فضيحه فى امتحان الحاسب الالى للشهادة الاعدادية ترم تانى القاهرة 2009
فى البداية احب ابشر اولياء الامور لان امتحان الحاسب الالى جاء سهل جدا بنسبة 95%
و لكن كالعادة اذا لم يخلو امتحان من الاخطاء و الفلسفة و الاختراع فى الاسألة التى تشل الطلاب
فحتما انت اكيد , اكيد , اكيد مش فى مصر يا معلم
رغم سهولة امتحان الحاسب الالى و الاسألة التى جأت سهلة و مباشرة بنسبة 95%
الا ان جاء سؤال صعب جدا و انا لا اعترض على ان يكون فى الامتحان سؤال صعب
ولكن اعترض لأن السؤال مكتوب خطأ و اكرر السؤال مكتوب خطأ
أخر سؤال فى الامتحان
السؤال يقول
X = 1
FOR M = 0 TO 7 STEP 3
X = X * 2
NEXT
بعد تنفيذ التعليمات السابقه , اذكر
قيمة M هى ( 6 - 9 - 7 )
قيمة X هى ( 4 - 8 - 18 )
بعد انتهاء الامتحان و عندما شاهدت هذا السؤال انا لم استطيع الاجابه عليه
( انا مدرس حاسب لم استطيع الاجابه عليه )
فقولت ابحث عن سؤال مثله فى كتاب الوزرة و أسألة كتاب الوزرة
و بالفعل وجدت سؤاله زيه بالظبط ( السؤال الخامس على الفصل الثالث ) مع اختلاف بسيط جداا
و هذا هو السؤال الموجود فى الكتاب مع الاجابه عليه ( الاجابة باللون الاحمر )
طبعا واضح جدا الشبه بين سؤال الكتاب و السؤال الذى جاء فى الامتحان و لكن
واضح جدا ايضا الاختلاف فى شكل السؤال الذى فى الكتاب عن السؤال الذى فى الامتحان
فى الكتاب قال : واضح قيمة كل متغير ( X , i ) فى كل مرة يتم التغير فيها ( فى كل مرة تكرار )
و الاجابه واضحه فى المثال
اذا قرنا المثالين ببعض
فان اجابه سؤال الامتحان هى ذكر قيمة M اللى ( هى i فى الكتاب ) فى كل مرة تكرار
و هى قبل التكرار = صفر
و بعد التكرار الاول = 3
و بعد التكرار الثانى = 6
و بعد التكرار الثالث = 9
و كذلك قيمة X قبل التكرار = 1
بعد التكرار الاول = 1*2 = 2
بعد التكرار الثانى = 2 * 2 = 4
بعد التكرار الثالث = 4 * 2 = 8
تعالو بئا نشوف السؤال اللى جه فى الامتحان ( سؤال يشل )
اولاً : طلب السؤال ذكر قيمة M , X اللى هى i فى مسألة الكتاب
و لم يحدد ذكر قيمتهم متى ( فى اول مرة تكرار - فى ثانى مرة - فى ثالث مرة - قبل التكرار )
كونه لم يحدد ذكر قيمتهم متى , دى مصيبة سودا
لان هذا معناه ان السؤال خطأ فكيف يمكن الاجابه على سؤال خطأ ( طبعا مينفعش )
و الاصعب ان الاختيارات التى جات كاجابة للسؤال هناك اكثر من اختيار يمكن ان يكون صح
فا M يمكن ان تكون 6 او 9 و فى الحالتين صح
و X يمكن ان تكون 4 او 8 و فى الحالتين صح
و السبب هو انه لم يحدد ذكر قيمتهم متى , كما انه لم يطلب ذكر قيمتهم فى كل الاحوال
انا مندهش و احيانا اقول ربما اكون انا الخطأ او قد فهمت خطأ
فياريت لو حد فاهم حاجة غير اللى انا فهمتها ياريت يقولى انى غلط و ايه الصح
و لكن اذا كان ما فهمته صح فارجو ان يصل الامر الى المسئولين
و يصلحو غلطتهم بأى شكل مثل :
يحسبو الاختيارين الاصح ( صح )
يلغو السؤال من التصحيح و مجموع درجات المادة
و الا لا استطيع ان افعل او اقول غير حسبى الله و نعم الوكيل
بالنسبة للطلاب و اولياء الامور مش عايز حد يزعل , الامتحان جاء سهل و فى مستوى الطالب المتوسط
الا هذا السؤال فقط و بصرف النظر عن اى اخطاء فى السؤال فان هذا السؤل الذى يتكون من نقطتين
كل نقطه عليها نصف درجه فقط و السؤال كله عليه دراجه واحدة
و باقى اسلة الاختيارى على كل سؤال درجه ( 4 درجات )
و اسلة الصح و الخطاء على كل سؤال نصف درجه ( 3 درجات )
و اسالة اكمل على كل سؤال نصف درجه ( 3 درجات )
و فى النهاية اتمنى من الطلاب نسيان مادة الحاسب الان و ان شاء الله درجاتكم فى المادة هتكون ممتازة
و الان نستعد و نفكر فى المادة الجديدة اللى عليكم بكره ربنا معاكم و يوفقكم و يحفظكم
 |
رد مع اقتباس
شكراً لهذا
أعجبني هذا
المشاركة الأصلية كتبت بواسطة halladba
المفضلات