الكوسه بالبشامل لكل اللي طلبوها









نحضر الكوسه ونقطعها



تشوح علي خفيف في حته زبده



ترص في صينيه ونحط فوقها شويه بشامل
ثم طبقه من العصاج




ونحط طبقه تانيه من الكوسه

ثم البشامل علي الوش



بعدين نحط خليط القرمشه علي الوش بس مش كتير رشه صعيره فقط



وندخلها الفرن نص ساعه

اسفه الصوره النهائيه اتمسحت
دي صوره من النت نفس الشكل والطبقات





والان مع فقره تكات نوسه

1- تكحت الكوسه من بره بسكينه مشرشره او بالمقوار بتاع البتنجان للمنظر فقط ولكن مش اساسي
وتقطع بميل او حلقات عاديه



2- مقادير البشامل

طريقته ثابته للمكرونه او الكانيلوني او اي صينيه بالبشامل

شوحي 4 معالق كبار دقيق في اربع معالق زبد ولما يصفر الدقيق انزلي بكيلو لبن حليب بارد وحطي مكعب مرقه وملح وفلفل
وقلبي لحد مايبدأ القوام يتخن معاكي
اطفي النار وضيفي نص كوبايه جبنه كاسات بطعم الشيدر او بطعم الرومي

3- في ناس بتحبها طويله كده مافيش مشكله




4- خليط القرمشه هو عباره عن

توم مفروم عليه شويه بقسماط مطحون وكسبره خضرا مقطعه ناعم يرش علي الوش وممكن مع اي نوع جبنه موزاريلا او رومي او شيدر

الخليط ده بيعمل ريحه رهيبه ريحه التوم مع الكسبره الخضرا تجنن

5- في ناس بتحب تحط صلصه طماطم مع الكوسه دي اختياري

6- وتقريبا هم نفس الناس برضه بيحبوا يحطوا نعناع





والي اللقاء في موضوع اخر من مواضيع نوسه الملحوسه