ج2 من موسوعه تزيين الاطباق من ارض الواقع مطبخي ...
حبايبي الحلوين
موضوعنا انهارده عن تزيين الاكل
يلا نبتدي بقي
بما اني مؤمنه جدا ان العين بتاكل قبل الفم
فباحب قوي اتفنن في تزيين الاكل والطباق
علشان تظهر سفرتي بشكل جميل يفتح النفس
طبعا انا مش باحب اجيب صور من النت نتفرج عليها
ونقول الله جميله
وفي النهايه مانقدرش ننفذ اي حاجه منها
لانها في الغالب بتكون محتاجه مهاره عااليه واحيانا ادوات مش متاحه للكل
علشان كده في موضوع انهارده
هاقدملكو افكار تزيين سهله وبسيطه
وطبعا من ارض الواقع اللي هو مطبخي
مش مجرد صور وخلاص
يلا نبتدي بسم الله
اول فكره هاقدمهالكو انهارده هي التزيين عن طريق الماش بوتيتوس او البطاطس البيوريه
طبعا في بلاد الفرنجه بيقدموا البطاطس البيوريه مع كل انوواع المشويات
ومع اطباق كتير قوي بس بيحطوا معلقه كده من البطاطس في جنب الطبق
ففكرت انه ليه منعملهاش علي شكل وردات جميله تزين الطبق وفي نفس الوقت تتاكل
الطريقه
نسلق البطاطس ونهرسها ونضيف عليها
معلقه زبده كبيره ومعلقتين حليب لكل نص كيلو بطاطس
ونقلب كويس وبكده تكون جاهزه
تكات نوسه تكات مدروسه
لضمان نجاح الوصفه
1- لازم نقشر البطاطس ونقطعها حلقات قبل السلق علشان نضمن ان قلبها يكون مستوي كويس قوي لاننا مش عاوزين اي قطع نيه او مش مهروسه كويس
وطبعا نهريها خالص في السلق
2-لازم نحط شويه ملح في ميه السلق علشان الملح يدوب وتشربه والبطاطس يبقي طعمها كويس مش عادمه
3- لازم لازم نهرس البطاطس وهي سخنه علشان تتهرس كويس معانا ومايبقاش فيها اي قطع
4- لازم نهرس البطاطس بالشوكه مش في الخلاط او الكبه لانها في الخلاط او الكبه بتعمل عرق وبتمزلق وبتبقي وحشه قووووووووووووووووي
5- لازم نحط الزبده علي البطاطس وهي سخنه برضه علشان تسيح من حراره البطاطس وتندمج معاها واكيد برضه نفس الشئ مع اللبن
6- نسيب البطاطس تبرد خالص علشان تتقل ومتسيحش معانا واحنا بنشتغل
يلا نبتدي الشغل
 |
رد مع اقتباس
شكراً لهذا
أعجبني هذا
المفضلات