أخوة كتير بيسألوا عن مواعيد التقديم والرسوم والكتب وغيرها اللازمه للتقدم لعمل دبلومه تربوي ... يا ريت لو أي حد من الاخوه عنده أي معلومات عن أي جامعه من الجامعات المصرية يقولها .... وجزاكم الله خيراً
أخوة كتير بيسألوا عن مواعيد التقديم والرسوم والكتب وغيرها اللازمه للتقدم لعمل دبلومه تربوي ... يا ريت لو أي حد من الاخوه عنده أي معلومات عن أي جامعه من الجامعات المصرية يقولها .... وجزاكم الله خيراً
الأوراق المطلوبه لعمل الدبلومه هي :-
1- شهادة التخرج + صورتين مختومه بخاتم الشعار صورة طبق الأصل.
2- شهادة الميلاد +صورتين مختومه بخاتم الشعار صورة طبق الأصل.
3- صورة البطاقة الشخصية ( الرقم القومي )
4- 2 صورة شخصية حديثة 4×6
5- الملف المسحوب من الكلية .
.............. والله الموفق .
يا جماعة انا سجلت فى جامعة الزقازيق بس مش علرفة اى هيكون النظام و الجدول هينزل امتى و الدراسة هتبدا وموضوع الانفلونزا دى ربنا يحمينا
السلام عليكم ياريت لو حد يعرف جدول التربوى لكلية الزقازيق والنظام ايه وانا شعبة انجليزى
هل زى المقابلة كل شعبة لوحدها ولا كلنا مع بعض ؟
السلام عليكم ياريت لو حد يعرف جدول التربوى لكلية الزقازيق والنظام ايه وانا شعبة انجليزى
هل زى المقابلة كل شعبة لوحدها ولا كلنا مع بعض ؟
بالنسبة للمتعاقد فى الازهر دلوقتى لسه جايين يطلبو مننا الدبلومة ومش عارف هى فاتجة ولا لاه ياريت حد يطمنى
فى جامعة جنوب الوادى محافظة قنا بدا التقديم 15/8 وانتهى 30/9
دبلومة عامة فى التربية
سحب ملف 30 جنية
مصاريف 520 جتية الاجمالى 550 جنية مصاريف
الجدول نزل في جامعة الزقازيق
والمحاضرات بدأت من أمس
المحاضرات كل يوم تبدأ من 3 ونهايتها 7 ( على حسب جدولك )
ماعدا يوم السبت المحاضرات تبدأ من الساعة 9 صباحاً
والكتب من الاسبوع الجاى ان شاء الله
لو سمحتم ياجماعه انا كنت عايزة ااسال عن الدبلومه التربوي ف جامعة المنوفيه هل باب التقديم لسه مفتوح ولا ايه
ولو محدش يعرف طب ياريت حد يقولي هما بيكونو شغالين يوم السبت ولا بيكونو اجازة وانا اروح بكرة اسال
وشكرااااااا ليكم ياجماعه
لو سمحتم عايزة جدول محاضرات الدبلومة العامة قنا
هاى انا منة مدرسة بالتعاقد ونويت اعمل دبلومة التربية وبالفعل رحت طنطا وسألت عن موعد التقديم من15/8 وحتى 15/9 وبمصاريف اجمالى حوالى 800 لاجنية وهذا للعلم وانا موجودة للمشاركة او سؤالى بأىشئ وشكرا
ممكن يا جماعة اسأل عن العقود للتعاقد هتتجدد امتى يا ريت حد يرد علية
يا انسه منه انا كمان مدرس متعاقد وناوى اعمل الدبلومه السنه دى فى طنطا بردوا ياريت اعرف من حضرتك الاوراق المطلوبه بالظبط ياترى ممكن نكون اصدقاء ونتواصل مع بعض
السلام عليكم جميعا انا اخذت الدبلومة التربوى لمدة سنة واحدة بكلية التربية جامعة عين شمس العام الماضى بامانة السنة كانت مرهقة جدا على وعلى عملى وبالمناسبة عدد المواد فى دبلومة العام الواحد 16 مادة والامتحان فى نهاية العام لكل المواد اما بالنسبة لدبلومة العامين 16 مادة تتوزع على العاميين اما بالنسبة للمصاريف كانت 1025 اما هذا العام 1100 وكسر اما الاوراق شهادة التخرج وشهادة الميلاد والبطاقة
فى جامعة عين شمس من15/8 حتى15/9
فى جامعة عين شمس من15/8 حتى15/9 المصاريف1140 تقريبا
بص يا عم الشروط :
لو قدمت تفرغ لازم تجيب شهادة ادارية بانك لا تعمل من اثنين من الموظفين +شهادة التخرج + شهادة الجيش او نسخة طبق الاصل+صورة البطاقة
انا قدمت في دمباط العام الماضي وحصلت عليها بفضل الله
الرسوم =400
لكن منصحكش تروح دمياط المعاملة سيئة للغاية
وبالتوفيق انشاء الله
وكل عام وحضرتك بخير
انا قدمت في الفيوم الرسوم 745 جنيه والاوراق شهاده التخرج وشهاده الميلاد واربع صور شخصيه
وربنا يوفقنا جمعيا ان شاء الله
انا قدمت فى جامعه القاهره والرسوم كانت 845 + 40 كشف طبى وعلى فكره ياجماعه انا قدمت الكترونى يعنى عن طريق النت والامتحان بيبقى على دورين دور يناير ودور مايو يعنى مش فى اخر السنه تمتحنو كل المواد ويبقى ضغط عليكم وعلى فكره لو عاوزين تقدمو لسه فى وقت هما مدو فتره التقديم تانى وربنا يوفقنا جميعا
الذين يشاهدون الموضوع الآن: 1 (0 من الأعضاء و 1 زائر)
RSS RSS 2.0 XML MAP HTML |
المفضلات