|
|
إدخل وقول رأيك الموضوع هام وخطير .
إدخل وقول رأيك الموضوع هام وخطير .
هل توافق على رئيس توافقى ترضى عنه أمريكا ؟
وهل ترى فى ذلك إهانة للشعب المصرى ؟
هل توافق على الرئيس التوافقى الذى تم إختياره فى الغرف المغلقة ؟
* في اتجاه من المؤسسة العسكرية للوقوف خلف مرشح معين , تم طرح اسمه
في الغرف المغلقة و هو اسم غير متوقع .
* هذا المرشح ربما يظهر في الأيام القادمة و يتم تحضيره ليعلن كمرشح توافقي ...
* في كيانات ليها كتل تصويتية بيتم الاتفاق معاها لدعم هذا المرشح...
* هذا المرشح سيتم طرحه كمرشح توافقى .
معلش يا جهاد قبل مرد واقول رايي
واذا الاسم طرح فى الغرفه المغلقه
عرفتيه انتى منين ؟؟؟؟؟؟؟؟؟؟؟؟؟؟؟؟
عرفت من هذا الفيديوالمشاركة الأصلية كتبت بواسطة دعاء شديد
لقاء الشيخ حازم صلاح أبو اسماعيل على قناة العربية 7 2 2012
http://www.youtube.com/watch?feature...&v=NC9cfwVIphQ
الحلول الوسط أبدا عمرها ما تنفع هنا في مصر... مصر تمشي عدل لما تطبق المثل اللي بيقول : (( جزرة و قطمها جحش )) و لا مؤاخذة ... مصر عايزة رااااااااااااااااجل ... التوافقي في نظري معناه : مخنث ... و مصر لن يحييها من مواتها المخنثون !! ... أبدا لم تأت الثورة لنرضي أمريكا أو غيرها ... أعلم أن كل هذه الرؤى مطروحة بالفعل ... و الاحداث خير دليل ... و الأثر يدل على المسير ... و الدخان يدل على النار ... كل هذا التفاف علي ارادة المصريين فعله المجلس العسكري من قبل و وثيقة السلمى لم يجف حبرها بعد ! ما أؤمن به و أفهمه جيدا ... ان هناك صناديق اقتراع ...حولها ندندن ... و لا ينبغي ان نشطح بعيدا عنها ... سبحان الله علي اللف و الدوران و تضييع الوقت ... يعني ايه رئيس توافقي ؟؟؟ ... ايه الرخامة دي ؟؟؟ الموضوع ده بيفكرني بالظبط بواحد غبى راح يشرب جاز لما الميه قطعت ... مع انها شوية و تيجي !
التعديل الأخير تم بواسطة شريف ; 08-02-2012 الساعة 08:59 PM
سلمت يداك يا أستاذ شريف وسدد رب الكون خطاك .
بجد رأى صائب وسليم .
شوف يا جهاد
هقولك رايي
انه مهما حصل اتفاقات وتربيطات
ده هيبقى مع جزء من الشعب وليس كله
يعنى الي هيحكم فى الاخر نتيجه الانتخابات ... الصندوق
يعنى صوتى وصوتك وصوت قرايبنا الي مش متفقين مع حد
اطمنى
انتى تنتمى لشعب واعى بفطرته مهما
طنش وعمل نفسه مش مركز
ده كفايه الشبراويه بس هههههههههههههه
منورانا بنشاطك ورؤيتك الي تحترم
عجبنى جداً هذا الرأى
هل نختار رئيس إسلامي أم رئيس توافقي وهل يوجد تدرج في التمكين؟ د راغب السرجاني
العلامّة في التاريخ الإسلامي
د.راغب السرجانى يقول :
فرصة اقتناص الحكم للاسلام لا تعوض ولا تدرج فيها
والتاريخ شاهد على هذا ، والأحداث تنقلب رأسا على عقب في يوم وليلة ...
إنما التدرج في التشريع وفي تطبيق الأحكام، ولا تدرج في اقتناص الحكم لأهل الإسلام عبر التاريخ....
وهذه الفرصة إذا ذهبت لن تعوض....!!!!
العلامّة في التاريخ الإسلامي
د.راغب السرجانى يقول :
فرصة اقتناص الحكم للاسلام لا تعوض ولا تدرج فيها
والتاريخ شاهد على هذا ، والأحداث تنقلب رأسا على عقب في يوم وليلة ..
.
إنما التدرج في التشريع وفي تطبيق الأحكام، ولا تدرج في اقتناص الحكم لأهل الإسلام عبر التاريخ....
وهذه الفرصة إذا ذهبت لن تعوض....!!!!
http://www.youtube.com/watch?v=h9U_u...ayer_embedded#!
كلامه صح طبعا
بس انا عايز اقول
ان المرحلة دلوقتي
بتتطلب الحكمة في كل شئ
و التدرج حتي في الحكم
لان اهل هذا الزمان هم اهل الكلام و الجدل و السخرية
و الاعتراض علي كل شئ
تعرفي
انا ساعات بشفق علي الاخوان و السلفيين اللي دخلوا المجلس في الوقت الحالي
حكم الناس عليهم من اول لحظة قاسي جدا
و محدش مديهم فرصة
لانهم جاءوا في اشد اوقات الازمات
اللي لو نزل فيها ملاك م السما
برضه لن يجتمع عليه الناس
و هتلاقي ناس مش عاجبها
و ناس بتتريق ع الفيس
و ناس تقولك هوا الملاك حلو اه ... بس عنده جناحات كتير
فالله يكون في عون كل من يتصدر للحكم او يعتلي اي منصب او كرسي
فالعقل بيقول ... شوية بس ... لحد ما الدنيا تهدا
و الناس تعقل و يشوفوا مصلحتهم الحقيقية فين
و يعرفوا ان شرع ربنا أحق أن يتبع
فضلا عن اننا عايزين ننثبت للعالم كله
اننا اكتر ناس نفهم الديمقراطية و حرية الراي و حرية اختيار الشعب
و بنحترم الشوري و راي صناديق الاقتراع
فلندع شعب مصر يختار ما يشاء
و الله حتي لو اختاروا بطة دكر ... هما احرار ... اكيد محدش هيسمح تاني لحاكم ظالم انه يستمر
شكرا علي طرحك الرائع يا ا / جهاد
جزاك الله خيراً يا أستاذ شريف على المشاركة وإبداء وجهة نظرك .
شخصيا مش قلقانه خاااالص استاذه جهاد
من فكره الرئيس التوافقى
لسبب زى ما قالت دعاء بالظبط
موضوع ان الشعب يملى عليهم
ما يخالف طبيعتهم وفطرتهم
اللى بتميل بالفطره للدين
ويسمعوا ويطيعوا
خلاص مبقاش ينفع دلوقتى
الشعب اللى جاب الاسلاميين بأغلبيه فى المجلس
هيجيب رئيسه
مين اللى هيضمن ان الرئيس التوافقى ده
حد هيدعمه لدرجة انه ينجح
ويكتسح المرشحيين الاسلاميين
أنا شخصيا متفائله جدااااااااااا
ان الشعب هو اللى هيختار
والصندوق هو الفيصل وعندى قناعه داخليه
انه هيكون اسلامى اى كان بقى سلفى او اخوانى
وميهمكيش من موضوع كيانات لها كتل تصويتيه
الكتل التصويتيه دى اللى نجحت الكيانات دى
فى مجلس الشعب مش كتلتهم الحزبيه بنفسهم
لاااااااااااااا ده الشعب اللى اختارهم
وهو اللى زود نسبتهم لانه اختار الدين فى شخصهم
متقلقيش الشعب والصندوق هيقلب اى تحالفات
تسلم جهودك الطيبه
ودمتى ومصر واهلها بحفظ الرحمن
التعديل الأخير تم بواسطة حبيبه المصريه ; 08-02-2012 الساعة 09:57 PM
1- هل أصبح من ترضي عنه ماما أمريكا هو الرئيس التوافقي ؟!! هل سيحكم أمريكا ؟ ان كان سيحكمها , فموافقتي أو عدمها علي حد السواء .
أما من يحكم مصر , فليس لأحد غير شعب مصر أن يختاره .
2- إهانة فقط ؟!! هو استمرار لما كان عليه الأمر من قبل وحتي الأن , حتي وان كان بثوب جديد .
فليكف المجلس العسكري عن أخذ المعونة العسكرية ( المذلة لمصر ولشعبها وجيشها )
فلتكف أجهزة الدولة كلها عن مد يد طلب العون من أمريكا ( شحاته بمذلة ) حتي يكون قرارنا بأيدينا نحن وحتي نصدق بأن أمريكا لا تُملي علي المجلس العسكري ولا علي غيره من أجهزة الدولة ما يفعلون وما يقولون !!
3- أي شخص سيرشح نفسه ويكون من غير المتعارف عليهم الأن , سيكون محل شك كبير من معظم الشعب المصري . وبالتأكيد لن أوافق عليه ولا علي أي شخص يمت للعسكر بأي صورة من الصور .
طالما بقي المجلس العسكري في الحكم حتي يتم وضع الدستور الجديد ويتم انتخاب الرئيس , فلا أنتظر منه إلا كل ما يتوافق مع ما يريده هو فقط وحتماً لن يكون في صالح مصر , وإنما في صالحه هو فقط .
ولذلك فأنا سأظل أؤيد كل من هم في التحرير وغير ميدان التحرير لأن هؤلاء في هذه المرحلة هم من يضغطون علي المجلس العسكري وعلي الحكومة الحالية ويمثلون صخور تعيق تنفيذ ما يرنو إليه المجلس العسكري بكل راحة .
شكراً علي هذا الموضوع .
النور نورك يا دعاء ومرورك أسعدنى .
ورأيك مقنع جداً .
جزاكى الله خيراً على سؤالك عن مصدر معلوماتى لأنه
جعلنى بفضل الله أضع الفيديو الخاص بالشيخ حازم إسماعيل
وربنا يحفظ مصر ويرد كيد الكائدين .
التعديل الأخير تم بواسطة جهاد 2000 ; 08-02-2012 الساعة 11:31 PM
تسلمى ياحبيبة مرورك أسعدنى وبجد رأيك مقنع جداً
وأسأل الله العظيم رب العرش العظيم أن تمر الأيام القادمة على خير
وأن يحفظ مصر من كل ما يدبر لها وأن يحفظ أهلها .
قرأت رد حضرتك مرة ثم ذهبت لكى أقرأة مرة أخرى
رأى صائب صاحبه يرأى الأمر من جهات عديدة
ولا أجد رد عليه سوى
سلمت يداك وسدد رب الكون رضاك .
جزاكى الله خيرا
موضوع رائع و ردود رائعه
الغريب فى الامر هو كيف ينتخب الشعب الاخوان من اجل تطبيق الشريعه ثم يقولون انهم سيؤيدون رئيسا توافقيا ! وهل جماعة الاخوان بمفردها قادرة على ترجيح كفة احد المرشحين ! هل هذا نوع من التحايل على رغبات الشعب المصرى ام ان الغرور وصل بهم الى ا يقرروا بالنيابه عن المصريين؟
و من هو الرئيس التوافقى , اساسا كلمة توافقى غير مفهومه هل يكون اسلامى + ليبرالى+علمانى +صوفى+شيعى
ما هو التوجه السياسى للرئيس التوافقى؟
يعنى رئيس يقول بتحريم الربا +وفى نفس الوقت يقول بالحريه المطلقه فى كل شئ+وفى نفس الوقت يقول لا دين فى السياسه
الا يستحق الشعب المصرى ان يقرر من يحكمه؟
جزانا وإياكم يا أستاذ محمد .
المشكلة الحقيقية تكمن فى تخويف الناس من أمريكا والغرب
وما سيفعلونه إذا جاء الرئيس إسلامى وطبعاً هذه حجج واهية
الغرب لن يفعل شيئ ولقد إبتلاهم الله عزوجل بالفقر وشغلهم بأنفسهم
واعتقد أن الرئيس التوافقى والله أعلم سيكون الجنزورى
لأنى ألاحظ أن المجلس العسكرى بيلمع فى الجنزورى وكل يوم يطلع لنا
الجنزورى ويصرح مصر لن تركع لأحد وستعبر الازمة الراهنة بتكاتف أبنائها
وطبعاً لازم ننتخب الجنزورى الهمام الذى وقف أمام أمريكا
والحقيقة أنه هو الرئيس التوافقى الذى سترضى عنه أمريكا لأنها لا ترضى
أن يكون مصر رئيسها إسلامى لعبة سياسية قذرة وبإذن الله جميع
ألاعيبهم القذرة ستفشل لأن الشعب المصرى شعب واعى ومدرك
لحقائق الأمور .
سلمت يداك يا أستاذ محمد وسدد رب الكون خطاك .
الاشعل يرفض الرئيس التوافقي حتى لايكون ولاؤه للمجلس العسكرى
كتبت – سعيدة عامر:
رفض الدكتور عبدالله الاشعل المرشح المحتمل لرئاسة الجمهورية فكرة الرئيس التوافقي مؤكدا انه يعتبر عدوانا على أبسط مبادئ الديمقراطيه التى تقضى بحق المواطن بإرادته ووعيه فى أن يختار المرشح الذى يراه مناسباً ؛ كما أن هذا الترتيب يضيع على مصر حق الاستفاده من شخصيات هى الآقدر على خدمتها و إن لم تكن الآقرب إلى قلب رجال السلطه , وشدد نحن نريد ولاء الرئيس القادم للوطن وليس ولاء لآى نظام ؛ أى الشخصيه التى يتم الاتفاق عليها بين المجلس العسكرى والقوى البرلمانيه الرئيسه ومثل هذا الترتيب
وقال الاشغل : انا ضد أى ترتيب من هذا النوع ونؤكد على حق المواطن فى الاختي
http://elkhamis.com/News-55612391.html
يعني ايه رئيس توافقي
يعني مرة يبقى ليبرالي ومرة اخواني ومرة سلفي
ولاهم عايزين يحرمونا من حقنا في اختيار الرئيس على اساس اننا لانحسن الاختيار من وجهة نظرهم
ولا اختيار من ترضى عنه امريكا واسرائيل
اذا كان كده لأ وألف لأ
ان شاء الله سنتختار من يخدم مصر والشعب
أدعو الله أن يولي من يصلح وأن يصلح من يولى
السلام عليكم
تسلمى عزيزتى جهاد على الموضوع رائع جدا
اتفق مع زملائى فى الرأى والشعب المصرى دلوقتى خلاص عرف امريكا ناوية على اية او
بمعنى اصح امريكا واسرائيل ما الانثنين واحد ومعتقدش ان الناس هتسمح بكدة وكل
واحد مرشح لازم نعرف اصلة واتجهاتة وسياستة التى يتناولها من زمن كانت اية مش اى
واحد وخلاص ونختار ان شاء الله الشخص الى يقدر يخدم البلد صح ويراعى ضميره فيها
ويتقى الله فى مصر واهلها ويارب احمى مصر ووفقنا الى ما تحبة وترضاة
فعلا أسئلة هامة وخطيرة كشفت لنا الكثير جزاك الله خيرا جهاد
ولعل الردود كشفت عن الكثير من الأفكار والعقول التى نتمنى أن نلمسها فى كل مصرى عربى يحب هذا الوطن
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
| RSS RSS 2.0 XML MAP HTML |
رد مع اقتباس
شكراً لهذا
أعجبني هذا
المفضلات