اول سؤال جالنا انهارده عن الكيكه العاديه
هاقوللكو طريقتين
اول طريقه بالزبده الصفرا ودي بجد تجننننننننننن وريحتها تجيب اخر الشارع
لكن مش دايما عندنا زبده صفرا في التلاجه يبقي لازم يكون في وصفه تانيه بالزيت
علي فكره في ناس بتستغرب الكيكه بالزيت
لكنها بجد جميله جدا وخفيفه واكيد مش هانحط زيت تموين يعني
لازم زيت دره علشان خفيف ومش بيدي اي طعم او لون
1- كيك بالزبده
بصي الطريقه نص- 1-2-3-6 يعني كل حاجه الضعف
النص ضعفه واحد وبعدين اتنين وبعدين تلاته وبعدين التلاته ضعفها 6 تمام علشان متنسيهاش
نص كوب لبن
كوب زبده صفرا لينه خالص بحراره المطبخ
كوبين سكر
3 كوب دقيق
6 بيضات
هاتضربي الزبده مع السكر لحد متبقي عامله زي القشطه وتنزلي بالبيض بيضه بيضه مع الضرب كويس قوي وتحطي الفانييلا وياريت السايله بتبقي احلي بكتيييييييييييير
وبعدين تنزلي بالدقيق بالتبادل مع اللبن يعني معلقه ومعلقه وهكزا للاخر
تصبي الكيك في قوالب متبطنه طبعا عادي
او قالب التوست
2- الكيكه العاديه بالزيت
نص كوب لبن
كوب زيت
كوب سكر
2 كوب دقيق
4بيضات
باكو بيكنج باودر
باكو فانيليا وياريت فانيليا سايله ريحتها تهببببببببببببببببل
هتضربي كله في الخلاط والدقيق في الاخر وبس
المفضلات