النهاردة يوم جديد
و برغم ان كل يوم
الصبح بيبقا يوم جديد
إلا إن اليوم ده يوم
مش أي يوم
مش زي أي نهار و يوم
النهاردة يومنا عيد
النهاردة يوم جديد
النهار ده عيد سعيد
مش أي عيد
مش زي أي يوم سعيد
لا ... لا لا ... مش زي أي يوم سعيد
النهاردة برد ؟ لأ
النهاردة تلج ؟ لأ
النهاردة الجو دافى
ماتندهش ... الجو صافي
النهاردة يوم سعيد
صافي بس عشان ده عيد
دافي بس عشان سعيد
دافي ليه ؟ و صافي ليه ؟
عشان ده عيد عبد الحميد
عيد ميلاد سعيد عليك يا دكترة
دايما من قلوبنا ... مش غاويين المنظرة
الراجل ده مش اي حد ...
ده زي شخصيات عظيمة في الكتب
زي افلاطون و ابن سينا
زي قيس و زي شكسبير و عنترة
ناس مش غاوية منظرة
الراجل ده مش أي حد
يا سيدي ع التواضع و البشاشة
يا عيني ع الثقافة بدون حدود
و ع البقلاوة و البوغاشة
يالهوي ع الكرم
راجل ولا الهرم
اكتب عنه ايه ؟
لا الورقة توصف حبي له ولا القلم
مش قولتلكوا يوم جديد
مش زي اي نهار و يوم
النهاردة يومنا عيد
عيد ميلادك يا حبيبنا احلي يوم و احلي عيد
عيد ميلاد د / عبد الحميد
عبد الحميد حافظ
زوج أغلى نعمة
كل سنة و انت أحلى انسان اتعرفنا عليه في الدنيا
و كل سنة و انت بينا و لو ثواني
قليل منك يكفينا ... و هل قليلك يقال له قليل ؟؟؟
هنوا معايا أحلي ناس
المفضلات