تورته الميل فاي ......في5 دقايق ......واكيد من عند نوووووووووسه
انهادره جايبالكو تورته سهله جدا جدا وجميله جدا جدا
لكل اصدقاء الاسعاف اللي طلبوا حلويات سهله
بيتهيالي مافيش اسهل من كده
هانشتري تورته ميل فاي جاهزه من اي محل خامات الحلواني ودول بقوا منتشرين قوي في كل حته
انا باجيب من ميدان الجامع من محل اسمه درب البرابره بس كل منتجاته رووووووووعه
هاتلاقي عنده كل الحلويات النصف مجهزه كمان باجيب منه كيكه اسفنجيه جاهزه ومستويه وكبيره جدا باعمل منها تورته يا دوب باحشيها كريم شانتي وازوقها وخلاص
وباقطع منها واعمل ترايفل او اي صنف بتقعد عندي كتير في الفريزر
كمان الايس كريم السايب فظييييييييييييييع ولا الدونتس مستويه ومغلفه وانتي تزوقيها براحتك
والاكلير جاهز ومستوي وعجينه البف بستري بالكيلو انا باجيبها واقطعها واحشيهاجبنه وتبقي زي الباتيه الجاهز بالظبط
وكل الكريمات والحشوات والشكولاتتات والقوالب وكل شئ تتخيلوه يخص الحلويات
بجدلازم كل واحده تشوف ايه اقرب محل ليها وتجيب منه هاتستفيد قوي قوي وخصوصا بقي في المناسبات واعياد الميلاد
وخصوصا كمان للفاشلات في الحلويات والعرايس هاتحسي انك استاذه مع الحلويات النصف مجهزه
ولو مافيش جنبك اي محل من دول هاتلاقي في ماي واي
المهمة نرجع للميل فاي هاتجيبي التورته بتبقي عباره عن 3طبقات وبتبقي مغلفه بالشكل ده
نجيب معاها ربع كيلو كريم باستري سايب
مش عارفه في منها في السوبر ماركت ولا لا
نعاير الربع كيلو بيطلع تقريبا كوبايتين
نحط لكل كوبايه كريم باستري كوبايه وربع لبن جهينه او اي ماركه تانيه بس مش لبن سايب
يعني الربع كيلو هاياخد كوبايتين ونص لبن
ونقلب بالمعلقه مش شرط مضرب خاااااااااااااالص
في الاول هاتبقي سايله
وبعد التقليب قوامها هايبقي تقيل بالشكل ده
نحط واحده ميل فاي وعليها نص كميه الكريم باستري
ونوزعها كويس بالتساوي
ونحط طبقه الميل فاي التانيه وفوقها باقي كميه الباستري كريم
ونحط طبقه الميل فاي التالته وعلي الوش نزوق بالشكل اللي نحبه
انا اكتر حاجه باحبها المربي بادهن الوش كله مربي وازين الاطراف بوردات كريم شانتي
لكن وانا باعمل اتفاجات ان مافيش مربي
فعملت كريم شانتي وحطيتها علي الوش بالشكل ده
وعملت خطوط بالشكولاته وعملت فيها تموجات زي كده
وزينتها بالكريز
صدقوني طعمها رهييييييييييييييب وسهله جدا
في عيد ميلاد حنتس ابني عملت اتنين
كل الناس بقت تقولليي انتي عاملاها ازاي طب جايبه الخامات منين
سابوا كل الاكل والتورتات واتهبلوا عليها
مع اني عملتهم في الوقت الضايع وقلت اهو حاجه تدي منظر وخلاص
ومن ساعه ماعرفتها واانا باعملها علي طول لكل قرايبي وعملتها امبارح في عيد الام وجبنا جنبها تورته جاهزه
وكالعاده اتنسفت اول حاجه
ورخيصه جداجدا بتتكلف حوالي 25 جنيه
يلااااااااااااااااااااااااااا اشوفكو الموضوع الجاي وافتكاسه جديده ان شاء الله
 |
رد مع اقتباس
شكراً لهذا
أعجبني هذا
المفضلات