اضراب غدا فى جميع مدارس الشرقية

[alsadic]

دعوة عامة للاضراب غدا فى جميع مدارس الشرقية للمطالبة بخطابات التعيين التى طال انتظارها مما يقرب من الشهر الكامل المكمل ولم يحدث اى شىء غير الوعود الزائفة التى كثيرا ما سمعنا منها الكثير والكثير حتى لم نعد نثق باى شخص او قرار حتى ولو كان الوزير الجديد القديم و المحافظ القديم ايضا الجديد فى الانظمة السابقة البائدة الت طالما ما كذبوا علينا واستخفوا بعقولنا
فمعا الى الضغط المتواصل حتى تتحقق الاحلام

[Mr:M.Kamal]

انا راى الشخصى ان البلد دلوقتى مش محتاجه مظاهرات تانى عاوزين بس نسيب الحكومة الجديدة تشوف شغلها طيب ماهو احنا
لينا 30 سنة ظلم واستبداد مش قادرين ناخر مطالبنا شوية
الحرامية سرقوا فلوسنا وخربوا البلد نصبر شوية ولا نقعد نقول هات وهات وهات وبعدين
الاقتصاد والبورصة منهاره محتاجة مننا شوية صير ودعم.............
وبعد كدة ان مطالبنا لم تنفذ ميدان التحرير موجود واحنا الخوف اللى كان عندنا اتكسر خلااااااااااااااااااااااااااااص ...........!!

[مدحت صلاح (مصراوى22)]

[ا/عبدالفتاح شبانه]

يوم الخميس نلتقى

[mr.hisham]

علينا أن نكون إيجابيين الفترة المقبلة وننادى بالهدوء وعدم العودة إلى المظاهرات والإعتصام مؤقتاً حتى نتيح للحكومة الفرصة للعمل

فمن غير المعقول أن نضع الحكومة تحت كل هذا الضغط مطالبين إياهم تحقيق جميع المطالب مرة واحدة

دا رأيى

[اسماعيل]

انا واحد من الناس والله اختبرت وعملت الاي سي دي ال ومجاش اسمي ولا اعرف اية الاسباب في تأخير الاجراءات ولكن فعلا لازم نعطي الحكومة دي فرصة وبعدين القرار بيقول صرف المستحقات من تاريخ صدور القرار يعني كل واحد هياخد حقة وباثر رجعي معلهش لازم نفكر شوية ونصبر شوية وصبرنا ما يقارب 3 سنوات نصبر كمان شهر لان مصر اهم من كل حاجة والله بجد يا اخواني الوضع لو استمر في اضرابات ومطالبات فئوية ممكن البلد تدخل في نفق مظلم وبعد كدا مش هنلاقي رواتب لا للمتثبت ولا اللي بالعقد اتمنا ان نصبر جميعا ونسأل الله ان يوفق الجميع لما فية الخير لهذا الوطن الحبيب

[احمد شوتايم]

المطالب التى ينادى بها المعلمون مشروعه وتسعى لاعاده بناء مصر من الناحيه العلميه والثقافيه ...... لذا يجب ان تنفذ جميع مطالب المعلمين لانها مطال مشروعه وغير معطله .....وانا معكم فى الاعتصام وليكن شعارنا

اعتصام مفتوح ...... مدارس مش هنروح

مجرد ملاحظه !!!

ارى ان المستنفعين من النظام هم الذين هاجموا الثوار وعندما لم ينجحوا فى ذالك اراهم يهاجمون المطالب الفئويه......

رجاء !!!!

مش تلازم تنام جعان علشان تحس بغيرك ..... لمن يفهم

[بسملة الاصيل]

يا جماعة بالله عليكم كفاية مظاهرات ..ده مش وقت اضرابات ولا اعتصامات والبلد فى الحالة دى ...كل مطالبنا مشروعة لكن مش وقتها خالص.. المفروض نتعاون دلوقتى كلنا علشان مصلحة البلد اولا وبعدين نطالب بحققونا..البلد دلوقتى فى حالة غير مستقرة ومش وقت مطالب فئوية ...وانا ادعو الجميع للتوقف تماما عن الاضرابات والاعتصامات ونعطى الفرصة للحكومة اولا .

[ابو هيف]

المطالب التى ينادى بها المعلمون مشروعه وتسعى لاعاده بناء مصر من الناحيه العلميه والثقافيه ...... لذا يجب ان تنفذ جميع مطالب المعلمين لانها مطال مشروعه وغير معطله .....وانا معكم فى الاعتصام وليكن شعارنا

اعتصام مفتوح ...... مدارس مش هنروح

مجرد ملاحظه !!!


ارى ان المستنفعين من النظام هم الذين هاجموا الثوار وعندما لم ينجحوا فى ذالك اراهم يهاجمون المطالب الفئويه......

رجاء !!!!

مش تلازم تنام جعان علشان تحس بغيرك ..... لمن يفهم

كلامك كلة غلط فى غلط
وبعد كدة انت شخص مطالبك فئوية ومبتحبش البلد دى ومش بتحب غير نفسك
وياريت تفهم انت

[احمد شوتايم]

احترم رأيك ياأخ أبوهيف ....... انا فعلا أنانى ومن هنا ورايح هبقى انانى .... اذا كنت لما أطالب بحقى هبقى أنانى ....فأهلا وسهلا بالانانيه.... كفايه اللى اتسرق مننا وعمرنا اللى راح هدر..... واصبحنا من اقل فئات المجتمع حتى أصبحنا مصدر استهزاء من الجميع .... نحن نطالب بكرامتنا التى ضاعت مننا ..... واصبح الفاشلون يحصلون على الامتيازات واحلى الرواتب وخير مثال العاملون بشركات المياه والكهرباء وغير ذالك ..مع احترامى لكل هؤلاء ...... اين نحن من هؤلاء مع اننا كنا زملاء دراسه وكنت أفتخر بتفوقى عليهم فى الدراسه..... أما الان فأصبحت ألوم نفسى على تفوقى ....... وياريتنى كنت فاشل......لن أصبر على أى حكومه وستظل مطالبنا مشروعه ...ولن نصمت حتى يستجاب لمطالبنا....... واحترم أى رأى يخالف رأى...