السلام عليكم و رحمة الله و بركاته
اخواتى المعلمات تحياتى لكم
طبعا كلنا سمعنا عن المنهج الجديد للروضة و معظمنا اتدرب عليه و اللى ما اتدربش ما يقلقش هيتدرب هيتدرب (دونت ورى).
و اللى اساسه رؤية الطفل المصرى لما يريد ان يتعلمه بمعنى : ان الطفل هو اللى هيخلينا نشغل المنهج حسب ميوله و اتجاهاته مش هات الكراسة و القلم يا ولد و تعالى اكتب وغصب عنك هتتعلم .
طيب بيقول ايه بقا الطفل المصرى فى رؤيته لما يريد ان يتعلمه ؟
بيقول ( من حقى ان ألعب أتعلم و أبتكر) و لا ايييييييييه؟
1- ألعب : لانى مازلت طفلا و اريد ان اعيش هذه المرحلة بعيد عن الهموم و المشاكل يعنى ما تبقاش المعلمة ( بضم الميم) قرفانة من الدنيا باللى فيها و تيجى تطلعهم على
العيااااااال
2- اتعلم : حتى افهم ما يدور من احداث حولى و اكتسب الخبرات و استطيع التواصل مع العالم المحيط من منظورى انا و حسب قدراتى .
3- و ابتكرلأنى رجل الغد و قائد المستقبل.
وأطلب منكم ان تساعدونى و لا تستهزأوا بافكارىالمهم و بيقول الطفل المصرى ايضا هل ستساعدونى ؟ هل ستوفروا البيئة المناسبة لى لتحقيق رؤيتى ؟
هل هذا كثير على خيالى و حلمى ؟ هل هو فوق قدراتكم ؟ و هل هو اكثر مما احتاج ؟
حد يرد يا جماعه بجد لازم كلنا نشارك و نرد على الطفل ده و اول من يبدأ بالرد معلمات الروضة و يا ريت لو اولياء الامور اللى يهمهم الامر يشاركوا ايضا كى نتبادل الافكار و الخبرات و انا مستنية منكم المشاركات و ان شاء الله كلنا نساهم و مازل بحقبتى الكثير من المناقشات
المفضلات