الضيف الثاني في كرسي الاعتراف ( شمس بياض ) وربنا معاها

[أشرف السيد]

السلام عليكم

اليوم الضيف الثاني بعد مرور اسبوع ساخن من الاسئلة على الضيف الاول الاستاذ وسية

نبدأ مع الضيف الثاني ومع الجندي المجهول مع الاستاذة شمس بياض

بداية سؤال عادي جداااااااااااااا

محتاجين التعريف الكامل بحضرتك

وبعدها ربنا يكون معاكي في اسئلة الجميع

[شمس بياض]

السلام عليكم

اليوم الضيف الثاني بعد مرور اسبوع ساخن من الاسئلة على الضيف الاول الاستاذ وسية

نبدأ مع الضيف الثاني ومع الجندي المجهول مع الاستاذة شمس بياض

بداية سؤال عادي جداااااااااااااا

محتاجين التعريف الكامل بحضرتك

وبعدها ربنا يكون معاكي في اسئلة الجميع

بسم الله الرحمن الرحيم

والصلاة والسلام على اشرف المرسلين

وبعد

استاذ اشرف مصر يحرجنى

ليه بس كده ياخووووى

وعلى طول كده

وبعد مين ؟

بعد احد اعلام اللغه العربيه

فى جمهوريه مصر العربيه

الاستاذ محمد وسيه
سامحك الله
وبعدين
ايه السؤال الغريب دهوت
حد يسأل الشمس انت مين ؟

إنى أنا الشمس التى
من ضوئها تنير الاقمار

ياخووووووى
والله انى عبده من عباد الله
اكرمها الله
بالتعلم
فكانت احدى معلمات
القرى المصريه
الريفيه جداااا
اصولها منياويه
لكن تعيش ايضا فى قريه ريفيه
تجمع فى تضاريسها
الكهوف و

الجبال والهضاب والسهول والرمال
حاجه كده ولا فى الخيال
قريه تجمع بين التقدم الحضارى

والمحافظه على التراث الشعبى

يعنى تلاقى البيت من بره عماره
ومن جوه لامؤاخذه جميع انواع الحيوانات

ترابيزة السفره
وفوقيها عامود البتاو
حاجه كده ملخبطه
لاتبقى عارف تعيش الريف على اصوله
ولا المدنيه على حقيقتها
واهى عيشه واخرتها الموت
وربنا يسترها ونقوم نصلى

[نداء الجنة]

السلام عليكم ورحمة الله وبركاته
مرحبا بك اختاه
اسمحى لى ببعض الاسئله
- امنيتك فى الحياة ؟
- شخصية أثرت فى حياتك وتتذكريها إلى الأن ؟ ولماذا ؟
- أحب الأعمال إليك ؟
- موقف حدث وندمتى على رد فعلك تجاهه ؟
- شخص فقدتيه وتتمنين رؤيته ؟
- هل الزواج عن عاطفة كاف لنجاحه
واستمراره ؟
- ما رأيك فى الأسئلة السابقة ؟
فى امان الله

[شمس بياض]

[quote=نداء الجنة;67675]السلام عليكم ورحمة الله وبركاته
وعليكم السلام ورحمته وبركاته

مرحبا بك اختاه
اهلا وسهلا بك اختاه نورت الصفحه
اسمحى لى ببعض الاسئله
شرف لى حقيقه انتسألينى هو احنا نطول

- امنيتك فى الحياة ؟
حقيقه الانسان طماع فى رحمه الله
واختصر واقول امنيه شخصيه ان يكون ابنائى صالحين مصلحين لانفسهم وغيرهم نافعين على منهاج الرسول صلى الله عليه وسلم سائرين
امنيه عامة ان يعم الامن والسلام قلوب البشر وان يسود التسامح والخير ينتشر
- شخصية أثرت فى حياتك وتتذكريها إلى الأن ؟
كتير من اثر فى حياتى حقيقه
لكن معلمى المرحله الابتدائيه ومنهم (الاستاذ هانى كمال الدين-محمد الهادى-احمد عبد العظيم
ولماذا ؟
لانهم زرعوا فينا قيما كثيره قولا وعملا -الانتماءللوطن -التسامح- المنافسه الشريفه -الاخلاص فى العمل والتفانى فيه - ----الخ
- أحب الأعمال إليك ؟
هى احب الاعمال الى الله
الصلاة على وقتها-بر الوالدين - الجهاد فى سبيل الله (حسن التبعل للزوج يعادل الجهاد فى سبيله )
- موقف حدث وندمتى على رد فعلك تجاهه ؟
هههههه
والله المواقف كتير
ولكن اكتر موقف غير حياتى وندمت على رد فعلى هو
شعورى بالغيره الشديده على زوجى
ورد فعلى كان سيئا حقيقةاستصغرت نفسى فى نظرى
بعدها ندمت وغيرت تفكيرى 180درجه
- شخص فقدتيه وتتمنين رؤيته ؟
هما شخصان
والدى وحماى رحمهما الله

- هل الزواج عن عاطفة كاف لنجاحه
واستمراره ؟
ابدا ليست كافيه لكن عامل مساعد كبير على استمراره
من اختار فعليه تحمل نتيجه اختياره
- ما رأيك فى الأسئلة السابقة ؟
جيده جدا واتمنى ان اكون قد اجبت عنها كما تتوقعين
فى امان الله
نحن وانتم وجميع المسلمين

[dream]

السلام عليكم ورحمة الله وبركاته

منورة كرسى الاعتراف من هنا لغاية الصعيد

الاكلات المفضلة لديك؟

موقف مضحك مرتى به؟

انسان عزيز لديك وغدر بك؟ وكيف؟

ما امنيتك حياتك التى لم تتحقق؟

لماذا لا تشتركى فى دروس الغرف الصوتية؟ وحضرتك قديرة جدا ماشاء الله عليك

بارك الله فيك

وانتظرى المزيد من الاسئلة

[شمس بياض]

[quote=dream;67756]

السلام عليكم ورحمة الله وبركاته
وعليكم السلام ورحمته وبركاته اختى الحبيبة

منورة كرسى الاعتراف من هنا لغاية الصعيد

دا نور حضرتك والله واهلا بالمنصورة وناس المنصورة دايما منصورين

الاكلات المفضلة لديك؟

بصراحة كل نعم ربنا جميله الحمد لله
لكن
اجيد عمل بعض المأكولات والحمد لله

محشى الفلفل وورق العنب والكوسه والباذنجان والكرنب بس بضايق منه عشان وقته كتير

موقف مضحك مرتى به؟
يوه ماتعديش حكم اختك زى مانتى عارفاها تموت فى الضحك ههههههه
لكن هاقولك مقف مر به غيرى وضحكنى موت
لى ابن عم كان فى سلاح المظلات وكان دايما يحكى لنا عما يراه وهو يجيد الحكى
فقال لنا مره كنا واخدين مش صعيدى معتق
ولا برفان فرنساوى اصلى
المهم
جلسنا ناكل انما وبعض زملاء الكتيبه
وكانت هناك فرقه تدريب امريكيه تدرب الكتيبه
فحضر احدضباطها اثناء اكلنا المش
فعزمنا عليه
عجبه مش الصعيد
فأكل
بعد شويه سياره الاسعاف اخدته
ههههههه
جاء قائد الكتيبه المصرى الله يخرب بيوت----
عملتوا ايه هاتودونا فى داهيه
التقرير الطبى
قال انه اكل شئ مخزن اكتر من سنتين
فرد عليه ابن عمى ابدا والله يافندم هو شافنا

منهمكين فى صحن المش
حب يجرب
فحصل اللى حصل
تحب تدوق يافندم
طبعا الضابط مات على نفسه من الضحك وضحكنا
فى اليوم دهوت
واهى ايام

انسان عزيز لديك وغدر بك؟ وكيف؟

انت بتقولى ايش يا احلام لالالالاكده هاتزعلينى

حد يقدر يغدر بالشمس

برغم انها حانيه
وضووءها خافت صباحا وعصرا
الا انها حارقه
حارقه حارقه

ما امنيه حياتك التى لم تتحقق؟
بصراحه كان نفسى قوى اطلع
طبيبه لكن قدر الله وما شاء فعل
كويس ان احنا كملنا تعليم اصلا
ولى زميلاتى طبعا مش من بلدنا
طبيبات
وانا على علاقه بهن طيبه الى الان

لماذا لا تشتركى فى دروس الغرف الصوتية؟ وحضرتك قديرة جدا ماشاء الله عليك
اختى بعض ماعندكم واخجلتم تواضعنا
اعزكم الله اختى الفاضله
والله كان لى شرف ان اتعلم على ايدى كوكبه
من معلمى مصر فى الغرفه الصوتيه وحضرت لمعظمهم حصص كتيره
ورأيت كيف يتعامل كل منهم بحرفنه داخل الحصه
لكن تلاميذ الابتدائى غير متواجدين
ولو اتوجدوا ان شاء الله انا مستعده بعون الله اتواجد كمعلمه
وربك يسترها

بارك الله فيك
وفيكم وفى جميع المسلمين

وانتظرى المزيد من الاسئلة

انا تحت امر حضرتك

[المهندس هشام كمال الدين]

بسم الله الرحمن الرحيم
أهلا ب أستاذه شمس
كيفك يابنت العم
أسمحي لي بشويه أسئله
1-من هو مثلك الاعلي في الحياه

2-ما هي اغلي أمنياتك
3-من هو الشخص الذي أثر في مشوار حياتك
4-ماهو القسم الذي تبدئ بالقراءه فيه داخل المنتدي
5-من هو اول من تبادرين بالرد علي موضوعه
6-من هو حين تجدي له موضوع لا تردي عليه
7-ما رأيك بالكوته النسائيه
8-الشمس تنير القمر ولكن لها وظائف منها هي
وسيله للعقاب وايضا بتسوي البتاو
ماهو رأيك
أكرمك الله وأعزك
وعايزينك تجاوبي بكل شجاعه كما تعودنا منكي
والسلام عليكم ورحمه الله وبركاته

[محمد عبد العظيم وسية]

أخييييييييييييييييييييييرا

هارتاح من الأسئلة الجميلة

وأختنا شمس هتشيل شوية بقا عن كتافنا ..

أهلا أختي الغالية ..

وأنا مش هسألك دلوقتي طبعا لأن الحالة المزاجية مش تمام

واعملي حسابك اني هسألك أسئلة قاتلة وخارقة وفي الصميم ، ولا مهرب منها
وأسئلتي على دفعات كثيرة

يعني ربنا يكون في عونك بقا
لأني عايز أطلع شوية كبت من ان الناس عماله تسألني تسألني .. وجه الأوان عشان أسأل انها بقا شوية .

فاستعدي
وابعدي الواد محمد وسية الصغير عن الفيشة

مش عايزنك حجج يا خوووووووتي

[شمس بياض]

أخييييييييييييييييييييييرا

هارتاح من الأسئلة الجميلة

والله اسعدتنا بردودكم الرائعه استاذى


وأختنا شمس هتشيل شوية بقا عن كتافنا ..

متقولش كده يا خوووووى كدها واكدود

أهلا أختي الغالية ..

اهلا بحضرتك نورت الصفحه


وأنا مش هسألك دلوقتي طبعا لأن الحالة المزاجية مش تمام

نسال الله العظيم رب العرش الكريم ان يفرج كربكم ويزيل همكم ويسعدكم فى الدارين انتم وجميع المسلمين


واعملي حسابك اني هسألك أسئلة قاتلة وخارقة وفي الصميم ، ولا مهرب منها
وأسئلتي على دفعات كثيرة

انا تحت امر حضرتك دا شرف لى حقيقى


يعني ربنا يكون في عونك بقا
وفى عون الجميع ومن معه الله كفاه

لأني عايز أطلع شوية كبت من ان الناس عماله تسألني تسألني .. وجه الأوان عشان أسأل انها بقا شوية .


خفيفه خفيفه اسئله خفيفه
انت عارف مستواى ايدك والارض

فاستعدي
الله المستعان
وابعدي الواد محمد وسية الصغير عن الفيشة
دا رهيب ربنا يهديه

مش عايزنك حجج يا خوووووووتي

حقيقى مافيش حجج لكن حقيقه المؤمن بقول الحقيقه ولا ايه

[شمس بياض]

[quote=المهندس هشام كمال الدين;67757]

بسم الله الرحمن الرحيم
يا راحم الدنيا والاخرة يا كريم
أهلا ب أستاذه شمس
اهلا بك ياخوووى
كيفك يابنت العم
فى فضل من الله ونعمة وجزاكم عنى وعن المسلمين كل خير
أسمحي لي بشويه أسئله
احنا تحت امر الهندسه
1-من هو مثلك الاعلي في الحياه
كثير كثير كثير
من النساء السيده خديجه رضى الله عنها
معطاءه بلا حدود
من الرجال بعد سيدنا محمد صلى الله عليه وسلم
سيدنا الفاروق عمر
شخصيه اهابها يالها من شخصيه

2-ما هي اغلي أمنياتك
حقيقة
ادعو الله عز وجل دائما
ان يميتى وهو راض عنى وان يجعل افضل اعمالى خواتيمها وان يجعل افضل ايامى يوم ان القاه بلااله الا الله محمد رسول الله
ادعو لى اخى الفاضل وللمسلمين بهذه الدعوة امين
3-من هو الشخص الذي أثر في مشوار حياتك
هى والدتى اعزها الله واعطاها الصحه والعافيه
لظروف معينه اصر جدى عم والدى رحمهما الله بخروجى من التعليم فى المرحله الاعداديه
وطبعا مع اصرار والدتى بالرفض وحضور ولاد الحلال اقنعوا والدى بتكمله مشوار التعليم
فها انا بينكم الان
4-ماهو القسم الذي تبدئ بالقراءه فيه داخل المنتدي
القسم الدينى
5-من هو اول من تبادرين بالرد علي موضوعه

• والله جميع الزملاء والزميلات جديرين بالتقدير والاحترام والرد

لكن لا اخفى عليك سرا انى لا اقاوم
الكتابه الادبيه للاستاذ شريف
وشرح اللغه العربيه للاستاذ وسيه
والافكار النيرة للاستاذ وليد
وابداع الرد للاستاذه احلام
وتخيلات دعاء
وذكاء نعمه وحكمه افنان وادب نداء الجنه الجم وكورة استاذ اسامه واسئله استاذ اشرف وكتير كتير ياخوى
6-من هو حين تجدي له موضوع لا تردي عليه
على فكرة انا انظر لاهميه الموضوع ومدى تاثرى به و حتى لو كان من يكتبه
تلميذ فى اولى ابتدائى
7-ما رأيك بالكوته النسائيه
دى اكيد اكيد بنت عم الكوسه المصريه
الستات ودورهن السياسى هام جدا
حين تعرف من تمثلنا واجبتنا قبل حقوقنا
نفسى من تمثلنا تكون على قدر كبير من علم فوزيه عبد الستار تتمسك بتعاليم الدين اولا وتفعل ما يملى عليها ضميرها ثانيا
ربك يسترها

8-الشمس تنير القمر
فعلا دى حقيقه ولو جهلها كثيييييير من الرجال

ولكن لها وظائف منها هي
وسيله للعقاب
دا اكيييييد جداااا
ربنا يكفيكم شر عقاب الشمس
حارقه حارقه حارقه
وحرقه القلوب
ما بعدها حرقه


وايضا بتسوي البتاو
تسويه على الجنبين امال
ماهو رأيك
هو انت تقول حاجه غلط يا بشمهندز

أكرمك الله وأعزك
وانتم والمسلمين
وعايزينك تجاوبي بكل شجاعه كما تعودنا منكي
اتمنى اكون قد اجبت كما تمنيت

والسلام عليكم ورحمه الله وبركاته

وعليكم السلام ورحمه الله وبركاته

[Mr Gomaa Ashour]

بسم الله الرحمن الرحيم

الأستاذ الفاضلة شمس بياض

أهلاً وسهلاً ومرحبا بك

منورة كرسى الإعتراف

[شمس بياض]

بسم الله الرحمن الرحيم

الأستاذ الفاضلة شمس بياض

أهلاً وسهلاً ومرحبا بك

منورة كرسى الإعتراف

اهلا بحضرتك
اخجلتم تواضعنا
اهلا بكل الشراقوة والله دا نور حضرتك

بتفكرنى-من كتر الترحيب- حقيقى باللى محكوم عليه بالاعدام
عندما يسالوه

نفسك فى شئ قبل ماتموت ؟؟؟؟

[نعمه محمود]

اختى وحبيبتى نوارة المنتدى كله

طبعا مقدرش اخنقك ياقمر
هو سؤال واحد بس

هل ليكى عضويه باسم اخر على المنتدى هنا

والله مش عاوزة اخنقك
مجرد فضول انثوى

[شمس بياض]

[quote=نعمه محمود;67975]

اختى وحبيبتى نوارة المنتدى كله

دا نور حضرتك يا غالية

طبعا مقدرش اخنقك ياقمر
هو سؤال واحد بس
انا تحت امر السعادة والسياده

هل ليكى عضويه باسم اخر على المنتدى هنا

حضرتكم الحكومه والحكومه اكيد اكيد لا يغيب عنها حتى دبه النمله

واكيد اكيد تعرفى اذا كانت لى عضويه اخرى
ام لا
والله مش عاوزة اخنقك
مجرد فضول انثوى


وانا اثق فى ذكاءك الخارق

اكيد اكيد سيتغلب
على فضول حضرتك

ويصل للحقيقه
مش انتو الحكومه ؟

عااااااااااااااااااادى
جداااااااااااااااا

[حسين عمر]

الله يخليكم وانا حابب اشكر الجميع على الاسئله دى وتكونوا انشاء الله من تميز الى تمييز واحب اعرف فى حصة عام نفس متى قبل الامتحان

[ميس صافيا]

اهلا اختى الغاليه شمس
انا لى سؤال واحد
هو حضرتك من اللى حضروا افتتاح البوابه فى مستشفى 57؟

[شمس بياض]

اهلا اختى الغاليه شمس
انا لى سؤال واحد
هو حضرتك من اللى حضروا افتتاح البوابه فى مستشفى 57؟

اهلا بحضرتك استاذة الرياضيات

انا تحت امرك فى اى سؤال

حقيقه لم اتحصل على هذا الشرف العظيم ولم يسعفنى حظى


فى ان التقى بخيرة من رجالات مصر
وشبابها
ومعلمبها ومعلماتها

حقيقى لظروف خارجه عن ارادتى لم احضر لكن صدقينى بقلبى وبدعواتى حضرت معهم
وفقهم واياكم والمسلمين لكل خير ونفع الغير

[أشرف السيد]

السلام عليكي

انا لم اسئل لسا

احكي لنا شويا عن الصورة دي

[اسامه القزاز]

سؤال واحد فقط للأخت الفاضلة شمس واعتقد انه سهل جداً :
هل تسطيعين التوفيق بين مطالب البيت ( زوج - اولاد ) ومطالب العمل ( الوظيفة ) و تواجدك ببوابة التعليم المصرى ؟ وفى أى مكان تجدى نفسك أكثر ؟؟؟

[شمس بياض]

[quote=اسامه القزاز;68572]سؤال واحد فقط للأخت الفاضلة شمس واعتقد انه سهل جداً :
هل تسطيعين التوفيق بين مطالب البيت ( زوج - اولاد ) ومطالب العمل ( الوظيفة ) و تواجدك ببوابة التعليم المصرى ؟ وفى أى مكان تجدى نفسك أكثر ؟؟؟[/quote]

حقيقى استاذ اسامه
السؤال دهوت

صعب ===صعب -===صعب

هههههههه

ربنا هو الموفق واظن بعونه تعالى

موفقه

اجد نفسى
عندما أؤدى واجبى

نحو كل مما ذكرت على حده