امتحانات السودان 2014 واجابتها النموذجية --- تابع اخبار التعليم في الفيس بوك

آخـــر الـــمـــشـــاركــــات

النتائج 1 إلى 9 من 9

الموضوع: ضحكة المساجين !

  1. #1
    عضو مميز
    تاريخ التسجيل
    Dec 2011
    الدولة
    المنوفية - مصر
    المشاركات
    831
    شكراً و أعجبني للمشاركة
    معدل تقييم المستوى
    1289

    افتراضي ضحكة المساجين !

    فيديو قصيدة صرخة المساجين للأبنودي .


    http://www.fr3oon.net/video/file.php?f=2632
    وهذا كليب القصيدة لعلي الحجار .


    http://www.fr3oon.net/video/file.php?f=2626
    التعديل الأخير تم بواسطة شريف ; 25-12-2011 الساعة 07:49 PM

  2. #2
    عضو مميز
    تاريخ التسجيل
    Dec 2011
    الدولة
    المنوفية - مصر
    المشاركات
    831
    شكراً و أعجبني للمشاركة
    معدل تقييم المستوى
    1289

    افتراضي

    قصيدة " ضحكة المساجين " كاملة :



    تغازل العصافير قضبانها
    زنزانة لأجلك كارهة سجانها
    دوق زينا حلاوة الزنازين
    على بورشها بتمد أطرافك
    سجانك المحتار في أوصافك

    مهما إجتهد ما هيعرف إنت مين
    و الشمس شعلة عند رافضة تغيب
    و فكرها يودي معاك و يجيب
    الشمس تحزن زي أي سجين
    و الليل نديمك صبر عالرحلة
    بتغني و الليل في السواد كُحله!
    وارث غناه معاناه من السابقين
    في العتمة عاتب مصر و داديها
    إنت اللي روحك من زمان فيها
    توأم في لحظة عشق .. مولودين

    طوبى لكل المسجونين باطل
    في زمن بيخدعنا و بيماطل

    يا شموس بتبرق في غرف عتمين
    و خطوة الددبان ورا الشباك
    صوت نعل يقضي الليل هناك .. وياك
    سجانك اللي في حاجة للمحامين!
    الحرب و اللي خاضوها بجسارة
    كانوا مسلمين يا عم و نصارى
    فإزاي نناصر دين و ننكر دين؟
    كل اللي زرعوا ما بينا سور الفرقة
    و بيقسمونا فرقة تكره فرقة

    في النية .. مصر الواحدة تبقى إتنين
    تحية لك .. و أنا كاتبها بخطي
    إدفع تمن حبك لأخوك القبطي
    مع إننا في الأصل قبطيين
    هما اللي ماتوا في ميدان الثورة
    كانت دماهم حمرا ولا سمرا؟

    قول للي جايين يفرزوا الدمين
    الصرخه هادية بس .. هزة الكون
    قال الغشيم للوردة خبي اللون
    إيش يفهم التور في هوا البساتين؟
    الشر في طرف الميدان يسكر

    و الفجر يطلع تحجبه العسكر
    الثورة نور و اللي سرقها خبيث
    يرقص ما بين شهداء و بين محابيس
    و الدم لسه مغرق الميادين
    مابيتوبوش ولا اللي فات علمهم
    ما بيسمعوش في الدنيا إلا كلامهم

    مالهمش في حوار النبات و الطين
    إحنا نقول أيوة يقولوا لأ!
    و في الحقيقة يا عم ليهم حق
    ما إنتم خلقتوا الثورة بالتدوين!
    العمدة يتقل قد ملو كروشه
    بطيخه الأقرع هاج و مد عروشه
    و له غفير صوت زعقته بضميرين
    نطلع من الساقية نقع في طاحون
    فأشهد يا وطني عاللي فينا يخون
    ياللي إنت ماسك دفتر الخاينين

    و مصر عارفة و شايفة و بتصبر
    و لكنها في خطفة زمن تعبر

    و تسترد الإسم و العناوين
    و كل ما الصوت البليد بلد
    لا تبتأس من الظلم و تجلد
    مين ده اللي يطفي شعلة الصادقين
    و اللي يقف في وش ثوارها
    ما هيورث إلا ذلها و عارها

    و اللي هيفضل .. ضحكة المساجين!
    و يا رب! .. جملني بقصر القول
    المخ داير و الفؤاد مقتول
    خايف أئن لأحزن المحازين
    سامعة أنيني و ساكتة ليه يا مصر؟
    الحلم .. فارشين بيه في سوق العصر
    قدام عينين اللي ماليهش عينين

    زنزانة واخده دروس قدام في الصمت
    و عرفتك من قبل ما إنت دخلت
    صمتك على صمت الحجر لايقين
    الحزن طايح في قلوبنا بجد
    ما فضلش غير الشوك في شجر الورد
    غلط الربيع و دخل في أغبى كمين

    ياللي دمعتي .. رجعي الدمعة
    الدنيا شايفة كلها و سامعة
    و اللي سرق هيخبي شيلته فين
    ولدك ضياء الفجر بمقاسه
    وطنا عارف عزوته و ناسه!
    أجيال بترحل و الجداد جايين
    يا وليدي ميل قول لإخوانك
    تاني رجع من خان و أهو خانك

    و السجن مش شبعان شباب صالحين
    أما اللي خانو وطنك و أوطاني
    من الهيبة حاطينه في قفص تاني
    يصحى و ينعس و الجميع واقفين

    و في إنتظار تيأس مع الأيام
    غيرك في قفصه بيضربوا له سلام!
    و إنت الجزم قبل الكفوف جاهزين

    يادي الميزان اللي طلعت لفوق
    بينزلوك بالعافية أو بالذوق
    دول مش بتوع الصدق في الموازين

    و يا مصر هدي و إنتي بتفوتي
    الصوت في صمته أعلى من صوتي
    آدي السجين اللي ما باتش حزين
    لسه اللي حكمونا أهم حاكمين
    بينوب عنهم بس ناس تانيين
    و إنتي أسرى علبة السردين
    بيحلموا يعودوا إلى ما كان

    و قضاه تحررهم فلان و فلان
    و كأن لا ثورة ولا حسنين
    ما هو شباب الثورة بقى مسجون
    ولا عاد قصاد الخونة إلا تخون
    تاه الميدان الحر في الميادين

    نطمس معالم ثورتك يا شباب
    أهو زي صفحة بتتقطع في كتاب
    و الدنيا تهدى و يرجعوا الغايبين
    ولا كانش في ثورة ولا ثوّار
    ولا شعب مصر الغاضب الجبار

    ولا 11 أبصر ايه .. ولا عشرين
    يا عم أقعد بس و أشرب شاي
    الدنيا ماشية و شعبنا .. نساي
    و البركة في الشاشة و في الجرانين
    و إذا هوهو .. قوم إعلن الأحكام
    و كل بق تلجمه بلجام
    و مش هتغلب تطبخ القوانين

    و انت قمر سهران مع الصحبة
    حالمين ببكرة و جنته الغايبة
    و متبتين في الحلم مش صاحيين
    و يا وردة البساتين يا مصرية
    راية بترمي الضل عالمياه
    والنيل نموجها رايات تانيين
    بكراك .. لا حيثيات ولا أهو لصوص
    يا شاب ياللي ليك صباح مخصوص
    بتفرقه بالحتة عالملايين
    و هتفضل العصافير على الشبابيك

    و الفجر يستنى أدان الديك
    وطن و حلم و فجر .. متعانقين!
    في المحكمة و الوقفة وقفة ند
    نفس السؤال .. بالصمت إنت ترد
    و تعود و ترمي الجتة عالبطاطين
    أغراب و أقراب كلها فاهمة
    صمتك في ذاته هو ده التهمة

    في زماننا كل الشرفاء متهمين
    دول من بلدنا ولا من غيرها؟
    قول للي أكلوا خبزها و طيرها
    سامعه الضحية سنة السكين

    بيجردوا الثورة من العشاق
    كما تصبح الشجرة بلا أوراق
    القلب أخضر و العيدان ناشفين
    شهداء و جرحى و الحساب يتقل

    و بهية حالة شعرها بتسأل
    كل العبدا عاللي قتل ياسين
    و أرجع و أقول من تاني للسجان
    زوم و إتنفخ و أنفخ كمان و كمان
    ولا يوم هتغلب ضحكة المساجين!



  3. #3
    عضو ممتاز
    تاريخ التسجيل
    Mar 2009
    الدولة
    Cairo
    المشاركات
    7,033
    شكراً و أعجبني للمشاركة
    معدل تقييم المستوى
    7663

    افتراضي

    جميلة
    تسلم ايدك

  4. #4
    عضو مميز
    تاريخ التسجيل
    Dec 2011
    الدولة
    المنوفية - مصر
    المشاركات
    831
    شكراً و أعجبني للمشاركة
    معدل تقييم المستوى
    1289

    افتراضي

    اقتباس المشاركة الأصلية كتبت بواسطة شريف مشاهدة المشاركة
    جميلة
    تسلم ايدك
    ومرورك الكريم جميل أيضاً .

  5. #5
    عضو جديد
    تاريخ التسجيل
    Jan 2017
    المشاركات
    13
    شكراً و أعجبني للمشاركة
    معدل تقييم المستوى
    277

    افتراضي

    مشكور جدا علي هاي المجهود تمام

  6. #6
    عضو جديد
    تاريخ التسجيل
    Jan 2017
    المشاركات
    13
    شكراً و أعجبني للمشاركة
    معدل تقييم المستوى
    277

    افتراضي

    مشكور جدا علي هاي المجهود والله روعة ابداع

  7. #7
    عضو جديد
    تاريخ التسجيل
    Nov 2018
    المشاركات
    1
    شكراً و أعجبني للمشاركة
    معدل تقييم المستوى
    0

    افتراضي

    بارك الله فيك

  8. #8
    عضو جديد
    تاريخ التسجيل
    Jul 2020
    المشاركات
    1
    شكراً و أعجبني للمشاركة
    معدل تقييم المستوى
    0

    افتراضي

    شكرا جزيلا

  9. #9

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. لو صرخت باعلى صوت هتقول اية؟؟؟؟؟؟؟؟
    بواسطة Real_Prince في المنتدى القسم العام
    مشاركات: 20
    آخر مشاركة: 19-05-2010, 11:43 PM
  2. صرخة لوزير التربية والتعليم
    بواسطة جمال الدين عوض في المنتدى افتتاح الموقع في مستشفى 57357
    مشاركات: 7
    آخر مشاركة: 11-07-2009, 11:18 PM
  3. مفاجأة من العيار الثقيل وثيقة سرية تفضح تواطؤ سلطة رام الله في حرب غزة
    بواسطة محمد بن عباس في المنتدى الاخبار العامة
    مشاركات: 7
    آخر مشاركة: 13-05-2009, 12:41 AM
  4. إصابة مدير السجون المركزية فى معركة بين المساجين
    بواسطة محمد بن عباس في المنتدى الاخبار العامة
    مشاركات: 2
    آخر مشاركة: 13-04-2009, 02:04 AM
  5. أطباء مارسوا التعذيب بسجون أميركية سرية
    بواسطة محمد بن عباس في المنتدى الاخبار العامة
    مشاركات: 0
    آخر مشاركة: 09-04-2009, 09:46 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
RSS RSS 2.0 XML MAP HTML