إن كان حبيبك عسل ــــ اشترى فطيرة من أمو جنيه
مين هنا في المنتدي عنده القدرة
ما يتكلمش في السياسة لمدة يوم واحد
و لا يلمح حتي عن ميدان التحرير ؟؟
هنشوف هنشوف
اللي هيطنشني و مش هيخش يرد في الموضوع ده
يبقا السياسة بتجري في دمه ... و محتاج يتعالج من ادمانها
و هنعالجه يعني هنعالجه
شوية تغيير بقا
طبعا ما يرضيكمش الموضوع نرد عليه يوم
و بعدين يتنسي و يروح ع الصفحة التانية و بعدين العاشرة
لحد ما يترمي رمية الكلاب في اخر صفحة
لو انت موضوع ... ترضي حد يعمل فيك كده ؟؟؟
هتطنشوه ... هروح حاذفه علي طول و لا مين شاف و لا مين دري
انا معنديش ياما ارحميني
نخش ف الموضوع بقا
هيا لعبة هنلعبها بس لذيذة مش وحشة
و هنستفيد منها كتير
و فيها حتة ابداع ... حلوة
الفكرة إن أنا ( أو أي حد )
هجيب ( نُص ) مثل من الامثال الشعبية او حتي حكمة
و حضرتك هتكمله ... بس بعبارة غير متوقعة ...
حتي لو مالهاش معني عندنا
يمكن تكون لها معني عندك انت
يعني انا هجيب جزء من المثل ... مش كله
و اكيد احنا عارفين باقي المثل
بس مش هنكتب باقي المثل المعروف
لأ ... هنجيب من مخنا باقي للمثل ... حاجة كده دمها خفيف
يعني شوية تفكير و نشغل دماغنا
هديكوا مثال :
مثلا :ابن الكُبة طلع القبة ...
ده جزء من المثل
و الناس كلها عارفة ان باقي المثل ده : و ابن اسم الله خده الله
انت بقا هتخلي ( ابن اسم الله خده الله ) دي في مخك
و ماتقولهاش
و تقول حاجة جديدة
يعني مثلا ممكن تقول : ابن الكُبة طلع القبة ... و قصر الريس في كوبري القبة
أو مثلا : اللي ايده في الميه ... مش زي اللي ايده ف ودنه
انا عارف ان انتو شاطرين و فاهمين
بس انا بشرح بس عشان العالم اللي قاعدة في الدكة اللي ورا
اللي عمالين يضربوا ف بعض دول و مش مركزين معانا
و أول مثل هقوله
و هستني واحد شاطر كده يخش يكمله بطريقته
و هنجيبله حاجة حلوة
إن فاتك الميرى ...................
كمل يا ريس
 |
رد مع اقتباس
شكراً لهذا
أعجبني هذا
المشاركة الأصلية كتبت بواسطة دعاء شديد
المفضلات