امتحانات السودان 2014 واجابتها النموذجية --- تابع اخبار التعليم في الفيس بوك

آخـــر الـــمـــشـــاركــــات

النتائج 1 إلى 4 من 4

الموضوع: قصيدة كشف حساب لمبارك **** شعر : يوسف الشاذلى

  1. #1
    عضو جديد الصورة الرمزية يوسف الشاذلي
    تاريخ التسجيل
    Apr 2011
    المشاركات
    13
    شكراً و أعجبني للمشاركة
    معدل تقييم المستوى
    487

    افتراضي قصيدة كشف حساب لمبارك **** شعر : يوسف الشاذلى

    كشف حساب 00000شعر: يوسف الشاذلي


    يسعدنى أن أقدم لكم قصيدة كشف حساب باسم الشعب المصرى الى الرئيس السابق حسنى مبارك أتحدث بلسان المصريين عما حدث لمصر على يديه وعلى يد نظامه 0أتمنى أن أكون قد عبرت فيها عنكم ***يوسف الشاذلى



    سيادة رئيسنا ...... زعيمنا المهاب


    ورافع رايتنا في كل الجناب


    في وسط الصحارى ...... وبين البراري


    وفى صحن دارى ........... وفوق الهضاب


    سيادة جنابك............ ومن غير سلام


    تعالى لقعدة وهات المدام


    متنساش عيالك......


    وريثنا الهمام......


    وهات العصابة ......... وقصدى الديابة


    هنقعد شوية لكشف الحساب


    هنفتح دفاتر دا لوكنت فاكر!


    هنمسح عرقنا ..... ونحسب سنينا


    ونطرح ألامنا ونقسم جراحنا


    ونجمع وجعنا هيطلع عذاب


    وأية راح يزعل؟ خلاص الأمور


    مبانت عمايلك وعشنا فى نور


    وباقى عصابتك فى داهية تغور


    يا ريس بقولك دى ليلتك هباب


    بتزعل يا ريس لأن إحنا فوقنا


    وعايزين حقوقنا؟


    لهفها الجمايل وحبة عدايل


    دا غير النسايب قرايب مدامك


    وبعت الغلابة لشلة كلاب........


    تتاجر بقوتنا وأقوات عيالنا


    وعايزينا نسكت ؟


    ونكتم جراحنا ؟


    دا صرخة قلوبنا تهز السحاب


    دا غازنا يا ريس خدوه اليهود


    وضخوه بسرعة وعدى الحدود


    بزمة سعادتك ...... دا يرضى جنابك؟


    بتغنى الصهاينة وناسك وشعبك


    يسفوا التراب؟


    فلوسك يا ريس تفوق الخيال


    تلال فوق جبال


    فلوس الغلابة سرقها علاءك


    وساسنا جمالك


    وشلة عصابتك سقونا الهوان


    وعارف وساكت وشايف وسامع


    وسايب مصيرنا لحبة كلاب





    وجبت لنا (عادلى )وقال أية يعيدلى ...


    أمان البلاد


    أمانك يا ريس فى شعبك وناسك


    وحضن العباد


    بيظلم ويقتل ويعدم ويشنق


    ويكتم بظلمه نفوس الولاد


    مفكر يا ريس بعادلك تعيدلك


    شعور الامان؟


    دا عادلك دا ظلمك!


    (حبيبك) عدو!


    دا لو كان حبيبنا


    مكنش ادا أمره


    بقتل المظاهرة فى جمعة غضاب


    وقال أية (سرورك) يزود سرورك


    (سرورك) يا ريس دا زود همومنا


    فبعنا هدومنا


    وعشنا عرايا عشان الرغيف


    دا كان غول مخيف


    وفارد قانونه


    لنصره عصابتك


    وظلم الضعيف


    قانونك سيادتك


    مهواش قانون


    وجوه السجون


    هتعرف بان الإله القدير


    مسير قانونه وحاكم فى كونه


    وشايف عباده


    هيحكم ما بينا فى يوم الحساب


    ووليت علينا شوية موالى


    و(بطرس) و(والى)


    باعولنا عيانا


    مرضنا ف شقانا


    و(عزمى) و(جرانة)


    سقولنا بصمتك صنوف العذاب


    وطول عمرى أعرف بان المعانى


    معانى الأسامى


    بتنضح وتصبغ


    فى شخص المسمى


    ولكن يا (صفوت)مكنتش شريف



    وشرفك دا عار خربت الديار



    هسيبك وحزبك وربك يحاسبك


    وهو اللى شايف وعارف وسامع


    دعاء الغلابة أكيد مستجاب


    شيطانك ووزك


    وجبت لنا عزك


    فى حكمك يهزك


    بطبلة غرامه


    فى مال الفقير


    فسود وزور


    ومنتاش مدور


    وسبت الحكاية فى ايد العيال


    لخاطر( جمال)!


    وكان (عز) قشة


    بتقطم فى ضهرك


    وصار (عز) نحسك


    بيخنق ف نفسك


    وفرق فى أهلك


    وكان يوم دخوله فى قصرك غراب


    وبعتم بلادنا وضاعت ولادنا


    فى بحر التجارب


    فضلننا نحارب


    صرخنا بصوتنا


    يا ريس يا حارس فى مال الغلابة......


    دا مال الغلابة


    أخدتم فلوسنا


    تزود عروشكم


    وتكبر كروشكم


    لكن مين يحوشكم


    فلوسنا ف أيديكم


    تشوه وشوشكم


    جواز الصبايا


    ومال اليتامى


    وقوت الأرامل


    وحلم الشباب


    وتعليم عيالنا يا ريس عدم


    مناهج عدم


    مدارس عدم


    وغطى الألم وجوه الشباب


    لأنه اتحرم


    فىبكرة بحلمه


    فى فرصة عمل



    لبكره اللى جاى


    تعيدله الحياة


    وشعره اللى شاب


    وتقدر سيادتك تقارن


    بسرعة ما بين الرعاية


    لصحة ولادك وبين الرعاية لصحة


    مواطن فى شعبك


    بسيط


    بيحلم بيوم ينسى فيه الألم


    وينسى المواجع وينسى العذاب


    مواصلات بلدنا يا ريس دمار


    وفيه كام قطار


    بيطلع بشعبك


    وقبل الوصول


    يولع بنار


    بتكوى الغلابة


    مفيش مسئولية


    ودم الضحية


    نسيتها جنابك


    وضاع الحساب


    مشوفتش يا ريس


    فى يوم طفل باكى


    لأنه محلتوش لقمة غداه


    وفرشة غطاه؟


    مشوفتش يا ريس


    فى يوم زوجة تبكى لخاطر ولادها


    وحلم النجاه؟


    مشوفتش يا ريس


    برىء يوم بيشكى فى ظلم المعاقل


    وموت الحياه؟


    مشوفتش يا ريس


    مصير الضحايا


    خطفهم مصيرهم


    بأيد الطغاه؟


    مشوفتش يا ريس


    فى شارع بلدنا


    عجوز مد أيده


    وذلك حناه؟


    مشوفتش يا ريس


    طغاه عصر ظلمك


    بيحكم فى شعبك



    كأنه الإله؟


    مشوفتش يا ريس


    مصير أب حاير فى لقمه عياله


    وبخلك عماه؟


    مشوفتش يا ريس


    سجن الضحايا


    وليل المذله


    بيحنى الجباه؟


    مشوفتش يا ريس


    شوارع بلدنا ملاها الألم


    وغطى الندم


    رصيف الحياه؟


    مشوفتش يا ريس


    ديابتك بتاكل


    حقوقنا وتنهش


    فى شعبك وتسرق شقاه؟


    مشوفتش يا ريس


    ف كام شاب سافر


    يحقق فى حلمه وضاع فى المياه؟


    مشوفتش مشوفتش


    مشوفتش مشوفتش


    مشوفتش يا ريس


    لأنك نسيت


    وعنا أدريت فى حزمه كلاب


    نسيت فيها أهلك وأصلك وفصلك


    ويوم كنت منا


    عايش همومنا


    وعارف وشايف


    وسامع وحاسس


    كأنك يا ريس بتقرا فى كتاب


    تخيل يا ريس


    كأنك مكانا


    وواحد مابينا


    سقاك الهوان


    بطول الزمان


    يكون أيه شعورك؟


    يا ظالم فى شعبك


    وزايد فجورك


    هتدخل فى دورك وتصلى العقاب





    ودورك وجالك


    تلم فى عيالك وترحل بعيد


    وشاعبك وفاقلك


    ولو مرة قابلك


    هياخد بتاره وتار الشهيد


    وسيبنا فى حالنا نربى فى عيالنا


    وتاخد عصابتك


    وتترك لشعبك


    آلامه وآماله


    ويمكن يعيد.....


    بناه من جديد


    ولكن يا ريس


    رجائى الأخير


    ترجع حقوقنا


    وترجع فلوسنا


    نكمل غموسنا


    براحة وأمان


    نرجع أوان


    مكانت بلدنا لأولاد بلدنا


    ونحمى الميدان


    ونشعر بأن الأمان صار حقيقة


    مهواش سراب


    وفوضنا فيك العزيز الحميد


    يزلك بظلمك وتفضل شريد


    تسيب الوجاهة


    وزهو الرياسة


    وتقدر تعيش حياة العبيد


    وعارف سيادتك


    سعادتك.. عظامتك


    جنابك... عظمتك


    بأنك يا ريس


    متسواش فى شعبك


    مكانه الذباب



    مع أجمل المنى 000000


    يوسف الشاذلى
    التعديل الأخير تم بواسطة يوسف الشاذلي ; 10-04-2011 الساعة 02:39 AM

  2. #2
    مراقب عام المنتدى (ثالث) الصورة الرمزية ياسر الدقاق
    تاريخ التسجيل
    Apr 2009
    الدولة
    إيتاي البارود - البحيرة
    المشاركات
    2,475
    شكراً و أعجبني للمشاركة
    معدل تقييم المستوى
    3046

    افتراضي رد: قصيدة كشف حساب لمبارك **** شعر : يوسف الشاذلى

    قصيدة جميلة أستاذ يوسف
    تعبر فعلاص عما يجيش في قلوب المصريين جميعاً
    جزاك الله خيراً
    نتمني أن نري المزيد من إبداعاتك
    نورتنا في بوابة التعليم المصري

  3. #3
    عضو جديد الصورة الرمزية سميرة محمد بركات
    تاريخ التسجيل
    Dec 2010
    المشاركات
    37
    شكراً و أعجبني للمشاركة
    معدل تقييم المستوى
    521

    افتراضي رد: قصيدة كشف حساب لمبارك **** شعر : يوسف الشاذلى

    قصيدة جميلة جدا يا استاذ يوسف

  4. #4
    عضو جديد
    تاريخ التسجيل
    Apr 2011
    المشاركات
    1
    شكراً و أعجبني للمشاركة
    معدل تقييم المستوى
    0

    افتراضي رد: قصيدة كشف حساب لمبارك **** شعر : يوسف الشاذلى

    كلمات رائعة
    تحياتي لهذا القلم المتألق
    سلمت يمينك استاذ يوسف
    في انتظار جديدك

  5. شكراً شكر هذه المشاركة
    أعجبني معجب بهذه المشاركة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. شاهد صور مقر الإقامة الجبرية لمبارك -المليارات تتكلم
    بواسطة محمد بن عباس في المنتدى ثورة شباب مصر يناير 2011
    مشاركات: 2
    آخر مشاركة: 08-04-2011, 11:24 PM
  2. القاهرة اليوم : نصف دخل قناة السويس لمبارك
    بواسطة مدحت صلاح (مصراوى22) في المنتدى ساحة نقاش التعليم الفني
    مشاركات: 0
    آخر مشاركة: 23-03-2011, 06:23 AM
  3. اعجاز طبى فى سورة يوسف
    بواسطة سعد يوسف في المنتدى كنب علوم القرآن
    مشاركات: 0
    آخر مشاركة: 16-04-2009, 03:06 PM
  4. الاستاذ محمد الشاذلي يعرفنا بنفسه
    بواسطة أشرف السيد في المنتدى عضو جديد
    مشاركات: 12
    آخر مشاركة: 13-03-2009, 02:15 PM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
RSS RSS 2.0 XML MAP HTML