|
|
احمد رضا على كرسي الاعتراف (واسرار نار)
السلام عليكم
هذه المرة مع عضو مشهور بموقع تعليمي آخر بل ومشرف اداري
احمد رضا
او
برومثيوس
او SiSyph
ازيك يا ابو رضا
وللعلم الحوار هيفضل انا فقط المحاور لحد ما الضيف يطلب من الجميع الاسئلة
احمد هو انت بتدخل الانترنت ليه
وانت منين وفي اي مرحلة تعليمية
هكمل بعد الرد
خطوات نحو العلم
---------------
الله المستعان
أشرف باشا
إزيك
كله تمام الحمدلله
بسم الله
احمد هو انت بتدخل الانترنت ليه
* كنت الأول بدخل من أجل التسلية فقط لا غير .. أعرف ناس .. اتكلم معاهم .. بعد كدا لقيت إن الموضوع مضيعة للوقت .. غير إني بقيت عرضة لمشاكل كتيرة .. فلقيت هدفي اتطور إنه يبقي إستفادة .. وكانت أول استفادة هي الإلتحاق بالمنتديات والتفاعل وكدا .. نمت عندي حاجات كويسة الحمدلله
وانت منين وفي اي مرحلة تعليمية
من البحيرة .. في مرحلة التعليم الجامعي
وبدرس بكلية الآداب / قسم لغة إنجليزية / شعبة ترجمة
تحت أمرك
تمام
ما معني اسمك برومثيوس
ولماذ مشاركاتك قليلة هنا
وما رايك في موقع التعليم بعد حفل الافتتاح منذ اقل من 4 شهور
وهل ترى انك عضو مميز ( مكسب لاي منتدى )
خطوات نحو العلم
---------------
الله المستعان
ما معني اسمك برومثيوس
* برومثيوس ده أحد أبطال المثولوجيا الإغريقية .. وكان زي ما انت عارف نظام الأساطير ده بينقسم لشخصيات أسطورية وآلهه ( أنظمة حكم ) وما إلي ذلك .. الشخص ده كان سرق سر ( النار ) من إله ( النار ) اللي بيرمز للـ ( لتحكم والديكتاتورية ) وأداه للبشر عشان يقدروا يتحكموا في حياتهم .. وده أغضب ( زيوس - كبير الآلهه ) جداً .. وكان عقابه هو إنه يتربط بين جبلين ويتسلط عليه طائر عملاق اسمه ( الرخ ) ياكل كبده اللي بيجدده زيوس كل مساء .. وبكدا كانت نتيجة شخص بيحب يساعد البشر والأهم من إنه بيساعد البشر فهو لا يوالي ( الحكومة - الآلهه )
ولماذ مشاركاتك قليلة هنا
* هو للأسف الفترة اللي فاتت كان فيه دروبات كتيرة .. فكان إنتاجي في كِلا الطرفين قليل مش زي العادى .. ويمكن كمان عشان الواحد بقاله تلت سنين اتعود يكتب عنوان ( مُعين ) في الأدرس بوك .. فلسه الموضوع مش ماشي شوية .. لكن ده لا يُنكر أبداً تميز بوابة التعليم السريع
وما رايك في موقع التعليم بعد حفل الافتتاح منذ اقل من 4 شهور
موقع رائع .. لإنه قام علي تجربة موقع آخر .. فكان مُراعي فيه بعض الحاجات من البداية .. ودايماً المشروعات اللي بتبقي قائمة بعد تجارب مُعينه من قبل بتقل فيها نسبة الاخطاء .. ربنا يوفقكم ومن تميز لتميز
وهل ترى انك عضو مميز ( مكسب لاي منتدى )
هههههههه والله مفتكرش .. لإني شخصية مزاجية وبمر بتقلبات كتيرة جداً .. ومش دايما ببقي بفيد الموقع اللي انا فيه
عشان كدا مفكترش اني مكسب لأي مُنتدي ( دائماً )
التعديل الأخير تم بواسطة برومثيوس ; 07-08-2009 الساعة 01:11 PM
في ناس قالت احمد رضا كويس يكون اداري في موقع التعليم وفي ناس ردتت بكل موضوعية قالوا فين مشاركات احمد اللي تخليه في الاشراف
هل انت مشرف اداري ناجح وهل تربط الاشراف الاداري بالمشاركات والتعامل مع الاعضاء من خلال مواضيعك
---
لماذا رفضت سابقا ان تكون المحاور في كرسي الاعتراف لان قلت لك انك تقدر تخنق على الناس فتقدر تكون محاور يخنق الناس كويس باسئلته
---
ولقد قلت انك ستهتم بالقسم الادبي وتعمل مسابقات فيه ومشاركات فين الكلام ده
---
هل ترئ ان القسم الادبي ينقصه الكثير وماذا عن ذلك
-----
هل انت شاعر وتحب الشعر ام هاوي
------
هل ترغب في ان الاعضاء يشاركونا بعد الصلاة الاسئلة
خطوات نحو العلم
---------------
الله المستعان
في ناس قالت احمد رضا كويس يكون اداري في موقع التعليم وفي ناس ردتت بكل موضوعية قالوا فين مشاركات احمد اللي تخليه في الاشراف
هل انت مشرف اداري ناجح وهل تربط الاشراف الاداري بالمشاركات والتعامل مع الاعضاء من خلال مواضيعك
طبعاً الناس اللي ردت بموضوعية هي الصح .. لإن ببساطه لا يُمكن الحُكم علي صلاحية الشخص بأثر رجعى .. انا بقدم 1 يبقي أساوى 1
بقدم 2 بساوى 2
مفيهاش زعل لأي حد دي
وبعدين مكنتش هقدر أأقدم في كلا الجانبين بالشكل المطلوب
لذلك فأنسب حال هو إني ابقي عضو مُشارك هنا فقط
وإن شاء الله هحاول أزود نشاطي الفترة اللي جاية
---
لماذا رفضت سابقا ان تكون المحاور في كرسي الاعتراف لان قلت لك انك تقدر تخنق على الناس فتقدر تكون محاور يخنق الناس كويس باسئلته
هههههههههه يمكن عشان مكنتش هبقي فاضي وكان فيه ظروف كتيرة .. يمكن عشان مكنتش حابب الناس تاخد مني موقف .. يمكن عشان أسباب كتيرة بس كلها عادي يعني ههههههه كنت شايفني مُحاور رخم .. تعجبني وجهه نظرك
---
ولقد قلت انك ستهتم بالقسم الادبي وتعمل مسابقات فيه ومشاركات فين الكلام ده
زي ما قولتلك حصلي ظروف كتيرة الفترة اللي فاتت لو حد كان حكالكم إن جدي كان كفانا الله وكفاكم مريض وفي المُستشفي نظراً لحالة ورم سرطاني وتم استئصال الحنجرة حالياً والموضوع ده من فترة بنتابعه لكن إن شاء الله هحاول الفترة اللي جاية يبقي مساهماتي اكتر من كدا
---
هل ترئ ان القسم الادبي ينقصه الكثير وماذا عن ذلك
طبعاً ينقصه كثير جداً جداً جداً .. انا مستغرب اصلاً إنه كدا .. فيه هنا شخصيات مُحترمة جداً قادرة علي الإنتاج ليه الإنتاج مش بالدرجة كدا .. أنا شايف إنه محتاج تفاعل ومحتاج مسابقات ومحتاج حاجات كتيرة مش متوافر في دماغي حل منهجي مُنظم دلوقتي لكن لا شك في إنه في حالة غير مُرضية
-----
هل انت شاعر وتحب الشعر ام هاوي
هاوى كل اللي انتجته قبل كدا هو ما قبل البداية فقط .. ولسه مستني البداية إن شاء الله
اللي مستهويني أكتر هو فن القصة القصيرة .. ويمكن فيه مفاجأة قريب هبقي أعرضها عليكم إن شاء الله بشأن موضوع القصة
------
هل ترغب في ان الاعضاء يشاركونا بعد الصلاة الاسئلة
نحدد بعد الصلاة إن شاء الله .. لإني مضمنش قد تكون هناك بعض الدسائس من قِبل بعض المُغرضين
هههههههههههه
ايه الكلام الكبير ده .. ربنا يسهل إن شاء الله
شكراً استاذ أشرف
نلتقي بعد الصلاة
مجرد تعليق سريع
معلش انا رخمة شويتين
واذا قبلت الجلوس على كرسى الاعتراف
يبقى ضمناً حق لاى عضو ان يسأل وانت تجيب
وبخصوص الدسائس ... انت تقدر ترد على اى حد
وتخليه يندم انه فكر يسألك اصلا
كان معكم
اكثر الاعضاء رخامة
والاسئلة جايا ورايا
:bosyht9:
يعني نسأل
ولا منسألش
بس فكرة كويسة
الواحد يقعد على الكرسي
وبعد كدا يفكر
ينسأل ولا لأ
لو هتنسأل
تفتكر
ليه
تم وضعك على الكرسي
الاسباب التي جعلت الاستاذ اشرف يختارك للاعتراف
طبعا من وجهة نظرك انت
نورت الكرسي استاذ احمد رضا
المشاركة الأصلية كتبت بواسطة دعاء شديد
ههههههههههههه
الاستاذة الجميلة دعاء شديد
هو الحمدلله ادعي إني هعرف أرد
لكن احنا مش جايين نعمل مشاكل ولا نستفز حد
تخلي عن شغل الميديا اللي بيعتمد علي المشاكل والبروبجاندا
ههههه
منورانا
الاخ الجميل جداً الاستاذ / سيف سالم
طبعاً انا والله شرف ليا إن اعضاء مُحترمين زي حضراتكم تسألوني
ولكن الموضوع لاعتبارات أخري استاذ أشرف عارفها وكنا بنتناقش فيها ع الميل من شوية
هههههه يعني بعض الحاجات الغايبة عن الشخص اللي معاصرش شوية احداث
وطبعاً شرف ليا إن حضرتك تسألني
--
الاسباب التي جعلت الاستاذ اشرف يختارك للاعتراف
طبعا من وجهة نظرك انت
الله أعلم بصراحة .. بس يمكن عشان استاذ أشرف بيعزني شوية للعشرة القديمة ههههههههه هي كانت مليانه مشاكل بس حلوة يعني .. ويمكن عشان عايز يعرف حاجات مكانش عنده فرصه إنه يعرفها قبل كدا .. ده غير إنه بيعمل حركة عشان يخليني أقول كلام ألتزم بيه فأضطر اشتغل أكتر في المنتدي
هههههه
شكراً لسؤالك
ياريت تاني بقي
التعديل الأخير تم بواسطة برومثيوس ; 07-08-2009 الساعة 03:16 PM
معلش مُشاركة مُكررة ياريت حد يحذفها النت عندي بحالة سيئة
التعديل الأخير تم بواسطة برومثيوس ; 07-08-2009 الساعة 03:18 PM
ههههههههههههه
يا مظلومة يانا
والله مبحبش المشاكل ولا ليا فى شغل الميديا
ولا اقصد اصلا المشاكل ... انما المقصود الاسئلة الرخمة
كمان اقصد انك
هتقدر ترد رد دبلوماسى ... دون ان تستفز
مش تعمل مشاكل
مش كده ولا ايه!!!!!!!!!!!!!!!
المشاركة العاشرة
اتعدلت
ايه سبب التعديل
ههههههههههههه
يا مظلومة يانا
والله مبحبش المشاكل ولا ليا فى شغل الميديا
ولا اقصد اصلا المشاكل ... انما المقصود الاسئلة الرخمة
كمان اقصد انك
هتقدر ترد رد دبلوماسى ... دون ان تستفز
مش تعمل مشاكل
مش كده ولا ايه!!!!!!!!!!!!!!!
ههههههههه مظلومة امممممم
مهو المشكلة إن في قفص الإتهام الكل بيقول مظلوم
عمرك شوفتي حد في الأفلام مقالش مظلوم ؟
وفعلاً بيبقوا ناسيين ومتأثرين جداً
:d
بس أحياناً بحب ألعب دور المستفز
بس عشان خاطرك هحاول ألعب دور الدبلوماسي المرادى
تغيير الأدوار بيقولوا بيجدد نشاط المُمثل
كانت مُشاركة مُكررة يااستاذنا
اسف جدا
استاذ احمد
تعرف ان دي اول مرة على كرسي الاعتراف
تكون الاجابات بالسرعة
دي
واذا اخذنا في الاعتبار
ان النت سئ عندك حسب قولك
يبقى السؤال
ليه السرعة الشديدة دي في الاعتراف
هل
لاتك متشوق للاعترافات
ام
ان الشئ الطبيعي التلقائية في الرد وعدم التفكير في رد الفعل للسأل والمشاهد
ام
حتى تكون مختلف عمن سبقك على الكرسي
احمد رضا
السلام عليكم ورحمة الله وبركاته
الف سلامه علي جدك وربنا يشفيه وشفي جميع مرضي المسلمين
،،،،،،،،،،،،،،،،،،،،،،،،،،،،،،،،،،،
بص ياغالي انا هتكلم علي طول وهقول اللي في قلبي
وياريت ماتزعلش مني
ــــــــــــــــــــــــــــــــــــ
تفسر بأيه ان احمد رضا سجل في بوابة التعليم المصري اثناء وجود خلافات مع بوابة الثانويه
ـــــــــــــــــــــــــــ
احمد رضا مع مين بالضبط ؟
ـــــــــــــــــــــــــــــــــــــــ
ليه ديما ردورك في الموضوعات بتكون طوووووووووويله جدااااااا
ــــــــــــــــــــــــــــــــ
احمد رضا متسامح ولا اللي بيظلموا بياكل لحمه
ــــــــــــــــــــــــــ
جاوب علي دول لحد مافكرلك في اسئله جديده
في ناس قالت ان العضو المسمى (مظلوم ) العضو الذي ترك الموقع وزعلان منا ومعاه حق اننا تركنا التوقيع المخالف لفترة ولكن ليس معاه حق في اي يظل خفي وراء الستار
فما رأيك في العضو مظلوم وكيف تفسر بموقفه
لو حضرتك مدير لموقع التعليم المصري لمدة اسبوع اي اللي تقدر تعمله في الموقع
خطوات نحو العلم
---------------
الله المستعان
مهو أنا لو فكرت في السؤال ده مش هبقي تلقائي
يمكن الوقت اللي اتكررت فيه المُشاركة هو النت كان مهنج عندي
فضغطت علي إعتماد مرتين ( اطمن مش لأي غرض بالله )
ههههههه
بالنسبة للسرعة فبحاول أرد بسرعه عشان الأعضاء ميملوش
ويبقي فيه فرصة اكبر اعرف حضراتكم عايزين تعرفوا ايه
بس
يا كريم يا عز لا نريد اي اعترافات بخصوص موقع الثانوية
خطوات نحو العلم
---------------
الله المستعان
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
| RSS RSS 2.0 XML MAP HTML |
رد مع اقتباس
شكراً لهذا
أعجبني هذا
المفضلات